返工都有 「阿媽靚湯」?

某天同事中午叫外賣, 叫左「靚湯工房」的套餐 (飯 + 湯 或 飯 + 甜品 $45), 我搭單叫左今日靚湯試o下 「鮑片瑤柱鯊魚骨猴頭菇姬松茸茶樹菇圓肉煲走地雞 」$35。

先睇o下個外觀先, 咦........用抓毛袋載好, 又幾靚仔喎! 一開壺蓋, 嘩...............香味真係唔講得笑 (幾個同事一齊圍住o係o甘 "索"), 而且湯仲係 "幾熱" 的, 好好味啊! 立時在幻想..........阿媽跟埋我返工, 仲煲湯我飲添! (幾威)

同事說想買套票, 即係一次過比 10 次價錢 額外免費獲贈多 2 次服務, 不過有效期為 3 個月, 所以......我地打算幾個同事一齊 "夾錢", o甘就可以以低成本享用服務啦, 同事們已經 "睇定" 左下星期二的靚湯吸引, 決定到時要叫外賣了, 哈哈!