「孔雀男」： 以才子自居的「高級知識份子」，喜歡炫耀自己去吸引異性，其實只不過是因自卑而虛張聲勢的偽君子。
「榴槤女」： 外表很強，很臭寸兼惹人討厭，但內裡溫柔香甜。可惜並非人人懂得欣賞，只有愛死她或恨死她。
最近睇左舞台劇「孔雀男 與 榴槤女」, 內裏有很多個唔同的角色 及 不同的小故事, 將不同的小故事 在 同一個空間 (酒店) 貫穿, 令到故事的整體有點 "散亂", 變得 "支離破碎" 的, 觀眾不容易去吸收故事內的訊息, 似有所領悟, 又似是一無所有。
也許時下的「港男」=「孔雀男」, 「港女」=「榴槤女」, 不過其實.........
不限於年代、地區的關係, 而係「男」同「女」兩性 天性上的分別而已。睇一睇中國的古代, 唐伯虎算是多情才子吧, 他也喜歡炫耀自己去吸引異性, 誰會了解佢的內心深處究竟是自卑, 還是自大呢? 至於「榴槤女」, 人夾人緣吧! 你總會亳無道理的和某些人特別投緣, 又或者特別討厭某一些人, 即使佢地從無侵犯過你。
劇內的舞台設計得好靚, 舞台好有 "深度" (用盡舞台的深度)。演員中印象比較深刻的係：
1) 劉守正：佢飾演的 "特首" (疑似曾特首), 無論外型 和 演技, 都形神俱似。另外, 場末時扮演踩單車兜售的老伯, 顯出的老態 和 街上接觸的無異, 加上舞台的設計 同 燈光效果, 那一幕, 感動了我!
2) 韋羅莎：佢飾演的妓女, 外型 同 神韻都很似, 而且佢擁有好獨特的聲線, 令人一聽, 個心立時 "軟晒", 好溫柔、好舒服的聲音, 而且佢的身型高佻 (再加上 4、5 寸的高踭鞋), 站在舞台中, 很是突出。
另一幕令我感動的劇情, 係講年青時偶遇的「孔雀男」 與 「榴槤女」(未變身之時), 那時候, 男的覺得女是「天下間最完美的情人, 娶到佢做老婆就好了!」, 女的覺得男是「十分之完美的, 才華洋溢, 對佢既愛且慕」, 然後佢地生澀、怕羞的走在一起了! 直到........許多年以後, 當愛慢慢變成了習慣, 佢地分別變身成為 「孔雀男」 與 「榴槤女」。
「孔雀男」 怨「榴槤女」：我點解要出去滾呀? 因為外遇很似 "以前的你", 那時候的你成日都笑, 笑得好靚、好開心, 令我覺得自己好有滿足感 (成就), 有能力令到你o甘開心, 但唔知由幾時開始, 你唔識再笑了, 變成而家成日黑口黑面的樣子, 我唔想再留o係屋企見到你。我先至會去外邊 "揾一個似以前的你的人" 咋!
「榴槤女」回敬 「孔雀男」：你真係唔知點解嗎? 你唔知自己做錯什麼嗎? 以前我覺得你好有才華、好有風度、好關心照顧我架! 唔知由幾時開始, 原來你的才華....全部只得「一個講字」, 講左o甘多年, 又做得出幾個樣野呀? 其實你係 "無料" 架, 只係不斷的 "吹" (水), 以 "自大" 掩飾 "自卑" 吧! 仲有呀.....你的風度、關心 同 照顧 亦只會出現在「未得到 (拍拖) 我之前」, 一旦日子久了, 便會消失得無影無蹤, 又或者 "轉移" 去另外的異性身上, 不是麼?
整體來講, 除了劇情舖排比較 "散亂" 之外, 故事中亦感受得到「孔雀男」 與 「榴槤女」的存在 和 特性的, 不過.......並不明顯, 需要思考, 才發現得到。
