口味轉變

記得以前初中時, 也喜愛課餘睇書消遣的, 在豆芽夢的歲月裏, 最愛睇的當然離不開 "愛情小說" 啦! 那時候作者 "岑凱倫、嚴沁、亦舒、瓊瑤、張小嫻" 通通都係我喜愛的。

再年長一點時, 我睇書的範疇也好 "濫", 上至白先勇的台北人 (文學作品), 中至幾十蚊一本的漫畫書 (黐阿哥的睇), 下至怪異集週刊、 青春、姊妹全部都唔放過。 (只係唔鍾意睇 時裝、化妝等雜誌)

尋日趁返學之前去逛書店, 才驚覺睇書的口味轉變了, 而家喜歡睇一 d 關於人生哲理、兩性相處、人性心理 又或者 心靈安慰等書籍, 至於愛情小說 又或者 文學作品暫時不是 "我杯茶"了, 也許自覺內涵不足, 想自我成長多一點, 因而睇有關方面的書籍吧!

話說回來, 年少時的女生總愛男生靚仔、夠活力、啱傾。 長大一點時, 覺得靚仔無安全感, 比較喜歡男生成熟而有男人味。 而家卻不著重外表 (順眼便可), 反而著重對方的品格、修養和內涵, 再嘗試能否溝通。

人的口味會隨著年紀、閱歷和環境而改變的, 睇o下 "以前的你" 和 "而家的你" 追求的是否一樣?