27/8/06 星期日, 我的蛋糕班教授了 “紐約芝士餅” 及 “朱古力曲奇”。 當中發生了一段 「小插曲」。
話說落堂的時候, 一班同學都提住製成品 “歸心似箭” 的與親人分享。當日我拿著一個 4.5吋的“紐約芝士餅” 及 一袋 (四塊) 剛出爐超級熱辣辣的“朱古力曲奇” (正打開袋口散熱中, 否則焗出的水氣會令曲奇變 “林” ) 怎知……..一出大廈門口便發現落大雨, 街上的途人紛紛走進大廈的簷蓬內避雨, 我立即打開背包取出雨傘, 然後冷不防一個男途人突然向後踏一步, 我立即敏捷地躲身避開, 而手上的 “朱古力曲奇” 卻隨萫我輕巧的小跳步 “跳落” 地面上, 而且內裏兩塊小曲奇立即 “奪袋而出”, 我一聲大叫：「哎呀!」 (面上一瞼無辜, 來不及反應, 只是好像 “小丸子” 般 瞇晒眼, 扁晒咀, 額上有很多間線 -_-!!!!! , 眼中忍著熱淚 …~ ~….不捨的望住那兩塊可憐的墮地小曲奇, 同時蹲下去搭回地上僅有的 “生還者”。(好彩還在袋中, 沒污染)
這時 Ching Yi 家姐和她男友出手給予協助, 她男友幫我拿著手上的物品, 好讓我取出傘子, Ching Yi 家姐一邊安慰我：「唔緊要啦! 唔好唔開心! 我分返一塊比你呀!」, 一邊從佢自己的食物袋中取出一塊曲奇, 放到我的袋中。真是十分感動哩! 可惜當時我 “驚魂未定” 未有言謝, 而家籍此機會講聲：多謝你呀Ching Yi 家姐 及 小肥皇子, 如果當日無你地o係身邊, 我都唔知點算 lu。
又係時候講下食評啦! 首先KK 和媽媽 覺得 “紐約芝士餅” 的芝士味太濃, 容易感到膩, 但加在內裏的酸忌廉及檸檬皮卻很 “釣味”, 很香 (尤其是檸檬皮),佢地始終都係鍾意上次的 Tiramisu 多 D。 而 “朱古力曲奇” 呢……… 由於太 “珍貴” 的關係, 所以覺得額外好味 (加了無限的同情分), 當中媽媽的攪笑食評是： 「um………. D “朱古力曲奇” 呢…………….真係好……….. 朱古力呀!!!!!」 (多謝媽媽的攪笑意見。)
唔知Ching Yi 家姐 及 小肥皇子對上課的蛋糕又有 d 什麼意見呢?
4 則留言:
睇完你嘅「小插曲」真係覺得好好笑，唸起你當時情況真係好無耐。
但係我反而幻想緊， Ching Yi 家姐和她男友出手給予協助嘅一幕，如果當日 Ching Yi 家姐安慰你嘅時候，「唔緊要啦! 唔好唔開心! 我分返一塊比你呀， 一邊從佢自己的食物袋中取出一塊曲奇， 放係你的袋中時又唔彩俾人撞倒，Ching Yi 家姐同埋你手上嘅生還者"小曲奇"全部都冇晒，我想小肥皇子又會怎樣呢？
我唸你同Ching Yi 家姐喊都似，不過好人有好報，唔會咁邪嘅。
好彩Ching Yi 家姐大方分一塊比你，如果唔係我都無得食，多謝哂Ching Yi 家姐！
嘩!!嘩!!嘩!! o甘絕都比你諗到o既?? 你要改行做編劇啦, 不過記住要向我媽媽求教喎, 因為佢 "作o野" 有一手架, 而且記性又好呢!! (講下笑啫)
如果真係o甘唔好彩的話, 我諗我同 Ching Yi 家姐就真係喊都似 (萬分無奈), 而小肥皇子一定一邊撐住雨傘, 一邊幫忙取我地手上的物品, 一邊安慰我地啦! 而且仲唔係 "小丸子"現身, 而係 "大喊十"現身o勒。
Ching Yi 家姐當然大方啦, 而且仲好想增肥添 (因為獨食難肥丫嘛), 多謝晒你。 就係今次的「小插曲」令我覺得曲奇額外的好味。
抗議！抗議！！！
你們係o甘講好食，我d口水流乾哂啦！
Ching Yi Ma 其實之所以話好食係因為 "物以罕為貴", 只分得三份之一塊曲奇, 邊試得真味道丫。 :P
唔駛抗議啦, 下次在家練習時整一d 比你呀!!!
發佈留言