早前已經計劃好 5 月 1 日勞動節去 "勞動應o下節", 去行山是也, 點知.............. 4 月 30 日放學後去 OK 便利店買雜誌, 揭開附送紙巾的 "幸運卡", 內文竟是 : "相約朋友遠足, 心情輕鬆又愉快!" (好邪啊!!)我地今次行的路線係: 西灣亭 (起點) → 吹風坳 → 雙鹿石澗 → 觀景台 → 西灣 → 鹹田灣 → 鹹田 → 大蚊山 → 大浪坳 → 赤徑 → 北潭凹 (終點)
整段路線路程較長，亦有斜路及梯級 (斜路頗斜, 雙腳容易疲累 及 氣促心跳)，記緊量力而為； 該路段屬於限制區域，建議乘搭公共交通工具； 於西灣、鹹田及赤徑均有士多可進行補給
我地大約 10 點從西灣亭出發, 開頭至中段路程也行得十分 hea (悠閒), 因為石屎平路居多, 我地行o下又停低影相, 又趁機抖抖, 傾o下計又玩o下行o下, 唔經唔覺就用左 2 個幾鐘, 卻只行左一半路程, 之後我地在赤徑的士多坐低抖抖食少少野, 再火速起行, 今次真係 "又越過高山又越過谷", 仲要全程勁多 "上斜路", 大家都慳返啖氣, 專心前行, 終於在下午 3:15 到達終點, 完成今次的強身避菌之旅
花絮 (笑話一則): 朋友 A 還有氣有力想前行, 朋友 B 卻大叫要抖抖再啟程, 對話如下:
A: 喂......行喇 (意指抖夠了. 要行啦)
B: (索氣中) 唔得啦.......要抖多一陣, 不如你行先, 反正一條路, 我一陣趕上來, o係下面等啦 (下面指山下, 當時我地在山上)
C: 踩.........大吉利是!! o係下面等 (雖然阿 A 的年紀大過阿 B, 理應先行一步)
雙腿好累啊.....今晚一定會好好瞓!
沒有留言:
發佈留言