輩份爭霸戰

BB 出世後, 我地一家各人的輩份又升左一級啦, 記得當日係我哥哥親口通知我佢已經添丁的消息, 還不忘提醒我榮升了：姑姐, 我很快的回敬佢一句：爸爸。

之後我見到我的父母, 亦稱佢地為：爺爺、嫲嫲, 和舅父傾電話時尊稱佢為：舅公 (全部都是跟 BB 的叫法, 提示佢地 BB 的存在)。

至於我姐姐亦是姑姐, o甘 BB 點去區分兩個姑姐呢? 因為個人原因, 我唔鍾意 BB 稱我為 "三姑姐" 或 "細姑姐", 最後姐姐決定只要 BB 稱佢為姑姐, 而我就是 "Mac 姑姐" (不過媽媽取諧音為 "叻姑姐"), 錯有錯著, 無啦啦被人讚叻, 梗係好開心啦!

阿嫂 & BB 尋日下午出左院回家休息, 我好期待可以快D去佢地家中探佢地, 可以近距離睇 BB (因為在醫院的 BB 房內, 我地要隔住玻璃窗睇BB, 而且 BB 每次也版編排到很遠玻璃窗的位置, 所以很難睇晒佢的盧山真面), 我好想同佢一齊合照, 然後放在公司的電腦內做牆紙 Wallpaper