今次去台灣買手信最滿意的是以下三樣：
1) 七彩繽紛散紙包 (好 cute, 不過買得少, 自己同屋企人都無份)
在台北的 "忠孝敦化" 的商店購買, 我還好叻的 "講價" tim, 不過講得少少咋!
2) 豹腳和黑熊掌毛毛拖鞋 (做型得意, 既可保暖, 價格亦合理, 不過佢o地 "霸" 左我半個喼呀!)為左佢地同埋我o地買的其他漫畫書、咖啡蒸煮機等等其他手信, 我o地需要臨時臨急o係台灣買一個超巨型背包, 將咖啡蒸煮機揹返香港, 而毛毛拖鞋則放喼內不斷被我o地按壓, 才能把喼合上。
* PS: 我o地用的布喼已經放大左一個碼啦! oh my god!
3) 懷舊玻璃蒸餾咖啡烘焙器, 右邊的是古銅仿古手動磨咖啡豆機, 真係用得架, 不過煲咖啡就要加 "工業用酒精" 在酒精燈內燃燒來煮咖啡。即使唔 "好" 飲咖啡, 買來裝飾家居也是一個唔錯的選擇呀! 而且台灣賣此類的咖啡、茶道或花茶烘焙用品也比香港平一大截喔!
圖中全套咖啡蒸煮用具及磨豆器, 也不用港幣 $500。我同阿 Be 也很滿意哩樣禮物, 不過返來香港o甘耐, 仲未有時間可以試用呀! 所有星期六、日差不多被婚宴、壽宴、公司活動佔用了時間, 而週一至五, 只得晚上有空, 但夜晚唔敢飲咖啡呀, 怕瞓唔著, 睇怕要等到聖誕先試得。 (同樣聖誕及之後一日, 我身邊都有人擺酒喎! 真係 "不可思議" 呀! 揀d o甘特別的日子)
3 則留言:
哈!哈! 尋日在 City Super 發現圖3左邊的咖啡蒸餾機賣緊 HK$478 (款式大細一模一樣)。
嘩! 夠我買一套 (連磨豆機) 有凸啦! 全幅圖 3 才 NTD(新台幣)$1450 吧。
我都係鍾意去starbuck飲,可能我懶,哈哈
哈!哈! 剛剛的週六終於試過啦! 去 starbuck 飲係唔錯, 方便在外而又想飲咖啡的時候, 不過在家自己慢慢炮製, 又別有一返樂趣喔!
好好玩, 不過要等幾耐架 (約 20-30 mins) 才有2杯製成品。
味道就麻麻地, 可能因為我地用以前用剩 (已開封好耐) 的蒸餾咖啡粉啦, 味道有點酸, 同埋唔係幾夠熱, 要多d練習先。
發佈留言