人生觀

你的人生觀係 mug o野呢? 早幾日同 BU 的女同學傾計, 發現大家的人生觀有所不同, 而佢經歷過的 "人生交义點" 我亦於今年年頭思考過。

我地大家也是 "大學文憑" 的畢業生 (唔同學科), 而且年齡相近, 她正猶疑著 "報讀學位" 好嗎? E 個問題我在年頭亦考慮過, 最終得到以下結論：

人生在唔同的階段所追求的係唔同的o野, 所以E D 就係唔同的人生觀啦!

早在廿五歲以前, 即使我未有學位, 工作上只是一名新丁 (未有太大責任), 生活負擔唔太重, 想多作進修, 考取學位, 令事業更上一層。(及後碰上金融風暴, 大學生的薪酬亦未符理想)

廿五歲以後, 事業上半紅不黑 (高不成, 低不就), 生活上擔子重了 (供樓有負擔), 即使文憑畢左業, 亦唔敢報讀學位, 因為一個學位要 "十幾萬", 而且一讀便要幾年, 如果當中要進行結婚生子等大事, 又要中斷課程, 十分不便。 因此倒不如將 E D 錢儲起作投資, 賺取多 D 錢作其他用途。

身邊有朋友已經有 "學位" 的 (公司游說她報讀碩士課程, 以便升職), 她已經結左婚, 而且打算進行生育大計, 因此她亦說寧願將 E 畢 "碩士課程" 的學費用作日後培訓子女的費用仲好。

所以而家的我情願讀一 D 平平地的課程, 另一邊廂努力投資賺錢, 至於完成 "大學畢業" 的美夢.... 唯有留待遲 D 再作打算。 (現階段的目標係 供樓、賺錢、結婚、產子等等)。

有時候, 我覺得進修讀書並不只為了 "有一張砂紙", 我亦唔係單單為了學知識 (我無 o甘高尚的情操), 而係為左 "唔覺空虛、同埋証明我做得到 (自己有上進心)"。人 會因為 身邊環境 而調節自己的人生觀, 你的人生觀係什麼?