學習能力

最近越來越發覺 "年齡" 同 "學習能力" 有莫大關係。

小妹出來社會工作之後, 除左開頭的一、兩年, 需要時間來適應工作、適應社會外, 之後也一直有工餘進修。唔知係咪年青的時候, 記性特別好, 所以學習能力特別高? 還是因為人越大、責任越多, 學習的時候, 容易分心, 因而影響學習效果? (比如話：以前做初級職位, 職責好輕, 好多時可準時收工去返學。人大了, 職級同職責都高左, 公事上未做妥當, 休想準時收工趕返學, 遲到好影響學習效果, 而且課堂上還未放低剛才發生的公事)。

所以而家學習的時候, 好多時需要 "將勤補拙", 以彌補不足。小朋友的日常起居全由大人照顧, 因此佢地可以無牽掛的去學習, 趁佢地年青力壯、記性好而又未有大責任的時候, 應該提供多 d 的學習機會比佢, 唔駛佢 "老來" 學得o甘吃力。