早前感冒了, 好返之後時常掛住 學業、專業考試 及 工作等事宜, 竟然忘記了鍛鍊身體, 好耐都無郁了!!
因為最近食多左 (為著減壓吧!!) 總覺得 "豬腩仔" 成長了不少, 係時候同佢修修身了, 好想趁天氣還悶熱去游o下水呀!!
從明天起, 星期日要返全日學呀 (朝十晚五), 該又有一段時候無得運動, 除非.......星期二至星期五晚上放工後啦!! (因為星期一又要返學), 哈哈!
人家說 唔愁生活的人係 "賺錢買花戴", 我卻係 "賺錢買書讀"!!
星期五, 9月 04, 2009
最後時刻, 突然死亡
友人公司被收購, 要和買家進行公司搬遷及合併, 在此公司工作了多年, 聽罷傳聞, 友人亦感心淡。
由於新買家是同業競爭者, 所以職位會重覆, 大家也估計到裁員 及 工作重新調配係無可避免的事。傳聞管理層為怕被裁者會攪事 (攪破壞), 亦想大家落力 (賣力地) 在公司搬遷事宜上幫忙, 所以決定瞞住大家有關裁員的名單, "扮作 " 和所有人一齊搬遷, 要大家 "大大力" 幫手 pack 文件, 再在最後一刻 (pack 好文件後) 才玩 "突然死亡" (比大信封通知被裁的消息)。 可惜被部份人士提早洩漏了風聲而己。
回想起當時加入公司, 那時候上下一心, 工作無分彼此 (大家也不計較的), 可惜管理層的作風一時一樣, 對工作有要求 / 認真/ 有責任心 = 喜歡投訴別人工作表現未如理想, 而唔係訓練表現不合格的員工進步, 反之要有能力的員工降低要求相就, 最終就淪落至此..........
公平!! 可曾有出現過? 講到尾仍是那一句, 雖然你是管理層, 可以話晒事, 但請記住, 你今天作的事 (對無理人和事的縱容), 他朝你便會吃回那個果 (那個忘恩負義的人早已明言 "公司合併了, 你再也不是佢的老闆, 對你.....可以不理!!")
那一道「最後時刻, 突然死亡」是十分卑鄙的招式, 亦令你多年以來, 僅餘的形象亦毀於一旦, 你可以對跟隨了多年的員工作出如此的安排, 你也要有心理預備, 如需幫忙, 別人也 "不一定" 願意幫你的。 (可以出埠去旅行, 可以唔得閒, 反正彼此不過是 "明買明賣" 的關係, 主僱的關係, 在僱員離開公司的一刻, 所有情義也已經結束), 雖然大家也明白裁員及工作調配係迫不得己, 但不可以令結尾安排得 "好一點", 令人感覺 "好過一點" 麼?
更傳聞能安然過度的同事, 一旦交接成功之後 (將現公司的工作交託給買家員工), 過不了三個月的試用期, 也會被解僱, 最終只剩下三位員工留下。
由於新買家是同業競爭者, 所以職位會重覆, 大家也估計到裁員 及 工作重新調配係無可避免的事。傳聞管理層為怕被裁者會攪事 (攪破壞), 亦想大家落力 (賣力地) 在公司搬遷事宜上幫忙, 所以決定瞞住大家有關裁員的名單, "扮作 " 和所有人一齊搬遷, 要大家 "大大力" 幫手 pack 文件, 再在最後一刻 (pack 好文件後) 才玩 "突然死亡" (比大信封通知被裁的消息)。 可惜被部份人士提早洩漏了風聲而己。
回想起當時加入公司, 那時候上下一心, 工作無分彼此 (大家也不計較的), 可惜管理層的作風一時一樣, 對工作有要求 / 認真/ 有責任心 = 喜歡投訴別人工作表現未如理想, 而唔係訓練表現不合格的員工進步, 反之要有能力的員工降低要求相就, 最終就淪落至此..........
公平!! 可曾有出現過? 講到尾仍是那一句, 雖然你是管理層, 可以話晒事, 但請記住, 你今天作的事 (對無理人和事的縱容), 他朝你便會吃回那個果 (那個忘恩負義的人早已明言 "公司合併了, 你再也不是佢的老闆, 對你.....可以不理!!")
那一道「最後時刻, 突然死亡」是十分卑鄙的招式, 亦令你多年以來, 僅餘的形象亦毀於一旦, 你可以對跟隨了多年的員工作出如此的安排, 你也要有心理預備, 如需幫忙, 別人也 "不一定" 願意幫你的。 (可以出埠去旅行, 可以唔得閒, 反正彼此不過是 "明買明賣" 的關係, 主僱的關係, 在僱員離開公司的一刻, 所有情義也已經結束), 雖然大家也明白裁員及工作調配係迫不得己, 但不可以令結尾安排得 "好一點", 令人感覺 "好過一點" 麼?
更傳聞能安然過度的同事, 一旦交接成功之後 (將現公司的工作交託給買家員工), 過不了三個月的試用期, 也會被解僱, 最終只剩下三位員工留下。
星期四, 9月 03, 2009
奀皮的醜樣豬
奀皮的醜樣豬返學了, 探訪佢的時候細問返學詳情, 佢唔多願意講, 後來...........KK 姑姐 (手持一隻毛公仔向住我): Big Mac 姑姐呀....我返學校走的時候會同老師講 goodbye 架! 你有無架?
Big Mac 姑姐 (手持一隻毛公仔向住佢): 有呀.....不過我同老師講 see you 的, 老師還讚我乖添!
亨仔 (手持一隻毛公仔向住我地) 搶說: 我都有架, 我同老師講 goodbye, see you 的, 老師都有讚我乖, 我老師好錫我架!!
哈哈.......... e 招用 毛公仔 套料又幾 work 喎! 不費吹灰之力便套得小鬼自己爆料, KK 姑姐, 好o野!!
星期三, 9月 02, 2009
職場上人情紙o甘簿
有人話：「覺得 報酬 和 推動力 在職場上係相對的, 即係話你越比得起回報, 那麼員工的推動力便越高」
我相信此道理, 正如古語有云「重賞之下必有勇夫」
記我 在父母年青的時代, 佢地好多人也是一生人打一至兩份工, 那時候的僱主當伙記係一家人一樣, 有的甚至會照顧埋佢的高堂及子女添! 相對下, 那時候的打工仔就會將心比己, 當正公司係自己的一樣落力, 因為老闆真是佢地的 "衣食父母", 尤如恩人一樣!
時而勢逆, 而家的職場上唔係年青人個性不安定而喜歡 "跳槽", 而係大老闆總愛剝削僱員, 見到別人裁員減薪, 縱使企業仍有增長, 也樂得參與埋一份, 令打工仔心灰意冷。打工仔工作表現得好, 在於僱主角度係 "理所當然" 的事, 還要挑一挑骨頭的找出那裡還做得唔夠好, 籍此再減人工 又式或者 責備員工去宣洩個人壓力, 最終迫到員工頂唔住, 又再跳槽另覓好公司。
有時候做人做事也是 "雙向" 的, 不是單方面可以影響結果, 那些講者名人在批評「年青人找工作時, 不該太計較薪酬、工作時間、職位等等」請先自問社會上的企業又是否不斷的壓榨及剝削這群無知而又無工作經驗的年青人呢? 既然老闆對員工太苛刻、刻簿, 又如何叫僱員為你賣力工作呢?
我相信此道理, 正如古語有云「重賞之下必有勇夫」
記我 在父母年青的時代, 佢地好多人也是一生人打一至兩份工, 那時候的僱主當伙記係一家人一樣, 有的甚至會照顧埋佢的高堂及子女添! 相對下, 那時候的打工仔就會將心比己, 當正公司係自己的一樣落力, 因為老闆真是佢地的 "衣食父母", 尤如恩人一樣!
時而勢逆, 而家的職場上唔係年青人個性不安定而喜歡 "跳槽", 而係大老闆總愛剝削僱員, 見到別人裁員減薪, 縱使企業仍有增長, 也樂得參與埋一份, 令打工仔心灰意冷。打工仔工作表現得好, 在於僱主角度係 "理所當然" 的事, 還要挑一挑骨頭的找出那裡還做得唔夠好, 籍此再減人工 又式或者 責備員工去宣洩個人壓力, 最終迫到員工頂唔住, 又再跳槽另覓好公司。
有時候做人做事也是 "雙向" 的, 不是單方面可以影響結果, 那些講者名人在批評「年青人找工作時, 不該太計較薪酬、工作時間、職位等等」請先自問社會上的企業又是否不斷的壓榨及剝削這群無知而又無工作經驗的年青人呢? 既然老闆對員工太苛刻、刻簿, 又如何叫僱員為你賣力工作呢?
星期二, 9月 01, 2009
夢上海
終於到左渴望已久的「夢上海」尋食了, 它做緊星期六、日的 brunch (早午餐) 半自助 buffet (自助餐), 成人 $98 及加一, 時間分兩場, 分別係 11:30 am - 2:00 pm 及 2:30 pm - 4:00 pm
前菜及甜點係自助形式, 其他的小菜, 上海美點就係剔表送菜的。
前菜及甜點有: 莧菜魚羹、蒜茸拍黃瓜 (青瓜)、木耳烤夫、油炆荀、鹵水牛展、雞絲粉皮、花鵰醉雞、鹵水雞翼、茶葉蛋、豆漿 (咸甜配料自己溝)、什果西米露、椰汁馬豆糕、杞子桂花糕、酒釀丸子、芝麻酥餅、饅頭、最最最特別的.....................係有 "片皮鴨" (開頭大家係o甘搶, d 人一搶就無左 1/4 或者半碟, 我地要輪到第二輪才有得食, 結果原來.............唔駛搶, 出左 4、5 隻鴨o甘多, 多到無人攞)
前菜及甜點係自助形式, 其他的小菜, 上海美點就係剔表送菜的。
前菜及甜點有: 莧菜魚羹、蒜茸拍黃瓜 (青瓜)、木耳烤夫、油炆荀、鹵水牛展、雞絲粉皮、花鵰醉雞、鹵水雞翼、茶葉蛋、豆漿 (咸甜配料自己溝)、什果西米露、椰汁馬豆糕、杞子桂花糕、酒釀丸子、芝麻酥餅、饅頭、最最最特別的.....................係有 "片皮鴨" (開頭大家係o甘搶, d 人一搶就無左 1/4 或者半碟, 我地要輪到第二輪才有得食, 結果原來.............唔駛搶, 出左 4、5 隻鴨o甘多, 多到無人攞)
小菜、上海美點有: 干煸四季豆、上海素鵝、糖醋魚塊、魚香茄子、蝦仁炒蛋、蝦餃、燒賣、小籠包、紅油炒手 、還有多款點左但唔記得影相的食物
總括而言, 食物賣相及味道唔錯, 侍應服務亦很好, 只可惜今天大家有點 "不在狀態" 中, 所以食慾大減, 友人說:「味精頗重, 好頸渴」, 不過都值得一試! 我地仲有一張每位免費贈送 "乳鴒" 一隻 或 "湯包" 一隻的贈劵, 不過真係食唔落, 唯有留返下次用啦!
總括而言, 食物賣相及味道唔錯, 侍應服務亦很好, 只可惜今天大家有點 "不在狀態" 中, 所以食慾大減, 友人說:「味精頗重, 好頸渴」, 不過都值得一試! 我地仲有一張每位免費贈送 "乳鴒" 一隻 或 "湯包" 一隻的贈劵, 不過真係食唔落, 唯有留返下次用啦!
星期一, 8月 31, 2009
聖荷西謀殺案
最近睇左舞台劇 《聖荷西謀殺案》, 它講的除左係一單謀殺案之外, 還有隱藏著人性 及 男女關係的元素, 故事大網係：一對移民到美國聖荷西的夫婦, 一次機會之下招待女主人飄洋過海的女室友, 夫妻間的不和一觸即發, 甚至發生了命案, 卻原來...............早有玄機!!感想:
1) 有人話：「男人來自火星 (脾氣猛), 女人來自水星 (愛哭鬼)」真的無講錯, 除非你係 "同性戀", 否則你就得接受男人和女人的 "天性"
2) 劇中的主角個性有著大多數人的影子, 如: 女生總愛支配別人 (心想是 "為你好"), 而男生卻愛吹水, 愛面子, 齋講唔做 (空有理想而力不足)
3) 每段關係總有熱戀期 (為對方作任何傻事也不計較)、厭惡期 (對方作任何事你也睇唔順眼) 和 平淡期 (總覺得習慣了對方的相處模式, 佢的 "好" 和 "不好" 就是理所當然, 亳不特別)
4) 男女之間的關係建基於 "信任", 因為 "信任" 對方, 你才會 "依賴" 對方, 如果你對佢毫不信任, 關係就如肥皂泡一樣隨時幻滅
5) 有時候 "唔識做人" 真的會令對方的親友唔開心、伴侶感尷尬, 就如劇中的女主角唔喜歡男主角招待朋友回來, 結果黑著臉招呼人之餘, 還弄得大家不歡而散, 男女主角亦因此而鬧翻
6) 二人之間如感到問題存在, 要在冷靜的氣氛下坦誠而成熟的溝通, 尋求解決辦法, 因為 "過份的壓抑" 最後會弄至物極必反的大反抗狀況
7) 人總會犯錯, 有人甚至會一錯再錯, 最重要係三思而後行, 有些錯誤係無法彌補的 (如: 人命), 有些人錯過了亦不應再回顧 (由得佢過去)
8) 兩個人若是因為利益關係, 又或是拿著對方的痛腳才走在一起, 那是一件痛苦的事, 如不是真心的相愛, 那........不如不愛!
開始一段關係之時, 想清楚自己想要 (愛) 什麼, 對方是適合自己麼? 才好開始, 不要人有我有的, 最終令自己後悔。
星期日, 8月 30, 2009
星期六, 8月 29, 2009
知道有人正在羨慕你嗎?
每個人的天賦皆不同, 有人智商高, 有人讀書成績好, 有人品格高尚, 總之一句: 無人係完美的!
只有互相幫忙, 互補長短, 就可以發揮 "團隊" 的最大威力, 當中還要包含住 "耐性", "溝通" 同埋 "包容"
你看到富人的財富, 你在羨慕佢的同時, 可知佢可能羨慕著你擁有的 "親情" 呢? 曾經讀過一篇文章, 內容大致:
有錢, 你可以買到手錶, 卻不能買到時間
有錢, 你可以買到性, 卻不能買到愛
有錢, 你可以買到醫療, 卻不能買到健康
有錢, 你可以買到娛樂, 卻不能買到朋友
有錢, 你可以買到享受, 卻不能買到親情
"錢" 在資本主義的香港的確重要, 卻不是萬能! 試想一下假如你很富有, 但內心卻很空虛, 為著要保衛你的財富, 怕被人騙財, 終日提心吊膽, 懷疑你身邊的朋友是 "酒肉的" 還是 "真心的", 猜測你身邊的親人是 "真情的" 還是 "假意的", 擔心你身邊的伴侶是 "愛你錢的" 還是 "愛你人的", 那麼你的人生還會快樂嗎?
做個快樂的窮人, 只要心內富足, 何樂而不為? 反正死後也帶不走財富的, 不是麼?
只有互相幫忙, 互補長短, 就可以發揮 "團隊" 的最大威力, 當中還要包含住 "耐性", "溝通" 同埋 "包容"
你看到富人的財富, 你在羨慕佢的同時, 可知佢可能羨慕著你擁有的 "親情" 呢? 曾經讀過一篇文章, 內容大致:
有錢, 你可以買到手錶, 卻不能買到時間
有錢, 你可以買到性, 卻不能買到愛
有錢, 你可以買到醫療, 卻不能買到健康
有錢, 你可以買到娛樂, 卻不能買到朋友
有錢, 你可以買到享受, 卻不能買到親情
"錢" 在資本主義的香港的確重要, 卻不是萬能! 試想一下假如你很富有, 但內心卻很空虛, 為著要保衛你的財富, 怕被人騙財, 終日提心吊膽, 懷疑你身邊的朋友是 "酒肉的" 還是 "真心的", 猜測你身邊的親人是 "真情的" 還是 "假意的", 擔心你身邊的伴侶是 "愛你錢的" 還是 "愛你人的", 那麼你的人生還會快樂嗎?
做個快樂的窮人, 只要心內富足, 何樂而不為? 反正死後也帶不走財富的, 不是麼?
星期五, 8月 28, 2009
三伏天炙的結果
我在中醫師的介紹下, 參加了佢舉辦的「三伏天炙」治療法, 它是對氣管、哮喘 及 鼻敏感等症有療效。 之前講過我的中醫師的治療法和坊間的有點不同, 包括:
1) 收費: 每次 $400, 坊間大約每次 $150
2) 療程: 整個療程 4 次 (最後一次為 "加強" 療效), 坊間的療程為 3 次
3) 日期: 由於需要配合 "氣節" 的因素摘日子, 我的中醫師摘的日子和坊間的有所不同
4) 療程內容: 坊間的治療過程是 "用一塊有膏藥的膏布" 貼在特定的穴位上 (只在背部), 大約 4 小時自行除去 (友人在廣華醫院中醫部就是用此等療法)
而我的治療過程如下:
1) 先到診所報到登記輪候
2) 中醫師用聽筒先聽背部 (肺)
3) 用顏色筆在你身上特定的穴位 "畫位", 四次的穴位也不一樣, 包括:
a) 第一伏 (初伏): 28/7 胸前 2 個穴位, 背部 6 個穴位
b) 第二伏 (中伏): 3/8 胸前 3 個穴位, 背部 7 個穴位
c) 第三伏 (末伏): 13/8 胸前 4 個穴位, 背部 7 個穴位
d) 第四伏 (加強): 21/8 胸前 5 個穴位, 背部 6 個穴位
4) 用膏藥直接敷在特定穴位上, 然後用 "超高溫的艾炙條" (類似大香的東西) 在穴位上熱燻, 胸前大約燻 20-30 分鐘, 背部大約燻 30-40 分鐘 (時間長短視乎天氣濕度及膏藥的乾濕度而定)
5) 用大塊白色膠布貼好膏藥以穩定在身上, 4 - 6 小時後自行除去 (除去膏布後, 穴位皮膚有點癢 及 有明顯的紅印)
要注意的事項:
1) 膏布除去後, 部份人會在穴位皮膚 "起水泡" 或 "有紅印", 此乃正常現象, 小心護理傷口便可
2) 療程進行期間 不可沖凍水涼, 不可食 "會發" 的東西 (如蝦, 蟹, 牛等), 不可食生冷野
3) 天炙當日不可游水, 不宜進行運動, 怕出汗太多, 沖淡膏藥療效 及 膏布移位
總括來講, 我覺得鼻敏感無之前o甘嚴重, 而且即使空氣質素差 (懸浮粒子過多), 抖氣也不用之前o甘 "大力" (無o甘索氣), 氣管好似暢通一點! 唯自己唔 "爭氣", 在 "加強" 天炙時, 竟然惹上了感冒, 療程還是繼續進行, 只係附加要飲中藥囉!
我想還是會參加多兩年的療程, 務求連續三年的 「三伏天炙」療程可治癒煩擾我多年的哮喘鼻敏感等問題, 亦可 "強化" 體質, 從而斷尾又健康啦! 因為健康係無價的。
1) 收費: 每次 $400, 坊間大約每次 $150
2) 療程: 整個療程 4 次 (最後一次為 "加強" 療效), 坊間的療程為 3 次
3) 日期: 由於需要配合 "氣節" 的因素摘日子, 我的中醫師摘的日子和坊間的有所不同
4) 療程內容: 坊間的治療過程是 "用一塊有膏藥的膏布" 貼在特定的穴位上 (只在背部), 大約 4 小時自行除去 (友人在廣華醫院中醫部就是用此等療法)
而我的治療過程如下:
1) 先到診所報到登記輪候
2) 中醫師用聽筒先聽背部 (肺)
3) 用顏色筆在你身上特定的穴位 "畫位", 四次的穴位也不一樣, 包括:
a) 第一伏 (初伏): 28/7 胸前 2 個穴位, 背部 6 個穴位
b) 第二伏 (中伏): 3/8 胸前 3 個穴位, 背部 7 個穴位
c) 第三伏 (末伏): 13/8 胸前 4 個穴位, 背部 7 個穴位
d) 第四伏 (加強): 21/8 胸前 5 個穴位, 背部 6 個穴位
4) 用膏藥直接敷在特定穴位上, 然後用 "超高溫的艾炙條" (類似大香的東西) 在穴位上熱燻, 胸前大約燻 20-30 分鐘, 背部大約燻 30-40 分鐘 (時間長短視乎天氣濕度及膏藥的乾濕度而定)
5) 用大塊白色膠布貼好膏藥以穩定在身上, 4 - 6 小時後自行除去 (除去膏布後, 穴位皮膚有點癢 及 有明顯的紅印)
要注意的事項:
1) 膏布除去後, 部份人會在穴位皮膚 "起水泡" 或 "有紅印", 此乃正常現象, 小心護理傷口便可
2) 療程進行期間 不可沖凍水涼, 不可食 "會發" 的東西 (如蝦, 蟹, 牛等), 不可食生冷野
3) 天炙當日不可游水, 不宜進行運動, 怕出汗太多, 沖淡膏藥療效 及 膏布移位
總括來講, 我覺得鼻敏感無之前o甘嚴重, 而且即使空氣質素差 (懸浮粒子過多), 抖氣也不用之前o甘 "大力" (無o甘索氣), 氣管好似暢通一點! 唯自己唔 "爭氣", 在 "加強" 天炙時, 竟然惹上了感冒, 療程還是繼續進行, 只係附加要飲中藥囉!
我想還是會參加多兩年的療程, 務求連續三年的 「三伏天炙」療程可治癒煩擾我多年的哮喘鼻敏感等問題, 亦可 "強化" 體質, 從而斷尾又健康啦! 因為健康係無價的。
星期四, 8月 27, 2009
學多D
友人因工作需要, 要用 Powerpoint 製作演講影片, 雖然我只懂得皮毛, 唔識整得好靚 (有聲又有畫), 只可教佢最基本的功能, 然後要大家一齊研究。 友人公司喜歡 "新來新豬肉" (蝦新人), 好多工作也會分派給佢負責, 令佢圖添壓力, 苦不堪言!
雖然我幫不上什麼幫, 只可以安慰佢說:
無辦法啦.......既然煮到來, 就要食架啦! 既然無能力 (辦法) 去改變現況, 就只得接受! 只可以 「阿 Q 一點」同自己講:「當學多一樣技能, 從工作中學習到的知識會跟隨我一世的, 無論日後我去到邊, 一樣用得著。 相反那些卸膊的惡人, 就只可依賴你, 雖然因為權勢的關係, 令佢看似 "佔了上風", 可是想深一層, 當一天時來運轉佢失勢時, 佢還是唔識你所懂得的 (佢只是一個草包), 而你卻絕無浪費那些學習的機會啊!」
凡事只要懂得 "兩面想" (正負兩面), 其實有危才有機, 有苦才有樂! 我地還要多謝 "卸膊惡人" 給予的學習機會, 因為.............係佢無左你唔得, 而你無左佢 "就絕對無問題" 丫嘛!
正所謂 能者多勞, 人在做, 天在看, 為自己加油, 總有一天出頭架!
雖然我幫不上什麼幫, 只可以安慰佢說:
無辦法啦.......既然煮到來, 就要食架啦! 既然無能力 (辦法) 去改變現況, 就只得接受! 只可以 「阿 Q 一點」同自己講:「當學多一樣技能, 從工作中學習到的知識會跟隨我一世的, 無論日後我去到邊, 一樣用得著。 相反那些卸膊的惡人, 就只可依賴你, 雖然因為權勢的關係, 令佢看似 "佔了上風", 可是想深一層, 當一天時來運轉佢失勢時, 佢還是唔識你所懂得的 (佢只是一個草包), 而你卻絕無浪費那些學習的機會啊!」
凡事只要懂得 "兩面想" (正負兩面), 其實有危才有機, 有苦才有樂! 我地還要多謝 "卸膊惡人" 給予的學習機會, 因為.............係佢無左你唔得, 而你無左佢 "就絕對無問題" 丫嘛!
正所謂 能者多勞, 人在做, 天在看, 為自己加油, 總有一天出頭架!
星期三, 8月 26, 2009
表演時間 Show Time
星期六係學位課程必修的英文課, 又要進行演講 presentation 了。一般來說, 香港的學生就最怕此種形式的計分功課, 因為:
1) 通常要大夥兒做的 (一組同學), 組員中往往有人以 "忙" 作借口, 將責任交與其他組員, 可幸的今次的組員唔錯啊! 人人也盡自己本份做事。
2) 唔習慣面對 "群眾" 講話, 可能因為自信心唔夠, 心內感到 "怯", 面對全班講話總是緊張, 令人口齒唔伶俐
3) 要做 powerpoint 演講影片 及 寫 speech 講詞, 工作量也頗煩重
我地要預先提交 powerpoint 演講影片比導師審批, 佢會比意見我地改進, 導師睇過後, 評價正面, 令組員鼓舞啊!
演講過後, 導師評語為: 咬字清楚, 只係部份生字發音唔準, 聲線 及 眼神運用得很好, 而且佢還最最最欣賞我地小組的 演講編排手法, 內容編排流暢 而 又能用輕鬆的手法帶到訊息比聽眾, 一點也不沉悶 (夠生鬼), 還有最特別 (我地花心思的地方) 就係附加了好幾款 "道具" 去配合訊息, 如: 有一個扭成 "狗仔" 的汽球配合同學演講的其中一部份
雖然還未知道 "評分", 估計導師口中評價o甘高, 分數亦應該唔差吧!
1) 通常要大夥兒做的 (一組同學), 組員中往往有人以 "忙" 作借口, 將責任交與其他組員, 可幸的今次的組員唔錯啊! 人人也盡自己本份做事。
2) 唔習慣面對 "群眾" 講話, 可能因為自信心唔夠, 心內感到 "怯", 面對全班講話總是緊張, 令人口齒唔伶俐
3) 要做 powerpoint 演講影片 及 寫 speech 講詞, 工作量也頗煩重
我地要預先提交 powerpoint 演講影片比導師審批, 佢會比意見我地改進, 導師睇過後, 評價正面, 令組員鼓舞啊!
演講過後, 導師評語為: 咬字清楚, 只係部份生字發音唔準, 聲線 及 眼神運用得很好, 而且佢還最最最欣賞我地小組的 演講編排手法, 內容編排流暢 而 又能用輕鬆的手法帶到訊息比聽眾, 一點也不沉悶 (夠生鬼), 還有最特別 (我地花心思的地方) 就係附加了好幾款 "道具" 去配合訊息, 如: 有一個扭成 "狗仔" 的汽球配合同學演講的其中一部份
雖然還未知道 "評分", 估計導師口中評價o甘高, 分數亦應該唔差吧!
星期二, 8月 25, 2009
傻豬......你永不知道
嫂嫂: 小姪在開學禮之後, 感到一點點失落
我: 點解呀?
嫂嫂: 佢滿以為開學禮會派發新書包, 那麼佢便可以 "神氣的" 揹住書包返屋企, 向別人 "驕傲地" 說佢返學了! 但結果.........只派發了學生手冊而已!
聽後心想........那個傻豬仔丫!! 我好想講佢知:
傻豬.....你永不知道你現在是多麼的幸福, 有父母長輩寵你縱你, 每天醒來只顧別喝玩樂, 不用愁讀書成績, 也不用怕考試壓力, 更遑論為糊口而煩惱呢? 因為一切皆有你的父母替你承擔! 而傻豬仔的你瞬間已長大了, 要入學了! 還會為著無得揹新書包而失落, 你知不知道我正羨慕著你呢?
"書包" 就如一種壓力枷鎖, 一旦揹上了, 不輕易除掉, 就如父母養育孩子, 不是一時三刻的興之所至, 而係一生一世的責任和承諾, 即使自己如果省儉, 也要將 "最好的" 分配給子女, 令我想起自己小時候, 總係幻想快些成長做 "大人", 滿以為就此可以自己作主話事, 卻不知道原來眼前美好的享受, 全是靠父母辛苦拼搏, 兄姊退讓的成全了自己
"傻豬......你永不知道 你是何等的幸福!" E 句說話並不是單單想向小姪說明, 也是想向自己, 向讀緊文章的你地說明, 因為你此刻擁有的, 雖然看似理所當然, 也許是卑微, 也許是不足的, 卻是一種得來不易的恩賜, 要好好珍惜啊!
人最重要的是 "要懂得感恩"! 你要相信自己擁有的, 是最美好的, 是別人努力成全自己的!
我: 點解呀?
嫂嫂: 佢滿以為開學禮會派發新書包, 那麼佢便可以 "神氣的" 揹住書包返屋企, 向別人 "驕傲地" 說佢返學了! 但結果.........只派發了學生手冊而已!
聽後心想........那個傻豬仔丫!! 我好想講佢知:
傻豬.....你永不知道你現在是多麼的幸福, 有父母長輩寵你縱你, 每天醒來只顧別喝玩樂, 不用愁讀書成績, 也不用怕考試壓力, 更遑論為糊口而煩惱呢? 因為一切皆有你的父母替你承擔! 而傻豬仔的你瞬間已長大了, 要入學了! 還會為著無得揹新書包而失落, 你知不知道我正羨慕著你呢?
"書包" 就如一種壓力枷鎖, 一旦揹上了, 不輕易除掉, 就如父母養育孩子, 不是一時三刻的興之所至, 而係一生一世的責任和承諾, 即使自己如果省儉, 也要將 "最好的" 分配給子女, 令我想起自己小時候, 總係幻想快些成長做 "大人", 滿以為就此可以自己作主話事, 卻不知道原來眼前美好的享受, 全是靠父母辛苦拼搏, 兄姊退讓的成全了自己
"傻豬......你永不知道 你是何等的幸福!" E 句說話並不是單單想向小姪說明, 也是想向自己, 向讀緊文章的你地說明, 因為你此刻擁有的, 雖然看似理所當然, 也許是卑微, 也許是不足的, 卻是一種得來不易的恩賜, 要好好珍惜啊!
人最重要的是 "要懂得感恩"! 你要相信自己擁有的, 是最美好的, 是別人努力成全自己的!
星期一, 8月 24, 2009
星期日, 8月 23, 2009
又有新計劃
星期五晚去左一個 "出名的教育機構" 聽免費講座, 聽佢講解某學會的專業考試的其中一張試卷課程, 原本打算聽完之後先給自己 "冷靜" 一日 (考慮清楚) 才決定報名與否, 最後.............
為了省車費, 又為了 「打鐵趁熱」還是報左名, 課程在 9-11 月上課, 12 月應考專業試, 希望會 "馬到功成" 啦!
如果依照心內的計劃進行, 明年學士課程畢業後 (大約 12月放成績), 亦是此專業考試 (四張試卷) 成功之時, 那麼後年 (2011) 就有資格進入 "高級" D 的專業學會, 成為學生會員再報考其他專業試, "掛住那學會的學生會員" 資格, 揾工叫價都可以高 D 啦!
前幾年花了許多時間在別的地方身上, 係時候 "為自己" 好好著想了! 展望未來的五年用作增值自己, 好好計劃將來身上。 雖然不期望成就比人高, 但至少趁後生努力過, 年老時亦無悔, 而且唔想見到自己 "原地踏步", 困在過去無進步。
為了省車費, 又為了 「打鐵趁熱」還是報左名, 課程在 9-11 月上課, 12 月應考專業試, 希望會 "馬到功成" 啦!
如果依照心內的計劃進行, 明年學士課程畢業後 (大約 12月放成績), 亦是此專業考試 (四張試卷) 成功之時, 那麼後年 (2011) 就有資格進入 "高級" D 的專業學會, 成為學生會員再報考其他專業試, "掛住那學會的學生會員" 資格, 揾工叫價都可以高 D 啦!
前幾年花了許多時間在別的地方身上, 係時候 "為自己" 好好著想了! 展望未來的五年用作增值自己, 好好計劃將來身上。 雖然不期望成就比人高, 但至少趁後生努力過, 年老時亦無悔, 而且唔想見到自己 "原地踏步", 困在過去無進步。
星期六, 8月 22, 2009
尖沙咀的 「泰式生香」專售價廉物美的泰國菜, 某天點了:星期五, 8月 21, 2009
自私得可憐
從前的世代, 人與人之間的關係是親密的, 彼此守望相助, 可是看看這世代的人, 只做自己喜歡的事, 不理會旁人感受, 當受到別人批評時 (不理合理與否), 一律以 "有創意", "人權" 及 "自由" 等借口讓自己繼續犯錯
正如早前有一則新聞:
一名香港人在日本清水寺門口石級玩碌樓梯，叫自己女朋友拍下，一邊碌一邊叫，然後還聲稱：「我見到佛光。」根據報導，此男乃一名教師，男主角最初只是做自己喜歡做的事，他在影片中寫道：「您說我不敬？您說我無聊？您看不過眼？我就是我，我就是做想做的，我就是有我的信念。」
事件越鬧越大，日本方面認為他有辱佛教，同時覺得為何香港人質素如此差劣，中國人被影衰等等。
OK, 你是人我也是人, 你有你的信念, 做你想做的, 我也有我的言論自由, 去表達我對你行為的不滿, 先別講你有辱國體o甘嚴重, 但你可曾尊重過別國的信仰文化? 在莊嚴的寺廟中大呼小叫, 作出騷擾旁人的行為, 那麼你只顧自己的自由, 就可以抹煞旁人想清靜參拜寺廟的自由嗎? 知否你正用一些荒謬的借口去剝奪了別人的自由啊? 就正如你的鄰居不理你的死活, 半夜三更在佢家中大呼小叫一樣, 佢一樣有佢的自由嗎? 那是否可以剝奪你的睡眠自由啊?
新世代的人過份 "自我膨脹", 目中無人, 只在乎自己的感受, 正所謂 "面係人地俾的, 架就係自己丟" 的, 那些只顧自己利益而妄顧他人感受的人, 只可以用 "自私" 來形容佢, 而佢那 "歪曲了的價值觀" (自私 = 有自我的信念, 作喜歡的事) 就是 "可憐" 了!
估唔到我地 "偉大的教育改革方案", 教出文化水平o甘高 (教師), 而品格又o甘好的人 (自私), 真令人大開眼界啊!
正如早前有一則新聞:
一名香港人在日本清水寺門口石級玩碌樓梯，叫自己女朋友拍下，一邊碌一邊叫，然後還聲稱：「我見到佛光。」根據報導，此男乃一名教師，男主角最初只是做自己喜歡做的事，他在影片中寫道：「您說我不敬？您說我無聊？您看不過眼？我就是我，我就是做想做的，我就是有我的信念。」
事件越鬧越大，日本方面認為他有辱佛教，同時覺得為何香港人質素如此差劣，中國人被影衰等等。
OK, 你是人我也是人, 你有你的信念, 做你想做的, 我也有我的言論自由, 去表達我對你行為的不滿, 先別講你有辱國體o甘嚴重, 但你可曾尊重過別國的信仰文化? 在莊嚴的寺廟中大呼小叫, 作出騷擾旁人的行為, 那麼你只顧自己的自由, 就可以抹煞旁人想清靜參拜寺廟的自由嗎? 知否你正用一些荒謬的借口去剝奪了別人的自由啊? 就正如你的鄰居不理你的死活, 半夜三更在佢家中大呼小叫一樣, 佢一樣有佢的自由嗎? 那是否可以剝奪你的睡眠自由啊?
新世代的人過份 "自我膨脹", 目中無人, 只在乎自己的感受, 正所謂 "面係人地俾的, 架就係自己丟" 的, 那些只顧自己利益而妄顧他人感受的人, 只可以用 "自私" 來形容佢, 而佢那 "歪曲了的價值觀" (自私 = 有自我的信念, 作喜歡的事) 就是 "可憐" 了!
估唔到我地 "偉大的教育改革方案", 教出文化水平o甘高 (教師), 而品格又o甘好的人 (自私), 真令人大開眼界啊!
星期四, 8月 20, 2009
何謂 "清兵" 頭
一對同居的男女, 佢地喜歡以 "鬥咀" 的方式相處, 令人感到似頂咀的朋友多於戀人關係, 女生向我轉述了以下的故事:
女生在家中敷面 (做 facial), 當時她用 "頭 cool" 束起頭髮,
忽然男友說: 你快放下 "頭 cool" 吧! 你看你......活像 "清兵" 似的!
聽罷我不明所以, 向女生問過明白
我: 那即係點呀, 我唔明呀?
女生: 佢呀.....幾衰呀!! 明知我的額 "生我高", 說我梳起留陰, 活像 "清兵" 一樣, 你知啦........."清兵" 的髮型係從頭頂中間至後方架嘛! 正衰人!
啊............原來係o甘解, 我立即忍唔住狂笑了! (腦中浮現著古裝電視劇的 "清兵" 造型)
女生在家中敷面 (做 facial), 當時她用 "頭 cool" 束起頭髮,
忽然男友說: 你快放下 "頭 cool" 吧! 你看你......活像 "清兵" 似的!
聽罷我不明所以, 向女生問過明白
我: 那即係點呀, 我唔明呀?
女生: 佢呀.....幾衰呀!! 明知我的額 "生我高", 說我梳起留陰, 活像 "清兵" 一樣, 你知啦........."清兵" 的髮型係從頭頂中間至後方架嘛! 正衰人!
啊............原來係o甘解, 我立即忍唔住狂笑了! (腦中浮現著古裝電視劇的 "清兵" 造型)
星期三, 8月 19, 2009
不要太執著
最近因為睇 "烈火雄心3" 的關係, 更加意識到 "太固執" (自己睇唔開) 只係 "同自己過唔去", 令自己唔開心, 旁人怕左你, 卻無人可以幫到你!
"堅毅" 是好的, 因為它代表不輕易放棄, 但係卻要看事件及對象, 如果只是對海市蜃樓去堅毅, 情況尤如花光心神去追尋幻影一樣, 徒勞無功之餘, 亦浪費時間
對自己要求高唔係唔好, 不過有時候卻要 "平衡" 合群的條件 (迎合大眾的想法), 不要一意孤行 (獨家村一樣), 那樣才可以 "隻眼開隻眼閉", 相信別人已經盡力, 尊重別人付出的努力, 欣賞那一點心意和努力, 不要太著意 "結果" 了!
做人太執著, 對人對己都百害而無一利啊! 畢竟每個人的天賦均不同, 人常說: 若要人似我, 除非兩個我啊! (不要以 "自己" 的標準去評核別人所付出的努力)
"堅毅" 是好的, 因為它代表不輕易放棄, 但係卻要看事件及對象, 如果只是對海市蜃樓去堅毅, 情況尤如花光心神去追尋幻影一樣, 徒勞無功之餘, 亦浪費時間
對自己要求高唔係唔好, 不過有時候卻要 "平衡" 合群的條件 (迎合大眾的想法), 不要一意孤行 (獨家村一樣), 那樣才可以 "隻眼開隻眼閉", 相信別人已經盡力, 尊重別人付出的努力, 欣賞那一點心意和努力, 不要太著意 "結果" 了!
做人太執著, 對人對己都百害而無一利啊! 畢竟每個人的天賦均不同, 人常說: 若要人似我, 除非兩個我啊! (不要以 "自己" 的標準去評核別人所付出的努力)
星期二, 8月 18, 2009
「尖東歸西」的首天上班記
「尖東歸西」 = 尖東站 從 東鐵線 轉變成歸納入 西鐵線
為避免混亂及怕人多, 所以早左半個鐘出門, 過程如下:
1) 巴士 (從 屋村 往 火車站) 20 分鐘
2) 地鐵東鐵線 (從 大埔墟站 往 紅磡站) 30 分鐘
3) 地鐵西鐵線 (從 紅磡站 往 柯士甸站) 10 分鐘
4) 步行 (從 柯士甸站 往 公司) 10 分鐘
總共用了大約 70 分鐘, 收費貴左約 $4, 仲要花多左步行的勞動力添! 雖然相比以前, 的確無o甘方便, 不過都無辦法啦! 照正常情況下, 當做多 d 運動都 ok 的 (如果天氣唔太差, 身體又無唔舒服的話), 但係卻 "焗住" 要多付車費卻有點不悅了! (我已經 "將就" 的採取迂迴路徑去上班, 你卻大加我車費, 天理何在?)
打算日後試o下乘東鐵線至 九龍塘站 + 轉乘觀塘線至 太子 + 轉車荃灣線至 尖沙咀 + 步行, 比較一下車費及時間的差距!
為避免混亂及怕人多, 所以早左半個鐘出門, 過程如下:
1) 巴士 (從 屋村 往 火車站) 20 分鐘
2) 地鐵東鐵線 (從 大埔墟站 往 紅磡站) 30 分鐘
3) 地鐵西鐵線 (從 紅磡站 往 柯士甸站) 10 分鐘
4) 步行 (從 柯士甸站 往 公司) 10 分鐘
總共用了大約 70 分鐘, 收費貴左約 $4, 仲要花多左步行的勞動力添! 雖然相比以前, 的確無o甘方便, 不過都無辦法啦! 照正常情況下, 當做多 d 運動都 ok 的 (如果天氣唔太差, 身體又無唔舒服的話), 但係卻 "焗住" 要多付車費卻有點不悅了! (我已經 "將就" 的採取迂迴路徑去上班, 你卻大加我車費, 天理何在?)
打算日後試o下乘東鐵線至 九龍塘站 + 轉乘觀塘線至 太子 + 轉車荃灣線至 尖沙咀 + 步行, 比較一下車費及時間的差距!
星期一, 8月 17, 2009
《放不低》 的原因
睇 《烈火雄心3》 的其中一幕, 學懂了一個英文生字 "Addictive", 中文解作 「使人上癮的」, 片中何姑娘向阿成講:
「愛情就好似一種癮，當你有佢嘅時候呢，你就好開心。但你失去嘅時候呢，你就好痛苦。而你要習慣失去愛情嘅時候呢，就等於戒毒一樣，要靠你自己，無人幫到你。」
果幾集睇見阿成對阿盈的那份執著, 感到的不是 "深情", 而是令人 "不寒而慄" 的偏執 (有點惹人討厭, 亦令人害怕), 令人尤如被瘋子盯上了一樣, 逃不出生天。 細心再想一想, 為何阿成會常常重播電話的留言, 如此的放不低呢? 我想《放不低》 的原因大概如下:
1) 內心寂寞, 不習慣孤單一個, 卻又不敢打開心窗讓人了解自己──過往太依賴對方, 甚至將自己的喜怒哀樂也全依附在對方的感覺身上, 一旦失去了支柱, 便感到無依無靠, 尤如失去了靈魂一樣。
2) 創傷後遺症 ── 因為曾經太信賴對方, 被背叛之後不能抽身, 不能面對事實, 常自問是自己瞎了眼, 還是對方存心欺騙? 對 "人" 都失去了信心, 內心深處唯一信任的係...........過去的對方, 和過去的片段真切的發生過, 每當感覺開始丟淡, 又因害怕失去那舊記憶而重溫舊物 (如: 那留言錄音), 好讓記憶歷久常新, 讓那過去 "好" 的記憶証明你並沒有瞎眼, 世上還有人可信。結果尤如 "惡性循環" 一樣, 想時間沖淡傷痕, 卻偏偏自己死抓住舊記憶不放手, 沉淪在痛苦和甜蜜之中, 沒完沒了!
3) 記住教訓, 好讓他日避開傷害 ── 想死抓舊記憶是因為要時刻警惕自己今次的教訓, 提醒自己行事不要魯莽, 凡事不要去得太盡, 應該保留一點點, 更要好好愛錫同保護自己。
4) 悼念過去 ── 假如過去真正的付出過, 無可能在一瞬之間輕易放開, 總要用時間去哀悼那段往事, 慢慢重拾信心的向前行, 如果真的在短時間輕易放開, 那麼你對那段情的認真程度卻教人商榷!
每個人總有《放不低》 的時候, 最重要的係你知道《放不低》並非因為還深愛著、 又或是唔甘心失去對方, 千萬別作出極端的行為, 讓家人擔心! 《放不低》也許因為執著、也許因為創傷、也許因為害怕、也許因為重情.......總之人要清楚知道自己在做什麼? (知道所作的事的後果) 最終「時間可以治療傷口, 上天會保佑懷有善心的人」
「愛情就好似一種癮，當你有佢嘅時候呢，你就好開心。但你失去嘅時候呢，你就好痛苦。而你要習慣失去愛情嘅時候呢，就等於戒毒一樣，要靠你自己，無人幫到你。」
果幾集睇見阿成對阿盈的那份執著, 感到的不是 "深情", 而是令人 "不寒而慄" 的偏執 (有點惹人討厭, 亦令人害怕), 令人尤如被瘋子盯上了一樣, 逃不出生天。 細心再想一想, 為何阿成會常常重播電話的留言, 如此的放不低呢? 我想《放不低》 的原因大概如下:
1) 內心寂寞, 不習慣孤單一個, 卻又不敢打開心窗讓人了解自己──過往太依賴對方, 甚至將自己的喜怒哀樂也全依附在對方的感覺身上, 一旦失去了支柱, 便感到無依無靠, 尤如失去了靈魂一樣。
2) 創傷後遺症 ── 因為曾經太信賴對方, 被背叛之後不能抽身, 不能面對事實, 常自問是自己瞎了眼, 還是對方存心欺騙? 對 "人" 都失去了信心, 內心深處唯一信任的係...........過去的對方, 和過去的片段真切的發生過, 每當感覺開始丟淡, 又因害怕失去那舊記憶而重溫舊物 (如: 那留言錄音), 好讓記憶歷久常新, 讓那過去 "好" 的記憶証明你並沒有瞎眼, 世上還有人可信。結果尤如 "惡性循環" 一樣, 想時間沖淡傷痕, 卻偏偏自己死抓住舊記憶不放手, 沉淪在痛苦和甜蜜之中, 沒完沒了!
3) 記住教訓, 好讓他日避開傷害 ── 想死抓舊記憶是因為要時刻警惕自己今次的教訓, 提醒自己行事不要魯莽, 凡事不要去得太盡, 應該保留一點點, 更要好好愛錫同保護自己。
4) 悼念過去 ── 假如過去真正的付出過, 無可能在一瞬之間輕易放開, 總要用時間去哀悼那段往事, 慢慢重拾信心的向前行, 如果真的在短時間輕易放開, 那麼你對那段情的認真程度卻教人商榷!
每個人總有《放不低》 的時候, 最重要的係你知道《放不低》並非因為還深愛著、 又或是唔甘心失去對方, 千萬別作出極端的行為, 讓家人擔心! 《放不低》也許因為執著、也許因為創傷、也許因為害怕、也許因為重情.......總之人要清楚知道自己在做什麼? (知道所作的事的後果) 最終「時間可以治療傷口, 上天會保佑懷有善心的人」
訂閱：
文章 (Atom)
