Lady 的假象

小妹尋晚有幸被阿 sir 邀請作舞伴去示範 “新動作” 比同學仔睇 (因為 Miss 教緊另一個學生, 唔得閒), 嘩!!!!! 感覺真係 “飄飄然” 呀! (因為各同學仔的目光落在我們的舞姿上)

學習社交舞初期的動機是因為阿 Be轉了新的工作種類, 有機會應酬客人, 我深怕如有一日他被邀請出席晚會 (帶同我去的話, 會失禮佢)。而且我見到一個習舞Auntie 的姿勢好靚 (行起路時, 腰和肩很直, 頭微微昂高), 很有氣質, 而且很高貴, 我也想憑著習舞, 令自己多添一分氣質。(即使只是 “一分” 也好啊!)

有適量的運動, 可以保持健美, 亦可令關節輕鬆一點, 人的線條都優美一些, 又會結識到好多 “志同道合” 的朋友, 人都會開朗一D。 所以 “男仔頭” 的我, 一於唔執輸, 習習舞, 扮o下 Lady 先。