新的一年, 忙的開始

2007 年的 12月 31日 (除夕夜), 公司有得早放工 (好o野), 收工探完 BB 之後便回家晚飯, 未夠 10:00 便上床睡覺, 和 "周公" 提早談情, 一齊倒數。 唔知點解, 人越大, 對倒數逐漸失去興趣了, 寧可瞓多一點, 總好過捱更抵夜 (也許因為年紀大, 感覺太辛苦了)。

2008 年的 1 月 1日, 因為太過眼瞓, 向媽媽請假 (不去飲早茶), 起身後和媽媽食完早餐, 再去屯門醫院探 Anik, 及後再到法國醫院探 BB, 然後回家晚飯。 雖然唔係好多事做, 不過連日來舟車勞頓, 再加上天氣凍的關係 (人也懶洋洋, 郁得慢一點), 總覺得好累, 好想瞓。

今日返公司, 噢........假期前未處理的事要快快跟進, 又要忙著做 "月結", 想躲懶也不可, 唯有乖乖的快手快腳攪掂 D 工作先。今日總覺得好凍...好凍...., 成日打 "乞次" 添。 弊傢伙!!!! 快 D 搵 "盒仔茶", 又或者 "板藍根" 沖來飲, 頂住先。 (心想：無理由架!! E 排銀包瘦瘦的, 唔可能 "財多身子......" 架喎), 哈哈!!!

祝大家有健康愉快而甜蜜的一年。