星期四晚上放工途中, 竟然在踏上扶手電梯前, 突然眼前一黑, 繼而天旋地轉, 又覺得暈眩, 休息過後, 已經行得到, 不過左耳出現耳鳴, 雙腳好似暈船浪的浮浮o下, 腳下感覺不踏實。
之後再踏上回家的征途, 心裏不禁恐慌 (今次已經係一星期內兩次暈眩, 究竟我是什麼病?) 為了安心, 都係去睇一下醫生先。
醫生幫我做左好多檢查, 包括血壓、眼睛、耳朵、鼻、關節、驗尿 (糖份)、聽肺 及 測平衡等等, 整體上情況也滿意, 只係.......我竟然行唔到一條直線 及 單腳企唔隱 (腳震)。
最後診斷為由感冒引起的左耳耳管閉塞 (中耳積水), 所以耳水不平衡, 覺得暈眩。星期五及星期六又係食藥、瞓覺、食藥、瞓覺。而家心理上覺得有 d 怕出街 (因為唔係次次都o甘好彩, 暈低有人在身邊照顧自己的), 希望快 d 好返啦!
在此勸告各位 "打乞次" 又或者 "呻鼻水" 的時候, 千祁唔好 "按實" 個鼻, 因為 d 鼻水會因此 "谷左上耳仔", 就係因為 e 一個不良習慣, 令我失去了平衡啦!
星期六, 1月 12, 2008
星期四, 1月 10, 2008
愛情解構
也許因為最近睇得多人生哲理和兩性相處的文章多, 人亦思考多了, 有了以下的想法：
1) 別人總說 "港女" (喜好名牌而勢利的) 太多, 佢地總係 "好高鶩遠" 的, 一心只想釣金龜, 不肯腳踏實地的和喜歡的男子 "捱"。
你錯了!!! 在女子的心深處, 唔係唔肯 "捱", 係 "捱"得值唔值得, 如果雙方一齊努力儲蓄, 建設未來係絕對值得"捱"的, 只可惜男子多是 "三分鐘熱度", 好快就變得你有你 "捱", 我有我和朋友去消遣玩樂, 月尾的時候卻向女子說 "不夠錢去作儲蓄供款" 啊! 那二人的將來還是靠二人去建設嗎? 不!!! 只是一人建設 (付出), 另一人收割 (接受)。
2) 有心理學家說:「現今多 "無事男" (不願工作, 只顧行樂, 無責任心) 的成因, 往往背後總有著一個溫柔的母親, 或出自過份溺愛的家庭」
也許答對一半, 除了家中 "太縱" 男子, 令男子失去學習責任、承擔的機會, 另外男子自出生開始, 身邊的一切已經由父母 "舖好條路" 比佢行, 佢從不用費心安排、爭取, 未試過挫折、失敗的感覺, 形成太自我, 只顧自己感受, 還有的是基於中國的傳統 "重男輕女" 之下, 有幾多個家庭不會 "縱" 男子?
3) 愛情不應看得太清醒、太計較
我可以接受雙方的付出不完全對等, 但至少要讓我感到 / 肯定 你愛我, 我知道你在乎我的存在,
可能你不懂得保護我, 但至少你會顧及我感受, 在我受傷後安慰我
可能你不懂製造浪漫, 但至少在特別的日子, 講一聲你愛我
可能你不完全明白我所想, 但至少你有耐性的聽我傾訴
如果你對什麼也視而不見, 聽而不問, 問而不理的話, 這不是愛情!! 因為愛情係 "雙方" 的, 這只是 "單戀", 我在單戀 "昨日的你" (那個令我傾倒的你)。 那為何還叫我不應看得太清醒、太計較, 才可修成正果 (得到一張婚姻的入場劵) 呢?
1) 別人總說 "港女" (喜好名牌而勢利的) 太多, 佢地總係 "好高鶩遠" 的, 一心只想釣金龜, 不肯腳踏實地的和喜歡的男子 "捱"。
你錯了!!! 在女子的心深處, 唔係唔肯 "捱", 係 "捱"得值唔值得, 如果雙方一齊努力儲蓄, 建設未來係絕對值得"捱"的, 只可惜男子多是 "三分鐘熱度", 好快就變得你有你 "捱", 我有我和朋友去消遣玩樂, 月尾的時候卻向女子說 "不夠錢去作儲蓄供款" 啊! 那二人的將來還是靠二人去建設嗎? 不!!! 只是一人建設 (付出), 另一人收割 (接受)。
2) 有心理學家說:「現今多 "無事男" (不願工作, 只顧行樂, 無責任心) 的成因, 往往背後總有著一個溫柔的母親, 或出自過份溺愛的家庭」
也許答對一半, 除了家中 "太縱" 男子, 令男子失去學習責任、承擔的機會, 另外男子自出生開始, 身邊的一切已經由父母 "舖好條路" 比佢行, 佢從不用費心安排、爭取, 未試過挫折、失敗的感覺, 形成太自我, 只顧自己感受, 還有的是基於中國的傳統 "重男輕女" 之下, 有幾多個家庭不會 "縱" 男子?
3) 愛情不應看得太清醒、太計較
我可以接受雙方的付出不完全對等, 但至少要讓我感到 / 肯定 你愛我, 我知道你在乎我的存在,
可能你不懂得保護我, 但至少你會顧及我感受, 在我受傷後安慰我
可能你不懂製造浪漫, 但至少在特別的日子, 講一聲你愛我
可能你不完全明白我所想, 但至少你有耐性的聽我傾訴
如果你對什麼也視而不見, 聽而不問, 問而不理的話, 這不是愛情!! 因為愛情係 "雙方" 的, 這只是 "單戀", 我在單戀 "昨日的你" (那個令我傾倒的你)。 那為何還叫我不應看得太清醒、太計較, 才可修成正果 (得到一張婚姻的入場劵) 呢?
保險狂想曲
尋晚放學後, 去左食雲吞麵, 同桌搭坐的一位女士, 衣著十分行政 look, 手挽公事包, 聽佢講電話的內容推算, 她應該從事保險業的。
從前對保險業或多或少總有些抗拒, 因為怕自己對數字 "唔精", 會被人呃, 又怕 d 保險經紀太 hard sell (硬銷), 我被迫甩身而就範 (不懂得拒絕人)。所以總係對 "保險" 避之則吉。
人大了, 明白需要為自己及家人打算, 除左人壽、住院保險外, 還對投資儲蓄的保險有興趣, 此外, 還為著 MPF (強積金) 的事宜要向保險經紀請教呢!
有好多保險經紀總說自己 "當客戶係朋友", 內裏究竟有幾多成真 (攞個心出來做事), 幾多成假呢 (只係談吐上的糖衣包裝)? 如果雙方沒有 "利益" 的存在, 還會是朋友嗎? 試猜想, 一天自己魂歸天國之時 (保險經紀一定知的, 還要為你辦理賠償手續), 你的保險經紀會出席你的葬禮嗎?
無論會唔會都好, 那時候, 你已經合上眼, 什麼也 "睇唔到" 了, 一切變得不再重要, 重要的只係 "你對家人的保障要兌現" 就得了。
從前對保險業或多或少總有些抗拒, 因為怕自己對數字 "唔精", 會被人呃, 又怕 d 保險經紀太 hard sell (硬銷), 我被迫甩身而就範 (不懂得拒絕人)。所以總係對 "保險" 避之則吉。
人大了, 明白需要為自己及家人打算, 除左人壽、住院保險外, 還對投資儲蓄的保險有興趣, 此外, 還為著 MPF (強積金) 的事宜要向保險經紀請教呢!
有好多保險經紀總說自己 "當客戶係朋友", 內裏究竟有幾多成真 (攞個心出來做事), 幾多成假呢 (只係談吐上的糖衣包裝)? 如果雙方沒有 "利益" 的存在, 還會是朋友嗎? 試猜想, 一天自己魂歸天國之時 (保險經紀一定知的, 還要為你辦理賠償手續), 你的保險經紀會出席你的葬禮嗎?
無論會唔會都好, 那時候, 你已經合上眼, 什麼也 "睇唔到" 了, 一切變得不再重要, 重要的只係 "你對家人的保障要兌現" 就得了。
星期二, 1月 08, 2008
愛的真諦
自從去年底哥哥家中的成員相繼病倒, 進出醫院後, 直到目前, 傭人還在醫院療養觀察, 還未出院, 媽媽順理成章的成為暫託媬母 (寄居哥哥家中), 日夜照顧 Henry 仔。 家中只有我和爸爸共同生活。
夫婦之間有意見總係少不免的事, 從何處知道父母間的 "愛" 究竟有幾深呢? 古人極有智慧, 一早已經拆解何謂 "愛屋及烏" 了, 除了年前母親每天撲去醫院照顧患癌的姨姨, 爸爸卻日日作家作後勤支援 (煮飯, 煲湯比我地一班化骨龍) 外, 今天晚上又上演了一幕 "愛心晚餐"的好戲了。
舅父怕我和爸二人晚飯太寂寞, 特意相邀我地外出吃飯 (佢作東), 一來爸爸不愛 "食味精", 二來見我體弱想我多休息, 三來又想替舅父慳荷包。結果爸爸一人替我地預備了 "四餸一湯, 白飯任裝", 包括：芥菜魚肉湯連湯渣、鹵水墨魚 (好大隻喔, 我地只食了 1/4 隻)、煎蠔餅、麵豉煮南瓜芋頭。大家也食得飽飽的。
原來 "愛" 不是只得把口講的, 對於不善表達的爸爸, 付諸行動的做出來也幹得十分出色, 試想想, 如你對伴侶沒有愛, 能對佢的家人(父母、長輩、兄弟姊妹) 幹出同樣的事嗎?
剎那間, 除了感謝爸爸的愛心晚餐外, 亦為佢對媽媽的這一份愛感到 "好感動" 喔! 唔知道他日我結婚幾十年之後, 愛侶對我的那一份情操及得上我的父母嗎? 我亦希望我可以為佢做得到, 才不枉我父母對我作出的 "身教" 啊!
爸媽, 多謝你地多年來的忍讓、包容, 令我活在愛之下, 感到溫暖, 我知道幸福不是必然的, 因為你地肯犧牲, 才成就我今天擁有的一切, 我會好好珍惜你賜給我美好的一切。
夫婦之間有意見總係少不免的事, 從何處知道父母間的 "愛" 究竟有幾深呢? 古人極有智慧, 一早已經拆解何謂 "愛屋及烏" 了, 除了年前母親每天撲去醫院照顧患癌的姨姨, 爸爸卻日日作家作後勤支援 (煮飯, 煲湯比我地一班化骨龍) 外, 今天晚上又上演了一幕 "愛心晚餐"的好戲了。
舅父怕我和爸二人晚飯太寂寞, 特意相邀我地外出吃飯 (佢作東), 一來爸爸不愛 "食味精", 二來見我體弱想我多休息, 三來又想替舅父慳荷包。結果爸爸一人替我地預備了 "四餸一湯, 白飯任裝", 包括：芥菜魚肉湯連湯渣、鹵水墨魚 (好大隻喔, 我地只食了 1/4 隻)、煎蠔餅、麵豉煮南瓜芋頭。大家也食得飽飽的。
原來 "愛" 不是只得把口講的, 對於不善表達的爸爸, 付諸行動的做出來也幹得十分出色, 試想想, 如你對伴侶沒有愛, 能對佢的家人(父母、長輩、兄弟姊妹) 幹出同樣的事嗎?
剎那間, 除了感謝爸爸的愛心晚餐外, 亦為佢對媽媽的這一份愛感到 "好感動" 喔! 唔知道他日我結婚幾十年之後, 愛侶對我的那一份情操及得上我的父母嗎? 我亦希望我可以為佢做得到, 才不枉我父母對我作出的 "身教" 啊!
爸媽, 多謝你地多年來的忍讓、包容, 令我活在愛之下, 感到溫暖, 我知道幸福不是必然的, 因為你地肯犧牲, 才成就我今天擁有的一切, 我會好好珍惜你賜給我美好的一切。
星期一, 1月 07, 2008
大昏迷
上週五, 患上了偏頭痛 + 鼻敏感, 睇左醫生兼服藥, 唯休息唔夠 (因為週六要學車), 唔敢食藥, 成日 "吽吽哣哣、魂遊太空", 人不在狀態。
尋日 (週日)中午同 KK 及媽媽外出購物, 誰知.......在商場內突然感到 "好焗"、身上 "標冷汗"、開始感到 "滿天星斗", 雙腳站不隱 (微震)、呼吸吃力 (要好大啖呼吸), 我知道身體唔夠 "氧", 咀唇變白, 又怕自己倒下來。 媽媽陪我在商舖外坐下休息, 一邊搽藥油, 一邊將頭倒下在雙滕中間 (讓血液流到頭來, 清醒一點)。 好彩有媽媽 同 KK照顧我 及 護送我回家咋!
今早起床, 頭依然覺得 "好暈", 怕在上班途中又暈倒, 因此睇醫生, 在家再休息 (足足瞓左一日, 除左食野、食藥同去廁所外, 一直瞓), 晚上精神已經好一點了, 唇上有點血色。醫生說可能某些藥的藥效太強, 而我的體質太虛弱, 受不了。
雖然係病了, 不過有機會 "偷得浮生 (半日閒)" x 2 = 1 日閒去 "大昏迷" (好好休息), 總算不錯, 身體該會好快康復的。 另外, 恭喜 KK 買到 心儀已久的 Wii 遊戲機, 可以同黑俠王子 一較高下。
尋日 (週日)中午同 KK 及媽媽外出購物, 誰知.......在商場內突然感到 "好焗"、身上 "標冷汗"、開始感到 "滿天星斗", 雙腳站不隱 (微震)、呼吸吃力 (要好大啖呼吸), 我知道身體唔夠 "氧", 咀唇變白, 又怕自己倒下來。 媽媽陪我在商舖外坐下休息, 一邊搽藥油, 一邊將頭倒下在雙滕中間 (讓血液流到頭來, 清醒一點)。 好彩有媽媽 同 KK照顧我 及 護送我回家咋!
今早起床, 頭依然覺得 "好暈", 怕在上班途中又暈倒, 因此睇醫生, 在家再休息 (足足瞓左一日, 除左食野、食藥同去廁所外, 一直瞓), 晚上精神已經好一點了, 唇上有點血色。醫生說可能某些藥的藥效太強, 而我的體質太虛弱, 受不了。
雖然係病了, 不過有機會 "偷得浮生 (半日閒)" x 2 = 1 日閒去 "大昏迷" (好好休息), 總算不錯, 身體該會好快康復的。 另外, 恭喜 KK 買到 心儀已久的 Wii 遊戲機, 可以同黑俠王子 一較高下。
星期五, 1月 04, 2008
選男人
今日路過別人的 blog, 睇見以下的一段文章, 發人深省
張小嫻舊作 --- 男人的世界
有些男人不是不好。他不壞、不笨、不驕傲，可他的世界就是太小了。他把什麼事情都看得很簡單。
他總是覺得別人做的事情不怎麼樣，而他自己做的往往比較好一點。他做人沒有什麼負擔，因為他根本沒有責任感。他不害人，可是也不會為人著想。
他的天下，就是自己每天的生活和銀行戶口裡的儲蓄。他在自己周圍劃了一個圈圈，一輩子也離不開這個圈圈。
你問我怎樣揀一個男人？男人不是你可以揀的。你喜歡別人，別人不一定喜歡你。真要揀一個的話，該揀一個世界大一點的男人。
他不需要是偉人，也不一定男兒志在四方。他仍然可以是一個好好的住家男人，但他心裡有一片寬廣的天地。
他懂得去欣賞別人的才華和努力，也坦然接受別人有好的際遇。他知道這個世界很大，而人卻渺小。 他會承擔責任，做事時為別人想想。他有胸襟氣度，不會整天計算著別人，不會執著於雞毛蒜皮的小事。他更不會阿諛奉承，也不會去害人和佔人便宜。他不會以生活為藉口去做違背良心的事。
他不必絕頂聰明，不必要有野心，但要有視野。愛一個世界大一點的男人，你也會變得海闊天空。愛一個小世界的小男人，你只會退步。
也許文中的內容係寫實的, 只係人們不願去承認它。
女生往往喜歡她的愛人見多識廣, 可以帶佢嘗試新事物, 令自己的空間視野也擴闊起來, 生活多采多姿。 如果男生在相愛後固步自封, 不再會擴闊自己的視野, 提高自己的修養, 好難和女生 "同步的長大" 啊!
但男生的天性多愛被動 (少有積極的改進), 好多時面對著女生這種想法感到 "壓力", 若壓力處理不當, 容易變成壞情緒, 影響二人關係啊!
張小嫻舊作 --- 男人的世界
有些男人不是不好。他不壞、不笨、不驕傲，可他的世界就是太小了。他把什麼事情都看得很簡單。
他總是覺得別人做的事情不怎麼樣，而他自己做的往往比較好一點。他做人沒有什麼負擔，因為他根本沒有責任感。他不害人，可是也不會為人著想。
他的天下，就是自己每天的生活和銀行戶口裡的儲蓄。他在自己周圍劃了一個圈圈，一輩子也離不開這個圈圈。
你問我怎樣揀一個男人？男人不是你可以揀的。你喜歡別人，別人不一定喜歡你。真要揀一個的話，該揀一個世界大一點的男人。
他不需要是偉人，也不一定男兒志在四方。他仍然可以是一個好好的住家男人，但他心裡有一片寬廣的天地。
他懂得去欣賞別人的才華和努力，也坦然接受別人有好的際遇。他知道這個世界很大，而人卻渺小。 他會承擔責任，做事時為別人想想。他有胸襟氣度，不會整天計算著別人，不會執著於雞毛蒜皮的小事。他更不會阿諛奉承，也不會去害人和佔人便宜。他不會以生活為藉口去做違背良心的事。
他不必絕頂聰明，不必要有野心，但要有視野。愛一個世界大一點的男人，你也會變得海闊天空。愛一個小世界的小男人，你只會退步。
也許文中的內容係寫實的, 只係人們不願去承認它。
女生往往喜歡她的愛人見多識廣, 可以帶佢嘗試新事物, 令自己的空間視野也擴闊起來, 生活多采多姿。 如果男生在相愛後固步自封, 不再會擴闊自己的視野, 提高自己的修養, 好難和女生 "同步的長大" 啊!
但男生的天性多愛被動 (少有積極的改進), 好多時面對著女生這種想法感到 "壓力", 若壓力處理不當, 容易變成壞情緒, 影響二人關係啊!
星期四, 1月 03, 2008
口味轉變
記得以前初中時, 也喜愛課餘睇書消遣的, 在豆芽夢的歲月裏, 最愛睇的當然離不開 "愛情小說" 啦! 那時候作者 "岑凱倫、嚴沁、亦舒、瓊瑤、張小嫻" 通通都係我喜愛的。
再年長一點時, 我睇書的範疇也好 "濫", 上至白先勇的台北人 (文學作品), 中至幾十蚊一本的漫畫書 (黐阿哥的睇), 下至怪異集週刊、 青春、姊妹全部都唔放過。 (只係唔鍾意睇 時裝、化妝等雜誌)
尋日趁返學之前去逛書店, 才驚覺睇書的口味轉變了, 而家喜歡睇一 d 關於人生哲理、兩性相處、人性心理 又或者 心靈安慰等書籍, 至於愛情小說 又或者 文學作品暫時不是 "我杯茶"了, 也許自覺內涵不足, 想自我成長多一點, 因而睇有關方面的書籍吧!
話說回來, 年少時的女生總愛男生靚仔、夠活力、啱傾。 長大一點時, 覺得靚仔無安全感, 比較喜歡男生成熟而有男人味。 而家卻不著重外表 (順眼便可), 反而著重對方的品格、修養和內涵, 再嘗試能否溝通。
人的口味會隨著年紀、閱歷和環境而改變的, 睇o下 "以前的你" 和 "而家的你" 追求的是否一樣?
再年長一點時, 我睇書的範疇也好 "濫", 上至白先勇的台北人 (文學作品), 中至幾十蚊一本的漫畫書 (黐阿哥的睇), 下至怪異集週刊、 青春、姊妹全部都唔放過。 (只係唔鍾意睇 時裝、化妝等雜誌)
尋日趁返學之前去逛書店, 才驚覺睇書的口味轉變了, 而家喜歡睇一 d 關於人生哲理、兩性相處、人性心理 又或者 心靈安慰等書籍, 至於愛情小說 又或者 文學作品暫時不是 "我杯茶"了, 也許自覺內涵不足, 想自我成長多一點, 因而睇有關方面的書籍吧!
話說回來, 年少時的女生總愛男生靚仔、夠活力、啱傾。 長大一點時, 覺得靚仔無安全感, 比較喜歡男生成熟而有男人味。 而家卻不著重外表 (順眼便可), 反而著重對方的品格、修養和內涵, 再嘗試能否溝通。
人的口味會隨著年紀、閱歷和環境而改變的, 睇o下 "以前的你" 和 "而家的你" 追求的是否一樣?
星期三, 1月 02, 2008
夫妻相
今早回到公司, 桌上有一本相簿借比我睇的 (係清潔姐姐在聖誕和丈夫去雲南的旅遊照)。
佢地兩夫妻恩愛就眾所周知架啦! 好似上一次搬公司, 清潔姐姐叫埋丈夫來公司幫忙, 丈夫一見到 "稍為操重" 的事, 立即衝上前幫妻子辦妥, 唯恐操重事會弄傷妻子般, 妻子也會在旁的甜笑道：「都係你叻 D, o甘快就辦妥, 換轉係我, 一定要花好多時間呢! 還辦得沒你那樣好。」 (此時丈夫會一臉自豪, 走路時昂首闊步的, 好威風喔!)
今日翻開佢地的相簿, 每每發現佢地的笑容好一致, 就好似俗語說的 "夫妻相", 記得早年睇過一篇文章, 係由心理學家寫的, 佢話 "夫妻相" 其實確有其事, 而且還有根據的。
兩個唔同背景的人走在一起, 佢地經過一段時間的磨合相處, 如果彼此對這個生活模式感到歡愉滿足的話, 大家也不期然的笑起上來, 因為 "日子有功", 夫妻面上的表情紋 (皺紋) 因經常重覆著同一滿足的笑容所產生的, 別人看這對夫妻, 便覺得佢地有夫妻相了。 反之, 如果這是一對怨侶, 佢地相處並無共同的理念和價值觀, 對生活唔會感到滿足, 所以彼此面上的表情唔一致, 旁人看起來, 不覺得佢地有夫妻相。
夫妻間, 多欣賞對方為你作的事 (雖然可能效果不是你所想, 至少也該先接納那份心意, 不要當作 "老馮" 的), 多讚賞對方, 多為對方設想, 當生活愉快了, 彼此的面上自然有"夫妻相"啦!
佢地兩夫妻恩愛就眾所周知架啦! 好似上一次搬公司, 清潔姐姐叫埋丈夫來公司幫忙, 丈夫一見到 "稍為操重" 的事, 立即衝上前幫妻子辦妥, 唯恐操重事會弄傷妻子般, 妻子也會在旁的甜笑道：「都係你叻 D, o甘快就辦妥, 換轉係我, 一定要花好多時間呢! 還辦得沒你那樣好。」 (此時丈夫會一臉自豪, 走路時昂首闊步的, 好威風喔!)
今日翻開佢地的相簿, 每每發現佢地的笑容好一致, 就好似俗語說的 "夫妻相", 記得早年睇過一篇文章, 係由心理學家寫的, 佢話 "夫妻相" 其實確有其事, 而且還有根據的。
兩個唔同背景的人走在一起, 佢地經過一段時間的磨合相處, 如果彼此對這個生活模式感到歡愉滿足的話, 大家也不期然的笑起上來, 因為 "日子有功", 夫妻面上的表情紋 (皺紋) 因經常重覆著同一滿足的笑容所產生的, 別人看這對夫妻, 便覺得佢地有夫妻相了。 反之, 如果這是一對怨侶, 佢地相處並無共同的理念和價值觀, 對生活唔會感到滿足, 所以彼此面上的表情唔一致, 旁人看起來, 不覺得佢地有夫妻相。
夫妻間, 多欣賞對方為你作的事 (雖然可能效果不是你所想, 至少也該先接納那份心意, 不要當作 "老馮" 的), 多讚賞對方, 多為對方設想, 當生活愉快了, 彼此的面上自然有"夫妻相"啦!
新的一年, 忙的開始
2007 年的 12月 31日 (除夕夜), 公司有得早放工 (好o野), 收工探完 BB 之後便回家晚飯, 未夠 10:00 便上床睡覺, 和 "周公" 提早談情, 一齊倒數。 唔知點解, 人越大, 對倒數逐漸失去興趣了, 寧可瞓多一點, 總好過捱更抵夜 (也許因為年紀大, 感覺太辛苦了)。
2008 年的 1 月 1日, 因為太過眼瞓, 向媽媽請假 (不去飲早茶), 起身後和媽媽食完早餐, 再去屯門醫院探 Anik, 及後再到法國醫院探 BB, 然後回家晚飯。 雖然唔係好多事做, 不過連日來舟車勞頓, 再加上天氣凍的關係 (人也懶洋洋, 郁得慢一點), 總覺得好累, 好想瞓。
今日返公司, 噢........假期前未處理的事要快快跟進, 又要忙著做 "月結", 想躲懶也不可, 唯有乖乖的快手快腳攪掂 D 工作先。今日總覺得好凍...好凍...., 成日打 "乞次" 添。 弊傢伙!!!! 快 D 搵 "盒仔茶", 又或者 "板藍根" 沖來飲, 頂住先。 (心想：無理由架!! E 排銀包瘦瘦的, 唔可能 "財多身子......" 架喎), 哈哈!!!
祝大家有健康愉快而甜蜜的一年。
2008 年的 1 月 1日, 因為太過眼瞓, 向媽媽請假 (不去飲早茶), 起身後和媽媽食完早餐, 再去屯門醫院探 Anik, 及後再到法國醫院探 BB, 然後回家晚飯。 雖然唔係好多事做, 不過連日來舟車勞頓, 再加上天氣凍的關係 (人也懶洋洋, 郁得慢一點), 總覺得好累, 好想瞓。
今日返公司, 噢........假期前未處理的事要快快跟進, 又要忙著做 "月結", 想躲懶也不可, 唯有乖乖的快手快腳攪掂 D 工作先。今日總覺得好凍...好凍...., 成日打 "乞次" 添。 弊傢伙!!!! 快 D 搵 "盒仔茶", 又或者 "板藍根" 沖來飲, 頂住先。 (心想：無理由架!! E 排銀包瘦瘦的, 唔可能 "財多身子......" 架喎), 哈哈!!!
祝大家有健康愉快而甜蜜的一年。
星期一, 12月 31, 2007
白衣天使
自小受學校的教導下, 成日都覺得 "白衣天使" (護士) 係好純潔、溫柔的, 不過 E 幾日出入醫院去探望 Anik 姐姐和 亨 BB, 卻教我改觀了。
由於Anik 姐姐住的係 "公立醫院", 因此一群護士照顧 "好大群病人", 服務不夠貼身之餘, 還經常遇上 "粗聲粗氣" 的人 (問多一句也嫌你麻煩, 露出一臉不耐煩的樣子), 完全感受不到白衣天使的溫柔態度啊!
至於亨 BB 比較幸運的入住 "私家醫院" (頭等病房), 探病時間彈性之餘, 又可容許 1 人留宿照顧 BB, 好多時都會碰上幾位護士一齊入病房替 BB 檢查及作紀錄。
記得第一天去探 BB 時 (當時 BB 的手上已經被 "種豆"), 當佢見到護士入房檢查時, 已經放聲大哭兼扭計 (怕護士又 "吉" 佢針, 喊定先)。 慢慢的, BB 知道 "反抗" 已經起不到作用了 (一樣也逃不過被檢查的命運, 而且父母會和護士 "企在同一陣線上" 的), 因此佢想出一個 "怪招" 去 "禮貌的" 請護士離開自己 ─── 就係護士一入房 (未作任何舉動), 佢已經舉高手仔向護士揮手作 Bye Bye 狀 (即係叫人快 d 走)。
哈哈!! 估唔到病榻中的亨 BB "轉數" 也絕不慢喔! 今日醫生說 BB 患上了 "副流感" (情況不隱定 <一時發燒, 一時退燒>) 需要再觀察一會才可出院。
真係要趁後生儲多 D 錢, 等有病時入住私家醫院先 (服務好得多), 護士的服務和脾氣也好一些, 教病人及訪客的情緒好受得多 (因為大家也已經相當擔心了), 心情好一點, 人也康復得快一點。
白衣天使啊!! 雖然你可能會好溫柔, 但願我不用碰上你便好了。預祝大家在 2008年身體健康, 長年開心!
由於Anik 姐姐住的係 "公立醫院", 因此一群護士照顧 "好大群病人", 服務不夠貼身之餘, 還經常遇上 "粗聲粗氣" 的人 (問多一句也嫌你麻煩, 露出一臉不耐煩的樣子), 完全感受不到白衣天使的溫柔態度啊!
至於亨 BB 比較幸運的入住 "私家醫院" (頭等病房), 探病時間彈性之餘, 又可容許 1 人留宿照顧 BB, 好多時都會碰上幾位護士一齊入病房替 BB 檢查及作紀錄。
記得第一天去探 BB 時 (當時 BB 的手上已經被 "種豆"), 當佢見到護士入房檢查時, 已經放聲大哭兼扭計 (怕護士又 "吉" 佢針, 喊定先)。 慢慢的, BB 知道 "反抗" 已經起不到作用了 (一樣也逃不過被檢查的命運, 而且父母會和護士 "企在同一陣線上" 的), 因此佢想出一個 "怪招" 去 "禮貌的" 請護士離開自己 ─── 就係護士一入房 (未作任何舉動), 佢已經舉高手仔向護士揮手作 Bye Bye 狀 (即係叫人快 d 走)。
哈哈!! 估唔到病榻中的亨 BB "轉數" 也絕不慢喔! 今日醫生說 BB 患上了 "副流感" (情況不隱定 <一時發燒, 一時退燒>) 需要再觀察一會才可出院。
真係要趁後生儲多 D 錢, 等有病時入住私家醫院先 (服務好得多), 護士的服務和脾氣也好一些, 教病人及訪客的情緒好受得多 (因為大家也已經相當擔心了), 心情好一點, 人也康復得快一點。
白衣天使啊!! 雖然你可能會好溫柔, 但願我不用碰上你便好了。預祝大家在 2008年身體健康, 長年開心!
星期日, 12月 30, 2007
2007 之 大事回顧
好快就會到 2008 年了, o係今年的確發生左好多事, 有開心、有唔開心, 讓我地一齊回顧啦：
1) 1 月份開始經常整親手腳, 要睇跌打
2) 1 月第一次打 War Game (野戰), 好刺激, 無奈我的體能有限, 跟唔上
3) 1 月迷上韓劇 "宮" (超好睇)
4) 2 月上旬係 "食神月", 因為滿佈 annual dinner 及飯局
5) 2 月o甘大個女第一次買桃花過年
6) 3月份知道香港大學的高級文憑課程修畢了 (結束了三年多的 "非人生活"), 多謝 KK 的 lucky hand (好運的手)
7) 3月份浸會大學的專業文憑課程開課了
8) 3 月上了一個 NLP 課程, 對我的影響好大啊 (學到好多野)
9) 今年的 4月貪得意報讀了香港駕駛學院的私家車自動波課程
10) 4 月和親朋戚友去食 "私房菜" 慶祝香港大學課程畢業 (一個新的經歷)
11) 4 月媽媽開始治療 "整親的手" (為肩膀位作 "物理治療")
12) 5 月學車的筆試合格了
13) 5 及 6 月的週末也 full 了, 因為要為 7 月份表演 "西班牙舞蹈" 作綵排
14) 9 月尾到了珠海、澳門玩, 此行幾好玩, 影的相也好難忘啊!
15) 9 月尾小妹有幸升職了, 好o野!
16) 10 月份相約家人出席香港大學的畢業禮, KK 還為我完夢呢! (戴四方帽影相)
17) 朋友的婆婆和嫲嫲分別患上癌症, 同年仙遊了 (9月及 10月), 由於相隔一個月, 對我的衝擊也頗大 (對生命的), 知道更加要珍惜人、物和事
18) 11月聽 Eason 演唱會, 好開心
19) 11 月一家人齊心合力的為 KK 的婚禮出一分力, 好齊心啊!
20) 12 月出席了幾個聖誕派對, 另外亨 BB 及 照顧佢的 Anik 姐姐不約而同的病了及入院。
今年的你, 又過得怎樣呢? 希望大家明年比今年過得精彩、健康和快樂!
1) 1 月份開始經常整親手腳, 要睇跌打
2) 1 月第一次打 War Game (野戰), 好刺激, 無奈我的體能有限, 跟唔上
3) 1 月迷上韓劇 "宮" (超好睇)
4) 2 月上旬係 "食神月", 因為滿佈 annual dinner 及飯局
5) 2 月o甘大個女第一次買桃花過年
6) 3月份知道香港大學的高級文憑課程修畢了 (結束了三年多的 "非人生活"), 多謝 KK 的 lucky hand (好運的手)
7) 3月份浸會大學的專業文憑課程開課了
8) 3 月上了一個 NLP 課程, 對我的影響好大啊 (學到好多野)
9) 今年的 4月貪得意報讀了香港駕駛學院的私家車自動波課程
10) 4 月和親朋戚友去食 "私房菜" 慶祝香港大學課程畢業 (一個新的經歷)
11) 4 月媽媽開始治療 "整親的手" (為肩膀位作 "物理治療")
12) 5 月學車的筆試合格了
13) 5 及 6 月的週末也 full 了, 因為要為 7 月份表演 "西班牙舞蹈" 作綵排
14) 9 月尾到了珠海、澳門玩, 此行幾好玩, 影的相也好難忘啊!
15) 9 月尾小妹有幸升職了, 好o野!
16) 10 月份相約家人出席香港大學的畢業禮, KK 還為我完夢呢! (戴四方帽影相)
17) 朋友的婆婆和嫲嫲分別患上癌症, 同年仙遊了 (9月及 10月), 由於相隔一個月, 對我的衝擊也頗大 (對生命的), 知道更加要珍惜人、物和事
18) 11月聽 Eason 演唱會, 好開心
19) 11 月一家人齊心合力的為 KK 的婚禮出一分力, 好齊心啊!
20) 12 月出席了幾個聖誕派對, 另外亨 BB 及 照顧佢的 Anik 姐姐不約而同的病了及入院。
今年的你, 又過得怎樣呢? 希望大家明年比今年過得精彩、健康和快樂!
星期六, 12月 29, 2007
牽動人心 - 留院的亨 BB
12月24日普天同慶的日子下, 我的公司及家中分別舉辦了聖誕聯歡會, 當日大家也玩得好盡慶, 好開心, 可惜...........
幾日後, 亨 BB 發燒了, 照顧佢的 Anik 姐姐也病倒, 大家一齊去睇醫生, 醫生建議Anik 姐姐入院觀察, 進行化驗。
27號放工趕去探望Anik 姐姐, 佢一說起亨 BB 發燒扭計唔肯食藥, 便雙眼通紅的說好掛念BB, 好想快 D 返出去。
是日晚上亨BB 出現呼吸困難 (俗話說的 "扯蝦"), 28號早上睇完醫生, 下午立即入院觀察、化驗, 亨BB 要 "種豆" 在手中, 又要瞓在 "膠帳幕" 內 (含氧氣的), 加上 "嘶.....嘶.....聲的呼吸聲", 好可憐啊!
睇見佢o甘的模樣, 我好心痛喔! 想必佢的父母比我更加心痛, 真難為佢地, 瞓唔安, 食唔落! 為人父母甚艱難, 亨BB 的 "身痛" 好比一個 "魚勾" 扣住我的心一樣, 令我 "戚戚o下" 啊!
星期五, 12月 28, 2007
星期四, 12月 27, 2007
遲來的回禮 及 聖誕禮物
今日收到朋友 Z 遲來的回禮禮物 (早前送了佢一個永恆的士多啤梨黑森林蛋糕包包), 佢送我一個親手製的士多啤梨蛋糕小盒子, 既實用, 又精美。 多謝晒喔!! 個心又好甜添。
另邊廂, 朋友 A 早前送我一份聖誕禮物, Mumug 公仔一個連暖水袋, 佢的樣幾 cute 架, 媽媽話如果連奶咀也可以拔出來, 仲攪笑喎!
多謝大家。
另邊廂, 朋友 A 早前送我一份聖誕禮物, Mumug 公仔一個連暖水袋, 佢的樣幾 cute 架, 媽媽話如果連奶咀也可以拔出來, 仲攪笑喎!
多謝大家。
星期三, 12月 26, 2007
星期一, 12月 24, 2007
生日許願
今日係我的生日, 好開心, 好多人鍚我 (無論在公司還是家人)! 又為我開大食會慶祝。今年有少少特別, 因為和之前的 4年有所不同, 原以為我可以和家人晚上開心的相聚, 最後卻被一些小意外打斷了所想。
你的心意我已經收到, 好多謝你的 聖誕 及 生日禮物, 但...............我唔開心係因為 "點解送禮做事要麻煩第三者代勞" 呢? 我從來無打算過唔見面, o甘會令到 我家人 及 我 好尷尬的, 你明白嗎? 我為此事感到困擾, 開始有點不想見面了。
在過去, 無論日子變成點, 我已經好努力的承擔一切, 盡量堅強, 在人前表現得開心愉快, 積極樂觀, 請別要用錯方法 (太急進的), 迫得我要躲起來, 變得不想見人, 不想交代, 只躲在孤單的一角裏, 好嗎? 有些時候, 釋放自己釋放別人, 才會功德無量啊!
人畢竟是感情動物, 不是機器, 不可說開始便開始, 結束便結束 (不是隨便的按一個掣行事), 如果內心未經深思, 只隨便莽撞的行事, 最終可能大家也會受傷害, 那倒不如維持現狀。我相信 "時間" 是一種良藥, 希望有一天大家也走出陰霾, 別再困擾。
也希望不要令身邊的人 (家人) 感到難為, 希望願望會成真, 而天下間人人也健康、開心!!
你的心意我已經收到, 好多謝你的 聖誕 及 生日禮物, 但...............我唔開心係因為 "點解送禮做事要麻煩第三者代勞" 呢? 我從來無打算過唔見面, o甘會令到 我家人 及 我 好尷尬的, 你明白嗎? 我為此事感到困擾, 開始有點不想見面了。
在過去, 無論日子變成點, 我已經好努力的承擔一切, 盡量堅強, 在人前表現得開心愉快, 積極樂觀, 請別要用錯方法 (太急進的), 迫得我要躲起來, 變得不想見人, 不想交代, 只躲在孤單的一角裏, 好嗎? 有些時候, 釋放自己釋放別人, 才會功德無量啊!
人畢竟是感情動物, 不是機器, 不可說開始便開始, 結束便結束 (不是隨便的按一個掣行事), 如果內心未經深思, 只隨便莽撞的行事, 最終可能大家也會受傷害, 那倒不如維持現狀。我相信 "時間" 是一種良藥, 希望有一天大家也走出陰霾, 別再困擾。
也希望不要令身邊的人 (家人) 感到難為, 希望願望會成真, 而天下間人人也健康、開心!!
在此特別多謝 KK 和 黑俠王子送的大束靚花!
星期六, 12月 22, 2007
聖誕舞會
繼之前去過舞蹈學校的 "校慶舞會" 之外, 尋晚係我人生中的 "第一個聖誕舞會", 哈哈......小時候幻想公主去舞會的願望終於實現了, YEAH!!! (只係欠缺了玻璃鞋、南瓜車及遲過午夜 12:00 歸家吧!)
尋晚玩得好開心, 雖然食物真的 "好麻麻" (因為預左大家掛住跳舞, 唔多食), 但係我卻有以下收獲：
1) 睇到 "有心人" 及其妹妹表演 "華爾滋"。 "有心人", 多謝你請我跳 Cha Cha 呀! 可惜我只係識兩下 "基本步", 悶親你添!!
2) 幸運的贏了現金獎利是 (中了抽獎 $100)
3) 同桌的 "師兄" 好照顧我地 E 一班 "未到家" 的小師妹, 輪流請我地跳舞, 我也出去跳了 "Cha Cha、 6 步牛仔、集體舞、 "Ma Ka Li La" - 18步" 等舞蹈, 雖然我跳得差, 不過好好玩, 又 "壯大了膽" 喔! 師兄們又肯教我野, 真的獲益良多。
4) 見識多左 (原來有 "蛇舞" 架!!) , 睇得別人跳舞多, 開始知道別人在跳著 "什麼舞" (其實我都未學晒一 D 大路的舞蹈), 最常跳的也只是 "華爾滋" 及 "探戈" 吧!
5) "意外的" 獲得 "豬腳仔" 一隻!! 昨晚舞池太多人了, 少不免有碰撞, 在跳 Cha Cha期間, 被鄰座的男士大力的踩了一腳, 結果立即 "甩皮", 昨晚回家太累, 也沒有仔細睇o下, 今早起身........嘩!!! 痛痛的, 腫了及瘀了一塊。 媽媽卻笑我 「一向也好瘀」 喎!! (激氣喔!)
尋晚玩得好開心, 又見識多了, 寄望下次會比今次好, 不斷進步!! (但 "豬腳仔" 卻不用比今次的 "大" 啊! 太多謝了。)
尋晚玩得好開心, 雖然食物真的 "好麻麻" (因為預左大家掛住跳舞, 唔多食), 但係我卻有以下收獲：
1) 睇到 "有心人" 及其妹妹表演 "華爾滋"。 "有心人", 多謝你請我跳 Cha Cha 呀! 可惜我只係識兩下 "基本步", 悶親你添!!
2) 幸運的贏了現金獎利是 (中了抽獎 $100)
3) 同桌的 "師兄" 好照顧我地 E 一班 "未到家" 的小師妹, 輪流請我地跳舞, 我也出去跳了 "Cha Cha、 6 步牛仔、集體舞、 "Ma Ka Li La" - 18步" 等舞蹈, 雖然我跳得差, 不過好好玩, 又 "壯大了膽" 喔! 師兄們又肯教我野, 真的獲益良多。
4) 見識多左 (原來有 "蛇舞" 架!!) , 睇得別人跳舞多, 開始知道別人在跳著 "什麼舞" (其實我都未學晒一 D 大路的舞蹈), 最常跳的也只是 "華爾滋" 及 "探戈" 吧!
5) "意外的" 獲得 "豬腳仔" 一隻!! 昨晚舞池太多人了, 少不免有碰撞, 在跳 Cha Cha期間, 被鄰座的男士大力的踩了一腳, 結果立即 "甩皮", 昨晚回家太累, 也沒有仔細睇o下, 今早起身........嘩!!! 痛痛的, 腫了及瘀了一塊。 媽媽卻笑我 「一向也好瘀」 喎!! (激氣喔!)
尋晚玩得好開心, 又見識多了, 寄望下次會比今次好, 不斷進步!! (但 "豬腳仔" 卻不用比今次的 "大" 啊! 太多謝了。)
舞動全球
星期四晚放工約左朋友 E 及其朋友一齊去九龍灣展貿睇 Show (舞動全球), Show 入面有世界級的跳舞賽手為我地表演, 如：世界拉丁舞冠軍Bryan Watson, 此外還有 Carman等人。
由於宣傳活動好少, 而且又無派發場刊, 因此部份賽手, 只認得其樣貌, 不知其名。此外還有香港藝人 "楊思琦" 作特別嘉賓 (正式表演之前)。
世界級的跳舞水準當然好睇啦, 只係..............
1) 遲左半個鐘開場 (部份人士開始鼓譟)
2) 無宣傳及場刊介紹 (唔知 mug 野人為我地表演, 欠投入感)
3) 外籍人士作司儀 (最失敗之處), 因為好多觀眾都係 "上年紀" 又或者 "習舞的小朋友", 根本唔明白外籍司儀的對白 (至少也該安排華裔人士作翻譯, 觀眾才會睇得投入)
4) 表演賽手唔多 (大約 6人, 再加上廣州舞蹈團 - 奪取三屆英國 "黑池" 舞蹈賽冠軍 (真係跳得好好))
5) 編排舞蹈方面有悶場, 如：用慢歌跳拉丁舞 (缺少了熱情澎湃的感覺)
6) "間場"太多, 時間太長 (賽手休息更衣時, 大會安排了低音大提琴及鋼琴唱歌表演 (英文的), 觀眾無人打拍子, 好唔投入, 令表演者好無癮, 時間亦太長了)
7) 離開時接駁巴士安排有少許混亂 (往來會場及九龍灣地鐵站)
8) 特別附送：見到 "夏蕙姨" 及 "謝偉俊"。 (飽晒, 晚餐也省回)
完 Show 時 10點幾 (幾乎11:00), 晚上歸家差不多凌晨 12:30了, 好彩星期五取假休息啫!
總括來講, 我地買 $150 票的位置也 OK, 只係如果 $80-$100 就更合理和抵睇了。
由於宣傳活動好少, 而且又無派發場刊, 因此部份賽手, 只認得其樣貌, 不知其名。此外還有香港藝人 "楊思琦" 作特別嘉賓 (正式表演之前)。世界級的跳舞水準當然好睇啦, 只係..............
1) 遲左半個鐘開場 (部份人士開始鼓譟)
2) 無宣傳及場刊介紹 (唔知 mug 野人為我地表演, 欠投入感)
3) 外籍人士作司儀 (最失敗之處), 因為好多觀眾都係 "上年紀" 又或者 "習舞的小朋友", 根本唔明白外籍司儀的對白 (至少也該安排華裔人士作翻譯, 觀眾才會睇得投入)
4) 表演賽手唔多 (大約 6人, 再加上廣州舞蹈團 - 奪取三屆英國 "黑池" 舞蹈賽冠軍 (真係跳得好好))
5) 編排舞蹈方面有悶場, 如：用慢歌跳拉丁舞 (缺少了熱情澎湃的感覺)
6) "間場"太多, 時間太長 (賽手休息更衣時, 大會安排了低音大提琴及鋼琴唱歌表演 (英文的), 觀眾無人打拍子, 好唔投入, 令表演者好無癮, 時間亦太長了)
7) 離開時接駁巴士安排有少許混亂 (往來會場及九龍灣地鐵站)
8) 特別附送：見到 "夏蕙姨" 及 "謝偉俊"。 (飽晒, 晚餐也省回)
完 Show 時 10點幾 (幾乎11:00), 晚上歸家差不多凌晨 12:30了, 好彩星期五取假休息啫!
總括來講, 我地買 $150 票的位置也 OK, 只係如果 $80-$100 就更合理和抵睇了。
星期四, 12月 20, 2007
大力士
今年小妹公司 "第一次" 舉行 聖誕 Party (派對), 聽舊同事講以前的老闆出手比較闊綽, 自從我入來工作 (同時轉了新老闆), 幸福從此離我地而去了 (因為樣樣事也要睇 budget "預算" 做人)。
所以我不敢奢望派對的內容會好豐富, 只知道比往年好就滿足了 (從無到有都叫做有進步)。今次上司好好人, 因為派對將於 24號的 lunch 時舉行 (碰著我的生日), 於是上司一人 (部門只得我和佢二人) 去安排食物, 不用我費心, 佢錫我的同時, 我又點好意思坐視不理呀! (始終我也是部門的一份子)。
於是我提議負責選購飲品, 因為去惠康買會較小食店買的 "平得多", 但惠康無 $400 係唔會送貨架。星期二我就用 $100 買左：
1) 罐裝汽水 12 罐 (1 pack) (派對套裝, 內有幾款唔同口味的汽水)
2) 蘋果汁 6 盒
3) 綠茶 6 盒
4) 黑加崙子汁 6 盒
5) 紙碗 2 包
6) 膠义 及 羹 共 3包
由於公司男士唔多 (部份出差不在港), 因此我一人取著以上物件大約行左 800米回公司 (約 2圈標準球場o甘大), 好重啊! 返到公司, 全身冒汗及雙手勁酸痛。 星期三早上起身, 肩背及雙手痛得不得了, 極累 (還向媽媽撒嬌呢)!! 我想 "女子之中", 我也算係 "大力士" 了。今天手還在酸呢!
希望大家也好好享受 E 一個 "第一次的聖誕派對" 啦! 另一方面, 我賺的錢真係 "有血有汗" 架! 雖然辛苦, 但靠自己勞力得來的回報係值得驕傲的。
我愛 "被揍"?
此 "被揍" (揍放學的揍), 不同彼 "被揍" (被打) , 又可以說係 "被湊" (湊細路)!!
細個時, 媽媽總在上班之前, 將我帶去媬姆家中暫託, 然後才安心上班, 當時心內只知道 "唔捨得媽媽", 卻又不能阻止媽媽返工 (因為o甘係 "唔乖" 的扭計行為), 唯有安靜的乖乖聽媬姆話, 不會胡亂哭鬧。
終於等到升上小學了, 好o野!! 可以和媽媽、姐姐一齊返學 (因為媽媽工作地點和我學校相近), 仲記得當時我和姐姐好似 "左右門神" 的牽住媽媽的左右手 (好溫暖而安全啊!), 一轉眼, 好快就過了 6 年被媽媽湊返學放學的日子了。
升上中學, 感覺好唔習慣, 我明白要局部脫離媽媽的庇蔭, 要學識獨立, 要成長啦! 但始終 "心有不捨" (尤其是中一的時候), 可能 "女孩子" 總多黐住媽媽多一點 (俗語說的 "嗲 D")
E 一排, 碰巧我返工的時候, 也是媽媽落樓飲茶的時候, 佢總會陪我行經一段路去車站的, 有時甚至會企在車站旁, 望著我上車坐好, 才捨得離開。 當下望見佢的眼神, 我彷彿看見 "小時候" 的我 (眼中的不捨, 卻無力阻止, 只寄盼佢早些回來湊我走), 心中的 "酸" 立即一湧而上, 淚亦想緊隨而出。
媽媽, 對唔住! 出來打工o甘多年, 我從無切身處地的去為你想 - 退休後的生活該會多苦悶, 節儉的你也不捨得花錢去找娛樂。 我心內會 "好好珍惜" 你陪我在早上行的一段時間 (雖然短如 10 分鐘), 但我卻慶幸你還有健康的體魄去 "伴我走"! 我愛你!
由細至大, 我都愛被湊 (被寵) 的感覺。
細個時, 媽媽總在上班之前, 將我帶去媬姆家中暫託, 然後才安心上班, 當時心內只知道 "唔捨得媽媽", 卻又不能阻止媽媽返工 (因為o甘係 "唔乖" 的扭計行為), 唯有安靜的乖乖聽媬姆話, 不會胡亂哭鬧。
終於等到升上小學了, 好o野!! 可以和媽媽、姐姐一齊返學 (因為媽媽工作地點和我學校相近), 仲記得當時我和姐姐好似 "左右門神" 的牽住媽媽的左右手 (好溫暖而安全啊!), 一轉眼, 好快就過了 6 年被媽媽湊返學放學的日子了。
升上中學, 感覺好唔習慣, 我明白要局部脫離媽媽的庇蔭, 要學識獨立, 要成長啦! 但始終 "心有不捨" (尤其是中一的時候), 可能 "女孩子" 總多黐住媽媽多一點 (俗語說的 "嗲 D")
E 一排, 碰巧我返工的時候, 也是媽媽落樓飲茶的時候, 佢總會陪我行經一段路去車站的, 有時甚至會企在車站旁, 望著我上車坐好, 才捨得離開。 當下望見佢的眼神, 我彷彿看見 "小時候" 的我 (眼中的不捨, 卻無力阻止, 只寄盼佢早些回來湊我走), 心中的 "酸" 立即一湧而上, 淚亦想緊隨而出。
媽媽, 對唔住! 出來打工o甘多年, 我從無切身處地的去為你想 - 退休後的生活該會多苦悶, 節儉的你也不捨得花錢去找娛樂。 我心內會 "好好珍惜" 你陪我在早上行的一段時間 (雖然短如 10 分鐘), 但我卻慶幸你還有健康的體魄去 "伴我走"! 我愛你!
由細至大, 我都愛被湊 (被寵) 的感覺。
訂閱：
文章 (Atom)
