唔知點解最近心情總是下沉了下去, 可能係身邊發生的事情太多, 人忙著去應付, 最終將自己變得 "累透了", 縱使每晚蓋著大被而眠至天光, 但總是發著夢 (睡得不好), 睡醒以後, 人總是魂不附體而又思緒混亂似的, 不知該從何入手處理事情。
公事上
由於上星期電腦壞了、放左一日大假 同埋 月結的關係, 今個星期初忙透
家庭上
患癌症朋友的情況不太隱定, 而且佢似乎無什麼鬥志去打仗, 雖然我幫不上什麼忙, 但至少可作為佢家人的後盾 (做聆聽者, 分擔佢地的憂慮)。
學習上 (最令我困擾的)
學車：報中期泊車考試和編課堂預約比我想像中煩, 因為想和 KK 一齊學習, 而駕駛學院的課堂經常爆滿, 好難遷就時間。
浸會大學課程：兩個學科的功課都很緊迫, 今個星期比功課, 下個星期便要交功課, 部份更是 "小組演講" 哩! (事前需要大量的預備工夫), 同組的組員亦太被動了, 部份更不願分擔工作 (推說自己很忙), 真係唔知點算好。
自身
由於每天放工的課堂也排得密麻麻, 加上功課多, 壓力大而不夠休息, 最後病倒了, 連聲音都變埋。
唯有向自己講：我要好好加油、加油、加油, 撐起來!!!!!!!!!!!!!
星期三, 8月 01, 2007
孩子
上週日聯同阿 Be 和幾個朋友一齊參加左 "助養人同樂日" (類似義工形式) 的活動, 活動係帶寄宿的小朋友一齊外出參觀大埔鐵路博物館 同埋 沙田文化博物館。
E 個機構的小朋友大多來自單親家庭, 部份來自問題家庭 (如：父親去世, 母親在牢獄中)。今次參與活動的小朋友年齡由 10 歲至 16 歲, 連義工及工作人員, 大約 60 人, 分成 10 小組, 每組大概 5-6 人。
活動初期, 由於大家也不太熟絡, 而且自己本身比較慢熱, 不知怎去開始和孩子溝通, 及後經過一起的努力 (玩遊戲、影相、照顧佢地), 大家不知不覺的相熟起來, 臨走的時候, 孩子十分不捨, 千叮萬囑的要求我地要參與下一次活動、要傳 email (電郵) 和佢地保持聯絡、記得佢地等等, 令人感到不捨及知道佢地好需要 "愛 和 關心"。(我和阿 Be 更被小組內的孩子稱為 "爸爸、媽媽" 哩!)
今次的活動令我知道 "自己身在福中不知福" 和 "施比受更為有福" (能夠令佢地感到被關心, 我覺得好開心), 而最大的感慨係 「其實孩子的本質並不壞, 佢地經常做頑皮事只係為左得到大人的注意。 成年人為人父母之前, 應該先想清楚後果, 孩子並唔係一件物件 (無思想感情), 佢地係一個 "有血、有肉、有思想" 的人, 請尊重一下佢地的感受, 唔好因為自己一時的快樂, 誕下佢地之後, 覺得肩上的責任太重而逃之夭夭, 卻連累了無辜的小孩, 以為自己做錯了什麼而遭遺棄。」
參與今次的活動後的心情好複雜 (所以要用幾天去整理一下混亂的思緒才寫 Blog), 既開心 (與孩子相處愉快, 令佢地感到溫暖), 又難過 (如果佢地的父母係成熟而負責任的人, 孩子就不該出現在這個機構)。我願意繼續去參與有關孩子的義工活動。
E 個機構的小朋友大多來自單親家庭, 部份來自問題家庭 (如：父親去世, 母親在牢獄中)。今次參與活動的小朋友年齡由 10 歲至 16 歲, 連義工及工作人員, 大約 60 人, 分成 10 小組, 每組大概 5-6 人。
活動初期, 由於大家也不太熟絡, 而且自己本身比較慢熱, 不知怎去開始和孩子溝通, 及後經過一起的努力 (玩遊戲、影相、照顧佢地), 大家不知不覺的相熟起來, 臨走的時候, 孩子十分不捨, 千叮萬囑的要求我地要參與下一次活動、要傳 email (電郵) 和佢地保持聯絡、記得佢地等等, 令人感到不捨及知道佢地好需要 "愛 和 關心"。(我和阿 Be 更被小組內的孩子稱為 "爸爸、媽媽" 哩!)
今次的活動令我知道 "自己身在福中不知福" 和 "施比受更為有福" (能夠令佢地感到被關心, 我覺得好開心), 而最大的感慨係 「其實孩子的本質並不壞, 佢地經常做頑皮事只係為左得到大人的注意。 成年人為人父母之前, 應該先想清楚後果, 孩子並唔係一件物件 (無思想感情), 佢地係一個 "有血、有肉、有思想" 的人, 請尊重一下佢地的感受, 唔好因為自己一時的快樂, 誕下佢地之後, 覺得肩上的責任太重而逃之夭夭, 卻連累了無辜的小孩, 以為自己做錯了什麼而遭遺棄。」
參與今次的活動後的心情好複雜 (所以要用幾天去整理一下混亂的思緒才寫 Blog), 既開心 (與孩子相處愉快, 令佢地感到溫暖), 又難過 (如果佢地的父母係成熟而負責任的人, 孩子就不該出現在這個機構)。我願意繼續去參與有關孩子的義工活動。
星期六, 7月 28, 2007
哭泣的維妮
首先在此補足一句：「KK 生日快樂!」
昨日係 KK 的生日, 我地一行幾人 (KK、 黑俠王子、 小朋友、阿 Be及我) 去左廸士尼玩, 同 KK 一齊慶祝生日兼且放假抖抖, 整個的旅程也頗愉快, 同大家一齊分享以下的小片段：
我同KK一齊扮美妮 (可以在商店任取道具影相唔駛錢, 好o野!!)
我同阿Be 一齊同美妮影相 (你睇..... 我o地幾襯.....................色)
哭泣的維妮 (話說該日烈日當空, 好鬼熱, 同賓客影相的公仔雖然在小屋仔內, 因為道具衫太厚, 間中也需要休息, 小熊維妮在往休息室的途中, 由於太受歡迎, 大家也很熱烈的高呼佢個名, 令佢想行快 D 都唔得, 只有一邊打招呼, 一邊匿在樹後偷偷哭泣。 此刻我終於明白到 "原來........自己的快樂真的源於別人的痛苦身上啊!", 阿 Pooh (維妮) 真可憐!!
我係巴斯光年的太空特種部隊 (因為玩遊戲得到 60幾萬分 = 太空特種部隊, 等級6 (最高等級係 7), 嘩!!!!! 以 "四眼" 的我來說, 成績唔錯喎, 好威呀!)
我o地的戰利品 (部份係阿 Be 買比同事的, 頂 "跳跳虎帽" 係送比小姪仔架, 好 cute (得意) 喔!)
昨日係 KK 的生日, 我地一行幾人 (KK、 黑俠王子、 小朋友、阿 Be及我) 去左廸士尼玩, 同 KK 一齊慶祝生日兼且放假抖抖, 整個的旅程也頗愉快, 同大家一齊分享以下的小片段：
我同KK一齊扮美妮 (可以在商店任取道具影相唔駛錢, 好o野!!)
我同阿Be 一齊同美妮影相 (你睇..... 我o地幾襯.....................色)
哭泣的維妮 (話說該日烈日當空, 好鬼熱, 同賓客影相的公仔雖然在小屋仔內, 因為道具衫太厚, 間中也需要休息, 小熊維妮在往休息室的途中, 由於太受歡迎, 大家也很熱烈的高呼佢個名, 令佢想行快 D 都唔得, 只有一邊打招呼, 一邊匿在樹後偷偷哭泣。 此刻我終於明白到 "原來........自己的快樂真的源於別人的痛苦身上啊!", 阿 Pooh (維妮) 真可憐!!
我係巴斯光年的太空特種部隊 (因為玩遊戲得到 60幾萬分 = 太空特種部隊, 等級6 (最高等級係 7), 嘩!!!!! 以 "四眼" 的我來說, 成績唔錯喎, 好威呀!)
我o地的戰利品 (部份係阿 Be 買比同事的, 頂 "跳跳虎帽" 係送比小姪仔架, 好 cute (得意) 喔!)
星期四, 7月 26, 2007
三心兩意
尋日 lunch 時因機緣巧合認識到一位新朋友, 佢係鼻咽癌的康復者 (晚期, 開始漫延至淋巴, 不過而家已經康復左廿幾年了), 同時佢亦係中醫營養學文憑的持有人。
同佢傾談期間, 佢教識左我一款日常養生保健的湯水 同埋 保持健康之道, 當中包括左做人做事經常要 “三心兩意”。
何謂 “三心兩意”呢?
1) 常有感恩之心 (凡事感謝, 唔好覺得 "老馮")
2) 保持滿足之心 (唔好要求太高, 凡事知足)
3) 對自己要有信心 (要相信自己做得到)
4) 面對順境時, 要隨意 (順天意, 唔好杞人憂天)
5) 碰上逆境時, 要注意 (提高警覺, 用意志去面對)
我覺得好有意思, 在此同大家分享, 希望一齊 “畢生受用”。
同佢傾談期間, 佢教識左我一款日常養生保健的湯水 同埋 保持健康之道, 當中包括左做人做事經常要 “三心兩意”。
何謂 “三心兩意”呢?
1) 常有感恩之心 (凡事感謝, 唔好覺得 "老馮")
2) 保持滿足之心 (唔好要求太高, 凡事知足)
3) 對自己要有信心 (要相信自己做得到)
4) 面對順境時, 要隨意 (順天意, 唔好杞人憂天)
5) 碰上逆境時, 要注意 (提高警覺, 用意志去面對)
我覺得好有意思, 在此同大家分享, 希望一齊 “畢生受用”。
星期三, 7月 25, 2007
愛情
愛情究竟係 mug 野呢? 佢看似 “虛無縹緲”, 無色、無形, 捉不緊。 但點解人總係對佢受之若驚, 甚至有人窮一生去追尋, 也找不到其真愛?
每個人對 “愛情” 的理念, 均有唔同的解讀：
有人說：想尋找一個和自己 “夾” 的人, 去分享人生中的喜與悲, 互相扶持的走人生路。
有人想：揾一個性格同自己相反的人, 才可一凹一凸去磨合相處。
有人認為：只想有個人關心、寵愛和氹自己, 享受 “被愛” 的感覺。
其實以上的感覺統統無錯, 只要你的伴侶想法一致, 那便無問題。
人在熱戀之時, 往往出現好多名言：
1) 我地真係好有緣, 係個天註定我地o係在一齊的。
2) 唉……點解唔比我早D遇上你呢? 等我可以好好珍惜你, 唔駛大家行o甘多冤枉路。
3) 相信我!! 我以後一定會好好對你, 唔會再比任何人 “蝦” 你的。
4) 識左你之後, 我才知道什麼叫愛情同被愛, 以往的種種, 原來是假的。
5) 我覺得識到你, 已經花光我一生的運氣啦!
6) 為o左你, 我願意犧牲xxxxxxx
當人沉醉於愛海之中, 眼中只見到對方的好, 對身邊一切的事物, 已經被蒙蔽了。
爭嗌及決裂期, 往往聽見
1) 我都唔知點解當初會揀你架, 我以後唔想見到你。
2) 算啦, 以後各行各路, 互不拖久, 就當從來都無識過你
3) 唉……都唔知係咪前世欠左你架, 今世要還返比你。
4) 你知嗎? 機會已經一次又一次的比你, 此刻對你已經死心, 再無感覺了。
5) 我覺得我地之間 “好悶”, 無晒火花 (情趣), 愛情單靠一個人維繫係唔得架, 我地分手啦!
6) 你好自私架, mug 都淨係諗自己, 都唔 care (顧及) 我的感受, 你究竟仲係唔係愛我架?
當人決定分開之時, 無幾多人可以心平氣和的, 眼中一切的怨恨一湧而上, 仇恨佔據左內心, 情人連一絲的位置也容不下。
愛情既甜蜜 (蜜運成功時) 亦沉痛 (遇上爭嗌及決裂時), 世上唔少的人也投入去追尋。佛家有云：如果人能夠戒絕七情六慾, 歸依我佛的話, 心情應該會安詳而且無牽掛。 試問世上又有幾多個智者懂得E 個道理, 而且又做得到呀? 大家也在人生的活輪下繼續尋找、捍衛住自己的愛情。
講到尾, 先要 “自愛”, 才有資格 “被愛”, 否則, 令愛你的人 (包括親人) 太失望了。
每個人對 “愛情” 的理念, 均有唔同的解讀：
有人說：想尋找一個和自己 “夾” 的人, 去分享人生中的喜與悲, 互相扶持的走人生路。
有人想：揾一個性格同自己相反的人, 才可一凹一凸去磨合相處。
有人認為：只想有個人關心、寵愛和氹自己, 享受 “被愛” 的感覺。
其實以上的感覺統統無錯, 只要你的伴侶想法一致, 那便無問題。
人在熱戀之時, 往往出現好多名言：
1) 我地真係好有緣, 係個天註定我地o係在一齊的。
2) 唉……點解唔比我早D遇上你呢? 等我可以好好珍惜你, 唔駛大家行o甘多冤枉路。
3) 相信我!! 我以後一定會好好對你, 唔會再比任何人 “蝦” 你的。
4) 識左你之後, 我才知道什麼叫愛情同被愛, 以往的種種, 原來是假的。
5) 我覺得識到你, 已經花光我一生的運氣啦!
6) 為o左你, 我願意犧牲xxxxxxx
當人沉醉於愛海之中, 眼中只見到對方的好, 對身邊一切的事物, 已經被蒙蔽了。
爭嗌及決裂期, 往往聽見
1) 我都唔知點解當初會揀你架, 我以後唔想見到你。
2) 算啦, 以後各行各路, 互不拖久, 就當從來都無識過你
3) 唉……都唔知係咪前世欠左你架, 今世要還返比你。
4) 你知嗎? 機會已經一次又一次的比你, 此刻對你已經死心, 再無感覺了。
5) 我覺得我地之間 “好悶”, 無晒火花 (情趣), 愛情單靠一個人維繫係唔得架, 我地分手啦!
6) 你好自私架, mug 都淨係諗自己, 都唔 care (顧及) 我的感受, 你究竟仲係唔係愛我架?
當人決定分開之時, 無幾多人可以心平氣和的, 眼中一切的怨恨一湧而上, 仇恨佔據左內心, 情人連一絲的位置也容不下。
愛情既甜蜜 (蜜運成功時) 亦沉痛 (遇上爭嗌及決裂時), 世上唔少的人也投入去追尋。佛家有云：如果人能夠戒絕七情六慾, 歸依我佛的話, 心情應該會安詳而且無牽掛。 試問世上又有幾多個智者懂得E 個道理, 而且又做得到呀? 大家也在人生的活輪下繼續尋找、捍衛住自己的愛情。
講到尾, 先要 “自愛”, 才有資格 “被愛”, 否則, 令愛你的人 (包括親人) 太失望了。
星期一, 7月 23, 2007
忟憎
E 幾年來, 努力的訓練自己 EQ (情緒智商) 要高一些 (盡量令情緒唔易波動, 保持平隱), 今日終於又失守了。
我 o係公司用的電腦已經係二○○二年購入的, 上週一開機後, 佢自己掃瞄到錯誤, 之後要求我重新開機, 自始之後電腦就成日久唔久 Hang 機 (按任何鍵及老鼠也沒有反應, 就連結束沒回應的程式及正常關機也不成, 只能靠人手死按總掣五秒去關機) 「注意!!!」 "此動作需要長期接受訓練, 而且容易令電腦受傷, 大家切勿模仿"
上週四 Hang 機情形持續惡化, 需要叫人上門修理 (公司的 IT 電腦部門係外判的), IT人安裝左 Window XP 的 repair 軟件程式便走了 (佢話應該 OK 的喎), 怎料佢走後不夠兩個鐘, 電腦 Hang 機之餘, 還多左 "Bee Bee" 聲作響 (好似隨時爆炸o甘), IT 人星期五再到來, 說是上一次安裝程式時, 設定出左少少問題, 因而作響, 下午電腦再 Hang, 熄機後再開機, 也不能開動 Window 作業系統了。
今早 (電腦已經休息左兩日), 電腦硬盤竟然 "唔識轉 (唔識郁)", 唯有再叫 IT人來維修, 今次佢替我換左硬盤, 兩小時後, 佢 (電腦又頑皮起來 "抗工"), 佢時 Hang 時 郁 (不定時, 而且發作得好頻密), 畫面中最底 "開始" 果行的橫行也消失左, 令按鍵十分不便, 亦唔知幾時有電郵收 (因為右下角有圖形提示), 真係唔知 IT 人下一步又想點整部機?? 只知道我好想可以工作得流暢D, 唔駛 "窒住窒住"、唔駛 "寄人離下" (IT 人整機時, 我有位歸不得)。
E 幾日拖拖拉拉的被電腦 "玩殘" 了, 好忟憎啊!!!
我 o係公司用的電腦已經係二○○二年購入的, 上週一開機後, 佢自己掃瞄到錯誤, 之後要求我重新開機, 自始之後電腦就成日久唔久 Hang 機 (按任何鍵及老鼠也沒有反應, 就連結束沒回應的程式及正常關機也不成, 只能靠人手死按總掣五秒去關機) 「注意!!!」 "此動作需要長期接受訓練, 而且容易令電腦受傷, 大家切勿模仿"
上週四 Hang 機情形持續惡化, 需要叫人上門修理 (公司的 IT 電腦部門係外判的), IT人安裝左 Window XP 的 repair 軟件程式便走了 (佢話應該 OK 的喎), 怎料佢走後不夠兩個鐘, 電腦 Hang 機之餘, 還多左 "Bee Bee" 聲作響 (好似隨時爆炸o甘), IT 人星期五再到來, 說是上一次安裝程式時, 設定出左少少問題, 因而作響, 下午電腦再 Hang, 熄機後再開機, 也不能開動 Window 作業系統了。
今早 (電腦已經休息左兩日), 電腦硬盤竟然 "唔識轉 (唔識郁)", 唯有再叫 IT人來維修, 今次佢替我換左硬盤, 兩小時後, 佢 (電腦又頑皮起來 "抗工"), 佢時 Hang 時 郁 (不定時, 而且發作得好頻密), 畫面中最底 "開始" 果行的橫行也消失左, 令按鍵十分不便, 亦唔知幾時有電郵收 (因為右下角有圖形提示), 真係唔知 IT 人下一步又想點整部機?? 只知道我好想可以工作得流暢D, 唔駛 "窒住窒住"、唔駛 "寄人離下" (IT 人整機時, 我有位歸不得)。
E 幾日拖拖拉拉的被電腦 "玩殘" 了, 好忟憎啊!!!
大富婆
大家對上一次玩 "大富翁" 係幾時呢? 對我來講, 唔計上週末, 應該係讀小學的時候。
上週末, 朋友 E, J, N 及我 (共四人) 去左朋友 I 的新居 "鬧新屋", 興緻所至, 大家一齊玩大富翁去消磨時間, 及等遲來的朋友 N 和 等吃晚飯 。
大家兒時玩大富翁的規矩各有不同 (所謂各處鄉村各處例), 令我眼界大開。比大家睇o下我地的戰績啦, 圖左係開始前的儲備, 圖右係玩樂中途的戰績。(圖中最底的位置係我, 左邊係 朋友 I, 最上係朋友 E, 右邊係朋友 J)
朋友 E 為人最好學, 亦最善心 (因為佢經常要交學費 (在"機會"中被罰), 而且佢買左好多 "公共事業", 如：車站、煤氣公司, 罰左人都 "無肉食", 只得幾十至幾百元罰款)。
朋友 I 都買左唔少地架, 只可惜別人踩佢地的次數不多, 佢同朋友 E 最終成為典型的貧窮人士, 要靠領取綜援過活。 (機會的現金獎)。
朋友 J 係一個好旺的上等人, 果日佢經常 "開口中" (講骰仔的點數), 而且買親的都係 "港島區的貴價地", 如：山頂, 別人踩佢地時, 相對被罰的金額也好貴, 佢係名符其實的 "大地主"。
而我呢...... 只有六塊地 (唔算大地主), 但其中一塊 "超級旺地" (西貢 + 1間旅館) 卻多次 "令人入住, 大家也賓至如歸, 常常來臨光顧", 令小妹的現金進帳左好多, 食糊也是靠西貢, 大地主也至少被罰五、六次之多呢 (每次一萬元罰款)。
賽後我地並沒有認真的計算資產, 但初步的現金計算, 嘩!!!! 我有 41張 $1000, 12張 $5000, 未計其他細面額的紙幣, 估唔到o甘都過 $100,000 架, 勁!!!!!!!!!! 由此可見, 守財奴如我, 才可有錢剩的, 如果係真的就好了, 噢.............要早D瞓發個美夢先。
上週末, 朋友 E, J, N 及我 (共四人) 去左朋友 I 的新居 "鬧新屋", 興緻所至, 大家一齊玩大富翁去消磨時間, 及等遲來的朋友 N 和 等吃晚飯 。
大家兒時玩大富翁的規矩各有不同 (所謂各處鄉村各處例), 令我眼界大開。比大家睇o下我地的戰績啦, 圖左係開始前的儲備, 圖右係玩樂中途的戰績。(圖中最底的位置係我, 左邊係 朋友 I, 最上係朋友 E, 右邊係朋友 J)
朋友 E 為人最好學, 亦最善心 (因為佢經常要交學費 (在"機會"中被罰), 而且佢買左好多 "公共事業", 如：車站、煤氣公司, 罰左人都 "無肉食", 只得幾十至幾百元罰款)。
朋友 I 都買左唔少地架, 只可惜別人踩佢地的次數不多, 佢同朋友 E 最終成為典型的貧窮人士, 要靠領取綜援過活。 (機會的現金獎)。
朋友 J 係一個好旺的上等人, 果日佢經常 "開口中" (講骰仔的點數), 而且買親的都係 "港島區的貴價地", 如：山頂, 別人踩佢地時, 相對被罰的金額也好貴, 佢係名符其實的 "大地主"。
而我呢...... 只有六塊地 (唔算大地主), 但其中一塊 "超級旺地" (西貢 + 1間旅館) 卻多次 "令人入住, 大家也賓至如歸, 常常來臨光顧", 令小妹的現金進帳左好多, 食糊也是靠西貢, 大地主也至少被罰五、六次之多呢 (每次一萬元罰款)。
賽後我地並沒有認真的計算資產, 但初步的現金計算, 嘩!!!! 我有 41張 $1000, 12張 $5000, 未計其他細面額的紙幣, 估唔到o甘都過 $100,000 架, 勁!!!!!!!!!! 由此可見, 守財奴如我, 才可有錢剩的, 如果係真的就好了, 噢.............要早D瞓發個美夢先。
星期五, 7月 20, 2007
星期四, 7月 19, 2007
疏忽照顧兒童
早兩日o係報章上見到 《兩歲女孩睡醒後尋找母親, 最終從高處墮下》, 情況由當初的危殆 延至 最後死亡, 深感可惜。佢媽媽傷心極痛, 因為只疏忽照顧佢幾分鐘, 卻換來一生的良心責備, 戥佢難過。
記得小時候, 我o地小朋友經常獨自 (又或者一群小朋友) 在家, 在沒有成人看管下, 偶會頑皮, 但極少作出 "出軌" 的行為 (當時整個社會風氣對照顧兒童的安全意識唔高, 而且在果個年代, 年長的細路去照顧年幼的弟妹更是家常便飯), 誰知道換在今天的環境內, 竟會發生o甘大件事。
阿 Be 匿稱我為 BB, 睇完此單新聞不禁搖頭嘆息的向我說：「所以話呢....(望住我) E D BB 望少兩眼都唔得架, 會出事架!」 我道：「係咩! 我唔覺喎, mug 你有留意我咩?」
之後阿 Be 話見到街上的遊人紛紛向我o地 "行注目禮", 想必佢o地覺得我o地實在太痺了 (竟然自稱 BB), 唉.................哈哈哈哈哈哈哈哈哈哈, 又一大整蠱別人! :P
記得小時候, 我o地小朋友經常獨自 (又或者一群小朋友) 在家, 在沒有成人看管下, 偶會頑皮, 但極少作出 "出軌" 的行為 (當時整個社會風氣對照顧兒童的安全意識唔高, 而且在果個年代, 年長的細路去照顧年幼的弟妹更是家常便飯), 誰知道換在今天的環境內, 竟會發生o甘大件事。
阿 Be 匿稱我為 BB, 睇完此單新聞不禁搖頭嘆息的向我說：「所以話呢....(望住我) E D BB 望少兩眼都唔得架, 會出事架!」 我道：「係咩! 我唔覺喎, mug 你有留意我咩?」
之後阿 Be 話見到街上的遊人紛紛向我o地 "行注目禮", 想必佢o地覺得我o地實在太痺了 (竟然自稱 BB), 唉.................哈哈哈哈哈哈哈哈哈哈, 又一大整蠱別人! :P
星期三, 7月 18, 2007
好歌分享
E 幾日接到幾個壞消息, 令尋日心情好沉重, 身邊圍繞我的兩個人不約而同的患上重病, 一位是淋巴癌, 另一位係胰臟癌, 我深知祝佢地 "早日康復" 係一個奢望, 只寄望佢地可以減輕痛楚, 盡量做想做的事, 不令自己遺憾。
以下係一首老歌, 係我讀中學時偶然認識到的, 歌詞好有意思, 請大家分享之餘, 亦要提醒大家 "珍惜眼前人"
日落日出
歌手：林子祥 作曲：林子祥 填詞：林振強 編曲：鍾定一
以下係一首老歌, 係我讀中學時偶然認識到的, 歌詞好有意思, 請大家分享之餘, 亦要提醒大家 "珍惜眼前人"
日落日出
歌手：林子祥 作曲：林子祥 填詞：林振強 編曲：鍾定一
我把陰天好天 一一跨過了 踏過許多許多 歡笑與寂寥
途上碰過千個面容 遇過萬千的轉變 內有一些驚喜 一些出意料
隨著日落日出 光陰飄遠了 但你始終用心 當世界動搖
無論我更糟更壞時 亦照樣傾出真摯 令我迷途時仍有興緻哭中笑
原諒這個我不多懂講說話 從沒清清楚楚高聲講你知
長路怎麼彎曲都好 都也願多走千次 如若與我開始 終止 也是你
星期二, 7月 17, 2007
最怕的是什麼?
每個人總有死穴的, 你最怕的是什麼?
小妹由細至大最怕狗, 可能因為佢地成日吠我、又追過我 (令我仆倒在地上), 因此產生恐懼, KK 受我的影響下, 潛而默化的變成 "怕狗一族"。 哥哥 和 朋友 I 卻勁怕 "小強" (蟑螂), 一見到佢, 毛管戙兼動彈不得, KK 卻是 "女中豪傑", 經常化身女俠, 殲滅小強, 拯救哥哥, 好勁架!!
尋日同朋友談論 "人最怕什麼呢?" 是 「死亡」嗎? 我想不是的, 應該是最怕 「痛」。如果告訴你死亡是無痛的, 只是睡著而亡, 你會恐懼嗎? 相信對不少癌症病人來說, 的確是一項好消息, 因為癌症最折磨佢地的 - 便是痛楚。 其次怕的是 「遺憾」, 即使是無痛而亡, 如果在死前一刻才發現有太多東西未處理, 未完成心願, 但時間已經唔再容許你完成下去, 那麼便抱憾終生了。
既然唔知道幾時會離世, 倒不如不要等待, 馬上行動心中所想, 對家人表達關愛, 對情人表示愛慕, 對朋友表現忠誠, 不要在將近離世之時, 才感遺憾。
小妹由細至大最怕狗, 可能因為佢地成日吠我、又追過我 (令我仆倒在地上), 因此產生恐懼, KK 受我的影響下, 潛而默化的變成 "怕狗一族"。 哥哥 和 朋友 I 卻勁怕 "小強" (蟑螂), 一見到佢, 毛管戙兼動彈不得, KK 卻是 "女中豪傑", 經常化身女俠, 殲滅小強, 拯救哥哥, 好勁架!!
尋日同朋友談論 "人最怕什麼呢?" 是 「死亡」嗎? 我想不是的, 應該是最怕 「痛」。如果告訴你死亡是無痛的, 只是睡著而亡, 你會恐懼嗎? 相信對不少癌症病人來說, 的確是一項好消息, 因為癌症最折磨佢地的 - 便是痛楚。 其次怕的是 「遺憾」, 即使是無痛而亡, 如果在死前一刻才發現有太多東西未處理, 未完成心願, 但時間已經唔再容許你完成下去, 那麼便抱憾終生了。
既然唔知道幾時會離世, 倒不如不要等待, 馬上行動心中所想, 對家人表達關愛, 對情人表示愛慕, 對朋友表現忠誠, 不要在將近離世之時, 才感遺憾。
星期日, 7月 15, 2007
婚紗展覽
尋日同 KK 一齊去婚紗展買餅卡, 決定數量同付款後, 我地就坐下來慢慢的 "數餅卡" (睇o下數量啱唔啱), 鄰坐來了一對準夫婦, 當店員請佢o地當面點算餅卡時, 有以下對話：
男(準丈夫)：(向店員講) 得啦, 你數比我地睇咪得 lor。
店(店員)：(甚感為難的模樣, 因為公司會要求客人親自點算, 免爭議) um......先生, 可唔可以數一數?
女(準新娘)：(知道店員的難處, 向男友說) 佢係想我o地自己數呀!
男(準丈夫)：(埋怨道) o徒時間, o甘麻煩!!!
坐在鄰坐的我一聽見以上對話, 禁不住覺得好笑的同 KK 講：「D 男人就係o甘架啦 (怕麻煩), 唉........ , 買o左o野梗係要 check (檢查一下) 架啦, 比少o左o甘點算??? 如果o甘都嫌麻煩的話, 結婚咪仲o徒時間、 仲煩, 不如唔好結啦!!」
環顧身邊的親朋好友, 在籌辦結婚之時, 往往也是女生投入的去安排, 去做資料搜集, 而男生參予的時間比較少, 此事可以反映 "女生愛籌劃", 抑或 "男生怕麻煩" 呢? 坦白講婚姻一世人一次, 即使不辦得盛大, 也該是兩口子一同投入參予, E 個亦係二人日後共同生活的一個預演, 如果連這一關都不能順利過度 (PASS - 合格), 那有信心面對日後的生活呢?
**PS: 昨日的婚紗展見到一對情侶在吵架, 內容大致係互相推卸責任, 希望日後的另一半有耐性的去共同籌辦結婚, 唔駛好似佢地o甘 "出醜人前"。
男(準丈夫)：(向店員講) 得啦, 你數比我地睇咪得 lor。
店(店員)：(甚感為難的模樣, 因為公司會要求客人親自點算, 免爭議) um......先生, 可唔可以數一數?
女(準新娘)：(知道店員的難處, 向男友說) 佢係想我o地自己數呀!
男(準丈夫)：(埋怨道) o徒時間, o甘麻煩!!!
坐在鄰坐的我一聽見以上對話, 禁不住覺得好笑的同 KK 講：「D 男人就係o甘架啦 (怕麻煩), 唉........ , 買o左o野梗係要 check (檢查一下) 架啦, 比少o左o甘點算??? 如果o甘都嫌麻煩的話, 結婚咪仲o徒時間、 仲煩, 不如唔好結啦!!」
環顧身邊的親朋好友, 在籌辦結婚之時, 往往也是女生投入的去安排, 去做資料搜集, 而男生參予的時間比較少, 此事可以反映 "女生愛籌劃", 抑或 "男生怕麻煩" 呢? 坦白講婚姻一世人一次, 即使不辦得盛大, 也該是兩口子一同投入參予, E 個亦係二人日後共同生活的一個預演, 如果連這一關都不能順利過度 (PASS - 合格), 那有信心面對日後的生活呢?
**PS: 昨日的婚紗展見到一對情侶在吵架, 內容大致係互相推卸責任, 希望日後的另一半有耐性的去共同籌辦結婚, 唔駛好似佢地o甘 "出醜人前"。
星期六, 7月 14, 2007
紅顏
最近政壇上發生一件大事, 轟動全港, 更令多年來的 "好好先生" 名譽掃地。究竟紅顏令你諗起 mug 野?
紅顏知己?
紅顏薄命?
紅顏禍水?
有無發現一提起 "紅顏", 負面的評價總比正面的多? 難道女人天生就係 "禍水", 而女人就理應 "薄命"?
E D 講法對女性好唔公平, 時至今日, 女性已經唔再係男性的 "家當" 同 "附屬品"了 (男人不能隨便的將家庭內的女性變賣), 女生有自己的思想、主導權, 可以獨當一面, 甚至叱吒商場。因此憑什麼再批判女性係禍水?
要知道 "水能載舟, 亦能覆舟", 女性就如 "水" 一樣, 先天已經存在的, 至於 "舟及舟上的人和物品" 就好比男性, 首先要知道 "舟的質地" 好唔好 (夠唔夠浮力, 有無穿洞漏水), 再知道 "舟上的人和物品" 有無超重 (即使質地好的好好先生, 如果有太多位 "妻子" 亦可導致覆舟)。
俗話說：牛唔飲水點襟得牛頭低, 如果舟的質地好, 而沒有超載的話, 那麼水都不能成為 "禍水" 了, 一切只視乎 "舟" 選擇在什麼 "水" 上行舟吧! 要愛刺激而選擇 "急流" 者, 應該事先知道將要承擔的後果。
紅顏知己?
紅顏薄命?
紅顏禍水?
有無發現一提起 "紅顏", 負面的評價總比正面的多? 難道女人天生就係 "禍水", 而女人就理應 "薄命"?
E D 講法對女性好唔公平, 時至今日, 女性已經唔再係男性的 "家當" 同 "附屬品"了 (男人不能隨便的將家庭內的女性變賣), 女生有自己的思想、主導權, 可以獨當一面, 甚至叱吒商場。因此憑什麼再批判女性係禍水?
要知道 "水能載舟, 亦能覆舟", 女性就如 "水" 一樣, 先天已經存在的, 至於 "舟及舟上的人和物品" 就好比男性, 首先要知道 "舟的質地" 好唔好 (夠唔夠浮力, 有無穿洞漏水), 再知道 "舟上的人和物品" 有無超重 (即使質地好的好好先生, 如果有太多位 "妻子" 亦可導致覆舟)。
俗話說：牛唔飲水點襟得牛頭低, 如果舟的質地好, 而沒有超載的話, 那麼水都不能成為 "禍水" 了, 一切只視乎 "舟" 選擇在什麼 "水" 上行舟吧! 要愛刺激而選擇 "急流" 者, 應該事先知道將要承擔的後果。
星期五, 7月 13, 2007
整容
自古以來 "女為悅己者容" 係無可厚非的事實, 女生的天性都愛美、愛扮靚, 小時候會玩一些 "化妝" 的玩具遊戲, 長大時在電視中接觸到 "香港小姐", 更為不少女生定下 "靚" 的標準。
唔知從幾時開始, 人對 "美" 的追求變得越來越過火, 不再單靠衣著打扮、化妝等, 令自己變得漂亮, 而是去做整容的手術, 改變自己的容貌。雖然至今整容已經慢慢的成為一種風氣, 但我還是接受不了 (先天兔唇, 或因意外毀容者除外), 極其量我只能接受 "割雙眼皮"。
最近晚上電視播映的一個整容節目, 真係睇到我 "火都 o黎埋", 節目內容 "o黎橫折曲", 扭曲人的價值觀, 內容搧情, 真離譜。
最經典的係一位單親媽媽, 靠著取綜援去養兩名子女, 佢話想自力更新, 不靠綜援過活, 奈何見工面試時, 因樣貌的關係而不獲聘, 因此要下定決心去整容, 為子女去過新生活。 O......... 媽呀!!!!!! 這是什麼道理呀? 我欣賞佢有自力更新的決心, 但似乎用錯方法了, 佢的樣貌可以說是平庸 (但不致於醜陋或奇特), 想必係佢面試的技巧、學歷或經驗、要求待遇、待人態度等出了問題, 佢不從那幾個方向去改進, 卻只依賴整容便可改變下半生, 此等價值觀令人汗顏。(只希望其子女不要 "有樣學樣"了)。
其實說穿了, 佢只認為有什麼比起能去上電視整容, 既可賺取酬勞, 又可有漂亮形象而一舉兩得? 說不定還能靠漂亮的外表, 找到一張 "長期飯票" 而不用愁生活。
大家又有無諗過身軀樣貌均是上天及父母賦予的, 如果我地作出重大的改變, "那個新的你" 還是你嗎? 其實我地可以透過打扮, 個人修為去建立自我形象, 因為如果只是外表改變, 而內在卻不變的話 (內涵唔能夠即時提升) , 那個你其實幾恐怖的, 試幻想一下 "白雪公主踎在地上吃東西"。由此可見, 如果只是改變外貌而不能改變行為的話, 無論整幾多次容, 結果也是枉然的。
清醒 D 啦, 香港人!! 別再沉淪整容節目的假象了, 我只覺得 "因為整容流行, 而令人與人之間的信任又再減少了"! (你的新男友 / 女友究竟有無整過容呢?)
唔知從幾時開始, 人對 "美" 的追求變得越來越過火, 不再單靠衣著打扮、化妝等, 令自己變得漂亮, 而是去做整容的手術, 改變自己的容貌。雖然至今整容已經慢慢的成為一種風氣, 但我還是接受不了 (先天兔唇, 或因意外毀容者除外), 極其量我只能接受 "割雙眼皮"。
最近晚上電視播映的一個整容節目, 真係睇到我 "火都 o黎埋", 節目內容 "o黎橫折曲", 扭曲人的價值觀, 內容搧情, 真離譜。
最經典的係一位單親媽媽, 靠著取綜援去養兩名子女, 佢話想自力更新, 不靠綜援過活, 奈何見工面試時, 因樣貌的關係而不獲聘, 因此要下定決心去整容, 為子女去過新生活。 O......... 媽呀!!!!!! 這是什麼道理呀? 我欣賞佢有自力更新的決心, 但似乎用錯方法了, 佢的樣貌可以說是平庸 (但不致於醜陋或奇特), 想必係佢面試的技巧、學歷或經驗、要求待遇、待人態度等出了問題, 佢不從那幾個方向去改進, 卻只依賴整容便可改變下半生, 此等價值觀令人汗顏。(只希望其子女不要 "有樣學樣"了)。
其實說穿了, 佢只認為有什麼比起能去上電視整容, 既可賺取酬勞, 又可有漂亮形象而一舉兩得? 說不定還能靠漂亮的外表, 找到一張 "長期飯票" 而不用愁生活。
大家又有無諗過身軀樣貌均是上天及父母賦予的, 如果我地作出重大的改變, "那個新的你" 還是你嗎? 其實我地可以透過打扮, 個人修為去建立自我形象, 因為如果只是外表改變, 而內在卻不變的話 (內涵唔能夠即時提升) , 那個你其實幾恐怖的, 試幻想一下 "白雪公主踎在地上吃東西"。由此可見, 如果只是改變外貌而不能改變行為的話, 無論整幾多次容, 結果也是枉然的。
清醒 D 啦, 香港人!! 別再沉淪整容節目的假象了, 我只覺得 "因為整容流行, 而令人與人之間的信任又再減少了"! (你的新男友 / 女友究竟有無整過容呢?)
星期四, 7月 12, 2007
晨運伯伯
E 幾日返工的早上, 經過九龍公園內, 每每見到好多人與我一樣趕返工, 一群群的公公婆婆在聚腳傾計, 最令我印象深刻的係見到 4 個年約 60歲或以上的公公, 佢地一行 4 人排成一列, 一邊傾計, 一邊十分緩慢的緩步跑, 衣衫盡濕。
望住佢地的背影, 我覺得佢地係十分好感情的朋友, 相約一起做晨運, 如果將佢地的背影 "縮細", 當作是 "小孩子" 般, 畫面應該好有趣。令我聯想起姪仔 Henry 與佢 3 個表哥排成一列, 一齊跑的模樣, 想必好攪笑。
現今都市會定期做運動的人少之又少, 而且大都不願到室外運動, 既怕天氣炎熱、下雨, 亦怕空氣質數差, 偏偏大清早植物所發出的氣, 對人體健康係好有益的。都市人生活步伐趕急, 一刻都不能慢下來, 令到精神、神經不能放鬆, 長久下去, 壓力導致生病的機會亦會增加。
但願有天也能和家人結伴去 "晨運", 除左養生, 亦可聯誼 (多作溝通)。
望住佢地的背影, 我覺得佢地係十分好感情的朋友, 相約一起做晨運, 如果將佢地的背影 "縮細", 當作是 "小孩子" 般, 畫面應該好有趣。令我聯想起姪仔 Henry 與佢 3 個表哥排成一列, 一齊跑的模樣, 想必好攪笑。
現今都市會定期做運動的人少之又少, 而且大都不願到室外運動, 既怕天氣炎熱、下雨, 亦怕空氣質數差, 偏偏大清早植物所發出的氣, 對人體健康係好有益的。都市人生活步伐趕急, 一刻都不能慢下來, 令到精神、神經不能放鬆, 長久下去, 壓力導致生病的機會亦會增加。
但願有天也能和家人結伴去 "晨運", 除左養生, 亦可聯誼 (多作溝通)。
星期一, 7月 09, 2007
鬆一口氣
昨晚終於完成左最後一場的 Flamenco 舞蹈表演啦, 心情輕鬆唔少, 因為之前被 "魔鬼教練" 訓練到 "幾個朋友 (包括我) 不約而同的一齊發惡夢", 內容大致係因為我地跟唔上進度, 而當眾被責備。
今次的表演讓我學識左幾樣o野：
1) 化舞台妝 (想唔到平日少化妝的我, 見到人地 "勁誇張的化妝", 開頭有 D 抗拒, 及後看到所有的表演者都是如此, 有D甚至在化妝及服飾上比我地更誇張, 因此接受左我地的 "舞台妝")。
2) 認識表演的安排 (知道每項表演前均安排表演者綵排, 我地在行李上要盡量簡便, 因為安排比我地的地方不大, 而且無專人幫你看守財物, 因此只能將 "貴重" 物品交由"魔鬼教練"暫保管)
3) 自組安排 (由於舞衣累贅, 因此各自的小組會自行分工, 如：你帶啫喱膏, 我帶噴髮膠, 以減輕行裝)
4) 見識唔同我跳舞機構作風 (由於有好多唔同的舞蹈會參予表演, 因此可見識唔同的作風, 如：有些學會會在表演前集體冥想靜坐, 有的會由 "霸氣十足的導師" 在表演前訓話)
5) 加深左對舞蹈的認識 (如：看見了舞步, 開始學懂分別是那一種舞蹈, 之前分不清的)
6) 擺甫士 (如果穿起舞衣, 化起舞台妝時拍照, 一定要擺甫士才漂亮, 否則看似 "一舊穿衣木頭" 般, 白白浪費了)
7) 世界各國的舞蹈水平 (表演後我地買左飛欣賞餘下的舞蹈比賽, 因此見識到世界上 "好高水平" 的選手比賽, 佢地流暢的舞步 加上 高難度的動作, 尤如睇緊溜冰 + 雜技表演般, 禁不住的 "嘩嘩聲", 好勁呀!)
8) 香港15歲以下之賽手 (如果政府、舞蹈業畀及家長一齊合力推廣舞蹈的話, 相信不久的將來, E 班少年賽手, 好有機會在世界賽上揚名, 因為真係跳得好好)
我仲攞左一本場刊作紀念, 大家可以到此網址去睇o下詳情, 記得主辦單位講過有三間電視台會到場館進行攝錄, 不過唔知幾時會播影呢?
今次的表演讓我學識左幾樣o野：
1) 化舞台妝 (想唔到平日少化妝的我, 見到人地 "勁誇張的化妝", 開頭有 D 抗拒, 及後看到所有的表演者都是如此, 有D甚至在化妝及服飾上比我地更誇張, 因此接受左我地的 "舞台妝")。
2) 認識表演的安排 (知道每項表演前均安排表演者綵排, 我地在行李上要盡量簡便, 因為安排比我地的地方不大, 而且無專人幫你看守財物, 因此只能將 "貴重" 物品交由"魔鬼教練"暫保管)
3) 自組安排 (由於舞衣累贅, 因此各自的小組會自行分工, 如：你帶啫喱膏, 我帶噴髮膠, 以減輕行裝)
4) 見識唔同我跳舞機構作風 (由於有好多唔同的舞蹈會參予表演, 因此可見識唔同的作風, 如：有些學會會在表演前集體冥想靜坐, 有的會由 "霸氣十足的導師" 在表演前訓話)
5) 加深左對舞蹈的認識 (如：看見了舞步, 開始學懂分別是那一種舞蹈, 之前分不清的)
6) 擺甫士 (如果穿起舞衣, 化起舞台妝時拍照, 一定要擺甫士才漂亮, 否則看似 "一舊穿衣木頭" 般, 白白浪費了)
7) 世界各國的舞蹈水平 (表演後我地買左飛欣賞餘下的舞蹈比賽, 因此見識到世界上 "好高水平" 的選手比賽, 佢地流暢的舞步 加上 高難度的動作, 尤如睇緊溜冰 + 雜技表演般, 禁不住的 "嘩嘩聲", 好勁呀!)
8) 香港15歲以下之賽手 (如果政府、舞蹈業畀及家長一齊合力推廣舞蹈的話, 相信不久的將來, E 班少年賽手, 好有機會在世界賽上揚名, 因為真係跳得好好)
我仲攞左一本場刊作紀念, 大家可以到此網址去睇o下詳情, 記得主辦單位講過有三間電視台會到場館進行攝錄, 不過唔知幾時會播影呢?
星期五, 7月 06, 2007
大忙人
自從參加左 Flamenco 表演之後, 五月份的星期日、六月份的星期六及日, 七月一、六、七及八日都被排練及綵排佔用時間, 分身不暇。(香港電台、亞洲電視 和 有線電視 已落實現場拍攝, 無線電視接洽中, 唔知鏡頭前會唔會見到我呢?)
七月份, 又是忙碌的開始了, 我的 (工餘) 時間表如下：
星期一：工聯會小提琴
星期二：與阿 Be 的舞動之夜 (已經有三、四課無返啦, 由於阿 Be 工作的關係, 快被老師怪責了)
星期三：浸會大學英文文憑 - 課程一 (共六個學科)
星期四：浸會大學英文文憑 - 課程二
星期五：自由日 (用作做清理一週未完的工作 及 處理私人事, 如：約會朋友)
星期六 及 星期日：抽時間重溫課程資料, 練習興趣班 及 安排學車
嘩...........連和爸媽食飯的時間都無, 認真係大忙人。在此向家人、朋友 say sorry 先!! ^^
七月份, 又是忙碌的開始了, 我的 (工餘) 時間表如下：
星期一：工聯會小提琴
星期二：與阿 Be 的舞動之夜 (已經有三、四課無返啦, 由於阿 Be 工作的關係, 快被老師怪責了)
星期三：浸會大學英文文憑 - 課程一 (共六個學科)
星期四：浸會大學英文文憑 - 課程二
星期五：自由日 (用作做清理一週未完的工作 及 處理私人事, 如：約會朋友)
星期六 及 星期日：抽時間重溫課程資料, 練習興趣班 及 安排學車
嘩...........連和爸媽食飯的時間都無, 認真係大忙人。在此向家人、朋友 say sorry 先!! ^^
星期四, 7月 05, 2007
愛
什麼是愛? 愛究竟有無定義的呢?
嬰兒打從母體赤條條走出來的時候, 原來已經尋找緊 "愛", "愛" 可以說是和 "信任"、 "安全感" 有連結的, 如果你不曾信任一個人, 又或者該人提供唔到安全感比你, 你唔會覺得自己係 "被愛"。
E 個世上只有一種愛係最偉大、最無條件的, 那便是父母對子女的愛。試諗一o下父母親將嬰兒帶來此世界, 知道佢地日後的成就嗎? 知道佢地會孝順自己嗎? 但父母親卻只是不斷的付出, 不問回報的去養大那個存在好多 "未知數" 的嬰兒, 克盡己任。
至於情人、夫妻、子女對父母親的愛都是有條件的, 何解? 最直接的講法係我首要知道 / 確認被愛, 才會繼續愛下去。如果今日你的情人唔再愛你了, 你會選擇獨自愛佢下去嗎? 如果子女不曾感到被愛, 佢會愛父母親嗎?
因此, 世上只有你的父母無條件的寵你, 如你想多要別人的愛, 自己也要努力的愛人, 提供信任同安全感比對方。
嬰兒打從母體赤條條走出來的時候, 原來已經尋找緊 "愛", "愛" 可以說是和 "信任"、 "安全感" 有連結的, 如果你不曾信任一個人, 又或者該人提供唔到安全感比你, 你唔會覺得自己係 "被愛"。
E 個世上只有一種愛係最偉大、最無條件的, 那便是父母對子女的愛。試諗一o下父母親將嬰兒帶來此世界, 知道佢地日後的成就嗎? 知道佢地會孝順自己嗎? 但父母親卻只是不斷的付出, 不問回報的去養大那個存在好多 "未知數" 的嬰兒, 克盡己任。
至於情人、夫妻、子女對父母親的愛都是有條件的, 何解? 最直接的講法係我首要知道 / 確認被愛, 才會繼續愛下去。如果今日你的情人唔再愛你了, 你會選擇獨自愛佢下去嗎? 如果子女不曾感到被愛, 佢會愛父母親嗎?
因此, 世上只有你的父母無條件的寵你, 如你想多要別人的愛, 自己也要努力的愛人, 提供信任同安全感比對方。
星期三, 7月 04, 2007
撓腳
火車車廂內, 往往在早晨返工 及 晚上放工的時間比較繁忙。
新設計的火車車廂坐位, 多是左右兩邊各有一排銀色櫈, 車廂中間有扶手支柱。乘客多時, 會將兩旁銀櫈坐滿, 大家也預計中間的扶手支柱位置, 可以左右再企多兩名乘客。
好多時, 偏偏坐著的幾名乘客太有儀態了, 大都選擇 "撓腳", 一旦佢地撓o左腳, 放在上面的腳便會 "西" 左出走廊位, 令其他乘客企唔到。又或是忽然撓腳, 一腳的踼去站立乘客身上。
其實早有研究指出 "撓腳" 對人的健康係唔好的, 尤其是長期撓腳。 撓腳會影響下半身的血液循環, 令血塊凝固 (血管有毛病者) 及脂肪積聚, 臀部因為力度不平均的接觸櫈面, 引致脊骨歪曲, 女士們長期撓腳, 有可能導致子宮屈曲, 減低受孕機會, 因而影響生育。
因此我地 "要健康, 避免不必要的儀態" (即使坐著, 雙膝緊拍亦有儀態, 唔一定要撓腳), 在火車或人多的地方, 亦不會引起其他乘客之不便。
新設計的火車車廂坐位, 多是左右兩邊各有一排銀色櫈, 車廂中間有扶手支柱。乘客多時, 會將兩旁銀櫈坐滿, 大家也預計中間的扶手支柱位置, 可以左右再企多兩名乘客。
好多時, 偏偏坐著的幾名乘客太有儀態了, 大都選擇 "撓腳", 一旦佢地撓o左腳, 放在上面的腳便會 "西" 左出走廊位, 令其他乘客企唔到。又或是忽然撓腳, 一腳的踼去站立乘客身上。
其實早有研究指出 "撓腳" 對人的健康係唔好的, 尤其是長期撓腳。 撓腳會影響下半身的血液循環, 令血塊凝固 (血管有毛病者) 及脂肪積聚, 臀部因為力度不平均的接觸櫈面, 引致脊骨歪曲, 女士們長期撓腳, 有可能導致子宮屈曲, 減低受孕機會, 因而影響生育。
因此我地 "要健康, 避免不必要的儀態" (即使坐著, 雙膝緊拍亦有儀態, 唔一定要撓腳), 在火車或人多的地方, 亦不會引起其他乘客之不便。
訂閱：
文章 (Atom)
