尋晚同 Ching Yi 家姐、Ching Yi 媽同埋阿 Be 一齊晚飯, 席間傾起上星期日的蛋糕班製成品 – 意大利芝士蛋糕 (Tiramisu)。該堂還有教授意大利杏仁圈 (這是 Bonus ─ 賺左, 因為筆記大網上沒有提及, 但內文卻提供左食譜, 阿 Sir 焗住要教埋啦!!! YEAH!!! 賺到了, 彌補返小妹上一次的 “蝕左” 被騙的遭遇)。小妹的蛋糕有幸同KK、媽媽和阿 Be分享 (因為爸爸唔食芝士, 所以得到我親手唧的 “心型” 杏仁圈一塊)。
經試食後, KK同 媽媽 覺得這個意大利芝士蛋糕 (Tiramisu) 實在太太太太……….. 好味啦! 蛋糕分左6件, 佢o地每人食左2件就知有幾好味啦! 媽媽仲立即話：「掂啦!! 我打本比你開 Café (咖啡店), 賣埋蛋糕ga 喎。」 (當然我知佢係講笑啦, 不過真係好開心, 多謝食家媽媽的食評, 令我信心大增。) 佢地話比起之前的 “美國芝士餅” 來說, Tiramisu 味道濃淡適中, 口感鬆軟, 總之回味無窮啦! 而 “美國芝士餅” 的牛油味太濃太搶, 口感較 Tiramisu 實, 食完之後好口乾。 但阿 Be卻喜歡 “美國芝士餅” 或 “紐約芝士餅” 多一點, 因為佢鍾意芝士味夠重及口感好 creamy 喎。o甘我覺得點?????????? Um………… 好難答, 因為我的答案唔夠客觀, d o野係我整的, 我一定話好味 ga la, 係咪先?
Ching Yi 家姐話佢d朋友試過 Tiramisu 都大讚, 仲話好過 “美國芝士餅” 添。Ching Yi 媽立即說：「你地講得點好味都無用啦, 我都無得食。」阿 Be 搭咀話：「係呀, 我試過, 真係好好味ga。」我地的談論引到桌上的每位朋友也 “口水長留” 呀!!
10 則留言:
點解Ching Yi 家姐唔請埋俾Ching Yi 媽食架？
Ching Yi 媽真係慘冇得食，真係好好食架！
我想同Ching Yi 媽講唔單止個Tiramisu 好食，嗰啲意大利杏仁圈都好好食架，Ching Yi 媽冇得食，真係一個損失啦。
唔知Big Mac 下堂學啲乜呢？又有啲乜好嘢食呢！十分其待啊..........
因為 Ching Yi 家姐上完蛋糕堂, 仲要返學至傍晚, 而 Tiramisu 又是凍餅 (要雪的), 所以佢唯有在課堂之間食左 "它" lor。
其實 Ching Yi 媽又不用擔心, 日後搬左新屋, 添置好 "架撐", Ching Yi 家姐便可以開班授徙 lor (最多我幫忙做助教 - 條件是一件蛋糕, heehee...........為食豬的我 :p )
kk, 下一堂是紐約芝士餅 及 朱古力曲奇呀, 你啱唔啱食呀?
緊係啱食啦，你記得留番俾我食呀！
睇吓你有無時間教我整焗薯吖？因為星期日要宴客囉。
我記得你星期六好似唔得閒，因為我打算星期六試吓整，睇吓你有無時間啦？
唉！KK都覺得我好慘，整日聽到佢哋講好食，但係從未試過，我又是很貪食的‧
喂！下一堂是整餅，沒有藉口要雪，應該有得試‧
芝士餅和朱古力曲奇，我全部啱食，而且我吾怕肥。
唔好唔開心啦, 昨晚 (27/8) 去到醫院探 grandma, 佢立即就問我：「今天和 ching yi 家姐學了什麼蛋糕呀？」我回答佢及比左幾張手機拍攝的蛋糕寫真佢睇。佢睇完之後話：「學煮餸仲好啦, 等阿 Be 可以食多 d, 肥d 嘛!!」
由以上對話可以証明 ─ 為食又豈只你一個呢?? 即使病在床榻的 grandma 問起食o野的話題, 精神都為之一振架 :p
只得蛋糕寫真沒有用，有實際的才好。
Ching Yi Ma, 你要接我放學先有得食!!
唔知下堂會唔會見到 Ching Yi媽 接 Ching Yi家姐 放學呢?
小肥皇子也是每次都去接Ching Yi家姐放學先有得食架 (我做証)!!
如果我好像小肥皇子甚麼家務都不用做，只是照顧女朋友，便可以接ching yi 家姐放學，ching yi 家姐已經忘記了；以前ching yi ma 已接了她放學幾年？
Ching Yi ma 唔駛唔開心啦! 尋晚我已攞左半個課堂製成品比你試下, 比你補返數, 係咪好食呢?
發佈留言