新春小玩意

某天付款時贖回大量 $20 紙幣, 一時間令我想起了.........封「利是」最啱用!!

思緒飛快的回到從前, 記得 2X 歲某年的新春, 跟隨家人拜年逗利是之後, 晚上相約朋友見面
************************************************************

我：喂.....好悶呀! 不如揾 D o野黎玩o下呀?

朋友：好呀!! (伸手進外套袋口中搜尋) E 度有 D 利是, 不如.....被你抽一封呀?

我 (滿帶期盼抽中大獎 "發橫財")：又好, 嘻嘻........睇住黎!!

朋友：等等 (用利是作 "洗牌" 狀), E 度有 4 封, 其中 1 封 係 $100 大利是黎架! 係我今年逗利是中最大的銀碼。

我：OK, o甘我就一於抽中 "果封" 啦! (伸手去抽其中一封利是, 然後拆開)

(四目注視著利是封處, 此刻空氣中凝聚了 "緊張" 的氣氛, 幾乎想加上 "打鼓" 的背景音樂添!!)

我：好o野, $100 呀!!! 今年財運好好呢!

朋友 (戥我開心, 又略帶失望的表情)：噢!! 我的 $100 大利是無左啦!

****************************************************

想起以上的片段, 此刻的我不禁會心微笑, 年青的那個自己, 什麼無聊事也可玩一餐, 咩o野結果也值得高興一番, 是當時太天真, 容易滿足? 還是而家太認真, 感覺已經麻木呢?

有些值得令人懷緬的事「只可一, 不可再」, 即使安排它再度發生, 感覺已經不一樣了, 那就是當時的情懷 和 緣份。

我愛此新春小玩意, 有無人同我一齊玩呀? 我要做 "抽利是" 果個, 哈哈!!!!