Hancock 街頭超人

今日同朋友去睇 《Hancock 街頭超人》, 原來套戲都幾好笑 同 幾好睇架!

未作改變前的 "亨哥" (Hancock) 的確 "好乞人憎", 因為佢太過任意妄為, 縱使一切也出於幫人的心, 但卻忽略了大局 及 漠視了別人的感受, 令社會造成莫大的經濟損失, 結果往往因為佢 "插手" 處理更壞。

故事中有兩處特別感到深刻、 好笑的:

1) 在警匪槍戰中, "亨哥" 奉命到場拯救及控制場面, 結果 "亨哥" 在拯救女傷者時的對話如下

"亨哥" : (女傷者走不動了) 我可唔可以掂你? 但你要明白我唔係想 "抽水" (揩油), 我亦唔係因為你唔靚而唔想掂你, 其實你好索的 (不斷的解釋為何將要和女傷者有身體接觸的動機)

女傷者: (歇斯底里、發脾氣的大嗌) 快 D 救我出去!!!

2) 同一場面中, 警員向 "亨哥" 匯報現場狀況後, "亨哥" 在預備拯救行動之前, 記得朋友 (任職公關) 教佢的 "包裝" 技倆, 不忘向警員說：Good Job (好野, 你地做得好!) ﹝之前 "亨哥" 經常自負的認為: 如果警員係做得好, 就不用佢出來幫手啦!﹞

我覺得 E 套戲比 《功夫熊貓》 更值得睇, 略嫌時間 "短" 了一點點。

公用電話

記得小時候科技還未發達, 仲未有手提電話, 就算 call 機都未普及, 好多時同朋友約會也要預先約好時間地點見面, 如果一方遇上突發事 (如: 塞車), 另一方卻只得苦等

公用電話就係當時的救星啦! 它比我最深的印象係 "超人" 變身時的更衣室, 以前 (小時候) 睇電影還未入得場時, 姨姨, 哥哥就跟我一齊 "在玩電話" 了 (也是一項免費娛樂)

今時今日, 幾乎每人也有一部手機 (手提電話), 由小孩子到長者, 甚至外籍傭工, 人人都靠手機連繫, 手機普及的程度甚至可以 cut (取消) 左家用電話, 家中各人各自用自己的手機代替家用電話

某日當你無帶手機 (忘記了) 時, 也許你才發現公用電話的 "珍貴" 啊! 又或者不久的將來, 公用電話會被大幅削減, 甚至被淘汰, 那時它只能在你腦中成為社會的 "集體回憶" 啊!

佛話看婚姻

今日路過別人的網誌, 看見了以下佛話, 係講關於婚姻的, 讀完後有所得著

寺廟內, 一個男人愁著眉向佛告解

人︰佛啊! 我是已婚的, 卻愛上了別個女人, 現打算辦離婚, 那會對妻子殘忍嗎?

佛︰在婚姻中沒有愛才是殘忍和不道德的，你現在愛上了別人已不愛妻子了，你這樣做是正確的。
人︰可是我妻子很愛我，真的很愛我。

佛︰那你妻子就是幸福的。
人︰我要與妻子離婚後另娶別人，妻子應該是很痛苦的又怎麼會是幸福的呢？
佛︰在婚姻裏你妻子還擁有她對你的愛，而你在婚姻中已失去對妻子的愛，因為你愛上了別人，正謂 『擁有的就是幸福的，失去的才是痛苦的』，所以痛苦的人是你。
人︰可是我要和妻子離婚後另娶別人，應該是妻子失去了我，她應該才是痛苦的。
佛︰你錯了，你只是你妻子婚姻中真愛的一個具體，當你這個具體不存在的時候，她的真愛會延續到另一個具體，因為她在婚姻中的真愛從沒有失去過。所以她才是幸福的而你才是痛苦的。
人︰但妻子說過今生只愛我一個，她不會愛上別人的。
佛︰這樣的話你也說過嗎？
人︰我。我。。我。。。

人們往往以為自己好聰明, 總懂得為自己的錯誤找借口, 想盡辦法讓自己得到好處 (眼前的利益), 原來在心靈上的得著和滿足, 才是人生真正的寶庫啊! (不過唔係人人都能參透固中的道理)

逛書局

我有一個幾無聊的興趣, 就係逛書局 (打書釘)了, 尤其是一個人悶悶地、 心情低落、 又或者壓力大之時, 總想籍住書本賜我一點小智慧, 讓我可以安然渡過, 充實一下心情及時間, 無時間去想負面事情。

尋日放工, 逛左一陣書局, 發生了以下幾件事：

1) 睇見一句金句幾有意思, 讓我在此分享一下：「愚人的思想只靠別人灌輸, 智者卻掌握著獨立的思考方式」

2) 另一本書說：「劣質的銷售員只看到自己的業績, 優秀的銷售員卻看到顧客的需要」 (用心做事)

3) 又有一個故事是這樣的：「今年 68 歲的伯伯因為兒子娶了日籍新抱, 故打算報讀日語會話班, 嘗試和佢地多溝通。 接待小姐說：伯伯, 這個課程要兩年時間, 你修畢時已經 70 歲, 你考慮清楚沒有? 伯伯說：難道我唔報讀此課程, 兩年後便會 66 歲麼?」 (說明了 "有心唔怕遲")

4) 一生人之中, 買左第一本英文電影小說, 想訓練自己睇多 D 英文 (要自己有興趣的讀物, 才肯主動去讀的), 打算如果 "睇唔明" 得晒, 也可以睇那套英文電影 "補習" 一下。

逛書局都有唔少的得益架!

轉型

「經濟轉型」你就聽得多, 「體質轉型」你又聽過未呀?

今早睇中醫, 醫師診脈後病情有所好轉, 面色也較之前紅潤 (感覺身體好像 "強壯" 了一點點, 連傷風感冒也少了), 但腸胃的毛病依然未好得晒 (還有胃氣頂住, 令食慾麻麻), 不過睡眠方面, 已經好得多了。

取過藥方後, 才發現我的體質由原來的 「氣滯濕阻」型, 經中藥調理後, 轉變成 「脾胃不和」型, 唔怪得之我感覺到體質好左一點啦 (原來因為 "氣血流通得好一點, 濕氣被除去", 成個人的循環也好一點), 唔知幾時可以 "好得晒" 呢?

後來上網八卦一下, 才知道「脾臟」原來對人體好重要架! 它係體內最大的淋巴組織, 和免疫系統有莫大的關係, 而且脾臟仲主宰住人體的 "血液質素", 去除劣質的紅色球 或 血液雜質, 保持血液細胞的大細及質量, 還有供應地方給白血球 (免疫的主要元素) 暫存添!

估唔到, 睇中醫的過程內, 我又學到野了。 所以話：「天下之大, 你唔可能識晒所有野, 千萬別自滿, 要謙卑一點, 學多一點點來充實自己啊!」

給自己的情書

最近心情總係 "忽高忽低" 的, 縱使叫自己放開一點, 不用理會周邊的 「無理壓力」, 但我始終 "道行未夠", 有時還是會想起, 一想起時, 無名火在心內燒, 又感到沮喪了。

於是唯有 "日日諗辦法氹自己" 開心啦, 經常在心中哼著 E 首歌, 目的係 "叫自己唔好沮喪, 為自己打打氣, 要自己愛錫自己" 才好啊!

給自己的情書 (主唱：王 菲)
作詞：林夕　作曲：C.Y.Kong　編曲：Cy Kong

請不要灰心 你也會有人妒忌
你仰望到太高 貶低的只有自己
別盪失太早 旅遊有太多勝地
你記住你髮膚 會與你慶祝鑽禧

＊lalala 慰籍自己 開心的東西要專心記起
lalala 愛護自己 是地上拾到的真理
寫這高貴情書 用自言自語 作我的天書
自己都不愛 怎麼相愛 怎麼可給愛人好處
這千斤重情書 在夜欄盡處 如門前大樹 沒有他倚靠 歸家也不必撇雨

請不要哀傷 我會當你是偶像
你要別人憐愛 請安裝一個藥箱
做什麼也好 別為著得到讚賞
你要強壯到底 再去替對方設想

Repeat ＊

lalala....lalala.....
拋得開手裡玩具 先懂得好好進睡
深谷都攀過後 從泥濘尋到這不甘心相信的金句

寫這高貴情書 用自言自語 作我的天書
自己都不愛 怎麼相愛 怎麼可給愛人好處
這千斤重情書 在夜欄盡處 如門前大樹 他不可倚靠 歸家也不必撇雨
我要給我 寫這高貴情書 用自言自語 作我的天書
自己都不愛 怎麼相愛 怎麼可給愛人好處
憑著我這千斤重情書 在夜欄盡處 如門前大樹 沒有他倚靠 歸家也不必撇雨

多少個 "十年"??

某日晚上驀然回首, 回想起小時候 (10 歲以前), 常常想盡快 "大個女" (成年), 因為覺得只要 "大個女", 便不會再有o甘多的管束, 好多事也可以自己作主 (如: 食雪糕, 睇卡通片等等)

渡過了 10 歲啦, 又想盡快 20 歲, 因為快 D 出來社會工作 "揾錢", 才可以有自主權 (如: 房間可按自己的喜好佈置, 不用攤大手板問父母拿錢)

20 歲一晃眼就過去 (總是渾渾噩噩的, 無 mug 成就), 唔再寄望快 D 30, 40, 50.............. 歲了

也許 "人該 30 而立", 可以認清方向, 為事業拼博, 可以置業安家, 可以成家立室, 可以生兒育女, 不過...........你又會想 (害怕) 因為越擁有得多, 就越怕失去 (如: 在你為事業拼博的同時, 你會為著家中的一碗 "媽媽靚湯" 而感動, 你越發現父母不知不覺間老去, 你越怕失去佢地的關愛及支持)

30-50 歲係一條漫長的人生路, 因為你要努力的為未來作準備 (退休後生活), 又怕 "無得撈", 即使有學識才幹, 也怕被年青的小伙子趕上頭來, 被社會淘汰 (現實係殘酷的, 聘請你一人足以請幾個有魄力的小伙子幹活了)

50-80 歲終於退下火線了 (無論你情願與否), 由於收入有限, 更要為消費一分一毫而費盡心思, 睇住自己的身體逐漸退化 (不由你作主), 你害怕的再不是死亡, 而是怕老去, 生病等問題 (因為又會浪費大量金錢去醫治)

80 歲以上已經習慣了衰老的身體, 害怕的卻是 "捨不得", 捨不得離開人世, 捨不得親朋好友, 想用盡生命的每一刻, 好好和佢地共同分享

"人生能有幾多個十年" 呢? 心態竟由小孩子渴望長大, 直到老去不捨離開人世, 真正活得灑脫的人, 就係 "活在當下", 不論刻下身處那一個位置, 也安然面對, 才不枉此生啊!!

"善" 心態

從來有人話: "一樣米養百樣人", 又或者 "同遮唔同抦, 同人唔同命" (人人的際遇不一), 所以唔好再怨 "點解我o甘樣的遭遇, 羨慕別人擁有而自己沒有的東西", 應該珍惜自己擁有的, 多反省自我, 去改善自己, 爭取沒有的好待遇

有人為了 "利用了自己的優勢而操控別人" (強迫別人做佢期望的事) 而感到滿足, 從無切身處地的理會別人的感受, 就好比一個 "施虐者" 般欺凌別人而感到愉快, 縱使別人目前不能改變現狀, 甚至感到困擾 (對於無理的指責), 但係.......轉個角度睇, 也許又是另一次的機會, 令別人更成熟, 品德又得以成長呢!

當日食齋時, 睇見一段 "佛偈", 忽然有所領悟, "佛偈"是這樣說的:

"為人善者, 得以為昌, 如果昌未至, 自身或祖上必有孽, 如孽盡時, 昌必至也"
"為人惡者, 得以為孽, 如果孽未至, 自身或祖上必有昌, 如昌盡時, 孽必至也"

所以無論別人怎樣待你, 只要心持善念, 多行善積德, 化解自身或祖上的孽, 昌必至其身上, 只係 "時辰未到" 吧! 放開心態, 不要理會別人所想 (如無理的), 只做自己認為對的事, 便會 "路遙知馬力, 人久見人心" 了!

因為 "世界不會就一人之念而轉變, 真理始終在人心中長存" 的, 雖然面對種種無謂的壓力, 但我的 (善) 信念不會因此而動搖 (不害人, 不要以怨報怨)

新潮的齋菜館

星期一攞左一日 "有薪年假", 用作抖一抖, 連續放四日假, 才再衝刺, 首先中午去左元朗同小姪仔玩, 小姪活潑趣緻, 好客又熱情, 氹得大家好開心呢! 然後去睇 "功夫熊貓" 卡通片, 套戲都幾好睇, 主要教人 "要對自己有信心, 凡事便有可能"

之後相約 KK 及 媽媽去左元朗的一間齋菜館晚飯, 點了:
1) 三文魚刺身 (結果卻送來了 "雙色刺身", 吞拿魚及立魚, 口感真的唔錯)
2) 芋頭仙斑
3) 鮮百合炒什菜
4) 齋鹵味 (小)

























結果味道唔錯, 大家也捧腹而回, 真是一個開心的假期啊! 明天起, 返多三日工, 又可以抖一抖, 真不錯呢!

好漂亮啊!!

今日跟人返左大陸, 目的在於 "整指甲" (扮靚) 及 逛書城 (睇書及買書)

原來扮靚真係要花好多時間架, 差不多要坐兩個幾, 三個鐘, 攪到我腰酸背痛, 頸梗又眼瞓, 但眼見技師o甘 "賣力" 的工作, 瞓覺又有點唔好意思喎! 最後我揀左 "淡紫色閃粉水晶甲 + 白色水晶雕玫瑰花" 的甲款

嘩!!! 終於整好啦, 果然好靚喎 (大家都估唔到幫我整指甲的 "男技師" 手藝, 原來仲靚過幫佢地的女技師添!) 原只想靚一個星期便 "卸甲" 的雙手, 而家又想再靚多一個星期才卸甲 (抵 D 丫嘛! 而且又唔捨得浪費技師的心血呢)

最後在書城花 $24 買左一本翻譯小說, 大約比香港平左 50% 呀, 勁開心!

令人 "會心微笑" 的回憶

在此講一個故事比大家聽：

從前有個小女孩從小學升讀中學, 一次家庭聚會中, 舅父為左鼓勵佢讀書, 便承諾：「如你比心機讀書, 考到第一, 我送一部 Game Boy 比你 (當時係幾貴的潮流電子玩意)」女孩：「嗱....你話架, 好!!! 一言為定。」

在第一個學期結束時, 女孩竟然 "符符碌碌" 的考左班上第一, 極之興奮 (一生人之中的 "第一" 及 "唯一" 一次), 立即向舅父匯報結果, 誰知舅父一臉尷尬的想 "縮沙", 此時 "英雄的" 姨姨卻站出來說：「唔可以縮沙, 承諾過小孩的東西要辦得到, 等我陪女孩去買吧! (禮物最後也許由姨姨出錢的)」

結果女孩及其兄姊當然勁開心啦, 而且仲大家 "爭住輪流" 玩 Game Boy 添, 此時女孩終於覺得雖然自己年紀少, 卻也有其用喎!

昨晚回家的途中, 見到一位女孩在玩著 NDS (現代的新電玩), 不期然想起這一個故事, 忽然覺得 "個心好甜、好回味", 因為當時的我年青、因為當時姨姨仍健在。

你在故事中有什麼得著嗎? 我得到了：
1) 不要輕易承諾別人, 因為「講得出, 便要做得到」
2) 承諾過小孩的東西要辦得到
3) 想得到你想要的東西, 便要 "瞓身付出努力" 去爭取
4) 別看輕自己 (年紀少), 因為只要你發奮, 凡事有可能

想念你 - 麻辣火鍋

早幾日行過超級市場, 見到 "小肥羊" 的火鍋湯包, 嘩!!! 忽然好掛住你呀.........「麻辣火鍋」。當晚我在食飯時問爹地媽咪幾時會有 "飯局"? 攪到佢地覺得好奇怪, 我才解釋因為我想 "整一D 佢地唔食的野" 囉!

尋晚同朋友閒談, 結果佢不期然講起 "打邊爐", 還問我：「夏熱天時打邊爐係唔係好奇怪?」我：「唔奇怪, 我早幾日才這樣想呢! (其實我久不久會o甘樣做的, 管它是什麼季節, 想打便打) 而且還想食 "麻辣火鍋" 啊!」

之後我地越講越興奮, 還在打算食什麼好, 如：芝士包心丸、海膽丸、蘿蔔、粟米、豆腐、芋絲、肥牛等等。睇來真係要找個時間, 的起心肝相約大家一齊 "打邊爐" 才可 (最好係 "鴛鴦鍋", 有一半係 "麻辣火鍋" 就好了。)

忙爆了!!!

尋日掛左半日 8 號風球, 難得有半日假期, 結果下午回到公司就 "未停過", 仲發生左幾件大事添：

1) 公司的窗邊嚴重滲水 (玻璃幕牆), 弄至天花、地毯全是水漬, 桌上的雜物濕透, 結果要請管理處派員上來清理善後。 由於事態嚴重, 管理處不同的人員也往來了好幾次, 當然我也要騰出時間去跟進啦! (今天大家還在跟進中)

2) 已經得返半日的工作時間, 但上司還把不趕緊的工作推至我手上, 弄得桌上文件爆滿 (結果尋日也只做了少許, 大部份要今日做), 其實佢可以安排在今天做的, 因為半天實在 "做不完"。(還碰上 o甘多的波折呢!)

3) 公司幫同事預早慶祝生日, 大家一齊切蛋糕分享, 我要冒住橫風橫雨的天氣出外取蛋糕, 不過......今次卻有幸見識到一種 "新的切蛋糕" 方法, 極有趣!!! (真的有點兒心涼, 別怪我衰)

今日整個上午在完成項目 2) 的 「前部份」, 下午又要外勤工作 (銀行), 再回來處理 項目 2) 的「後部份」, 剛剛才停下來 "小休一陣" 咋!!

不過今日該要做的工作還未做妥, 唔想被 "罰留堂", 真的要加把勁才得了!! 今日真係 "超充實" 的一天啊! 相信今晚一定睡得好。

復仇大計

今日收到朋友的電郵, 教左我一個方法, 令我可以進行 "復仇大計" (要血債血償的.....「滅蚊」), 上載至此, 比大家參考一下啦!

睇圖片就好似好有效 o甘, 唔知效果係唔係真的o甘厲害呢? (最尾的 "效果圖", 睇見也 "打冷震" 呀!)

** 註: 保特瓶 = bottle = (吉) 樽

美麗的「緊箍咒」

西遊記內 「齊天大聖孫悟空」實在太任意妄為, 成日唔聽師傅唐僧的說話, 結果觀音大士賜左一個 「緊箍咒」比孫悟空, 要佢好好約束自己, 否則自受苦果, 初時齊天大聖的確唔習慣, 經常吃苦, 最後卻因這小法寶而戒掉陋習。

今日為自己預備了一個美麗的「緊箍咒」, 用作紀錄一個教訓, 叫自己小心行為, 別要再跌落 "漩渦", 希望能夠自愛多一點, 好好改善自己的陋習。

** 尾指太小了, 「緊箍咒」有點鬆, 要叫爸爸給我想一想辦法先!!

父母註定要犧牲??

尋晚一邊食晚飯, 一邊睇 「鏗鏘集」, 內容係追蹤四川地震 1個月後, 某幾個失去親人家庭的近況。其中一個爸爸說：「幸好還有他 (兒子), 他是我的命根、我的一切 (妻子在地震中去世)」

飯桌上, 對話如下：
******************************************************************************
媽媽：「哼....還說 "幸好", 認真係 "要仔唔要乸" 啊!」

我：「媽, 你不能o甘講, 生死有命, 大家都無得揀, 如果有得揀, 梗係想人人都唔駛死啦!」

一向鐵漢的爸爸忽然嚴肅地說：「為人父母者, 由生養小孩那一刻開始, 已經預左犧牲自己也要保護小孩, 就如: 自已唔食, 也要留給孩子吃, 相信自己及伴侶也會有此保護孩子的共識的。」
******************************************************************************

忽然頭腦 "叮" 了一聲, 心情沉了下去, 不停的反省自己。我除左未有足夠的心理預備去 "為人母" 之外 (未作好犧牲的準備心態), 作為子女的我亦太膚淺了, 總以為 "盡責的父母" 天生有責的去愛鍚孩子, 但從未想過 "愛得如此的深厚", 好震撼啊!

也許作 "為人女", 而未 "為人母" 的我, 始終也是 "自私的", 想自己的利益、著數多一點, 即使面對別人, 也只是有限的作出將就, 而從未想過要犧牲自己, 來成全別人。 天下間父母的 "犧牲" 情操, 真教人敬佩啊!

我愛 「娥姐」

一直以來, 我都幾喜歡電視藝員 "商天娥" 及 飾演過娥姐的 "關詠荷" 的。

關詠荷幾有觀眾緣, 而且樣子賢淑 (襟睇), 又有一個美滿的家庭 (鮮有緋聞), 夫慈女孝, 一副幸福女人的模樣。

而商天娥呢? 喜歡佢除了因為愛睇佢演的戲之外 (有演技及觀眾緣), 還有最近睇過兩篇佢的專訪, 愛佢 "做人的心態"。

年輕時的商天娥, 在無心插柳底下入了藝員訓練班, 更演活了 《鹿鼎記》的 "阿珂" 及 《儂本多情》的 "莫笑儂"一角, 事業比當時的劉嘉玲順利得多, 後生時經歷過三次刻骨銘心的戀情, 其中一段更達至談婚論嫁的階段, 最後卻爛尾收場, 直到佢碰上現任男友, 好多處事、做人上的心態亦轉變了。

佢講過: 後生時愛得轟轟烈烈, 會為愛情而放棄事業 (當時打算放棄事業, 跟未婚夫結婚移民), 將好多自己的一切事情放在最後, 先考慮男友 (如: 會介意別人口中的一句 "肥瘦" 評論而改變自己), 但今日心態已變了, 最重要的係互相尊重、體諒, 與其為著 "一句肥" 而唔開心, 不如調整心態去接受 "肥的自己" (當然 "健康" 為大前題)。 所以交男友的話, 不要那麼激情了, 找個舒舒服服的便可。 和現任男友的這一段情也頗穩定, 而且還計劃結婚, 只係娥姐怕渴望佢結婚的老父如願後, 身體大不如前, 才將婚禮押後 (其實E 一份心態, 真的好孝順啊! 希望 "好人有好報, 男友和佢細水長流, 長廂廝守" 啦。)

套用在愛美的女人身上, 如果為著 "年月催人老, 保住容顏而惆悵", 倒不如心態 "樂天開朗" 一點, 用正面開心的心態去面對現實, 總好過逃避唔承認自己的轉變。

引用雜誌中的一句說話：「天鵝優雅, 但只能孤芳自賞, 商天娥庸俗, 不過她很快樂, 這叫活在當下。」

能夠真正 "活在當下" 的人, 就會是 「知足者, 貧亦樂」!!

別想太遠

今晚睇左電視劇 「師奶股神」大結局, 忽然心中有一點感慨, 想起了這一首歌, 摘自張學友的 《讓你愉快》

過去我愛每日忙 習慣想很遠的渴望
原來無停止燒傷對方
這晚你最後在旁　沒半點感覺的對望
揚言明晨消失於曙光
讓你愉快　尋求別個地方
來忘掉我　不用說最終的晚安

覺得感慨的係 "人的慾望真的無窮無盡", 錢亦唔可能由一個人揾得晒, 而且慾望會引發 "貪婪", 一旦選擇錯誤行歪路, 就只會傷害了愛你的人的心, 而且分分鐘無法彌補。

就如戲中的 King Sir 為了名利, 不惜走歪路, 利用卑鄙手段, 置家人朋友利益而不顧, 更傷透女友的心, 結果卻一無所有, 幸好佢肯面對結果 (坐監), 最終獲得家人及女友的原諒。 但並不是人人也o甘好彩的獲原諒, 而且佢出獄後還有機會孝順父親嗎?

另一方面, 學友的歌曲卻教我 "做人不要慾望太多 (心頭太高), 想得太長遠", 因為原來你在為實踐慾望 (理想) 的同時, 每每疏忽了身邊的人 (如: 陪伴佢地的時間及質素, 佢地的感受, 你對佢地的承諾等等), 到了最後只會令愛你的人對你心淡。

所以大家也要警惕自己, 在為自己生活及事業拼博的同時, 也別忘了在背後支持你的家人 (尤其父母), 佢地不問回報的支持你, 如果你也疏忽佢地的感受, 傷透佢地的心, 他日你醒覺之時, 未必再有機會彌補今日的過失了。

因此 「珍惜刻下的人和事, 心懷感恩的享受, 別讓自己的慾望太多 (別想得太遠), 取一個生活平衡, 即使生活艱苦, 只要一家人齊心, 咸魚白菜也好好味!」

用 "智慧" 釀酒

陳年舊酒 ── 香醇濃厚, 而且仲價值不菲添! (D 收藏家會 "炒賣" 舊酒)

釀酒的過程複雜, 而且要用上優質的原材料, 加上合適溫度、濕度的存放地點, 再用上時間去發酵浸釀, 才可成為一瓶美酒。

在於「人生」亦然, 人要有良好的品德 (元素), 加上合適的教育環境成長, 用上時間去 "經一事, 長一智" 的增添智慧, 你的人生才可算係一酲住釀, 讓你老去時, 回味當中的點滴香醇。

今日起, 決心要釀一酲美酒, 就由 「智慧」 先開始, 他日我老去時, 回望今天, 也不會為今日作的決定而後悔啊!

別為昨日的事難過, 因為我仍是我, 命運操縱在自己手上, 快樂也掌握在自己心中。

買 "二" 得 "八", 勁開心!

今日放工後同朋友 J 去左旺角一間買 "護膚品" 的專門店參觀及購物 (該店專營美容院批發及零售)

原來兩個女人在有傾有講, 左試右試的情況底下, 會失控的購物架! 幸好果度 d 貨品價廉物美, 買多幾件都唔會 "肉赤", 我幾經努力控制底下, 才可緊守慳囊, 買左 "兩件" 貨品咋! 但係..........竟然攞走左 "八件" 物品, 你睇....










我只買了 1) 法式香薰舒壓按摩油, 2) 海洋保濕膠原緊緻眼霜, 但係除左得到 6 件試用裝之外, 還附上一個精美的不織布環保購物袋, 感覺超抵 同 勁開心呀!! (埋單也只係 $99 咋!)