昂貴的 "垃圾食物"

今晚在 "炮台山" 會場應考, 考試之前, 梗係氹o下自己, 醫好五臟廟先啦, 免得一陣個肚打晒鼓, 無心機答題目, 咦...........佢咪係...........

久違了的 Burger King 呀!! 好耐無見啦, 除左去機場之外, 在香港好難得見到佢, 好掛住佢的 "粗薯條" 啊! 一於入去食好o野, 再 溫多一陣筆記先入試場

點了一客 "芝士磨菇漢堡" 餐, 再加多 $1, 將薯條轉了 "炸洋蔥圈" (因為唔係間間快餐店都有丫嘛), 總共 $32, 芝士磨菇漢堡新鮮熱辣, 即叫即整, 正呀!!! 漢堡扒的肉汁滲晒出來, 簡直無得彈, 只可惜......太細個了, 至於炸洋蔥圈就失色好多啦, 因為唔熱囉!

快餐店的食物一般被稱為低營養價值的 "垃圾食物", 我 E 一餐真係唔平架!