變身「小熊維尼」

大家知唔知 Winne the Pooh 「小熊維尼」的摯愛係邊個?

粉紅豬........「唔係」
跳跳虎........「唔係」
依唷............「都唔係」

係...........「蜜糖」呀, 哈哈!

雖然最近天氣潮濕 又 炎熱, 不過唔知點解 喉嚨腚 總係 有 d 痰作怪, 偶然還有點 喉嚨痛添!  可能係因為最近晚晚夜瞓所致 (唔夠瞓, 要飲咖啡提神 "太燥" 了), 面上的瘡瘡都多起來。

醒起用最天然、廉價 同 快捷的方法調理身體, 就係 "沖蜜糖水" 飲了, 需知道「蜜糖 / 蜂蜜」都有分好多種類, 既有唔同的產地、唔同的「花蜜」又有唔同的 "功用", 一時之間花多眼亂。網上搜尋了部份資料, 最後在超市貨架上, 選了最普通的「寶生園冬蜜」(因為該品牌只得 "冬蜜" 同 "龍眼蜜" 可供選擇, 我怕 "龍眼蜜" 太燥熱啊!) 「冬蜜」資料：http://hk.knowledge.yahoo.com/question/question?qid=7009121801208


「蜂蜜」資料 及 功效：http://hk.knowledge.yahoo.com/question/question?qid=7006090803737

蜂蜜含有豐富的果糖，果糖是自然界甜度最高的糖類，可當作甜味料。蜂蜜含有礦物質、胺基酸、維生素及醣類，而人工甜味料就沒有這些營養素。

鹼性的天然營養品
人類身體的PH值為弱鹼性，平常可多攝取鹼性食品，以增進身體的新陳代謝。決定食品的酸性或鹼性是以所含礦物質的種類和量為標準，若含鈉、鉀、鎂、鈣等較多的食品即為鹼性。分析蜂蜜的營養成份得知，其含有相當高的鹼性礦物質，也含有機酸。有機酸能幫助體液形成鹼性，若和鹼性礦物質發揮共同協調作用，能形成更好的效果。

補充能量來源
在蜂蜜的成份中，因葡萄糖和果糖含量高，對人體極有助益。葡萄糖是一種可供應立即熱量的糖份，能迅速補充體力；果糖被吸收和利用的速度較慢，具有穩定血糖的效果。

蜂蜜擁有最平衡的維生素比例，對人體而言，提供了最直接且豐富的來源。蜂蜜富含多種維生素包括B1、B2、B6、葉酸、菸鹼酸、泛酸、生物素、膽鹼、C與K等十種以上的維生素。對所含的維生素有良好的保存效力，且維生素為活性形態，亦為人體吸收及利用。

礦物質的寶庫
近代由於營養學日新月異，得知維持身體健康需要維生素及礦物質同時配合，因礦物質可幫助維生素發揮作用，而蜂蜜含多種礦物質，包括鈣、鐵、銅、錳、硫、鉀、氯、鈉、硒、鎂等。

另外有資料指「蜂蜜」有以下功效：
1) 有助增強上呼吸道抵抗力 (可減輕我的鼻敏感)
2) 通便 (助排毒)
3) 滋潤, 助肌膚補濕、使頭髮亮麗
4) 減肥
5) 鎮靜安眠，治神經衰弱
6) 促進肝細胞再生
7) 促進血液循環
8) 生津止渴、補而不燥

報導說： http://www.hkheadline.com/beauty/beauty_content.asp?contid=67562&srctype=g
據康和堂首席中醫師任立新稱：「蜜糖性甘、平。它含有豐富葡萄糖、果糖和多種維他命如B1、B2、D、E，以及微量元素：鈣、鐵、銅、鉀、磷等。適當服用，可補虛潤燥、止痛、解毒、補益脾胃。治肺燥咳嗽、大便秘結、支氣管炎、胃脘疼痛等。一般內服的話，朝早飲鹽水排毒，晚上飲蜜糖水滋潤，有調和養生，排毒美肌的功效。」要留意的是坊間的蜜糖來源不同，功效亦會各異。
 
各種「蜂蜜」的介紹：http://annie.hkpetdog.com/?p=28

"喇脷" 的餞別午餐 「見城」

有同事因「私人理由」辭職, 故此我和另一同事和佢食 「餞別午餐」(另外兩名同事出差中)。

有工作經驗的朋友都知, 所謂「餞別午餐」, 一般都係由 "在職" 的同事合請 "離職同事" 食的, 所以我和另一名同事已經 "預左" 要 "夾錢請人食飯"。誰不知.........

離職的同事說：「午飯地點由我選擇, 我會訂位架啦!  至於o係邊度食, 暫時賣個關子先, 等你地有 "驚喜"」, 結果一行三人抵達了「見城」, 這是一間 "非常地道" 的日本餐館, 老闆 (廚子) 係日本人, 餐牌上滿是日文, 極其量也只有英文 及 少計 "漢字", 所以我真的睇唔明, 要由同事代勞點菜。

估唔到的係午餐時間, 該店價錢不菲, 卻居然要輪候入坐 (全場爆滿), 幸好我地一早訂左位, 所以有 6 人房可坐 (兼不設搭桌)。睇o下同事幫我點左咩野食先 (其實我都唔知有咩野食, 只好 "任人擺佈")：

由同事代 "發辦" 的點 "壽司" 紙 , 我都唔知有咩野食架!! 唯有當驚喜囉!

聽同事介紹, 杯子係 "特製" 的, 照住老闆的樣子整的, 不過我覺得 "唔似真人", 前菜係：日式蒸蛋", 餡料很多, 蛋很嫩滑

杯子的另外一面, 以及 "主菜" ─── 自選 8 件壽司 + 1 客卷物套餐

嘩嘩嘩........睇落好靚啊 (賣相一流)! 自選 8 件壽司 + 1 客卷物套餐, 另跟：日式蒸蛋、麵鼓湯、茶、咖啡 或 雪糕, 你估o下幾多錢一個 set (餐)?  只可以講的係..........o甘大個女, 除左 buffet (自助餐) 以外, 我未食過 "o甘貴的午餐" 架!  好彩剛剛出左糧, 才無o甘 "肉赤"。

講返味道先, 因為 「即叫即造」(手握壽司) 而該店又滿坐, 所以等得頗耐, 要在短短 1 小時的午飯時間, 加埋 來回步行 及 等待食物上桌, 真正 "品嚐" 的時間短過 30 分鐘, 食得有點趕。食物質素 同一般 的 日式壽司連鎖店係 "無得比"、"好好多" (一分價錢一分貨丫嘛!), 用料新鮮 但 鮮甜不足, 拖羅入口真的 "有溶" 的感覺, 好開心!

"離職同事" 的原意係只收 "在職同事" $40/位, 然後由佢補貼請我地食飯, 不過話晒人家都在此最後一天, 又怎好意思呢?  所以我地最終都夾錢請佢食飯 (無幾可丫嘛)。原來埋單 每人要 $170 / 一份午餐, 另收加一服務費, 所以今餐用左 $280 呀! (連部份請客費用), 好肉痛, 又要乖乖 "落力帶飯盒" 補返數先!

比左o甘多錢, 唔影多幾張相就「唔抵」了, 所以黎多張「食物大頭照」(Close Up)

o甘條氣至 "順返 D" (可以 "引 o下 D 為食街坊" 丫嘛), 呵呵!!!

「見城」資料：http://www.openrice.com/restaurant/sr2.htm?shopid=6677

疲憊時的「醒神」消息

某天中午飯後 "飯氣攻心、昏昏欲睡", 在坐位中做至.......天昏地暗, 很累很累。我心想：「為什麼核對過幾次, 數目上還是欠準確呢?  問題出左o係邊呢?」

正當我感到氣餒之時：「唉.........(嘆了一口氣)」

旁邊的同事聽見：「睇見你做得o甘緊張, 我都幫唔到你手, 不如........我講過令你 "醒神" 的消息比你知呀!」

我：「好呀!」

同事：「我地只要捱多幾日, 便係 "出糧" 的日子 (20 號) 了, 翌日.........又放假 (佛誕) 了」

我：「wow.......真係 "好醒神" 喎!  我而家已經充滿能量啦, 再努力工作先!!」

「好」亦要放下

有時候, 我地好怕錯過某些片段、某些回憶, 因為不想忘記它, 所以把它深深的藏在腦海內。

人的執著, 不只是執著在 「壞」 的事情上, 原來......對「好」的人和事也會執著, 就因為不想忘記它, 所以牢牢的把它抓緊, 深怕那美麗的回憶會被刮花、褪色 和 被遺忘。

其實一切都只因我地太過執著, 想一想........該遺忘的事, 無論你如何努力把它留住, 上天總有能力要你忘記 (如果它的旨意如此, 它可以令你碰上意外, 自此局部失憶)。如果我地將 "著眼點" 鎖在那段過去 "你以為是美好的回憶" 上, 只顧牢牢的記住它, 忽略了身邊其他的人和事, 那還會有 "一段比它更好的回憶" 出現嗎?

逝去的親人故然係愛錫我, 我不可只活在那時的世界當中, 時間總會走的, 不會因為你的傷心而停下 / 改變, 所以即使那些片段是「好」的, 亦要學懂慢慢的放下, 從當時的世界中抽離, 隨著時間向前繼續走, 才會碰到「更好」的其他人和事。

雨後陽光

返工已有兩星期了, 一切也看似很好 (無論人事 或 工作上), 我適應得很快。成日都好感恩, 覺得碰上 "它", 我真是很幸運, 所以會好好的幹, 珍惜這一個機會。 而且可能因為早前的一些經歷, 令我覺得自己走進了人生其中一個低潮 (谷底), 那絕地反彈的開心感覺, 就如「雨後陽光」一樣真的不錯。

公司的財政年度是由每年的 1 月至 12 月, 去年的核數過程尚算順利, 結果也 OK。按照核數師建議, 公司該作出部份的核數後修改, 唯之前有人曾作輕微的部份修改 (又唔記得改左 D 咩), 結果我奉命 "收拾爛攤子"。 又由於某些原因, 現在的系統有錯誤, 而且不能修改, 唯一的方法係 "開過另一個公司檔", 重頭再輸入資料, 換句話說：「我要由今年 1 月開始從新再做, 直到 5 月的資料為止。」

更甚的是......剛接到上頭通知, 海外總公司的會計師在 23-25/5 到本港寫字樓開會, 1) 是為了查數, 2) 是為了海外公司又有另一套新系統, 他飛過來教導我地, 所以.....我需要在 24/5 (星期一) 之前完成 1 月至 4 月的資料報告。此星期又有一天假期, 有點趕, 但......我相信我會做得到的。

另方面, 學位課程最後的一個學科開學了, 在剛過去的星期五、六、日, 又一連 3 日踩足 18 個鐘聽外國教授授課, 個人好累呀, 好似無放過假o甘, 又要返工了!  本來以為只要完成上一學科的 「論文」(5000 字) 便有 "甩難" 的感覺, 誰知道............今次這學科更改了 "制度", 又要寫 2500 字的學術論文, 只係規模比上一學科窄少許, 唉!!!!!  上了另一艘 "賊船" 就係o甘解了!

這兩星期 (五月下旬), 以上兩件事已經夠忙, 加上為 5000 字論文 "埋尾" (下月頭要交), 亦要為公開試作最後衝刺的溫習 (其實係未溫過), 精神有時很緊張, 感覺少許辛苦。

不過我知道, 只要努力捱過這兩個星期, 「雨後陽光」的喜悅感覺, 又再重臨我身架啦!!  就係感到「有壓力」, 加上連上幾天課好累人, 所以買 $30 一個榴槤氹o下自己, 錫o下人地囉!

初o黎報到

嘩嘩嘩.........今年o黎講, 佢第一次到訪我家咋, 仲要係離遠已經 "認得出" 佢陣除, 咩野o黎架呢???

咪就係佢囉, 姓 「金」, 名「枕頭」呀, 一個榴槤, 內有 "大大小小" 差不多 "10 粒" 果肉, 索價也只是 $30 / 個, 而且成熟度剛剛好, 唔怕攞上手 "林 pat pat" (熟透) 之餘, 亦唔怕 "口感太爽" (太生), 口感既香軟, 味道又有 酒香 兼 甘甜, 令人一試難忘, 回味無窮啊!

記得少時候我很愛食榴槤, 因為當時心口掛住個 "勇" 字, 只怕無得食, 那怕變成醜八怪, 而家呢???    要 "好、好、好、好、好努力的忍口", 因為怕熱氣 (爆暗瘡), 所以只敢 1 年食 一、兩次咋!

見自己 E 排有點辛苦, 一於花費 $30 獎勵一下自己 (替自己打打氣), 又順手 "益o下" 為食媽媽啦!  至於點解辛苦??  賣個關子, 聽日至話你知。

下一個大計

6 月 4 號要應考公開考試

8 月 1 號學位課程的 "最後一科" 考試

原本打算年尾 9月修讀 "公開試雞精班", 再安排 12 月考公開試, 後來..............計劃有變了!

計劃 1)
因為對某個課程十分感興趣, 上課時間係 逢星期六的傍晚 至 翌日 (星期日) 的晚上 (需在外過夜), 為期半年, 相信如果有幸修讀此課程, 對我的人生該很有益的。  已經填好申請表格入學, 之後還要經過面試, 才決定取錄與否。等待取錄後, 我才在此向大家分享。

又因為它可能會同 "雞精班" 的課堂時間有衝突, 為免顧此失彼, 還是先放自己一個 "考試期" 的假, 抖一抖 (約半年), 才再申報考專業公開試。

計劃 2)
因為已決定放棄 "下半年的公開試" 計劃, 打算在 week day (星期一至五的工作日) 報名學 "普通話", 因為平時無咩機會講, 所以唔流利, 聲調也間中不對 (可能緊張會 "走音" 啦), 想好好糾正一下, 萬一............日後被公司派往海外 (上海、台灣) 出差, 也可大派用場丫嘛!

計劃 3)
最近發生了一件事, 令我打算先擱置 計劃 2), 改為進行 計劃 3

某天當我替 "不在坐位" 的同事接聽電話之時, 對方 "機關槍" 的 "一輪咀" 流利外語轟炸過來 (勢不可擋), 結果........不懂該國語言的我立即「啞口無言」, 只得硬住頭皮用英語向對方說明：「同事放假了, 星期一才返」, 怎料......對方無預計 "有人同佢講英文", 完全唔明我講咩, 只得氣急敗壞的又一輪外語說要找該同事聽電話, 我重覆以上對話, 最後我 "估計" 佢係在唔愉快的氣氛下收線。(因為我聽到對方的嘆氣聲)

有見及此, 我想因為此公司的內部同事大都懂以外語溝通, 當然程度高低有不同啦!  為免再發生以上尷尬事件, 不如我先學好外語, 至少聽得懂佢地 7, 8 成對話, 再可以以簡單外語對答 (尤其係電話), 才再回頭實施計劃 2) 啦! 

反正每天也有外國同事 和 本地操流利外語同事 作為我的 實習對象, 兼 "兼職導師" (學習上遇問題可以問佢地), 也許會進步得很快。但願如此!!!

點都好, 過左 8 月 1 號再算啦, 努力呀, Big Mac!!!!!

愛在別鄉的季節

某天和別人談起一個話題：「外國留學」

談論對象也是從國外留學回港工作的, 雖然有的離港時間較長, 有的卻只是短期留學, 但畢竟佢地都因此而學懂外語 (頗流利的), 而且還熟知國外的生活文化添!  令土生土長的我, 心裏暗暗羨慕, 腦內卻同時充滿.........幻想。

我想.....如果年青時有機會到國外留學, 我一定不會首選佢地留學的國家, 多數先選擇英、美、加、澳紐, 再退而求其次的選新加坡、中國、台灣, 最後才選日本、韓國。

到國外升學, 除了考慮本身的入學條件之外, 最重要的還是學校 和 選修科目的 認受性、選修年期、學費、生活 及 雜費 的開支預算、最後才考慮生活文化、語言差異等因素。反正去國外修讀課程, 就是要學習別人的語言, 了解其文化, 到哪個國家都面對著一樣的挑戰, 不是麼?

早幾年, 已經有朋友勸我, 趁住上一個「人生大計」失敗, 何不趁機振作起來, 狠狠的拋下香港的一切, 在 30 歲前選擇申請 "出國工作簽証" (好似係為期 1 年), 到別國散心、見識學習、接受新挑戰, 說不定還會結識一段異地情緣。 

奈何當時懦弱 又 疲累的我, 實在什麼也提不起勁, 事事都不想諗、不想做, 沒什麼生趣似的, 只想靜下來、躲起來逃避一切, 不想見人, 無奈始終要生活, 工..........還是要返的, 捨不得拋下它 (都算穩定), 也捨不得離開我的精神領袖 (支柱 ── 我的家人), 我怕自己一人在國外會倍思親, 而且..........心內也有少許不忿的想：「既不是我做錯什麼, 何解要迫自己出走國外, 選擇逃避呢?  如果一個人要是想不通, 相信無論佢逃到天涯海角, 一樣是想不通, 那還要幹無謂的事麼?  為左發生了的問題, 硬迫自己孤苦的逃離, 家人擔心我在國外安危, 還得忍痛放棄安定的工作, 值得嗎?  點解要o甘樣 "懲罰" 自己 (迫自己做不想做的事情)?」  最後止住了出國的慾望, 轉移視線 及 心神留在本港, 修讀國外的遙距學位課程, 不經不覺, 預計今年十月便會畢業了!

過去了, 一切已經過去了, 再難過的日子, 只要思想正面, 笑著去面對, 終有一天, 它會離你而去。不要因為一時衝動, 做著自私、令家人擔心的事, 也要好好三思而行。 只要有正確的價值觀 (思想), 無論你身處何方, 一樣有解決問題的方法, 根本不用逃去別處。

談論的總結, 曾留學國外的朋友說：「常言道：人離鄉賤, 物離鄉貴, 而家到國外超市買當地煮食材料回家烹調, 比起當時在國外購買時, 升價十倍呢!」

講到尾：幾時都係 「香港」好, 身邊圍繞你的人 (親人) 最好, 即使它 / 他 / 她 是幾o甘 "平平無奇", 原來卻是時時刻刻, 暗暗的守著你啊!

體貼的上司

有一件事好想同大家分享架。

就係公司裏, 我果組的外籍經理係一名後生男上司。估唔到佢的為人也頗體貼啊!!  點解o甘講??  等我帶大家去睇o下啦...........

返工的第一天, 從我坐位處望開去, 會經見到文件櫃上擺滿 "精緻漂亮" 的 "裝飾花" (狀似薰衣草) 如下圖, 之後向同事讚賞其美麗, 同事才告之, 原來係有一段古架!!

再者,要講o下我公司的 floor plan (圖則), 大家才會更易明白, 如下圖：

曾經講過我地 (B 子公司的同事) 係同 A 公司合用一個辦公室的, 每當同事入大門口之後, 都 "例必" 要經過 "一條長走廊" 才可到達 B 子公司 或 A 公司的坐位處 區域。

原來......外籍經理 有感 我組的 3 位同事均會感到背後 "被窺探" 及 "被監視", 所以...........佢特意向 A 公司行政部要求, 加裝 "裝飾花" 裝置, 以保障同事們 及 其公事的私隱。  認真夠晒體貼、窩心啊!!

「傷心酸辣粉」

人地話：「人唔傷心就唔流淚。」

我就話：「呃人o既....... "傷心" 該不只是流淚吧, 也可以去食o下 "酸辣粉", 剌激一下淚腺、鼻液的分泌, 從而發洩一下」

友人之前路經深水埗, 介紹過位於福榮街的「傷心酸辣粉」, 說此店頗出名, 而且據聞幾好食, 一直以來, 苦無機會去試食。終於........

某天要到深水埗一行, 網上搜尋了資料 http://www.openrice.com/restaurant/sr2.htm?shopid=32480 , 一於去趁o下熱鬧先。原來短短的一條街, 居然有兩間店, 據聞一間比另一間正宗 及 好食, 只可惜我分不清 "誰是誰"。我幫襯的係近 "渣打提款機" 的那一間, 此店地方狹小, 典型的 "快食快閃" 格局, 想慢慢 hea 住食的話, 別幫襯此處好了。(另一間門面靚靚、有冷氣的店正在進行小裝修)

甫坐下, 急不及待 order 了一碗此店最 "撚手" 的 "酸辣粉" - BB 辣 ($15/ 碗, 註：辣有分等級的, 初食人士, 建議選 BB 辣), 內容有紅薯粉、內碎、炸菜絲、花生、芫茜、蔥 和 調味料, 另外加一罐可樂 ($6/ 罐, 以防不時之需, o甘都無o甘樣衰)

一放入口, 感到 "胡椒" 那種香辣味, 酸味稍稍不足, 麻的感覺更是談不上。整體上料足、粉的量亦多, 而且店內還張貼不少其他美食, 包括抵食套餐 ($36 起) 等等。在食其間, 入內輪候美食 和 等候外賣的人流也很多, 睇來此店在該區也頗旺場啊!

只可惜.........相比起旺角弼街「旦王」的酸辣粉 (人龍常在)  http://alexxbb.mysinablog.com/index.php?op=ViewArticle&articleId=2140694 , http://www.openrice.com/restaurant/sr2.htm?shopid=38375 , 那個才會使我 "真正著迷", 因而它真正的令我心跳、流汗 兼 流涕, 頭頂還幾乎冒煙添! 而它索價 $13 一碗的酸辣粉, 雖然 size 比起 「傷心」較細, 但味道是有層次的, 有酸、有麻、又有辣, 食後令人回味無窮、牽腸掛肚。

「傷心酸辣粉」比較優勝的地方在於：

1) 雖然索價 $15, 比「旦王」貴 $2, 不過有得坐, 唔駛 "企住食"

2) 料足 兼 大大碗

3) 較環保, 碗可循環再用

4) 還有多款其他美食, 如：夫妻肺片、口水雞等, 仲有套餐由 $36 起

變臉好幫手

不知不覺, 廿四氣節中的「立夏」已經來臨, 表示天氣會由 "春" 轉成 "夏", 氣溫變得炎熱 和 間中有猛烈陽光, 外出時需要搽上 "防曬護膚品" 好好保護自己, 尤其係一張俏臉最為重要。(之前因為 "懶", 春天期間, 臉蛋變 "黑" 了)

於是乎 BB Cream 就成了我近期的新寵了, 它集防曬、遮瑕、調色於一身, 所以都可以當作 "薄粉底" 用, 不需再塗其他化妝品, 膚色都自然均勻, 樣子好似 "精精神神" (無o甘多色斑、膚色暗啞 和 黑眼圈問題)

但係........混合性肌膚如我 (T 位油, 面頰較乾), 遇上夏天 "立痴痴" 的天氣已經好煩, 大風又將頭髮的亂絮黏到臉上, 好痕呀!!! 撥極都撥唔開 D 亂絮 (因為當你撥走一條, 一陣大風吹來, 面上又黏上幾條, 真煩人!)  為免 BB Cream 會成為皮膚本來不佳的我的負擔, 唯在在「落妝潔面」方面下點功夫, 避免殘餘的化妝品阻塞毛孔, 生長更多的暗瘡。

於是搜尋之下, 發現 Neutrogena 品牌的 Deep Clean Cleaning Lotion 效果唔錯, 用於我的混合性肌膚上, 潔面後感覺純淨清潔之餘, 又無緊繃的現象, 而且產品上說：「所有化妝品, 如：防水睫毛液」都合用喎! (雖然我未試過)。

它令我回家後, 安心的回復 "本來面目"  (變臉) 的我, 真清爽、令肌膚無負擔。有興趣都試o下啦!  屈人寺好似賣 $9X / 200 ml

只談風月的「風月堂」

呵呵.........同學仔的復活節聚會日子一改再改, 終於在 5 月初如期進行啦! 

地點在設旺角的「風月堂」, 第一次認識「風月堂」就在沙田的新城市廣場, 只聞其名, 卻未試過其出品, 今次也算是第一次試菜。

同學們各自點菜, 結果點了：

1) 牛柳粒鵝肝炒飯：一道味道唔錯的炒飯, 牛柳粒唔算少, 但鵝肝不算香

2) 香辣海鮮麵：樣子 "紅噹噹" 的狀似好辣, 味道卻不是, 海鮮料不算少, 湯還帶一點甜

3) 忌廉汁焗青口：洋蔥忌廉汁好香濃惹味, 青口卻有點 "靭"

4) 芝士薯片：那個薯片並不是油炸 (乾的) 薯片, 而係濕潤的鮮薯片, 味道幾好

5) 三文魚雜菜沙律：三文魚唔算多, 雜菜沙律幾新鮮

6) 公司三文治 配 薯條：公司三文治味道一般, 麵包皮的口感有點濕, 粗薯條味道 OK

7) 香辣腸薄餅：可能因為幾碟菜式一齊上桌, 故此薄餅放涼了, 味道不太好。

此店的菜式每碟平均 $65 左右, "碟頭" 不算太大, 只屬正常 size, 又或者某些是 "比正常細一點" 的, 不過賣相卻唔錯。匯豐信用卡優惠：免加一 (9 折), 折扣後此餐共 $463。

今晚大家相聚的目的旨在聯誼, 各人也只談風月, 不問其他, 當中的各位 "大唔透" 男生均有連場的曖昧行為 和 笑料, 為晚飯中帶來不少的歡樂。 飯後我地還去了廣華街的另一食店享用甜品。

「談風月」行動相當成功, 可能因為之前 4 月病得嚴重, 幾乎閉關了一個月, 在此飯局之中, 忽然發現自己 "開懷大笑" 的次數 及 指數 (開懷程度) 相對以往多, 也許是「經一事, 長一智」, 深深的感到自己未能掌握人生的所有東西 (即使每天在身邊, 認為那是理所當然的), 而家學懂了看透恩怨、放下執著、長存感恩、知足常樂的心, 因為不知自己的下一刻會發生什麼事, 想笑的便趁機「開懷大笑」了!

希望日後「笑容」會成為我最美的化妝品, 但願讀緊此文章的你亦然。

傻人瘋語

這世界有好多奇怪的人, 你不會明白佢地的內心在想什麼?

事實上, 亦不需明白, 因為若然你明白佢的思維模式 (有共鳴), 那 "可能" 代表著你和佢係同一類人, 多可怕!

就好似現今社會有好多 "已婚" 的人士, 不論男女, 他們都是 MBA (此 "MBA" 並不是 "工商管理碩士學位" 的簡稱), 而係 "Married But Available" (結左婚 不過是  可與之聯繫的), 明白當中的意思嗎?  即係 "婚姻" 並不阻礙佢地繼續 "在外覓食" (揾對象)。那可解要結婚呢?? 認真耐人尋味。

婚姻不是意味住：「你已經找到了命中註定的 他 / 她, 並承諾願意一生一世追隨、照顧對方, 彼此共同承擔家庭崗位、養育子女的擔任嗎?」  若並不這樣想, 難道結婚只為了申請公屋、又或是 取得夫婦合併報稅的優惠麼?

有一個這樣的故事, 某天男人和女生在會議室內暢談工作的事, 女生正留心的觀察手中之樣板, 此時......................

男人 (拓住頭, 定著眼的望住女生)：「有無人話你知, 你的雙眼生得好靚、好迷人啊?」
女生微笑迥避：「唔好玩啦, 哈哈.....」
男人續 (表情誠懇的) 說：「其實你真係美貌與智慧並重」
女生心想：(你都發癲的, 而家選 "港姐" 咩?  o甘假的說話你都講得出口?) 「邊係呢? 你好人行善啫!」

無人知道以上事件中說話的出發點和居心何在?  只係覺得無需深究, 說話當中的真假, 相信事件中主角最 "心知肚明", 不需為那無關痛癢的 「傻人瘋語」而勞損心神。偶然無聊時想一想, 也甚覺好笑架, 因為有公司比錢你賺 兼 有人提供免費娛樂, 不是麼?

「傻人瘋語」有時並不如想像中的討厭, 只係你要以「耍太極」般不著痕跡的迥避, 卻要花一點心力應付。過程中, 或許偶有好笑的佳句啊! (想一想, 「正常人」如你我, 未必會開口說 "同一番說話")

母親節快樂

願天下間的 「母親大人」每天身體健康、笑面常在!!

某次同 KK 去逛超市, 睇見 "維他奶" 出左 D 特別包裝的產品, 雖然盒內依然係 "昔日的維他奶", 不過見它的外盒 o甘有心思, 啱晒我地用來送比 "父親" 同 "母親" 大人。  我地 "摷勻" 晒成個貨架才揾到 E 幾盒 "罕有的應節" 維他奶咋!  只可惜中間果款個盒又皺又凹, 想買比父母都無辦法 (太樣衰了)。

不過點都好, 真係多謝佢地年青時的 "通力合作", 才生產左我地幾個 "激氣的化骨龍", 仲要付出畢生的精力去養育、擔心我地, 還要多謝上天 及 父母賜我地幾兄妹「都有手有腳, 個個都靚仔靚女 又 健健康康」。

雖然今天我地幾個算不上有成就, 但至少可以養活自己, 不成為別人的負擔, 所以希望佢地別再為我地擔心, 我地會繼續努力生活架啦!

爹地、媽咪「我愛你」呀!!!!

「愛」這一回事

在世間尋覓愛侶，尋獲了但求共聚，然而共處半生都過去，卻有她在夢裏。

記得大師講過：「某些事，要學懂放下，卻不等於放棄。」

當下立即想到自己：「放下了傷痛，亦同時放棄了追尋愛情嗎？」是的，道理往往是知易而行難的。放下傷痛不如想像中般容易，也許因為生性小心眼（執著堅持），才不容易忘情釋懷啊！如果天生是寡情薄倖，那有多好？

「情愛」就是被感性蒙蔽了眼睛，令你想不通、猜不透、極其神祕，才令人着迷如痴。

想深一層，撫心自問，是自尊心作祟、成敗得失作怪、佔有慾的存在，才驅使你不能放下嗎？

我不知道

只知道：「在事件之中，正面的反思自己：學懂了什麼？」

倘若上天突然召回我的靈魂，那我有什麼遺憾、有什麼事想幹還未幹呢？。何不趁現在還有時間，好好的開懷做呢？

當你看破紅塵，參透生死時，會發現空虛、難過和寂寞，早已離你幾丈遠，不管你快不快樂，日子仍是要過，人生繼續向前走，聰明如你，捨得虛渡時光，為那挫折影響往後的人生嗎？

「情愛就好像一串夢，夢醒了一切亦空，或者是我天生多情，方給愛情戲弄」。冥冥之中，總有姻緣、軌跡在操控某些人和事，我哋控制不了外在因素，只有持著向善的心，踏實的做好自己，努力作個人修行，上天自有安排。

尖東「四川樓」

「四川樓」位於尖東南洋中心, 雖然名叫「四川樓」好似好堂皇o甘, 但價錢卻十分合理喎, 午市平均 $30 / 個小菜, 餸菜之中, 有辣有唔辣 (唔嗜辣的朋友都有好多選擇啊)。當日大家都超級肚餓, 又或是心情好, 影響到胃口大增吧!

點了：
1) 一個二人餐：包裝一小鍋湯、一款冷盆、兩款餸菜 及 兩個蔥花卷

 - 一小鍋湯 (油豆腐粉絲湯)：清清地, 唔太油, 料足之餘, 味道又 OK 呀!
 - 一款冷盆 (醉雞)：據聞要早到才叫得到架 (限量供應), 味道好, 而且算頗大碟
 - 兩款餸菜 (蕃茄牛肉 及 糖醋魚塊)：蕃茄牛肉的獻汁太厚身 (杰), 影響味道, 糖醋魚塊好好味, 食到停唔到口
 - 蔥花卷：趁熱食, 鬆軟美味, 凍左唔好食

2) 額外點菜：白飯、欖菜四季豆、冷盤：鎮江肴肉

 - 欖菜四季豆：惹味又可口, 用它來送飯, 感覺一流, 齋食就咸口左 D
 - 冷盤 (鎮江肴肉)：這是 「賣飛佛」, 咬下去果o下 "啫喱口感" (肉的肥膏汁) 真的超正!

最後酒樓還送上糖水兩款, 供客人選擇, 我揀左：杏仁豆腐, 貪其夠特別, 唔係處處都有, 而且 "賣相" 唔錯 (有心思的整多幾粒西瓜在頂)。杏仁豆腐的杏仁味唔夠香濃, 而且凍左少少, 令味覺少許麻痺, 影響感覺。 另一款甜品係：西米露

是次消費：平均每人 $70 , 值得一讚的係：侍應服務很好, 因為侍應充裕 (當日見到 8 人左右), 所以服務周到、殷勤, 令你感覺似 VIP 一樣。

換燈記

唔覺唔覺原來屋企都住左差不多有  20 年了, 期間都無裝修過, 好多野都殘舊了, 例如：櫃、牆身 同 燈。

我要經常對電腦 (做功課) 怕眼壞 (唔夠光), 又加上早前一家人輪住病, 所以將家中唔夠光的兩盞 "廳燈" (舊的用黃光) 及 浴室的天花燈 換掉。  由於媽媽的審美眼光比較嚴謹, 所以揀燈的任務就交比佢啦!

師傅安裝好燈之後, 家中立刻 "光光猛猛、陽 (光) 氣十足、真係病菌都少 D" 呀!!  (至少心理影響會覺得：夜晚都光到好似日頭o甘, 令你安心又放心) 開頭一家人都唔習慣 "忽然" 光猛左o甘多, 尤其是係晚上, 雙眼被 "殘" 得想合起來, 又或者想戴返副黑超遮光, 超攪笑!

及後換左 "火數" 細 D 的慳電膽, 感覺好似好一點!  其實我知道 LED 的燈膽 / 光管 更慳電、慳錢 (長遠計) 和 環保, 只可皆因為未普及 (產量少), 所以售價幾貴, 令我卻步, 加上考慮到 "偶然" 有小朋友到訪我家, 據聞 LED 光束產生出來的 "藍光" , 有機會損害眼球發育未完善的小孩 (因為小孩雙眼未懂得過濾壞眼的藍光), 所以都係遲 D 先用 LED 啦!

嘩......好多禮物啊!

第一天返工, 上午在會議室內聽經理講解, 佢還極好人 兼 大方的 送我 "好多禮物" 啊, 禮物外形頗精緻架, 全部都係公司的紀念品, 包括有：3 個白色 A4 膠快勞、紅色 A4 雙孔快勞、黑色記事簿 同埋 兩支 3 色筆。

經理笑說：「這是公司送給我的 "見面禮"」, 還叫我可在公司內使用, 不過至今...........它們依然留在抽屜內, 因為我覺得它們 "幾靚", 唔捨得用啊!

相比起過去............同事只有 "接收" 一些 "錯體印刷的月曆"、唔順暢的滑鼠墊、寫唔出墨的原子筆 同埋 薄薄的便條貼 (已經係最好用的一樣紀念品)。以上種種, 還得睇高層心情靚時, 才會秘密地 "配額派發" 架!  (超珍貴)

撇除人性 "貪小便宜" 的心態, 其實推廣紀念品目的是為了推動公司產品給大眾認識, 反正公司都已經製造了一系列紀念品, 何不留下一小撮送給同事享用, 令佢地對公司更添 "歸屬感" 及 "士氣", 增加工作效率呢!

新挑戰 2 之 第一天上班

嘩嘩...........第一日返新工啦!  之前一晚無想像中o甘緊張 兼 超好瞓, 可能因為晏晝同左姪仔遊公園 兼 曬太陽,  精力耗盡、筋疲力竭。

講返公司先, 原來我地的架構, 大致如圖：

我地係 隸屬大集團 的 香港 B 子公司, 我地同 A 公司 共用一個寫字樓, 兩間公司總共有大約 15 人, B 子公司 有 5 人 (連我在內), B 子公司的 人力資源部 外判於 A 公司做。第一天見到.........大家同事相處融合 (可能因為我地組男多女少的關係, 麻煩事少 D), 我組同事還請我午膳添 (出公數, 經理簽賬)。

原來公司 OT (超時工作) 係有 "補水" 的, 由 6:30 pm 開始計, 一踏正  6:30 pm, 就會補返之前 OT 的一個鐘的人工比你。傳聞過左 3 個月試用期後, 享有：醫療保險、人壽保險 和 加薪 (好似有, 唔知係唔係真的, 因為見工時無講, 第一天返工略略提過) 。

而且公司的工作環境比舊公司好 (無o甘迫夾 及 高壓), B 子公司一組人坐埋一齊, 有間隔圍住我地一組人, 員工的辦公桌 及 電腦屏幕 夠大, 空間感足。第一天上班, 半天在會議室內, 由外籍經理親自向我講解公司架構、產品、工作範疇等等, 令我感覺十分 "被尊重", 和以前的工作待遇有天壤之別 (以前老闆、上司只會 "草草講解" 背景, 之後立即推大量工作給你做)。

另外, 可能因為人少關係啦, B 公司 (我地的母公司) 這兩個月會經常過來香港開會, 經理通知我一齊出席晚飯飯局, 已知要出席的有 3 個飯局。 舊公司呢........外籍同事常會 "鬼鬼祟祟" 的 "內部通知" 某幾個人出席飯局 (其他員工一律無份)。就連每年一度的 "週年公司晚飯" 都好似要乞討似的施捨比員工o甘, 多可憐!!

原來員工到國外出差的話, 每日享有幾百蚊津貼 (唔同地區 同 不同職級員工, 津貼金額不同), 酒店機票公司額外再比, 都唔錯啊!  整體來講, 工作壓力比以前細, 因為：

1) 公司出手比較 "大方闊綽", 無o甘計較
2) B 子公司小組人數少, 大家 "同聲同氣", 小組同事均用 "流利外語" 溝通, 而我則用 廣東話 & 英語, 所以大家的決策性比較 "快" 同 "易話謂" (不用 "層層請示")
3) 只顧自己工作範疇內的事, 不需兼顧以往負責的 "行政工作", 可專心一致的做事, 不用再被接聽來電、開門接待等事干擾 / 中斷我專心工作, 令人無o甘緊張 及 大壓力。

希望往後一切順利、安好!!  好期待啊!

樓盤 之 好攪笑

投資：有人喜歡買黃金、有人喜歡債券、股票、亦有人喜歡買樓 去 保值、增值。

地產市場上, 官商勾結的場面屢見不鮮, 官方 常偏坦 地產發展商, 對佢地 "有問題" 的經營手法不聞不問、視若無睹, 受苦受騙的只是小市民, 辛辛苦苦揾返來的 "血汗錢", 就白白的被騙光了, 買了和事實不乎的單位, 還得供上 20、30 年的供款, 可笑嗎?

不過最好笑的還是地產發展商的營運模式, 我發現了這個問題存在了好幾年, 就係：

樓盤廣告中, 「樓盤名稱」是佔 "最大" 的字體, 其次賣點在於它的 建築物料、裝修物料 (名牌家庭電器)、超豪華屋苑會所設施、最後就係 睇樓接送車站 及 時間資料, 還有發展商名稱。

講左o甘耐, 點解無我最想知的資料呢?

就係「地區」和「位置」, 當你決定買樓, 不論是豪宅 還是 中小型住宅, 你也得先決定它座落那一個地區, 再研究屋苑附近的相關資料, 如：交通設施、校網、購物地點、康樂設施等等。  難道發展商以為.........「比個屋苑名稱」我, 我就會懂得其位置?

超攪笑!!

所以而家 D 人講開 某個樓盤名稱時, 我都在 "估估o下" 的情況下搭訕 (又或者 "齋聽唔講"), 因為每年都有太多樓盤推出 (有時一個樓盤又會分好多期推出), 所以真的好混亂, 腦內記憶體都記唔晒o甘多 "名稱", 最好都在廣告上列明地區, 等我無o甘迷惘呀!