高手過招 - 教我面紅啊!!

尋晚的跳舞課程, 由於有某幾個動作, 我和阿 Be 都做得唔好, 因此導師分開我地, 個別的教授和練習, 趁空檔期間, 難得有機會與高手 "有心人" 過招, 真係榮幸啊!

"有心人" 係女性跳男步的, 雖然我地身形上有少許差異 (身高), 難得的卻是出奇的 "夾"。

佢的拍子感極強, 而我則比較弱 (易亂), 所以跳舞的全程均由 "他" 帶領我 (亦乎合標準舞的宗旨：由男性主導, 女性配合), 而且因為彼此係女性的關係, 我地之間並無任何芥蒂, 我地的身體貼得十分近, 跳舞期間, 我完全感到佢肚皮的起伏 (我倆的盤骨好像有磁石般牽引住), 相反我和阿 Be 之間卻有一大條罅隙, 因此跳舞時腳步要跨大一點才可追上對方。

今次跟高手過招真係令我獲益良多, 令我知道自己應該如何配合 "男步", 我會好好練習的。 多謝 "有心人" 令我嘗試到 「前所未有」 的跳舞感受, 在那共舞的一瞬間, 完全 feel (感受) 到自己 lady (女性) 的一面, 想起來, 不禁讓我面紅啊!