唔知大家有無聽過 “古法線面” 這個名詞, 原來古時有好多女性都用此方法來脫面毛, 亦即是我地細細個有時在街上見到d婆婆口中含住一條線郁下郁下的去幫另一位婆婆線面。 甚至乎它是 “面面俱圓” 的典故由來 tim。
話說古時的女性嫌面上的毛髮影響儀容, 所以一般黃花閨女也會請人幫她們用 “線面” 又稱 “挽面” 去脫掉面上的幼毛髮, 令面容更白更滑, 人們便之為 “面面俱圓”。
聽講用此方法去脫面毛雖然是痛, 但脫得很乾淨及毛髮的生長速度會放慢, 所以此方法流傳至今亦有捧場客。而線面的工具很簡單:只是 “七姐粉 + 線面的線” 便可, 最重要的是技師的手勢 (去決定脫得徹底與否和痛唔痛)。所以靠口碑會好些。
不得不講一句:古時的人真是極有智慧啊!
9 則留言:
我無聽過 “古法線面” 這個名詞啊,相信年齡較大嘅人就應該聽過嘅!
不過睇完你篇文章我對“古法線面”己有一定嘅認識,你快啲學識仲記得要教埋我,等我哋一齊做個有智慧嘅人先。
喂! 咪扮o野喎! 似乎你應該識的。
大家都是知道原理的, 不過要多d實習才可以幫人線面, 否則整痛別人及令人紅腫。
一齊研究下啦!
喂!嫲嫲這方面是高手,你可請教她,記得結婚前,給她強迫做了一次。
To Ching Yi Ma
好開心見到你在此留言, 多謝支持!
啊!!!!!!原來grandma是線面高手, 失敬失敬。 等佢出院身體復原的時後, 我便會向佢求教, 學多一技旁身。
你覺得線面痛嗎? 做完後, 是否真的很白、滑呢?
痛就沒有痛,痕痕地,﹝白、滑﹞?就不覺(可能自己皮膚差,無反應),本來我不肯做,嫲嫲說女子結婚一定要做(可能是想靚些),便順她意做了一次。
我都試左 "線唇毛" 呀, 都幾痛架 bor, 可能因為我的唇毛長得比較密(我諗做多幾次會無o甘痛, 就好似 "抆眉" 一樣道理)。 線完唇毛之後, d 幼毛髮真係好似出得慢d架 (所以效果幾持久)。
唔得...... 等grandma 好返d 之後, 一於跟佢學下野先。
你肯比她攪塊面,她一定很開心。
嘻嘻!!!
其實我係想學果個手勢 (線面技巧), 所以當嫲嫲教我的時候, 就要麻煩 ching yi ma 做 model 比我地示範及實習啦!!!
放心啦!! 我會錫住你細力 d 架啦!! 呵!呵!呵!
*以上都係講下笑啫。 :p
建議你找ching yi 家姐做model,這才見到效果,若只想學果個手勢,最好找ching yi 做。
發佈留言