打野戰

尋日小妹跟左阿 Be 同埋佢D槍會朋友去左元朗的逢吉鄉 “三軍外展中心” 打野戰 (War Game)。今次係小妹的第一次野戰經歷, 好刺激喔! (不過亦好鬼累)

原來打野戰都要好 Pro 的裝備架, 基本的包括；帽、面罩 (或者眼罩 – 保護範圍少 D)、迷彩衫褲、護墊 (保護手踭及膝頭)、手套、手槍、子彈 同埋 彈匣。唔好睇少任何一樣裝備, 佢地看似簡單, 但有好大的作用架。

過程頗刺激, 但運動量好高, 尋日玩完上晝, 已經腳仔 “冤” 痛, 下晝只能玩到一陣咋 (已經無mug 力), 晚上勁累 (好早瞓), 今早成身, 尤其是肩膊同背脊, 十分“冤” 痛啊!

成日以為 D 人打 War Game 為左靚同型先至著迷彩衫, 但原來真係好有用架, 當你匿藏o係叢林之中的時候, 別人好難睇得到你的藏身之處架。

今次我都有 D 戰績架, 但唔係損傷, 只係 “豬手一對”, 因為被蚊針得一雙手都又紅又痕又腫 (縱使我已經搽左 “蚊怕膏” 同埋用左 “蚊怕貼”), 好彩唔係針我塊面咋, 唔係點見人哩!