恃老賣老

某天放工回家的火車車廂途中, 又見到一幕 "奇景", 話說小妹係從 "尖東" 站上車, 當火車埋站至紅磡時, 我見到：

(當時車廂坐滿人, 而小妹正企著) 車門一開, 一個白頭髮的婆婆, 一個箭步 "步走" 入車廂中, 然後企在 "坐滿4人的排櫈" 前站立, 雙手卻傾斜在 "坐著乘客" 的頭頂上, 扶著旁邊的玻璃。 佢當下o甘硬磞磞 (強硬) 而奇特的動作, 著實令人嚇了一驚, 而被佢 "侵犯的兩名年青男乘客" 亦紅著面, 不好意思的讓坐比佢。

婆婆非但沒有道謝, 還第一時間 "一個屁股" 的坐下來, 雙手卻保護著鄰坐免避旁人坐下來, 然後向車廂中大嗌 (操國語)：「阿XX, 過來坐, 有坐位呢!」, 此話一出, 兩個推大型行李的女士一同走過來, 與婆婆一齊坐下, 三個人 坐著 二人坐位。

現今社會上確實有人不願讓坐, 但如果你明知個案中婆婆的霸道行為, 強迫別人讓坐之餘, 又監粗坐著多個人, 你還會讓坐於佢嗎? 其實讓坐於老人和孕婦, 我係願意的, 但如果對方係 "老馮" 的態度, 又或是你讓坐於佢, 佢卻將坐位轉讓一個你唔認為有需要的人 (我試過讓坐伯伯, 佢卻轉讓坐位給7-8歲的孫, 伯伯依舊站立), 或多或少自己都覺得不太愉快 (不情願見此情況)。

社會上人口老化的趨勢越來越厲害, 如果人人都恃老賣老, 而態度老馮的, o甘我相信好心的後生也會 "省回" 佢地的惻隱, 免看不到做好事的成效之餘, 還感到被人 "揾笨" 似的。 他日我老去之時, 亦要以此為鑑啊!