BBQ 派對

今日出席了公司的 "政治 BBQ 派對", 雖然係 "政治性質", 不過 "既來之, 則安之", 大家都盡力盡情的去玩

我地去左其中一位同事的 "嘉亨灣" 會所 BBQ, 然後再到同事家中參觀, 佢家中的兩個小寶貝 (3歲 及 5歲的囝囝) 真可愛!

由於派對花絮在其他同事的相機中, 我只用手機拍下一兩張住宅單位的照片咋! 大廳望到的景緻 及 各同事自費送給小孩子的玩具 (因為囝囝也愛畫畫啊!)

唉.............終於無驚無險的渡過 E 個 BBQ 派對了, 雖然當中遇上不少無禮事件, 不過整體氣氛總算 OK!

不要虛度光陰

有無試過想去睇一套戲, 聽一個演唱會, 出一身汗做運動, 又或者想逛街, 但卻因為一個人太悶, 感覺無意思, 因而打消了念頭, 最後不了了之 (無去了)

究竟當中我地錯過了幾多精彩的情景?

雖然人類係群體動物, 但唔係時時刻刻o甘容易和朋友相約架 (人人也有自己的事做, 返學的返學, 有約會的又唔得閒)

何不嘗試學習 "享受獨處" 呢?

獨處的時候, 可以坦白面對自己感受 (不用顧累別人), 可以隨心所欲, 不要因為那一刻的 "無人陪" 便錯過了那套戲, 那個演唱會, 那個運動 及 逛街機會啊! 因為事後再去做的時候, 時間又或者情懷已經不再了, 豈不是在白白浪費光陰嗎?

一個好人

最近和朋友談論, 說起了男女的感情之事

我地話: "某君真係好仔, 顧家之餘又有義氣, 大家也戥佢未有女友而心急",
然後又說: "XX 係好女仔喎! 點解仲未拍拖呢?"

其實人類的某一些特質的確係難能可貴, 如: 誠實, 無私, 有愛心等等, 所以所謂的 "好仔" & "好女仔" 一定包含住某 一 D 特質的

含有 E D 特質的人確係 "一個好人", "一個好人" 值得別人的敬重, 但卻未必一定要愛上, 否則 "一個好人" 便好唔得閒了 (佢o甘好人, 實好多人會愛佢啦, 不是麼?)

從今起, 好好的學習欣賞身邊的 "一個好人" 啦!

純真的友誼

世上有純真的友誼麼?

無論男男, 女女, 男女也有可能發展友誼

有人話男人之間的友誼重義氣, 係一生一世的好兄弟, 女仔圈中永遠 "是非" 較多, 容易因一些小問題而令友情告吹, 彼此反目, o甘男女之間呢? 有純真的友誼麼?

其實我相信只要兩人也清楚彼此的位置, 互相沒有其他雜念, 純真的友誼係可以存在的, 而且仲可以互相交心, 知道異性的想法添! (彌補自己的思想不足)

只不過在過去大部份的男性朋友總不能發展出純純的友誼, 要不會發展出戀情, 要不就表白不成, 做回朋友已經尷尷尬尬的, 再難交心了, 多可惜!

如果係孩童o甘幾好呢! 佢地只顧吃, 喝, 玩, 樂, 交朋友無國界, 年齡及性別之分, 哪多好啊!

思緒混亂

最近工作上總係 "忙得交關", 幾項任務同時間發生, 顧得第一件, 又怕忘卻第二件, 忽然第三件任務又緊急地插入現狀, 唉........... 預定的工作時間表不得不時時刻刻的 "更新再更新"

好累啊! (身與心俱疲)

冷靜下來的時候, 總係想出很多事情, 很多點子也可以寫 blog 和大家分享, 但當要下筆的時候, 總係忘了想起過什麼事, 越強迫自己牢記, 越記不得起。

都唔知點解.......公司那個討厭的 BBQ 聚會攪極都未攪好, 快 D 完就好了, 唔想再 (被迫) 攪任何活動呀!

好煩, D 野改完又改, 又再改!!

阿頭 魚蛋粉

公司的美食廣場, 新來了一間 "阿頭魚蛋粉", 據聞佢的魚蛋好出名, 今日即管趁午膳時去買外賣食先。

魚蛋確實 "彈牙" 兼有少少魚骨 (看似新鮮), 味道不甚特別, 卻賣 $23 / 碗, 好貴啊!

大 X 樂火鍋

昨晚約了朋友去食 "大 X 樂火鍋", 包括 「肥牛海蝦鍋」 及 「肥牛醉雞鍋」, 你地睇o下, 而家 d 火鍋生料用 "食物盒" 分開存放, 好骨止架!

最後都係食唔晒 d 米線, 也許我地食得太急, 所以好快又飽又脹! 不過相比起以前, 真的貴左好多呀! (以前 $3x, 而家 $5x)

奇怪的一天

尋晚開始入睡時瞓得唔好, 因為太吵耳了 (外邊的風雨聲), 之後便一隻死豬了 ZZZzzzzz................

唔知係唔係太大風的關係, 我可能有一點著涼, 早上起來時, 頭痛骨痛的, 只想 "不斷" 賴床啊! 最終 "天使" 戰勝了 "魔鬼", 不過總覺得 "魂不附體" 的 "雲遊太空"。

多想放一整天假, 什麼也不做, 只顧瞓、瞓、瞓, 也許體內太多 "骨火", 筋骨好痛又好似 "藕病" , 唉............唔可以再懶了, 真的要運動起來, 不過又無伴呢!!!!

再唔郁動, 除了體質差之外, 還會無晒 D 食野配額架 (因為又肥又唔健康囉!!)

噢....報銷了!

今日又打風了, 個風打得真的唔合時, 專等到臨近放工時才掛 8 號風球, 攪到大家十分狼狽, 至於我........

我心愛的自動傘終於敵不過陣陣強風, 傘骨爛了, 自動傘報銷了!! 又係時候換過一把新的傘

毒奶

毒奶事件越鬧越大, 令人 "聞中國製的奶類產品" 而恐懼, 今晚晚飯時, 電視又播映緊毒奶事件, 令我想起了從前聽過的一個故事, 內容係o甘的:

一對豬夫婦, 公豬十分愛母豬, 並承諾過會樣樣事情遷就她, 一生照顧她
他會事事以她為先, 所有好的食物全留給她, 母豬自然心廣體胖, 覺得自己無嫁錯郎
一天當公豬聽到一個消息之後, 他改變了相處模式
每天餵飼的時候, 公豬總推開母豬, 自己不斷的食, 直到吃光了所有食物
母豬傷心透了, 她以為公豬唔再愛自己, 黯然之餘, 還纖瘦了不少
原來.............

農場的主人見公豬養得胖胖的, 是時候攞去劏了, 連忙將他帶走
公豬臨走時向母豬說: 我兌現了照顧你一生的承諾了, 你要好好照顧自己, 不要吃得太好, 否則也好快會被劏了

毒奶如果不被發現的話, 將會一直潛伏在人體內, 終會令人生病, 目前我地仲唔知道究竟還有幾多食物有害呢! 怪不得時下的人經常會患上癌病啦!

火龍果食法

早前中秋節, 相信大家也食了唔少生果, 公司同事也湊熱鬧, 每天下午茶便食代理商送的果籃, 朋友 I 教曉左我一個 "新的火龍果食法", 既 "企理" 又 "快捷

1) 先將 火龍果 打橫的切開一半

2) 用刀將 火龍果 果皮 打直介開 (介幾刀), 如介橙皮o甘

3) 用手搣開果皮

4) 將 火龍果 果肉放到碟上, 大小隨意切開

食飽就瞓, 瞓飽再食

飲過早茶後, 去左美容院扮靚靚 (仲瞓到一隻死豬o甘) , 然後梗係去醫個 "五臟廟" 啦!

去左大埔墟街市 2/F 熟食中心的 CFS12 舖 的 "平記麵家", 它上過好多飲食專訪, 蔡瀾亦有推介過

今日點了馳名的 "蝦子雲吞撈麵" (有少許豬油) $28+ "罐裝忌廉" $5, 蝦子夠咸香, 竹昇麵無梘水味, 雲吞唔係大大隻的鮮蝦雲吞, 而係廣東雲吞, 適量的豬油可以潤澤竹昇麵, 令它更滑更香

偶然食一下 "平記", 令人好滿足同開心呀! (據聞以前平記在舊式無冷氣的街市營業時, 周星馳星爺也要排上個零鐘頭隊去食架!)

29 + 1 又如何

尋晚睇完了 29+1 (第五次重演), 劇味濃, 演技細膩, 能夠引起觀眾共鳴之餘, 爆笑位亦充足, 令我和 KK 及 兩個朋友仔渡過了好愉快的幾小時呢! (兩個幾鐘內, 我又喊又笑, 好減壓啊!)

深刻的共鳴有:
1) 唔知從幾時開始, 出入冷氣地方, 總有絲巾或冷衫跟身, 究竟係自己體弱了? 開始著重自己的健康? 抑或青春少艾不再呢? (點解青春少艾好似對冷氣有免疫力o甘)
2) 唔知從幾時開始, 無論買主糧抑或零食, 首要的係選擇款式口味, 再睇睇成份 (高纖低脂高鈣的最好), 才比較價錢 (原來健康才無價, 貴一點又何妨)
3) 人大了, 記性亦差, 好多時太忙太迷茫, 會完全唔記得 "上一分鐘" 自己想說什麼? 又還者 "遺漏" 了什麼?

令我流淚的位置:
1) 女主角在醫院床邊和爸爸傾計 (當時脈搏機在背後 Bi...Bi....響), 細訴往事, 勾起了我兒時回憶 (如: 彭福公園), 不禁想起唔知從幾時開始, 再無同爸爸o甘 friend 了, 唔可以 "攬頭攬頸" 之餘, 甚至連傾心事也困難起來, 可能.....我總以為爸爸不會了解 "女生的感受" 吧! 好懷念兒時的幸福, 總好似離我太遠啊!
2) 之後女主角叫爸爸快 d 好返, 因為仲要帶佢去xx 飲茶, 去 xx 行街等等......默然.........脈搏機 Bi.......一聲長響, 一切也完結了! 當時我想起了阿姨臨去世前的時候, 心酸的感覺一湧而上, 淚亦滾下來
3) 女主角患了末期乳癌, 想趁手術前叫自己一名男性好友 (不是男朋友) 摸一下自己的乳房, 雖然唐突好笑, 但背後卻帶著一點點悲涼, 日後割掉了乳房, 可能感到自己有缺陷, 想還自己近男色的一個心願吧! (女角有一點任性), 我卻是笑到標眼水

E 套劇比到我好多好多反思的機會, 想左好多野! 然後.......突然覺得 "點解會為那 29+1 而感到驚恐傍惶? 只要你把自己的歲數 "拆開", 如: 18 歲 = 17+1, o甘管它的什麼年紀, 也不會再有個框框困住自己, 只要活得開心, 盡量忠於自己感受, 把握快樂的事, 那才不枉過!"

人生關口

「人生」應該分成幾多個關口呢? 計我話大致都該分開以下幾個:

1) 嬰孩期: 0-5 歲, 吃喝玩樂 + 學習 + 百般被寵的日子
2) 孩童期: 6-1X歲, 返學讀書, 無憂無慮的歲月
3) 青年期: 1X-2X 歲 不知天高地厚, 工餘時只顧玩樂、扮靚
4) 成熟期: 3X-4X 歲, 成家、置業、投資、生育下一代的時候
5) 夕陽期: 5X-6X 歲, 如有幸的已退休, 否則每天擔心年紀大被取締工作崗位
6) 黃昏期: 7X 歲或以上, 也該算是收成期, 回顧一生奔波, 最後得到了什麼?

常言道: 人生該 30 而立, 要開始清醒了, 不要再渾渾噩噩的過日子, 燃燒青春過後, 究竟你得到了什麼?

相對女性來講, 也許由 "青年期" 踏入 "成熟期" 的心理關口係最難過的, 從年少無知、只顧扮靚拍拖的花花世界, 再過渡冗悶的成人世界, 要積極的為自己未來打算, 到底別人的想法又會和我一樣的麼?

今晚將會欣賞舞台劇 29 + 1, 內容就係講述兩位女生如何用不同的態度去面對 30 歲, 唔知睇完之後又會有什麼啟發呢? 好期待啊!

第一次見識 CEO

尋晚係我o甘大個女第一次去 CEO 唱 K 咋! (當 "見識" 一下)

所謂的 CEO 即係較一般 卡拉 OK 大型的場地, 每個房間有自獨立的洗手間 (較乾淨之餘又唔怕迷路)

尋晚我地仲幫襯埋 + $28 食 K Buffet (自助餐) 添! 食物尚算 OK 啦, 花款多樣化之外, 質素亦唔差, 相比起之前去過其他店的 K Buffet 好得多。(以下附上兩張相片比大家睇o下, 當然我並唔係食左o甘少野啦), 是次每人消費 $195 (包人頭費, 花生費, 自助餐費 及 服務費 和 兩杯無酒精飲品)

哈.....哈.....都總算見識過了 (還一個心願呢! 不要太 out (過時), 怕亨仔大個仔時唔 "侵" 我玩)

望圖止餓

「食」 同 「瞓」 就最能使我開心, 尤其是對住 "志同道合" 的人一齊分享食物及話題

今日我上網睇見有一間食日式自助餐聞名的店, 部份食客更上載了食評及圖片, 食物質素唔錯, 但都幾貴的啊! 而家儲一下錢先, 日後才訂位去食

唯有將 「靚靚的魚生及海膽」相片, 放在公司電腦做桌面, 望圖止餓啦! 至少氣餒時望它一眼, 也感到無限的歡欣啊! (為自己加油)

** 我怕我的辦公桌上會 "水浸" 呀! (我的口水)

輕鬆之夜

尋晚終於考完試啦, 完成了浸大英語專業証書課程

我預計 E 科該會及格, 只視乎有幾高分啫!

點解我o甘有信心? 因為 E 一科的功課多, 我的功課總分已經有 27 分 (佔全個學科的成績), 只要在考試卷內取得 23 分便及格了 (50 分及格)

今晚決定相約好友唱 K 鬆一鬆, 哈哈............

幸福玻璃球

每個孩子的小時候, 或多或少總 聽過 又或者 睇過 「童話故事」

童話故事中大多數講述 "公主" 與 "王子", 然後中途發生了一些小考驗, 如: 白雪公主食下毒蘋果睡著了, 灰姑娘忙著趕回家掉下了玻璃鞋, 最後都係 "大團圓" 結局的。 讓單純的孩子覺得世上雖有 "好人" 和 "奸人" 之分, 但世界乃是美好的 (因為好人有好報, 大團圓結局)。

現實世界真的如此嗎?

報章說一位內地媽媽, 自小在農村長大, 過著重男輕女, 經常被體罰的童年 (成長過程似灰姑娘嗎?) 然而她長大後嫁到香港, 誕下了一對龍鳳胎, 就因她的重男輕女思想, 經常體罰女童, 最終女童因腦被硬物所傷而導致吞食時哽死。 (點解現實中的灰姑娘自小被欺凌, 長大後卻得不到王子的垂青的庇護, 還要牽連下一代無辜的犧牲?)

「童話故事」只是成年人保護兒童的純真所製作的 "幸福玻璃球", 虛幻而唔真實的, 它可以用作粉飾 (沉悶的生活), 現實中卻無法實現!!

靠人不如靠自己, 不要再被小時候的「童話故事」影響了, 摔破那個 "童話玻璃球", 找尋自己的出路, 努力的製作一個屬於自己的 "幸福小天地" 吧! (幸福小天地是實在而可以掌握 (實現) 的)

路一直都在 視乎我們怎麼走

我知道我們繼續下去 還是老樣子
我繼續包容你的任性
你繼續行使你的特權
究竟是我愛你太多 抑或你愛我太少
還是此乃我們既定的相處模式

日子久了 我們一直相伴地走
只是有的時候
你忘了我也是一個人 我也有感受
單程路的日子並不好受 零分享零交流
責任傷感使我倍感孤單 但路還是繼續在走
而你的心也似在飛走
飛去為你認為值得的事而忙著

繼續走下去 是我還愛著你
抑或放下你 令我感覺殘忍
又還是彼此已經習慣了這麼久
也許一人哀愁 總好過二人難受
因為我早已遺忘了自己的感受

理智到要放手 殘忍的還得接受
傷口終有一天會埋口
捱下去 也只會是一對怨偶
關係一直潰爛 最終變得無可挽救
路一直都在 我們只是分開走
偶有傷痛 加點勇氣 我們挺起身軀走到人生白頭

路一直都在 視乎我們怎麼走

壓力瘡

唔好以為我打錯字, 我講的唔係用作訓練用途的 "壓力倉", 而係因為 "壓力" 而導致的 "暗瘡" 呀!

最近 "浸大課程" (將完結) 及 "港大課程" (剛開課) 交接, 時候上有一點緊迫, 而且浸大的課程考試燃眉在睫 (就在本週三), 所以溫習的時間也有限呢! (因為星期五, 六, 日要出席 "港大課程")

雖然我日日 "撻上床" 就已經瞓得 "死豬" 一樣, 唯經常發夢 (唔記得夢境), 仲幾乎流口水添! 但係 "壓力" 及 "唔夠瞓" 已經不知不覺得轉變成 "暗瘡" 顯示在面上了! 長了三, 四粒明顯的大瘡, 雙耳內還長了瘡瘡添!

希望快 d 回復正常便好了! 雖然 "瘡瘡" 影響外觀之餘, 還 "谷得皮膚好痛", 不過我會同自己講: o薯..........E 一 D 係 "青春的秘密" 嚟o架! 唔好話比人知呀! (費事人地妒忌我啦!)