胡裡胡塗 的 「頭班馬」

Big Mac 又名 「瑪姬」, 人所共知。 雖然我唔係好識賽馬, 不過知道賽事當中, 馬匹係有 "等級" 之分的, 什麼 "第一班"、"第二班" 等等。

某日放學後和同學仔 "羅雲氏" 同車, 一路上我地的對話如下:

羅: 咦....瑪姬, 你知道了上個學期放左成績嗎?
我: 知道了, 我的成績比想像中的好 (其實我只求合格), 你呢? 考得如何呀?
羅: 係啦...我也比想像中的好呀, 有 68 分, 得到 Second Class 的 Upper (第二班的上游位置), 你呢?
我: 差不多啦, 我得 73 分, 那即係什麼等級呀?
羅: 嘩......勁喎, 高材生呀! 70 分以上是 First Class (第一班) 呢!
我 (面紅紅的): 係咩? 我唔知有分 "等級"架, 那真好啊! 其實我都係 "掹車邊", 只係僥倖啫。

早前為慶祝考試 "合格" 請了家人食飯, 原來.........我 "胡裡胡塗"的做了 「頭班馬」啊! 真好! 原來 "大方和人分享喜悅" 真的有著數架, 因為好運會自然來。

我愛 「大大粒」

北海道之旅享受過許多美食, 仲「空運」左 1 kg 的 「大大粒帶子 (帆立貝)」回港享用添! 可惜旅行後成日病, 無福消受。

早前去左 KK 家中, 將部份的「大大粒」消滅, 有幾大粒? 睇圖都知啦, 「大大粒帶子」 足足有一個汽水罐的蓋面o甘大, 仲有過之而無不及呀, 勁!!!

大家係唔係 "好羨慕" 我呢?? 呵呵...........

唔係「大聲」就 「大晒」

忍左佢好耐架啦..........................E 個o甘o既「人大政協汪阿姐」, 做人有時有原則、處事執著唔係唔好, 只係要有道理才好堅持, 別堅持一點 「無理」 的事情, 而又不懂得尊重別人, 可恨也!

自從上次佢主持 "國家奧運選手" 來港表演的那場 show, 當住幾百萬觀眾面前、眾目睽睽之下, 大聲喝罵運動員快些上台, 真的令人氣憤。這是有教養的人的表現嗎? 是人大政協該有的風度嗎? 還是有人持老賣老、玩弄特權的擺電視台阿姐款? 絕對唔識在大場面上 "尊重" 別人, 真離譜!!

近期政府推出「活化北九龍裁判處」計劃, 八和 落敗在 美國某藝術學校 手中, 深深不忿, 又有人企出來, 利用公眾人物的身份, 在傳媒面前大聲渲染, 說遇到不公平對待、政府無幫助過本地粵劇界、付出了許多努力卻只得個桔, 好想喊等言論。

其實佢已經利用左 政協的身份 和 八和代表 (粵劇) 去為粵劇劇團爭取租用表演場地津貼, 政府花左 720 萬公帑去補貼資助佢地的社團。當中究竟有幾多納稅人鍾意 / 願意去支持粵劇界發展? 抑或用 E 批錢去幫助基層窮人更有效果? 試問基層窮人連設身處地的 "開飯" 都成問題的時候, 你 E 班 「食飽飯、無事做、等X痾」的人卻高呼政府 "唔比錢" 你地去娛樂唱戲, 講唔講得通先??

今日偶爾聽到一首歌, 歌中其中一厥詞令我想起 "惹火" 的 "汪阿姐", 等我改一改歌詞, 在此 「鬧爆汪阿姐」先。 其實唔係因為 "年紀" 的問題, 胡楓年紀都大, 我卻愛睇他。而係真的想汪阿姐「反省」一下佢自己的野蠻行為, 事事要別人遷就佢係唔得架! 有道理的話, 別人當然撐你, 如果無道理卻在大聲發難, 人人只會怕左你 同埋 唔想見到你。 (希望佢快 D 消失在娛樂界, 我唔想再在螢幕上見佢大聲喝罵人、唔尊重別人、同埋唱來唱去都係那首 "走音的勇敢的中國人" ── 如果唔想聽佢唱歌 = 唔勇敢的話, 那麼 "我認" 我是唔勇敢的中國人罷了)

陈奕迅 - 演唱会
填词：陈诗慧编曲：C.Y. in London监製：Davy Chan．陈奕迅．C.Y. Kong

一组擴音的喇叭 合成电子加结他
一套鼓　跟貝司　已經足夠盡情吧
聽到嗎　聲再沙　亦無礙我放聲吧
演唱会　等於演唱現場不必多廢話

「鬧爆汪阿姐版本」

一個拆聲的喇叭
Be li ba la 亂o甘罵
一個阿嬸 汪阿姐 已經足夠嗌衰吧
聽到嗎 收聲啦 無礙地球在轉吧
小喇叭 等於亂發噏風專登講廢話

為健康, 我願意

最近的健康指數跌至 "低點", 「抵抗力」每況愈下, 加上春雨綿綿, 濕度奇高, 又係病菌滋生的好時候, 教我不得不擔心自我的安危呀! 鼻敏感狂發作, 令人好尷尬呀!

因為氣管間中仍會喘, 不敢作激烈的運動強化體魄, 所以要靠 「外來的幫助」, 幫左澳洲出品的 "蜂膠片", 它適合: 易傷風 (鼻敏感, 上呼吸系統毛病) / 體弱多病 / 口瘡性潰瘍(痱滋) / 肝機能差 / 工作時間長 / 煙酒過多 / 壓力大 / 經常出外公幹及應酬的人士(兒童及孕婦均可食用), 在「吉之島」賣 $219 (特價中)

希望它真係有用啦!

幻變的一生

睇見個題目是否想起了張國榮的某首歌歌詞?

「幻變的一生　默默期待一份愛 踏過多少彎　段段情路也失望 我不甘心說別離　仍舊渴望愛的傳奇 不捨不棄　無懼長夜空虛 風中繼續追..........」

有時候, 我地會有感而發, 突如其來的說:「最近某君好似變了啊! 佢以前唔係 o甘架。」 (露出一付感嘆的樣子)

其實人每一天也在 "變", 即使你自己亦然, 想一想你有無試過上午時份情緒高漲, 下午時份卻突然的感覺沮喪? 別說人家在變, 你自己在 "一天" 當中的情緒也在轉變得似天氣一樣莫測。情緒直接影響你的行為, 所以會令旁人感受得到你的轉變。

人和人之間的關係建基於溝通和信任, 關係有時候就似 「折線圖」, 有最高處亦有最低點, 只要有緣的話, 你地必定會走在一起, 別為那 "一時三刻" 的轉變 (疏離) 而感到太難過。

如果你真心將那人當作朋友, 你未必會 "完全了解" 佢的想法 (點解會有o甘的轉變?), 你只需 "尊重" 佢的決定, 同埋 "支持" 佢 (配合佢), 那便已經足夠了! (可能某些事情佢想留個空間比自己解決, 而不想和別人分享)

食齋

早前同媽媽去食齋, 點了:

1) 鮮茄素鴨飯
2) 麒麟卷飯

兩個客飯餐都跟例湯的, $28 / 個, 味道唔錯啊!

做「大手術」

媽媽送我的 BB 富貴竹長得太高了 (大約 18 寸高), 氣根又太多, 可能因此而唔夠營養, 某些葉變黃了, 於是我請教了我家老爸解救辦法。

佢教我將它修剪變短, 截出來的枝用水浸養, 令它長根生長, 而另一端卻可繼續養它至發芽生葉的, 終於午膳之後幫它來過大手術, 手術過後幾靚仔!! (上圖手術前、 中圖手術後、下圖為截枝出來的根 ── 送左比同事, 希望它快 d 萌芽長葉) , 手術過後, 它變左大約 14 寸高。

大腳八 之 鞋 show

我遺傳自父母 擁有一雙 "大腳八", 尋晚飯後去左散步, 忽然心癮起, 走左去 shopping, 仲買左 一件衫及 兩對鞋添!

唔講你唔知呀..............我對腳好難買鞋架 (因為大腳囉), 所以好鍾意去區內商場某鞋店 (因為算多大碼鞋賣), 結果我買左:

1) 扮高檔鱷魚皮的超輕防滑鞋
2) 紫色 cutie 的 "閃閃煙花球" 平底鞋

幾多錢我就唔知, 只知道兩對合共 $150, 哈哈.............幾抵!

接種流感針

屋苑和區議員合辦 "以優惠價" 接種流感針 服務, 居民只需作簡單登記, 付上 $80, 就有護士幫你打針了。

尋晚放工, 雞o甘腳趕回家和媽媽一齊接種疫苗, 希望流感不要找上我o地啦!

當我一脫下外套
護士就說:「正!!!!」 (我心想: 唔通我身材真係o甘正, 惹人羨慕??)
其實係我內裏著左短袖衫, 以方便打針 (所以護士就讚我 "正呀.....醒目")

當打完針之後, 護士用棉花按住針口
然後話:「你都幾 "實淨" 架喎!」
因為我的手瓜都起展架! (如果食野唔使比錢就好了)

情慾

何謂 "情"? 何謂 "慾"?

有人說 "情愛" 就好像一串夢, 夢醒了一切亦空, 或者是我天生多情, 方給愛情戲弄

佛家又有云: 人皆有 "七情六慾", 七情乃指 喜、怒、憂、懼、愛、憎、欲 , 而六慾卻是色欲、形貌欲、威信姿態欲、言語音聲欲，細滑欲、人想欲

其實簡單而言, "情慾" 就係泛指人們的情緒及慾望, "慾望" 可以係無限的, 亦可以是天馬行空, 不切實際的 "夢想", 適當的夢想, 使人有推動力, 當太多慾望的時候, 你的追求只會無窮無盡, 而且永遠不會 "知足", 因為難以 "常樂", 一生只在盲目的為名利而追逐! 卻不曾真正了解自己需要什麼? 得到什麼才會滿足? (只如一頭蠻牛落力的在 "衝衝衝")

而適量的 "情", 可以令人表達感受 及 宣洩情緒, 加強人與人之間彼此的溝通交流, 容易令人有共鳴, 當 "情" 太多的時候, 容易令人縱情, 博愛, 態度過於偏激和執著, 被情緒駕馭於你, 牽住你的鼻子走, 易有負面的事情發生, 反之由你去控制情緒及自己的行為, 卻最為恰當

適當的 "情慾" 可以令人生更富色彩, 加強了正面思想 及 推動積極人生, 一旦失衡, 卻會弄巧成拙啊! 因此要好好控制自己活在 "中庸之道" 當中

送上祝福 給 尚未見面的你

早在去年已經知道你的出現, 奈何心急的我總未可見你一面, 早前你父母將你的玉照給我看看, 嘩..........一看之下, 不得了呀!!! 你長得極似爸爸, 希望你大個仔時, 也似父母般o甘叻, 做個光明磊落的大丈夫啊!

送給你的見面禮終於完成了 (我懶左幾個月, 完全停工呢!) 希望你有強健的體魄, 聰明伶俐, 孝順父母!

係唔係有 d 似 "水手裝" 呢?

放成績

今天收到同學們的通知, 原來上一學期的學科放成績了, 心急的我立即上網睇啦!

結果取得 「合格」 的成績, 有 73 分。 我都好滿意架啦 (但求合格, 唔好比自己o甘大壓力)

嚇到我 "鼻哥 loan 都無肉"

年三十晚開始哮喘病發作, 一直睇住中西醫, 每天不停的食藥, 和病菌作戰, 即使去旅行亦要以藥吊命, 回港時健康又差起上來, 發燒至 102, 仲要每天食超級特效藥至 "溫溫鄧鄧", 至今仍未十足的痊癒

上星期, 每天早上不願起床返工 (又或者食左藥, 瞓到唔知覺), 碰上週末無時間休息的返學, 還要在本週五 (27/2) 前提交一份 1000 字的論文習作, 真的想死!! 個腦轉不起來 (好似食左慒仔藥o甘), 仲要麻麻地明白題目講什麼, 點 "作" 1000 字呀?? (其實又懶, 無揾夠資料, 因為無精神去睇), 只得一個星期時間左右去完成功課, 點算?

好唔容易的花上三至四日上網揾資料, 又再花上兩三天乖乖坐下來 "作文", 終於完成啦! 快快脆上網交功課, 再交一份副本比學校先, 以免忘記了 "死線" (夜長夢多的被扣分)

怎知星期六晚返學時聽同學講, 網上交功課系統改了制度 (和上次的不同), 要 "試交" 一次先, 以測試同學們的功課 "相似程度" (和世界各地各大參與此網上交功課系統的院校作比較), 如果 "相似程度" 達到 10% 或以上, 功課會被扣分, 被看作 "抄襲" 等嚴重罪行處理

死啦!!! 我已經交左功課了, 而且唔知道改左制 (無細閱通告內文), 無做到測試添! (同學說佢有 30% 相似度, o甘我咪...........死梗)

返到屋企, 第一時間開著電腦, 尋找那份通知書同埋 ""相似程度 的 登入資料", 唉...................好彩!! 我的"相似程度" 只有 11%, 撇除 Reference List (參考資料, 如書名, 網址名等), 只有 8% "相似程度" (算是合格, 不用從新修改), 認真萬幸!

真係被同學仔 "嚇到我鼻哥 loan 都無肉" 呀! (由此可見, 我是 "真金不怕紅爐火" 的, 因為真的自己 "作" 架, 無 "抄襲" 的!)

手動打字機的故事

她就讀商科時最怕 "打字", 都唔知點解學校硬要人地學 "手動打字機" (真古老)。 在秋冬天時間, 手指一不小心插入鍵盤隙時, 兩行淚水痛得直流。一天, 她帶病在家中做功課至深夜, 一邊做最討厭的打字, 一邊頭昏腦脹起來 (藥力發作), 點解做極都做錯? (又要從頭來過) 做極功課也完不了!! 急得她想哭起來 (好淒涼啊)

他來電安慰, 哄她快快入睡, 功課的事留待明天才算! 雖然她都擔心交不了功課, 但最終屈服在睡魔手中。

翌日早上六時, 她家中電話響起來, 他叫醒她, 叫她望出窗外, 原來...........他到了她家樓下, 著她更衣出門, 帶打字機一同出外返學。 他在公園內, 不消一會就幫她完成了功課, 這下她才有功課交。

他和她曾經走過了一段一起成長的道路, 最終因為步伐的快慢, 各走各路了, 但記憶令她知道 「曾經被愛著」的感覺真好! 感激當天遇上這樣的一個膊頭, 代她消災解難, 寵她哄她, 縱使結局是分開, 他們亦曾經擁有那些美好的時光。

北海道 之 雪景篇

今次遊北海道, 感受到 及 睇見好多 "靚雪景", 文字我唔多寫了, 等大家分享一下 "靚靚雪景" 相片啦! d 雪的 "質地" 既爽又粉, 好正啊!

新加坡午餐

昨日去朋友介紹的新加坡式餐廳午餐, 我地點左兩個餐一齊 share (分享):

1) 喇沙 + 拉茶 $38

2) 咖哩雞 配 土司 + 拉茶 $36

兩款美食都好美味呀! 喇沙夠香帶少少辣, 咖哩薯仔正, 咖哩汁配土司一流, 拉茶夠滑 (不過唔好攪勻, 否則太甜)

北海道 之 酒店篇

今次的日本之旅住的酒店每間都唔錯

第一晚: 札幌萬麗酒店, 是市內的大型酒店, 不過既無溫泉浸, 亦無 mug 特別, 只係裝修較為歐陸色彩 (圖上左右)

第二晚: 層雲峽朝陽亭溫泉酒店, 係我最愛的酒店之一, 因為它的房間好特別, 除了一般的兩張床設計之外, 房內還有大型的小偏廳, 足夠供 4人休息之用, 還附有精美茶具給予客人泡茶, 同埋有室內及露天溫泉浸, 真不賴啊! 可惜它鄰近層雲峽冰瀑祭的場地, 入住率極高, 連帶客人也特別多, 浸溫泉時有點兒迫, 它提供的睡衣好靚啊! 客人也可憑自己的喜好, 選擇睡在床上, 還是瞓傳統的榻榻米 (下方 4 張圖)

第三晚: 旭岳萬世閣溫泉酒店, 因為入住過 "朝陽亭" 之後, 此間酒店不算特別, 溫泉尚算唔錯 (有室內及露天的), 在露天溫泉時, 我地仲 "包場" 添! (因為無人浸)

第四晚: 果子王國溫泉酒店, 聽聞它在北海道極之出名, 尤其適合一家大細入住, 它有室內暖水泳池 (可惜我地在晚上九時後入住, 已經關門了), 而且它的溫泉亦唔錯 (有室內及露天架)

今次的旅行酒店真的不賴啊! 尤其是可以浸 "多次" 溫泉, 令人輕鬆不少, yeah!!!

財神到

早前在家中 「拆利是」, 將今年新年 及 去年未拆的利是 (同能係生日利是) 等一併拆開, 一經點算之下, 嘩....................不得了啦!!!

有成 $3xxx o甘多錢呀! 財神到, 新年大豐收! 希望來年更勝今年!

北海道 之 奇想篇

今次去旅行, 卸下平時返工的繁忙, 令我想到了一點點事 (畢竟我是一個天生愛 "思考" 的人啊!), 得到少少啟發:

1) 珍惜刻下 ── 今次有幸陪同父母一齊去旅行, 真的很開心, 知道自己年紀漸大的同時, 也感受得到佢地老去, 尤幸佢地仍有體力陪我四處遊歷, 將來必成為我的美好回憶。

2) 樂於任性 ── 在香港, 每逢天氣潮濕, 出門時父母總會 "再三叮囑" 你帶傘啊! 誰想過在那 5 天的旅程中, 佢地竟然 "任性" 的跟我一起 "淋雨" 喎? 落雪 其實相等於 落雨, 只係雨點落至零度或以下的地方, 才會變成雪之嘛!

回想起來, 都幾攪笑架, 香港人喜歡比貴一點的旅費, 為的就係去別的地方, 感受一下落雪的氣氛, 還說什麼 "浪漫" 的, 點解平日在香港 "落雨" 不見得 "浪漫", 只感覺 "麻煩"?

3) 解開珈鎖 ── 留意到日本酒店的廁所空間好細, 大部份都係用玻璃纖維 "啤" 出來的, 姐姐曾聽說它的設計係方便發生地震時, 用作 "避難" 之用, 因此它雖然細, 卻有不俗的硬度去保護性命。

當時立即慶幸自己活在無風無浪的香港, 如果我天生是日本人, 要經常受地震之苦, 那塵世間的一切, 又何必再o甘執著呢? 或者..........明天我唔喜歡的人已經因為天災而消失於世上, 何不好好活在當下?

北海道 之 滑雪篇

o甘大個女第一次滑雪咋!!

好彩導遊識得滑雪, 仗義充當團友們的業餘教練 (免學費, 自費租用滑雪裝束) 原來滑雪的 "運動量" 好大, 消耗好多體力, 只係練習左一陣基本功, 已經在雪地上渾身是汗了! (我已經無戴冷帽, 特意去 "散熱")

幸好自己已懂得踏單車 同埋 蹓冰, 身體掌握到一般的平衡力, 故此學起上來較易上手, 今次大約 2.5 小時的學習過程, 都只係跌過 2 次啫, 算幾叻女, 哈哈!! 已初步學懂從小山坡上滑下來 (以 "小 S" 姿勢滑行) 及剎掣

期待有下一次呢!








** 同場加映玩雪兜 及 雪地電單車的照片 (我地無玩 "雪地電單車", 只係借道具影相咋)