第廿八屆電影金像獎頒獎典禮

前幾年 "電影工業" 在 濫拍 同 翻版 嚴重的情況下, 工業漸漸式微, 不過近 E 兩年, 卻有唔少電影引起我去睇的慾望, 當中大部份仍是外語片 (西片)

尋晚在機緣巧合下, 睇o左電視直播的 "第廿八屆電影金像獎頒獎典禮", 因為有我喜歡的幾套戲, 如: 証人, 葉問等等, 賽前已經好想 "張家輝" 同埋 "廖啟智" 取 最佳男主角 及 最佳男配角

最令人感動的係 "專業精神獎" 得主 "丁羽" (配音老臣子) 在台上致謝時, 當佢一想到入行 56 年的辛酸, 感動欲哭的樣子, 真的令旁人動容 (要知道從事同一個工種 56 年真的唔容易), 佢還在台上公開多謝賢內助照顧家庭, 令佢無後顧之憂在外搏殺, 令老婆落淚啊!

最鍾意的環節係 "張學友" 同 "林憶蓮" 一齊合唱過去的電影金曲, 兩位歌手好耐無出現幕前 (好耐無見), 今晚可以一次見到兩位, 仲聽出耳油添, 好o野! 一瞬間, 仲以為時光飛返回到了 90 年代 (四大天王, 四大天后) 的時代添!

終於最佳男主角 (張家輝) 及 最佳男配角 (廖啟智), 最佳女主角 (鮑起靜) 及 最佳女配角 (陳麗雲), 最佳導演 (許鞍華) 都係實至名歸, 眾望所歸的, 佢地默默在電影界工作o甘多年, 終於吐氣揚眉了!