蚊咬新發現

某日無無聊聊閒逛 "屈臣氏", 睇o下有什麼防蚊的新出品 (因為小妹係十分 "犯蚊" 的人), 結果果然有新發現, 就係: [千拍撃] 蚊咬止痕器 - 可快速止痕及減少紅腫, 用法簡單, 不含化學成份 (據我的調查, 並唔係每一間的屈臣氏或萬寧有得賣架)

使用方法 (我節錄的簡單版)
1) [千拍撃] 無需任何電池操作, 不含任何化學成份
2) 將 [千拍撃] 前端放於蚊咬患處, 快速按動 [千拍撃] 5 至 10 次, 放出靜電電荷, 痕癢紅腫將在數分鐘後減退, 如痕癢持續, 可重覆使用
3) [千拍撃] 可拍撃 1000 次, 細小輕便, 易於攜帶
4) [千拍撃]只供外用, 不適用於頭, 眼, 口, 神經線, 脈搏等敏感部份

今早我被 "蚊蚊" 咬左 5 處, 用左 [千拍撃] 作試驗, 效果也 OK, 不過就要等 8-10 分鐘才見效, 而且 [千拍撃] 的售價也絕不便宜架 ($49) , 不過當見識一次又無妨啦, 你地睇o下:

左上: 產品樣貌,
右上: 剛被蚊咬的患處,
左下: 用 [千拍撃] 拍撃患處,
右下: 已消腫及止痕的患處

拉丁狂熱

經朋友介紹之下, 玩左大約兩個月的拉丁舞 (逢星期五晚上兩小時課), 也只是 $40 / 1 堂咋, 幾抵玩!! 尋晚仲介紹多兩位朋友仔一齊做同學仔添!

拉丁舞包括有:
1) Cha Cha (喳喳 / 恰恰舞 - 墨西哥, 古巴)
2) Jive (牛仔舞 - 美國)
3) Paso Doble (鬥牛舞 - 西班牙)
4) Rumba (倫巴舞 - 古巴)
5) Samba (森巴舞 - 巴西)

令次係我就第一次學拉丁舞 (已學了 Cha Cha 及 少少 Jive), 原來它同社交舞的最大分別就係要 "奔放熱情, 婀娜大膽" 好多倍, 用作 "中和" 我的男仔頭性格, 剛剛好, 它還可以令少運動的我關節零活一點, 手腳協調亦好一些

拉丁舞對 OL (辦公室女郎) 亦有絕大的好處, 就係針對大部份的 OL 並通點, 因為坐得太多而導致 "腰粗, 肚腩及坐圍大, 大脾肥" 等下半身贅肉問題, 如果勤力練習的話, 又何需過份節食及參加纖體療程呢??

課堂上導師教左我地好多野, 但係有兩項 "拉丁舞的基本步" 就可以自行在家中多練習, 一來可以練肌肉力度 及 纖減下半身體型 , 二來亦適用於大部份的拉丁舞, 包括:
1) 8 字扭腰 (適用於大部份的拉丁舞, 令腰臀肌肉收緊 及 動作柔軟婀娜)
2) 連環踢腳動作 (適用於牛仔舞, 收緊大小腿肌肉 及 練習肌肉力度)

以下的網址亦有介紹8 字扭腰, 有興趣的可在家中一試
http://sport.1-apple.com.tw/index.cfm?Fuseaction=NewsContent&NewsDate=20080423&Sec_ID=10&Article_ID=30478761&App_ID=1

愛情像 "便便"

今日收到朋友一個電郵, 附上一張圖片, 當中也幾好笑的, 你睇.......

愛情就像便便 來了擋也擋不住

愛情就像便便 水一沖就再也回不來了

愛情就像便便 每一次都一樣又不大一樣

愛情就像便便 有時努力了很久卻只是個屁

哈哈...............................你的腸胃健康嗎? 便便好嗎??

我愛 "小胖子"

今日一早又去睇中醫師覆診了, 腸胃的消化功能已經好了一點點, 但睡眠及胃口質素卻不佳, 有待改善!

診所內, 為我作 「診前評估」的人員是一位男士, 他用一隻大大隻的手掌替我量脈搏, 心底裏不禁暗問：「難道從事中醫的男性, 大多擁有肥大的手掌嗎?」 再打量佢的身形, 其實也只是一般中國籍男士的身形, 何解手掌卻這麼大的呢?

中醫師替我診症時, 無聊的我又四處打量, 原來佢的骨架也唔細的, 雖然唔算好高, 但勝在 "有肉地", 佢一隻前臂相等於我的兩倍有多了 (令我想起中國山東省的 "大隻男"), 想必佢的四肢也頗發達的 (最重要的係: 為我診症時, 千萬不可 "頭腦簡單" 啊!) 心中不禁迷戀上這雙 "又大、又厚肉、又溫暖" 的肉手, 好有安全感啊 (又似我幻想中的 "可靠肩膀" 呢!)

也許要擁有這完美的雙手, 就必需係一個有小小肉地的 "小胖子", 因為佢才夠份量 (斤兩) 去擔當"可靠肩膀"的角色。 那麼..............我日後是否要尋找一個 "小胖子" 作伴侶呢??? 哈哈..............

要做 「善忘」人?

尋日媽媽同我講:「你記得明早睇中醫時, 同醫師講你上星期服藥後的反應呀!! (流鼻血), 想清楚還有什麼唔舒服同醫師講, 要不要用紙 mark 低呀?」

我: 「不用了, 到時候記得什麼就講什麼啦! 不需太刻意, 隨緣吧! 免得個人太緊張, 太多o野記, 好多顧慮時就會睡得不好了。」

媽媽：「o甘又係!!」

也許骨架唔細、外表剛強、性格又男仔頭的我在以前比人感覺 "太強" 了, 而我自己對自己的要求亦高, 總希望先照顧好自己, 再照顧身邊的人, E 一份的 "好心", 可能帶比周邊的人好大壓力之餘, 亦間接令別人過份的依賴我。

因此而家希望 "放鬆一點", 唔好事事太緊張, 小事上疏忽 (大意) 一點亦無妨, 或者當比個機會 "別人來照顧" 我呢!

這世上無論幾強的女子, 總希望有一個 "可靠的肩膀" 比佢累透時 「挨一挨」的, 那怕是家人為我張開的臂彎呢!

晴天

尋日放工, "雞o甘腳的" 離開公司 (因為好累, 前日睡不好, 頭好痛, 想早 D 返家休息), 離開公司的時候, 竟然仲係 "光燦燦" 的, 你地睇..................

好耐都無見過 "藍天白雲" o甘開朗的晴天了, 自從 5 月12日四川地震之後, 市面上充斥著一遍愁雲慘霧, 天氣又成日落雨, 攪到個人心情也低落晒。在鬧市中見到籃天同陽光真的特別開心, 是一日工作後的 "甜品" 喔!

話個秘密你知啦, 讀中學時的我有一個夢想, 就係 「用相機拍下唔同形態的白雲」, 我好喜歡欣賞唔同的白雲 (但在雨季卻不常見呢)。 中學時數碼相機尚未普及, 要拍攝及沖晒一次 "菲林相" 亦唔平架, 所以...........得個 "諗" 字囉!!

到大個女 "有錢" 的時候 (負擔得起晒相費), 又無o甘的閒情逸緻去作此等無聊事, 只顧躲在家中同周公傾計。所以話：「也許當時年紀少, 才會作如此的傻事 (傻諗頭), "情懷" 逝去了就係 "不會復再", 正如 "時光不會倒流" 一樣。」 因此要好好的及時行樂, 把握現在啊!

最愛是誰

今日心中哼起一首 "老歌", 係 林子祥主唱的 "最愛是誰"

最愛是誰 - 林子祥
曲︰盧冠廷
詞︰潘源良

在世間尋覓愛侶　尋獲了但求共聚
然而共處半生都過去 我偏偏又後悔
別了她原為了你　留住愛亦留住罪
誰料伴你的心今已碎 卻有她在夢裡

＊為何離別了　卻願再相隨
為何能共對　又平淡似水
問如何下去　為何猜不對
何謂愛　其實最愛只有誰

任每天如夢過去　沉默裡任寒風吹
誰人是我一生中最愛 答案可是絕對

重唱　＊

為何離別了　卻願再相隨
為何能共對　又平淡似水
問如何下去　為何猜不對
何謂愛　誰讓我找到愛的證據


E 一首歌不只道盡了 "睇化" 愛情的心態, 亦道出了 "人性" 的一面, 人總係覺得 『得不到的才是最好, 在眼前擁有的卻不會愛惜』 (明明已經分開了, 又想再相隨, 能夠共對的時候, 又平淡似水。)

也許人性總係帶多少 "貪心" 的 (得一想二, 就如我面對 "美食" 時一樣), 不過 "你的貪心" 應用在哪一個層面就可由你自己決定。

講到尾..........人最愛的都係「自己」, 為住令自己有伴侶一起分享, 所以才會積極找尋伴侶, 不是麼?? 「最愛自己」 亦不是什麼壞事, 只要 不太自私 和 不要傷害別人 便可以。最重要係自愛, 不要因一時的寂寞而衝動發展新關係, 否則對自己及別人也唔公平, 也會一齊受傷害。

多謝你的愛

今日收到了關愛我的人的消息, 佢說：「放心吧! 不要唔開心, 我會盡力幫你一起解決問題的。」

聽到你的聲音, 我好開心, 因為倍感溫暖之外, 還令我那 "浮沉在大海中" 的心亦安定了不少, 在此衷心的多謝你 及你身邊其他關愛我的朋友一齊代我解決問題, 多謝大家!

無論結果如果, 我地彼此也一齊努力、奮鬥過。

大家不要傷心、不要難過, 不要哭!! 有時候我地該想一想：「雖然結果未如我地的願, 但如果故事裏無某一人物的存在, 我地彼此如何結識對方呢? 此乃我地的 "緣份", 在世上, 得到比 "親人" 之外的 "緣份", 還要投緣的, 確係難得。」

人常說：「人生得一知己, 死而無憾」我得到你地幾位的愛錫, 亦已經無憾已, 容許我再一次的說聲: 「感激你地為我付出的, 直到此刻, 仍然支持我, 多謝你地!!!」

食齋收睥氣

今日難得的天氣晴朗, 仲相當炎熱添! 如果唔外出走一走, 真係對唔住自己, 和家人相約去粉嶺的薘瀛仙館郊遊 及 食齋, 務求令自己開朗一點, 收一收斂 "高壓" 脾氣


比你睇o下個餐牌先 (部份)

我地叫左一個 "三位套餐", 白飯 及 白粥任食, 最後 "梗係" 捧腹而回啦!

話時話, 尋日打完羽毛球之後, 今日周身的肌肉也在酸痛, 怪只怪我太少做 "劇烈運動" 了 (平時只作簡單的 "拉筋運動" 及 "溫和的跳舞" 居多)

首爾的甜蜜手信

尋晚相約了剛結婚, 蜜月歸來的 靜宜家姐 及 小肥王子 晚飯, 睇返佢地大日子的片段 (CD動畫 及 花絮相片) 之外, 還有聽佢地的溫馨蜜月自由行點滴 (韓國首爾 + 濟洲), 好 sweet 呀!!

認真的恭喜晒佢地揾到心中的至愛, 在此我送上衷心的祝福, 記住要 "好好珍惜眼前人" 呀!

新婚夫婦好客氣, 除了請我晚飯外, 還送上在首爾搜購的手信給我呢! 你地睇.........全部都係女性恩物, 保濕防曬的護膚品啊! E 個夏天, 我既唔需要買護膚品, 亦唔怕皮膚被冷氣 "抽乾水" lu, 好o野!!

靜宜家姐 及 小肥王子: 真的真的多謝你地果份體貼的心意啊!

高壓煲

有人話: 適當的壓力可以成為動力, 令人向前
有人話: 當你可以將壓力轉化成甜品, 人亦會成長
又有人話: 如果你不當的減壓 (如: 賭錢吸毒), 它會令你傾家蕩產, 一無所有, 人生亦失去了意義

今天的我自知不懂轉化壓力, 將自己迫得太緊 (不懂處理情緒, 思緒混亂, 因困擾而失眠, 人亦煩躁), 漸漸不知不覺的成為了一個 "高壓煲", 情緒隨時爆發, 更一發不可收拾 (完全失控, 甚至開口傷害了 "愛我的人"), 我除了感到內疚及罪惡感之外, 亦討厭自己的失控行為

對唔住, 我傷害了你們, 請你地原諒我吧! 我可以做的係:
1) 盡快處理問題, 令大家早日 "脫苦海", 不被它煩擾,
2) 當我感到自己的壞情緒快要 (已經) "爆煲" 時, 火速逃離自現場, 自我封鎖, 盡量令彼此的傷害減到最低

今日我還 "積極正面" 的去減減壓 (打羽毛球), 出完一身汗發洩過後, 情緒變得無o甘低落, 人真的好累 (好想安然無慮的去瞓覺)! 希望一切的煩惱也似 "羽毛球" 一樣, 隨住我的落力揮拍之下, 一拍拍的 "打走它" (將它徹底解決)

請記住, 你地在 "肉緊" 愛我的同時, 我也是一樣, 我不想你地受到唔公平對待 及 受傷害 (我也怕你地被別人失信 及 被激得氣憤), 請相信我, 我會盡我能力, 盡快平息事件 (既是我闖的禍, 就該由我自己去承擔, 再哭亦無用, 我知道..........我已經 "大個女" 了, 不如你地想像中的軟弱, 幼小, 我也不想你地擔心, 請原諒我吧!!)

鄉情禮物

上整個星期, 爸爸回鄉去探望鄉里 及 划龍舟, 今日在滂沱大雨下回家了!

還從鄉間帶來好多好多的 "禮物" (全部也是鄉民自己種植 及 飼養的), 包括: 大約 30 隻雞蛋, 大約 3-4 扎豆角, 3-4斤 蕃薯籐, 10 幾條茄子, 4 個 "超級大" 節瓜, 1隻炆鵝, 1 隻白切雞 (隔水蒸)

睇見那4 個 "超級大" 節瓜, 簡直既驚訝, 又笑到收唔到聲, 哈哈.............. (尤其是拼埋去媽媽今日在樓下街市買的節瓜果度), 比你地睇o下啦!! (後方的 4 個係"超級大" 節瓜, 前方的係媽媽買的 "小節瓜)

感動

人性中有一樣野叫做 "感動", 感動係一種深入而又觸動你心的感覺, 通常都係 "感性" 大於 "理性" 的, 它可以一瞬間可攻陷你心, 令你無力招架! (開心得來又帶一點想哭, 心有戚戚然的感覺)

最近電視廣告中有一個小女孩, 常常喊: [慳得一蚊得一蚊], 開頭我唔係好明白個廣告講 D mug, 直到最近再留心細看, 才發現小女孩常常慳錢 (儲錢) 係因為 "想向爸爸的老闆, 購買爸爸一個鐘頭的加班" 時間去陪伴自己"

不難發現小朋友的想法係幾o甘 "童真無邪"的, 真的好可愛, 此舉動亦好 "窩心", 但反過來女孩的爸爸又會否好內疚及心痛呢? 因為自己經常加班, 疏忽女兒, 所以女兒才會想出慳錢去買佢一個鐘的時間, 不得不嘆句: [生活艱難, 身不由己呀!!!]

尋日去睇中醫, 醫師替我探脈象的時候, 佢的手係肥大, 厚肉而又溫暖的, 令在房外 "吹幾個鐘冷氣冷冰冰" 的我感到好享受, 不想佢縮手, 哈哈!!! (請繼續輸送一點暖意給我吧, 好舒服啊!)

同一時間, 我想起我爸爸, 因為佢同樣有肥大而厚肉的溫暖手掌, 只是粗 "鞋" 一點, 忽然在腦內不停搜索: [ 上次捉住佢隻手係幾時呢? ] 已經記不起了, 也許是我小時候, 佢拖著我走吧!! 那種溫暖的安全感令我好懷念啊! (就好似感覺到佢在保護我, 陪伴我, 牽引住我一樣), 等我抽個機會 (借 D 椅) 去拖o下佢隻手先!!

好傻的 "感動" 啊!!!!

寶藥黨??

Big Mac 遇上了 "寶藥黨" ?? 非也, 非也!!

而家終於回到家了, 等我交待一 下今日放工去左邊, 做過 D mug 先, "回帶" 呀唔該............

放工後 - 去左親友介紹的中醫店睇醫師 (連親友難攪的 "痛風症" 都醫好左, 其實上一次的 "腸胃炎" 後, 消化系統差左, 仍未回覆正常) - 乘車回家住地區 - 晚飯 - 沖涼 - 打 blog

醫師係國內專才, 現在浸會大學醫藥系任職教授, 為人幾和藹, 親友一早明言醫師 "幾有料", 因此好多人睇佢, 睇症除左要 "預約" 之外 (我早三個星期前已經約定了), "新症" 還要有耐性 (輪候), 仲要作詳細的睇症前評估, 睇症時間亦較長

結果我比預約時間早左去 (原定晚上 7:00, 我 6:50 抵達), 登記後等到 7:30 才作睇症前評估 (問過往病歷, 查詢對藥物有否敏感, 度高磅重, 檢查血壓脈搏, 還要驗小便添, 仲要查問今次到診原因及患病過程), 過程都好認真架, 結果 7:40 才完成睇症前評估

等呀等...............等呀等...............終於等到了!!! 已經係晚上的 9:50 啦, 入房內比醫師診症了, 除了對話之外, 還有探脈象, 按胃肚, 用聽筒聽肚, 按手腳檢查, 才開藥方, 醫師說我上次患腸胃炎之後, 消化系統功能仍然 "紊亂失調", 要用藥調理以回覆正常

唔講你唔知, 經佢診斷後, 我才發現原來我的體質都幾............"濕滯" (難攪) 的, 因為我屬於 "氣滯濕阻" 形的體質, 簡單來講即係 "循環不佳" 囉, o甘體質又點會好呀!!









診金 $90, 每劑藥 $40 (我要求用較方便的藥粉, 親友說功能和傳統煲藥的一樣), 一共開了 7日藥, 共 $370 大元, 每日早晚要飽肚各服一次藥, 每次服用兩包藥粉

E 一包 "寶藥" 包括了 1) 藥方及收據, 1) 28 包藥粉 及 3) 一撮 "送口" (陳皮梅, 因為爸爸愛吃, 所以我取囉, 我唔食架!) 其實都唔算貴, 因為 "健康係無價的", 下星期五一早又去見醫師了 (早上 7:30), 不過..........今晚白白浪費了一堂跳舞課就有點兒唔抵啦!

有 "股" 惑, 好開心!!

近年來, 貪得意跟人地學o下野, 得閒就去抽新股 及 買少少實力股玩o下 (尤其舊年股市暢旺)、投資o下。

因為 (資) 本少, 又無什麼時間成日睇住個市 (唔敢買風險高, 成日要睇價位的股票), 所以從不期望靠投資股票去 "發達"。

從經濟的角度去睇, 我只係 「想盡量保持現金的購買力」吧! 因為不斷的通賬 及 港元和美元掛勾, 間接貶值, 銀行儲蓄又減息 即使做 "定期存款" 也 "無肉食"。所以手頭上的現金購買力一定會下降, 變相等於 "身家縮水"。

尋日....我就 "有股惑" 啦, 因為其中一隻股票派出 07 年末期息 及 特別股息, 每股派 $0.355, 哈哈.........都幾開心架!

在我低潮的日子裏, 有 E 一D "股惑" 也唔錯喎! 希望陸續有來啦!!

好o野......買到了!!!

今日一早已經 "扎行馬" 去網上購買期待已久的舞台劇 《我不好愛》戲票。 (以前試過售票系統繁忙 (容不下太多人), 叫你稍後再嘗試登入)

雖然戲票在 6 月 6 日上午 10:00 才開售, 但我唯恐買唔到飛, 所以 9:55 已經開始不斷 "登入" 售票網站, 務求 "踏正" 10:00 準時買飛。(不過我有 "張良計", 網站亦有 "過牆梯", 因為 9:40-10:00 為網站更新時間, 其間用家不能 "登入 及 買票", 10:00 才重新放開於用家售票。)

面對住此情況, 我在 9:57 開始依然不斷嘗試 "登入" (害怕網站和我的時鐘有差異), 終於在我時鐘的 10:01 我可以登入啦, 今次仲可以 "自已在網上揀位" 添, 真開心! (興奮得有少少手震, 連電腦的滑鼠也不受控制)

如果大家對此劇有興趣, 可參考以下網址
http://hk.myblog.yahoo.com/jojopumpkinjojo/article?mid=12803

另外等我在 7月份睇完舞台劇 《我不好愛》才再和你地分享啦!

累了......就放手

今日睇到 E 一篇文章, 幾有意思, 大家一齊分享啦!

累了.....就放手吧.....
放手不是要忘記或忽視過去.
不是要遺忘憤怒 , 忌妒或悔恨的感受.
放手不代表輸 , 也不是贏.

放手跟自尊面子無關 , 也不是為了停頓在過去.
放手也不是留住回憶或重溫悲傷 , 也不會留下空虛或傷害.
放手不是放棄或退讓 , 也不是損失或挫敗 !

放手是珍惜回憶 , 是克服悲傷 , 繼續向前的勇氣.
放手是打開心靈 , 自信迎向未來.
放手是接受事實 , 學習 , 經歷及成長 .

放手是感謝這些帶來歡笑和淚水的經驗.
放手是檢視過去 , 現在和未來所擁有的一切.
放手是有勇氣接受改變 , 有力繼續往前走.
放手是代表成長 !

放手......明白有時內心才是醫治自己的最佳良方......

其實我認同以上說的, 不過在放手之前 "必先經過努力的挽救 (為值得你珍惜的, 免日後後悔)", 如果最後仍未能如願, 就要洒脫的 "放手", 否則對大家也不好, 亦在懲罰你自己。

安然的成長

「經一事, 長一智」 這是老生常談, 老掉牙都記得的語句。

計我話：「出左糧, 補返o下」就適用於我辦公桌上的兩棵小寶貝身上啦!

其實我平日也好少打理佢地的, 每個星期一 (假期回來後), 就加一點水, 回復至正常水平 (不是換水), 然後每個月當我出糧的時候, 就比 3-5 滴補品佢地嘆o下 (觀葉植物用的葉肥), 希望佢地繼續 "茁壯" 的成長。













講過 「秘密」 你知啦, BB 富貴竹的高度, 就快高過我位置內的屏風啦, 勁!!!!!!!!!!!!!!!!!!!!!!!!!

背叛

「背叛」令你想起什麼?

「背叛」是一種 "欺騙 + 變更" 的行為, 如：被朋友出賣、被親人中傷、被愛侶遺棄???

當中或多或少也包括著一點點的怨恨, 而 「最最最」令人傷心的卻是：「信任破產」, 多年來艱苦建立的信任關係, 卻不消一秒鐘便消失得無影無蹤。 (「人的心」點解可以變得o甘快o甘恐怖呢?)

然而最可怕而震撼的卻是那伙伴曾經是你 "肝膽相照" 的患難之交、是你那 "血濃於水" 的親人、還有和你 "同床共枕、風雨同路" 的愛侶。 那些都是你曾經視為 "至親、至珍貴、至信任" 的人, 卻可在頃刻間變得如此的陌生、可怖!! (你在驚嘆佢的轉變同時, 亦懷疑自己的眼光)

一旦發生了 "背叛" 事件, 你的心就如 "四川大地震" 一樣, 轟然的震撼你心, 劫後餘生要重新生活, 首先要建立 "信心", 因為你已經 "迷失" 了, 對人缺乏了信心 (信任), 深怕再一次受傷害。

隨著時間的洗禮, 終有一天你的傷口會結疤復原, 他日再遇上那背叛你的人, 你可以昂首闊步的步過, 再不用理會目光閃爍的佢, 因為佢只係一個 "路人甲" 而己!

他不好, 你再好都無用

今日在網上睇到此文章：

她對他很好。
不只她自己認為，我已經盡仁盡義，扮演了最完美的妻子，自認為 「出外像貴婦，在家像煮婦，床上像蕩婦」。

每次好友們的老公有外遇，她在勸慰她們的同時，心裡都有一個冷冷的聲音嘲諷著：
「那一定是妳不溫柔，妳老公才會有外遇。」
「妳根本不回家煮飯，老公當然想到外頭偷吃。」
「妳身材發福成那樣，老公怎麼會對妳有興趣。」
「因為妳沒生孩子，老公才會有外遇。」
「因為妳有疑心病，老公受不了才有外遇。」

雖然沒講出口，但她都會慶幸著：因為我事事都做得很完美，有兒有女、既能幹又溫柔，所以我們家才能這樣幸福，我才能夠罩得住老公。

三十六歲那一年，她的老公還是有了外遇。對象竟然是婚前女友，而且是因為老公的車停在某家賓館，被她發現「這不是我家的車」嗎，留在那兒守株待兔，才發現老公和一個女人從裡頭勾肩搭背走出來。

這個事件引發了她的疑心病，她左查右查才知道，其實老公所有的朋友和同事都知道，多年來他深愛偷吃。 還會公開到帶二嫂去聚會，全天下只有她不知道，還在為自己全方位的御夫術沾沾自喜。

「我已經做得這麼好，我有什麼錯？為什麼他還……」她不斷的自責，企圖找出自己還沒做得好的那一點，幾近精神崩潰。

其實，不必自苦，在許多感情事件：比如友誼、愛情、婚姻、甚至婆媳關係、翁婿之間，都像在跳雙人舞。 其中一個人跳得好，或許可以使另一個人的舞步越來越滑順美麗， 但是也可能只會讓那個跳不好的相形見絀、自暴自棄。 更有可能發生：明明是他跳不好，他還怪你不會帶的狀況。

最難改變的更可能是基因問題，他跳舞本來就不專心，只對身旁其他鶯聲燕語有興趣。 他不好，你再好都沒用。


天下間好多東西係相輔相成的, 因此一隻手掌拍不響, 牛唔飲水唔 "禁" 得牛頭低。