1) 基本操控汽車 (油門、腳掣、軚盤及轉彎等操控)
2) S 型泊位
3) 窄路調頭
4) 斜坡停車及開車
在 SOLO 課後, 由於練習唔理想, 因此信心大減, 好擔心考試會 "唔合格", 而且心情早在星期日開始緊張起來, 越接近考試時間, 便越緊張, 心內好像被有幾斤重的物件壓著, 呼吸也漸趨沉重, 經常 "抖大氣"。 我和 KK 緊張得連午飯也吃不下, 胡里胡塗的不知扒著什麼入口, 好像快要 "行刑" 一樣。
終於考試的時間快到了, 我地要步入 "應考報到室" 等待安排試車及考試, 在考車上等待考官來臨的時間, 簡直像 "幾年" 般的漫長, 極力強忍著心內的緊張, 跟足程序的 "盡情發揮", 也顧不得結果是好是壞, 只知道 "機會" 只有一次, 否則便需要比錢 "重考" 了。
大約 20 分鐘後, 判決終於出來了, 我和 KK 也 "安然" 的步過這一關, 真好彩! 臨走時, 我地禁不住的在校門前拍照留念。
然後我地出左旺角食 "發記甜品" 慶祝, 包括有 "榴槤飄香" (啖啖榴槤肉, 勁 yummy) 及 "焗酥皮榴槤酥"。
好o野!! 我地距離領取 "駕駛執照" 又近一步了, 希望他日正式考取之時, 會有更美味的大餐慶祝便好了。 原來 "食物" 對 "為食豬" 的我頗有 「推動力」的, 嘻嘻!!
** 在此特別鳴謝 "黑俠王子" 仗義相陪及幫助 (練習時的睇位提示), 分擔左我地部份壓力。
6 則留言:
恭喜！恭喜！
不過下次考取車牌慶祝時，姑姐記得Call我食野！不過你哋請，哈！
Henry仔, 我地都好開心可以同你分享這份喜悅, 記得你有什麼也可與我們分享的(食物、玩具..),我地是非常樂意和你一同分享。
好開心我和mac mac考試成功,回想昨天忐忑不安的心情, 真的很難渡過, 幸好可以與你同行, 一同考試;一同分享考試後的成果 (美食), 真的很美味啊!
真開心在此收看 Henry 仔及 KK 的見解。
無錯, 我也很有同感, 好彩沿途有 KK 及黑俠王子的鼓勵, 才可安然步過此關, 回想起來, 也不禁 "一額汗" 啊!
Henry 仔, 叻如姐都知你和我一樣係 "為食豬" 架啦, 因此我會好好的和 KK 努力考取車牌, 載你四圍去 "覓食", 為未來更多更多的考試 "慶祝"! 預左你架啦, 當然你也要和我好好分享你的...........「甜到漏的笑容」呀!
面對住 Henry 仔, 我的心情好矛盾, 既想佢 "快高長大", 亦想佢維持現狀, 不要大得那麼快 (想佢長久保持 "可愛" 的現狀), 你地話 "我係咪好自私呢?"
恭喜big mac和kk順利考取車牌，一定要慶祝，henry你真乖，又明白事理，又錫姑姐，請客這份（光榮）任務，非你爸爸不可。記得我和老頑童，樂意奉陪！
童伴, 先多謝你的支持, 不過我和 KK 仍未順利考取車牌, 千萬別誤會, 此乃是 "中期試" 咋。
至於 Henry 爸爸請客一事, 我也相當同意你的見解, 相信Henry 爸爸o甘好客, o甘大方, 一定唔會 "托手踭" 的。
爸爸請客無問題，不過要你哋比錢；哈！因為爸爸比曬D錢我要來又食又學，所以爸爸D錢即是我D錢，我知你哋唔會捨得要我請既，不過我大個仔懂事時一定請你哋全家食餐勁，好冇？一言為定！
發佈留言