芝娃娃...改得好!

最近睇 "烈火雄心" 時發現卓 Sir 幫佢的討厭上司 彭 Sir 改左一個花名叫 "芝娃娃", 哈哈.......改得好!

"芝娃娃" 係一種體型較小的玩具狗, 在狗的動物界別中, 通常體型大的狗隻品性純良之餘, 又因為體型較大, 心理上好少怕被欺負, 所以好少吠 (除了有危險時), 不過體型細的狗隻, 因為害怕被欺負, 往往 "狗未到, 聲先到", 務求以大聲的吠叫嚇怕危險的人和事!

那好比一個人如果 "無料" (無能力), 往往惡人先告狀的破口大罵, 好讓旁人對佢退避三舍, 只因為佢內心恐懼! 如果一個人真材實料的實幹, 又豈用那些旁門左道, 大聲夾惡的踩低別人去抬高自己呢? 身邊人的慧眼會看得到, 真心佩服, 不是嗎?

你追求什麼?

常覺得 "人生" 係有好多唔同的層面的, 不同階段係會追求不同的東西 (擁有不同的慾望),
如: 孩童時只追求吃喝玩樂,
年少時追求學業成績,
剛出來社會工作時追求的不只是薪金職銜, 更重要的是上司的稱讚, 同事的認同等等

轉眼間快將由青年步入中年了, 人常說 "中年" 也是 "壯年" 啊!

對的, 身體體能上可能係, 但責任及工作上卻不盡然! 家庭及工作責任上, 你再不是那初出茅廬的小伙子, 你要對工作認真 (不能得過且過的隨隨便便), 家庭崗位上也不可只在撒嬌喊辛苦, 要處事成熟, 減輕家人負擔, 有能力的話, 更應該作出回饋

現在追求的是 "健康快樂" 的生活, 珍惜和家人相處的時光, 同埋內涵修養的進步!

"健康快樂" 的生活 = 由基本的健康做起, 良好的生活習慣 (飲食控制及運動) 不可少, 亦可以減輕工作壓力, 令精神健康, 百病無處入侵!

珍惜和家人相處的時光 = 好好安排個人時間表, 令工作娛樂之餘, 也要花上心思和時間去照顧家人, 彼此才會關係和諧, 家庭生活更美滿

內涵修養的進步 = 常說: 學如逆水行舟, 不進則退, 當整個世界也在轉變, 如果你不好好裝備自己, 那只有被淘汰的份兒 (無得留低), 好多時同樣的想法, 換上不同的說話和態度去包裝, 效果卻大大不同, 比多 d 耐性去聽別人的善意提點, 對惡言卻一笑置之, 犯不著和別人硬碰硬, 弄得自己勞氣之餘, 惡人又得戚, 那何苦呢?

你現在又在追求著什麼?

感人的背影

今早踏出大廈門口, 看到前方一對背影, 令我有一點感動, 有感而發!

大閘前方有一對年老的夫婦, 大約 70 歲左右, 頭髮已經變得銀白, 老頭子背心底衫襯短褲涼鞋, 推著坐著輪椅的老婆婆, 老婆婆鼻孔插上喉管, 看起來體弱多病, 此時候我在想..........年老時自己的模樣會變成如何?

從前悲觀的我一定會想著......唉!! 年老身體又差, 要坐著輪椅出出入入, 又要旁人照顧, 感覺絕不好受! 現在的我卻會想: 幸福不是必然的, 所以要趁後生, 好好為自己打算 (無論身體體質鍛鍊 同埋 金錢儲備上), 雖然病痛不由得自己控制 (要發生的終需發生), 但至少老婆婆有幸碰上一個對佢 "不離不棄" 的老伴, 又確實係佢的福氣!

與其坐著 "怨天尤人" 不快樂的過活, 倒不如轉個令自己 "舒服" 的角度去睇一件事情, 珍惜刻下的日子好過!

那對老夫妻的情義, 倒令我輩 "反思" 一下愛情, 感情, 恩情的真締, 它豈止一紙婚書o甘簡單? 那是一生一世, 不離不棄的承諾啊! 因此.......不要因為 "人有我有" 而結婚, 也不要因小事爭拗而離婚! 能夠相遇, 相遇, 相處是一種 "幾生才修得到" 的緣份, 要多包容, 尊重和接受對方的一切 (無論優點及缺點), 那才可以相扶到老, 走到人生的盡頭!

Manna

Manna 這一家餐廳在 openrice 的尋食網頁內賣 "好行" 的廣告, 於是我和同事一於趁僅餘的時間去食 lunch (公司快搬離此區)

我地點了三客午餐 (跟周打蜆湯)
1) 青芥末忌廉汁雞絲闊條麵
2) 香辣茄汁龍利柳意粉
3) 帆立貝茄汁長通粉

味道 OK 略嫌淡, 不過碟頭略細, 連女生也吃不飽, 總括連加一每人約 $60, 無下次了! (總算還一個心願, 在走之前試過吧!)

早預備的生日禮物

哈哈.....我梗記得你生日啦! 所以老早選定了這一份又實用又有得 "玩" 的禮物啊, 望你喜歡!

知道有家室而又有小朋友的你會喜歡和朋友分享你的喜悅 (看你可愛的小孩照片), 為了方便攜帶而又可儲存多一點照片, 專誠買了 1.5" 螢光幕 (可記錄約 100 張照片) 的顯示鎖匙扣給你, 讓你隨時隨地, 可以將 "他" 炫耀人前!

你一向有 "穿珠仔" 的能耐, 為免你說我偏心 "他" (你的小孩), 所以也買了這件禮物給你, 既考你智慧, 亦考驗你的能耐, 睇o下你要花上多少時間才能完成這件 3D 的 "天鵝" 砌圖 (閃粉紫色), 想必合你兩公婆之力, 不需太久的時間 (畢竟你們的 IQ 也爆棚啊!)

希望你會鍾意啦! 記得和我分享你的喜悅, 讓我沾染一點點 "旺氣"!

說好的 幸福呢

最近在無線的 「超級巨聲」聽到了這一首參賽歌曲 (國語的), 別怪我 "大鄉里" 的好耐無聽歌了, 原來這支曲的旋律好動聽, 就正如當年 "911" 事件後聽見那支周杰倫的 "安靜" 一樣, 那段影片好感動, 那時候覺得一切不要想得太多太遠, 只管好好的珍惜現在

結局是...........可能太高估自己的能耐, 一個人總有著自己的性格, 要為著另一個人去改變, 談何容易, 你等待著的..........只是青春的消逝和空有的期望吧! 最近只剩下......你累了, 而我們亦淡了! 兩個人在 "熱戀期" 的時候總幻想著 "將來" 是如何的幸福, 那虛構的家是如何佈置得美好, 但原來.......想像是完美的, 維繫卻是另一回事, 兩個人的理想越走越遠, 相見容易相愛難就是那一回事!

所以 「說好的 幸福呢」早已經遺失在回憶的角落, 那年青的狂妄內!

周杰倫 - 說好的幸福呢

你的繪畫凌亂著 在這個時刻
我想起噴泉旁的白鴿 甜蜜散落了
情緒莫名的拉扯 我還愛你呢
伴你斷斷續續唱著歌 假裝沒事了
時間過了走了 愛情面臨選擇
你冷了倦了我哭了
一開始的不快樂 你用卡片拭 寫著
有些愛只給到這真的懂了怎麼了

怎麼呢 你累了 說好的 幸福呢
我懂了 不說了 愛淡了 夢遠了
開心與不開心 一一細數著 你在不捨
那些愛過的感覺都太深刻 我都還記得

你不等了 說好的 幸福呢
我錯了 淚乾了 放手了 後悔了
只是回憶的音樂盒還旋轉著 要怎麼停呢

你的繪畫凌亂著 在這個時刻
我想起噴泉旁的白鴿 甜蜜散落了
情緒莫名的拉扯 我還愛你呢
而你斷斷續續唱著歌 假裝沒事了
時間過了走了 愛情面臨選擇
你冷了倦了我哭了
一開始的不快樂
你用卡片拭寫著 有些愛只給到這真的懂了

怎麼了 你累了 說好的 幸福呢
我懂了 不說了 愛淡了 夢遠了
開心與不開心 一一細數著 你在不捨
那些愛過的感覺都太深刻 我都還記得

你不等了 說好的 幸福呢
我錯了 淚乾了 放手了 後悔了
只是回憶的音樂盒還旋轉著 要怎麼停呢

怎麼了.. 你累了..
說好的.. 幸福呢..
我懂了.. 不說了..
愛淡了.. 夢遠了..
我都還記得~

你不等了 說好的 幸福呢
我錯了 淚乾了 放手了 後悔了

只是回憶的音樂盒還旋轉著 要怎麼停呢

Blue 超人

唔經唔覺姪仔快將 3 歲了, 今個月尾便會入讀幼稚園, 早前去探望佢, 相約到酒樓飲茶, 那知一見佢時, 頓覺佢又長高了! 而且當天的衣著配襯仲好 sharp 醒添! 有佢最愛的 Thomas cap 帽、Thomas 太陽眼鏡、跳跳虎及維尼熊上衣、運動短褲 再加上 運動鞋, 好 "型" 仔呀!

原來最近佢迷上了電視播映的 "超人" 卡通片, 經常將 Black 超人、Red 超人、Blue 超人、Purple 超人、Yellow 超人、 同埋 Orange 超人等等 掛在口邊, 那天佢就成為了 「Blue 超人」了!

怪天氣

上週日 (2/8) 熱到死, 而且空氣中的懸浮粒子超高, 抖氣困難, 易引發上呼吸系統毛病 (氣促、鼻敏感等)。黃大仙仲出現 37度高溫, 熱死人添!

好耐無試過 安坐家中 "郁都唔郁" 都會汗流浹背, 就連平時好少出汗的地方都 "濕晒" (如: 大脾 "汗流如注"), 立即回想起細個 "無冷氣巴" 的時候, 夏天坐到巴士時, 大脾成日在座位上留下 "濕濕的汗跡"。

然後天氣經常悶熱, 濕度奇高的經常落大雨, 一個又一個的 "颱風" 來襲港, 只可惜經常都係 "三更半夜" 的掛風球, 朝早卻要如常的返工, 想偷懶放多一日假都唔得。

哎呀.........正一怪天氣!

修成正果, 得道成仙

最近面對茲事者的多返挑釁, 終於改變了應對的方法, 而且 "個人心態" 都改變了:

1) 對於那些無理事 (無理人的想法), 感覺開始麻木了!
2) 無論對方如何挑釁, 總以 "微笑" 面對, 不用 "太上心去" 的想言語去應付 (儘管不答也罷)
3) 身邊關心你的人也不想時時聽你 "呻苦", 為著討人喜歡又好, 開解自己也好, 都係要多多調整自己的心態, 然後掛上 "笑臉" 去迎人, 那麼人人也願意和你接近, 愛和你分享及幫助你
4) 不要理會別人得到的 (不要妒忌或不忿) 因為 "塞翁失馬, 焉知非福" 呢?
5) 得不到的, 不一定可惜, 得到的, 也不一定好受。如果要作 "埋沒良心的事" 才能換取利益, 我寧可坦蕩蕩的安渡每一天
6) 上天總有它的旨意, 世事往往有其軌跡, 休息過後, 才衝刺去迎接美好的人和事
7) 心內開始盤算著放假去邊度玩, 有什麼想作的事, 要好好計劃了 (機會可一不可再啊!)

朋友得知我的最新應對方法, 也齊聲笑我「修成正果, 得道成仙」!

我係 "低能" fans

之前朋友介紹我睇 「我的低能之道」, 睇完發現作者想法幾攪笑, 而且漫畫又畫得幾靚, 於是乎斥資買晒三本漫畫, 分別係 「我的低能之道1」、「我的低能之道2」 及 「我的低能婚禮」

今件書展之前, 又見到地鐵站的廣告, 原來作者出左兩本新書, 包括「我的低能大肚之道」 同埋 「我的低能旅行」, 因為我無去書展, 所以只在書局買下兩本心頭好回來睇。

不消一晚已經 "消化" 完兩本新書, 哈哈...........尤愛那本 「我的低能大肚之道」, 相信無論你已經生育過未, 作為女生, 對由少女轉化成妻子, 再變成媽媽的心態一定有所共鳴, 而且某 d 情節位還令人感動添!

講o下我最深刻果幾幕先:

1) 作者認為 "結婚" 可以令女生變成 "一日" 的公主, "陀仔" 可以變成 "十個月" 的皇后, 不過之後..........卻要成為 "一世" 的奴隸

2) 唔少準媽媽一知道腹中塊肉的性別時, 也會閒時購買 BB 衫, 唯身邊總有好多聲音叫係慳錢唔好買 (如: 好多人會送架, 唔好買啦! D BB 大得好快架咋, 買o甘多, 著唔晒咪好o徒), 於是作者在想佢的 BB 一出世, 便用 "報紙" 包著身子, 然後同 BB 講:「你見凍都忍o下啦, 等你 "第時大得無o甘快" 時才會買衫比你著架!」

3) 作者多次去作產前檢查時, 輾轉反側的多次想問醫生, 又唔敢問出口, 最後........鼓起勇氣問醫生:「醫生, BB 係唔係有兩隻手同兩隻腳架!」當知道答案 "係" 時, 作者躺在床上, 卻感動得眼濕濕, 終於放下心頭大石了!

你話呀! 做人媽媽幾艱難, 未出世之前又為 BB 擔心, 出世之後又為 BB 而奔波頻撲, 認真是 "養兒一百歲, 長憂九十九" 啊!

打腫塊面充肥佬

媽媽最近做了一項幾大的手術, 就係 「種牙骨」, 因為佢要 "種牙", 所以先要用類似 "打樁" 般的方法種植牙骨 (轉入牙肉的好深層), 而且因為佢需要 "種植" 的位置頗大 (左右兩邊), 所以整塊面 及 腮都又腫又瘀, 令人睇見都心痛啊!

暫時佢要努力的食消炎藥、勤力使用漱口水 (防傷口發炎)、食易咀嚼 或 流質的食物 同 多休息!

某天 爸爸、KK 同 媽媽去相熟的餐廳點菜, 其時.........

相熟的侍應看了媽媽一眼便問:「咦....點解你塊面o甘的? 無事丫嘛?」

爸爸、KK 同 媽媽 相視而笑

爸爸搶著說：「係呀!! 我嫌佢太瘦啦, 所以打腫佢塊面, 才帶佢出街, 而家肥肥地先靚」

對方先噩然 (之後意識到係講笑的), 然後幾個人一齊笑!

媽媽事後向我說:「如果真係被老公打, 仲邊有人會笑得出呢!」

8 月的計劃

8 月份大計不多, 不過卻有著以下事件發生

1) 3 位朋友生日, 要預備時間慶生 (集中在月中至月尾)
2) 上學期進修的主科科目已經考完試, 差不多時候要申請下一科入學了!
3) 8 月中公司可能會有新消息
4) 8 份還要抽 3 日要進行 "三伏治療"
5) 8 月尾出席免費講座 (關於報考專業試的試題研習班課程) 也許聽後覺得合適會報名
6) 8 月尾睇舞台劇 《聖荷茜謀殺案》

其實都唔算好忙啫, 可以輕鬆的抖一抖!

Blogger 博客的心態

當初接觸 blog (部落格) 係想接受多一點 IT (資訊及科技), 唔想自己跟唔上潮流, 太快被社會淘汰, 由起初在網上 "瀏覽" 別人的 blog, 到後來有時 "忍唔住" 好想留言一起討論, 再至最後 "升格" 做 blogger (擁有自己的 部落格), 可以暢所欲言, 唔經唔覺原來幾年了!

不知不覺得我由當初 幾天 寫一篇文章, 至 "高峰期" 一日幾篇文章, 再到而家 一日一篇文章, 從中而知 "人" 真是不斷的在變, 無論言談、寫作技巧、 用詞 及 心態。有時候睇返過去的文篇, 重溫當時的情懷, 才知道當時的自己係如何的天真, 而今天卻...........天真不再了!

記得有人講過 "喜歡睇人 blog" 者係一個 "偷窺狂", 而 "寫 blog 者" (blog 的主人) 就係一個 "被偷窺狂", 也許是吧! 我並沒有深究。在我的出發點是 "唔暴露太多私人" (尤其是樣貌), 然後寫出自己所想, 和身邊的人分享一下感受吧! 有時愛睇別人的 blog 就尤如愛睇報紙上的某位作家的專欄一樣。

但係最近發現上別人的 blog 瀏覽時, 以往愛寫感受, 散文的朋友, 紛紛在網上為某些原因而 "賣廣告" (如: 吹谷書展, 宣傳某一場表演等), 心內有一點點失望, 雖然在商言商, 係無可厚非, 不過卻枉費了我愛睇分享的熱情啊!

犯賤的我

人係一種 "犯賤" 的動物, "犯賤" 的原因不外乎 "唔心足" (對目前的狀況唔滿意, 所以成日做好多野去追尋更滿意的結果), 如: 對目前的學歷唔滿意, 所以去進修!

有無發現自己放假時, 一係怨時間唔夠用便又要返工, 一係就嫌悶唔知做咩好?

我發現時間唔夠用, 放工後唔知做過 d 咩又夠鐘瞓覺了, 成日在外呻好累, 但回到家時, 又唔願去抖, 經常為自己安排節目, 如: 睇書, 上網, 睇電視, 織野等........總之就係 "無時停" (因為怕浪費光陰, 我好似有好多野未做, 唔想o徒時間)

你話我係唔係 "攞o黎" 呀? 認真犯賤啊!

La Bons Brasserie

終於考完試, 可以鬆一鬆, 於是去左灣仔合和中心附近的 意法餐廳 La Bons Brasserie 嘆一個 "貴價午餐", 叫左 3 個貴價 set ($198 / 位), 又加錢更改餐湯及甜品 ( 最後埋單連加一 $235 / 位), 唔講o甘多住, 去片.............

餐湯 配 麵包 (跟橄欖油 及 紅酒醋)
1) 南瓜豆蓉忌廉湯 (跟餐): 幾好味, 味道淡淡的清甜, 口感好 creamy!
2) 雜菌忌廉湯 (加錢更改): 果然係 "加錢食品", 賣相靚就唔在講, 雜菌超香 (唔知係唔係有少少黑松露呢?) 好好味! 散叫好似 $48 / 客

沙律
1) 鮮果雜菜沙律: 材料新鮮好味!

主菜
1) 大虎蝦, 阿拉斯加蟹腳 配 意大利粉:大虎蝦蝦頭超多蝦膏, 極好味! 阿拉斯加蟹腳 估唔到o甘鮮甜
2) 美國極黑豬扒 配 蘋果蓉, 薯菜: 極黑豬扒 "o鞋 d", 而且豬味唔濃郁, 不過 蘋果蓉 及 薯菜 卻出奇地醒胃又好味!
3) 澳洲羊扒 配 薯菜: 羊扒唔夠羊味 (羊羶味), 只似食肉而唔似食羊肉, 而且還韌了一點 (有筋), 好失望, 薯菜 OK!

甜品:
1) 軟滑芝士凍餅 (送多左比我地): 芝士淡香得來又夠滑, 而且似有一陣 "乳酪" 味, 正! (略嫌糕身及糕底係分開, 不是黏合的)
2) 焗焦糖布甸 (加錢更改): 好滑而且唔太甜, 似食緊甜甜地的燉蛋
3) Tiramisu (加錢更改): 超香濃的 "咖啡酒" 味, 令人食一啖立即愛上它, 而且好 "迷醉"
4) 金寶焗蘋果 (加錢更改): 焗蘋果口感好味道, 奈何卻甜左 D!

餐飲
1) 咖啡: 唔特別, 不過飲後 "咖啡香味" 逗留在口腔好耐啊!

其實感覺自己有一點點 "奢侈", 不過就真係超滿足啊! 該店的水準唔錯, 員工服務好殷勤週到 (我地 "差 D" 倒瀉水的一幕亦留意得到, 立即走過來協助, 抵讚!) 午市 set lunch 由 $68 起, 有興趣的可以一試! http://www.openrice.com/restaurant/sr2.htm?shopid=30873

叫我 "燕麥片"

早前睇蘇民峰的玄學節目, 知道 "富" 和 "貴", "貧" 同 "賤" 未必相對的, 一個人 "富" (富有, 有錢), 未必一定 "貴" (人格的高貴), 一個人 "貧" (財窮), 未必一定 "賤" (品格賤)

身邊的惡人時時來找麻煩, 為著不再煩上加煩, 好多時以 "阿 Q 的想法" 去氹自己, 令自己冷靜, 再在面對面時, 思想遊魂, 不時交足戲的向佢點頭微笑, 對方原想以惡言去惹怒你 (令人失控, 再捉你的弱點), 反而被你的 "微笑" 舉動嚇左一跳, 真係 "匪夷所思" 呢!

其實那些歪理根本可用得上 "千個論點" 去駁斥, 之不過係唔想 "再惹起佢把火" 令煩惱加劇, 而且也唔值得我為佢的言論而花心思, 倒不如合上口報以微笑, 讓思想旅行 (惡言免疫) 也讓自己行一點善, 積上一點福

有左以上的想法後, 我覺得有一點自豪, 因為自覺本質上有一點 "貴" (全憑佢的惡行才令我彰顯出來), 於是想起了 蘇師傅講的 "貴格", 然後想起了..........."燕麥片", 請叫我做"燕麥片"!

** 有時會問一問自己, 究竟係自己 "懦弱", 還是 "貴格", 而選擇唔同佢嘈呢?

阿 Q 的真相

世界上有些人總喜歡幹一些 "損人不利己" 的事, 就如: 自己得不到一樣東西, 寧可想盡辦法破壞它, 也不要讓別人得到, 這些人心腸很壞, 心胸狹窄, 為人亦相當自私, 時時輸打贏要!

既已知道身邊的環境不穩定, 倒不如人人平平靜靜, 安安份份的等消息, "你不犯我, 我不犯你" 的過度便算, 奈何有些人總喜歡弄權, 又愛踩住人的膊頭表現自己, 時常惡言相向, 想盡辦法在雞蛋中挑骨頭 (以佢的一套 "歪理" 去挑別人 "過去" 的骨頭)

最初心內總有點不甘和氣忿, 慢慢日子有功的訓練下, 已經麻木了, 而且心內還有以下想法:

1) 時常 "打擊" 別人, 只因為你在 "妒忌"

佢知道自己的人際關係唔好, 其實佢知道問題所在, 只係礙於面子及架子, 不願承認及改過, 而且還經常 "妒忌" 別人, 唯有 "以莫需有" 的歪理罪名加諸別人身上, 以求發洩怨氣

2) 時時也在挑 "過去的某一骨頭", 是因為別人幹得太好, 再無其他錯誤比佢 "挑"了

每次發洩怨氣時, 也只懂講來講去也是 "挑過去的那一塊骨頭", 想必別人幹得太好, 無位比佢入, 心內真想叫佢去揾 "那過去的別人" 談論一下 "過去的骨頭", 既然而家已經改善了, 還有什麼地方需要商討嗎?

3) 因為 "無料" 感到極度自卑, 所以經常 "自我澎漲", 自吹自擂的自大得很

時常在人前 "表現自己的一點功績", 可惜.....無論時間長短, 也只是那一點功績, 口中面上卻表現出不滿別人幹的成績, 還經常加上 "踐踏別人" 的字眼, 以 "標榜" 自己的偉大事績!

4) 對付惡人的最佳方法係 "微笑" 同 "欲擒先縱"

不用為惡言花心思去駁斥, 亦不用動肝火 (需要長時間訓練才可), 佢越想惹怒你, 你偏以 "微笑" 去應對, 令佢奸計不得逞 (捉不到你失控的痛腳), 又摸不清你底蘊 (還猜測你有強大後台支援添)

如果根本就係 "有理說不清", 省下那一點氣力吧! 換上 "欲擒先縱" 的技倆上場, 既不用教精佢, 亦等佢自以為你怕了佢, 令佢的惡相更變本加厲, 別忘了 "人在做, 天在看", 最終身邊的人看得清清楚楚, 真理在你身邊, 狐狸也會露出尾巴來! 只是你的 "欲擒先縱" 加快了佢的現形吧!

如果無阿 Q 的想法, 凡事太上心, 多多命都唔夠賠啊!

曾經的一個我

最近心內總哼著 "林憶蓮" 的歌 ── 《前塵》, 因為歌詞的關係, 總讓我有著一點點感觸, 難度.............是自己年紀漸大, 心態也開始老了嗎? 哼起歌來前塵往事總係一湧而上, 我尤愛那句「曾經的一個你 曾經的一個我 曾經的相處過 回憶中的你笑 回憶中的你說 回憶中愛哭的我」

也許人總是如此: 日常生活太繁忙了, 內心的慾望亦太多, 總係對現實生活帶點不滿, 總在時空內耗著青春去追追尋尋, 然後感到身心疲憊、生活乏味! 某天驀然回首, 才發現原來圍繞身邊的也不算壞, 應該好好的去珍惜, 原來一直在追尋的早已在自己附近, 只係 "當局者迷" 瞎了眼!

如果大家也想得通透, 希望一齊努力去做到 「當天笑面 從新探望我 」, 雖然心知表情可以回到從前, 可是情懷未必再一樣, 但係 "人生總係笑著過" 好過 "苦著面去捱", 對嗎?

作曲：Dick Lee 填詞：周禮茂 編曲：倫永亮
悄悄望這小馬路 從前情懷再度
看星看海看夜濤 踏過我踏過的路
來不及問候你可好 來不及問候早給你擁抱
甜酸苦心往返 淚不知之間已流露

曾經的一個你 曾經的一個我 曾經的相處過
回憶中的你笑 回憶中的你說 回憶中愛哭的我
當天笑面 從新探望我 難得今天你 難得今天你記得起我

輕輕放鬆的腳步 忘懷城市速度
說風說花說月兒 未記卻又記歸路
來不及羨慕你多好 來不及羨慕怎麼你不老
如他朝許可 願一起追憶往時路*

曾經的一個你 曾經的一個我 曾經的相處過
回憶中的你笑 回憶中的你說 回憶中愛哭的我
當天笑面 從新探望我 如果一天你 如果一天你記得起我〔懷念最初〕

來不及話別便卻步 來不及話別不想你知道
曾經失的已失 願一天心中再重渡Repeat *
曾經的一個你 曾經的一個我 曾經的相處過
可否想起我 回憶中的你說 回憶中的我 聽回憶中我 總出錯
願某天曾經的一個你 曾經的一個我 曾經的相處過 又再可
回憶中的你笑 回憶中的你說 回憶中愛哭的我 可伴你 一起的過

天炙三伏 治 哮喘

自小患有哮喘, 因此附送了鼻敏感, 氣管敏感等上呼吸系統毛病, 心肺功能 及 抵抗力比別人低 (經常易病), 遇上天氣轉變, 鼻敏感嚴重發作, 令眼睛, 鼻咽也出現敏感症狀 (痕癢, 腫脹, 不停流眼水, 流鼻水等), 最近更連腮 及 頸上的淋巴腺 都腫脹起來, 樣衰衰o甘.....

從睇開的中醫介紹, 知道有一種名叫 "三伏" 的治療法, 係可以根治哮喘病, 而且還可以對上呼吸系統病的癥兆有舒緩作用, 增強抵抗力, 於是上網揾資料先, 資料如下:

東華三院上醫館「天灸」療法防治鼻敏感、慢性鼻炎、咳嗽等症

位於廣華醫院的東華三院王澤森上醫館提倡中醫傳統「治未病」預防保健概念，剛開展「天灸」療法，實行冬病夏治。「冬病」指多在冬季發作或加重的病變，「夏治」則指「冬病」在夏季有所緩解時，趁夏季高温和機體陽氣充沛的有利時機，適當地內服或外用一些方藥，以預防或減少冬季舊病復發。

「天灸」療法是一種傳統中醫灸法，需於初伏、中伏、末伏三個庚日(合稱「三伏」，即陽曆09年7月14日、24日及8月13日)進行，在特定的穴位上敷貼一些對皮膚有刺激作用的膏藥，通過藥物和穴位刺激，達致防治過敏性鼻炎(俗稱鼻敏感)、慢性鼻炎、慢性咳嗽、支氣管哮喘等病變。

「三伏天」是一年中陽氣最旺盛的日子，人體皮膚腠理完全開泄，敷貼膏藥最容易從皮膚滲入穴位經絡，通過經絡氣血直達病處，可起增強機體免疫力，減少及減輕冬天舊病復發。每年貼三次為一個療程，可連續貼三年以加強預防效果



「三伏貼」中醫療法

根據中醫針灸理論，在“天人相應”及“時間治療學”等傳統理論指導下，在三九天進行艾灸相應穴位，能溫陽益氣，健脾補腎益肺，祛風散寒，起到通經活絡止痛的功效。

而近年進行的臨床觀察，發現“三九灸”能治療多種反復發作及過敏性病症，如慢性支氣管炎、支氣管哮喘、過敏性鼻炎、體虛感冒咳嗽；慢性胃腸炎、潰瘍病、慢性腹瀉；風濕與類風濕性關節炎、強直性脊柱炎；虛寒頭痛、頸肩腰腿痛、胸腹痛等，效果亦佳。

因為未完成療程, 所以未知有無效用? 不過在 "有希望改善病況" 和 "經濟能力許可" 之下, 我就姑且一試啦, 最麻煩係要在 "指定" 的日子去做療法 (要請假), 我的中醫師說佢的療法是要 "燒艾" 的, 因此和別人提供的療法(敷貼膏藥的) 略有不同
1) 治療時候較別人長 (每次要一天, 別人的幾小時便完成),
2) 而且費用較貴 ($400 / 次, 別人 $80-$150/ 次),
3) 指定的日子 "與別不同" (佢話 "燒艾" 療法的日子 係 7月28, 8月3, 8月13 同埋 8月21 喎!)
4) 同埋做 4 次 (最後一次為 "加強" 效力, 別人的係 3 次)

因為今日係第一次的療程, 希望籍此體質會 "壯健" 一點, 呼吸系統毛病 "發作" 的次數都減少! 等整個療程結束時, 才向大家報告狀況!

借個願望我好嗎?

今天係 KK 生日的大日子, 一早就已經食左生日飯, 送左生日禮物了! 希望佢今年一切都好過舊年 (無論事業, 財運, 家庭 同 健康)

再者今晚係我修讀學科的期末考試大日子, 希望有 lucky hand 之稱的 KK 會繼續 "旺我", 將佢生日的好福氣分 D 比我, 保佑我考試及格 兼 有好成績!