夏水禮

雖說 "未食五月糉, 寒衣勿入櫳", 即使而家才是農曆三月, 但天氣已經熱得驚人了, 昨日早上起床, 未出門口, 已經 "香汗淋漓"。(原來昨日最高溫有 32 度呀!)

於是昨日放工後, 以極速的離開公司, 快快的吃過晚餐 (約1840開始晚飯, 好耐無試過 o甘早食晚飯), 然後速速趕返屋苑會所進行 "夏水禮" (當時已經差不多 2005, 而會所泳池的關閉時間是2115)。

由於太耐沒有 "劇烈" 運動, 而且因為太心急下水而欠缺適量的 "熱身運動", 因此當我一掂水的時候, 全身立即涼了一大截, 起晒 "雞皮", 禁不住立即游兩步, 郁幾o下, 以極速的郁動去暖身。最終也因不夠熱身而導致左右腳板 "輪流" 抽筋, 真是 "囉爆" 了。

亦因為累 (唔夠氣), 我游 o下又抖 o下, 大概 2100 便離場了。不過游水過後真是零捨涼快 & 爽, 而且也瞓得零捨 "冧", 一覺睡至天光, 感覺蠻不錯, 真係要 keep 住游 o下水先。