上週六及日 (2-3 Sep 06) 真是忙得不可交關呀! 不過只是為興趣而忙, 而且都是開心事, 故此今日帶住疲累的身驅返工, 但卻懷住興奮的心情啊!
上週六我大約上午 07:30 起床, 08:00 約了 KK、 媽媽 和 阿 Be 一齊到屋苑會所游水及焗桑拿, KK 仲好鬼醒的帶齊晒焗油, 面膜, 身體按摩油, 一邊焗桑拿一邊享用 tim, 真不愧為 “扮靚皇后”呀! 吃過午餐後, 我便開始我的 「阿茂大計」 (爸爸成日話 "整餅的" 就是 "阿茂" :P ), 由下午二時至六時 (整好兩個八寸的紐約芝士餅), 晚飯過後, 再由晚上九時至凌晨二時 (做了約 80 至 100 塊曲奇), 口味包括：
1) 原味牛油 + 朱古力粒
2) 原味牛油 + 朱古力粒 + 杏仁片
3) 朱古力味 + 朱古力粒
至於味道如何, 留返比試食者在此留言喇, 我自己略兼曲奇雖夠鬆化, 但不夠脆, 朱古力味曲奇不夠香, 杏仁片那一款最好味。
* 當天晚上睡在床上之際, 才驚覺雙腳小腿已經麻痺又實左, 腳掌好冤, 頸又梗左 (因為差不多企了近 10 個鐘頭去做 “阿茂” 了。
星期日上午 09:00 十分艱難的撐起床 (因為實在太累, 萬分不情願的早起床), 之後便返工聯會學 “雲石芝士蛋糕” (附圖, 是凍餅, 不用焗), 賣相幾靚, 但工序頗為煩複, 而且所需材料頗多, 所以我並不打算在家多整一次啊! 午飯過後, 忙於清洗前一晚 “大戰的廚房” 和做少許家務, 便變身化作 “速遞員” (運送半個 8寸紐約芝士餅 、 半個課堂製成品 - “雲石芝士蛋糕” 和 兩袋曲奇餅) 到 Ching Yi Ma 處去。晚上到醫院去探望阿 Be 的 grandma, 佢情況唔錯喎!
至於食評, 又是留待試食者在此留言!
4 則留言:
真係好感動，居然企了10個鐘整餅比我地食，未食都知道好味啦，淨係愛心都值100分，uncle食完沒有出聲(你知佢是少說話)，我同佢講如果唔比食評，"阿茂"話以後無得食，佢即刻講樣樣都好食，我都覺得好食，由其是"雲石芝士餅"味道清新，我好像食到d檸檬味，若果一定要食評，我個人比較鐘意食味道濃一d的，紐約芝士餅多d芝士；曲奇餅多d牛油和鬆化d就very good啦！不過，真的很多謝嬌俏的"阿茂"。
um........ 我個人都覺得"雲石芝士餅"味道清新 (芝士味淡d),不過你好叻呀, 因為真係落左 "檸檬皮" 去整, 所以有檸檬味lor。
其實話 "攰" 都係呻下啫, 因為真係為左興趣丫嘛, 所以 "企" 都係心甘情願的!! 最緊要的係有你地支持我 (幫我試食 & 比意見), 等我可以改善一下嘛!
話過小秘密你知啦 ─ 我在星期一晚唔忿氣 (因為覺得今次焗的曲奇差過上一次), 所以又整左 mini cookies (迷你曲奇) 18 塊 去試驗一下我邊個步驟做得唔夠好。 結果是我應該用 "有鹽牛油" 去焗曲奇會香d 同埋 唧曲奇時整細塊d會容易控制火侯。
吸收過今次的經驗, 希望下次會好d啦! 請繼續支持我。
初初硬係差少少，練習多d就得啦！不過我都覺得你很叻，想想下都係唔學整，咁複雜我都係學唔識，費是比人鬧，都係做"亞四"，做清潔個part.
嘻!嘻!嘻!嘻!
係呀! 我會多多努力練習的, 因為有練習先會有進步丫ma, 不過要難為你地幫我試食我的"失敗之作"。 我仲要多謝 ching yi 家姐的鼓勵tim, 佢送左兩套 「曲奇模」比我, 佢仲鬼馬地話其中一款曲奇模是 for "特別日子用ga 喎" (心型的), um.............是否意味住我的"試食者" 要(小心) 我整的曲奇呢? (講下笑咋!!)
另外 ching yi ma 你又唔駛o甘擔心, 其實只要有興趣, 整餅唔難學架, 亦唔係複雜, 只係我自己 "手腳慢" 啫! 不如你先學曲奇餅先啦! 會易d, 第日仲可以早一日整定, 請行山朋友食 tim, 同人分享好開心, 仲好威架!!
發佈留言