新登場

今日中午收到媽媽傳來爸爸的口訊, 佢覺得 Big Mac blog 上的排版唔係o甘啱 "老人家睇", 因為深綠底色淺色字令到佢地雙眼睇得好累。

OK!!! 無問題, 你有意見, 我梗會收到, 而且仲 "快手快腳" 將新排版攪好添, 點呀? 係咪好 Sharp 醒先, 傳統的白底黑字, 再襯上鮮艷的橙色, 個人都特別醒神! 新排版, 新登場, yeah!!!!!!

唔講唔覺, 自從去年的七月開始寫 blog, 2006 年 共有 59 篇文章, 但 2007 年頭 4 個月, 已經有 63 篇文章, 突破左舊年半年的總和啦。 究竟係 Big Mac 多o野講左, 還是係因為有你地的支持, 令我更加積極投入呢?

Anyway 多謝讀者的支持。

願我可以學會放低你

Anger (憤怒) 是一種可怕的殺人凶器。

最近美國弗吉尼亞州理工大學槍擊案疑兇趙承熙, 由於長期壓抑住不滿的情緒, 不懂得宣洩的渠道, 最終在極度憤怒之下, 槍殺了三十幾條人命, 令人慘不忍睹。

因此我地要學習表達情緒, 多想開心的事, 抽離痛苦的思想, 令自己不易發怒, 以免因而生禍。願我地一齊學會放低 ── 憤怒。

招積仔

某日路過「深水埗」, 完成媽媽 "期待已久" 的心願 ── 買一套 「多袋背心、短褲仔的衫褲」比個孫, 等 "阿孫" 同 "佢阿爺" (我阿爸) 著類似款式的衣物, 應該會 "幾攪笑」。

結果我買左 E 套 "三件頭" 的衫褲比可愛姪子, 期待快 D 讓佢穿上, 我諗應該會 "幾 Cute & 幾招積" 架! ($45, 可以帶佢去打 war game 喎! 不過我諗佢 "肥美" 的手腳仔會益晒 D 蚊)

甜品好介紹

早前知道位於「深井」的 "發記"甜品, 進駐旺角, 專誠去試下, 尋日同阿Be一齊試左 以下甜品：

酥皮榴槤卷 (一客三件), 味道很不錯呀! 一咬入口, 熱辣辣的酥皮夾雜著蛋香送入牙縫中, 令人再三回味, 再咬便吃到令人垂涎三尺的榴槤果肉, 好 yummy 呀! 盛惠 $36 個大洋。

另外極力推薦 「榴槤飄香」, 極啱 "榴槤怪" 的我。 一入口, 滿口 "杰撻撻" 的榴槤肉 + 西米, 令人感到 "幸福滿瀉", 正呀! 多謝 $25

缺憾

何謂淒美的 "缺憾"? 我想大多是來自 "得不到" 的愛情!

我想每一個人回望年青時的 "初戀" (又或者某一段刻骨銘心的愛情), 總是 "若有所失", 縱使當時年紀少, 想法幼稚, 但卻是在情感上獻出最 "真摯" 的付出 (不會去計較情人的前途、富有與否等等, 只知道彼此 "志趣相投" 和 "彼此吸引" 便走在一起)

初戀失敗的原因很多, 有的是年紀少遭家人反對, 有的是見異思遷, 有的是因了解而分開, 總括而言, 人們總會為那一段 "得不到" 而 "刻骨銘心" 的一段情留下烙印, 印在內心深處, 在夜爛人靜的時候, 提取出來懷緬一番。這算是淒美的 "缺憾" 嗎?

我寧可遇上 / 望到此種缺憾, 總好比遇上 / 望到人體上的缺憾了。

快樂女人

點至叫做 "快樂女人"?
要有老公錫、子女孝順、身體健康、事業順利、還是父母健在安康呢?

以上種種都不由得你去控制、選擇, 所以 "快樂的女人" 應該享有 "自主權", 選擇自己喜歡的學科去 「學習」的女人是最快樂的, 因為佢地無時間去 focus (專注) 一些唔開心 / 又或者 "無謂" 的人和事。令自己眼界大開, 不斷學習, 去充實自己, 亦可多結交朋友。

風水輪流轉

父母將嬰兒帶到世上, 會教導子女知書識禮、生活的規條, 以及種種知識, 令子女能夠認識世界, 融入「人的」群體生活。初生嬰兒如同白紙, 故此子女所行的每一步, 都是父母花盡心機去教育的。在子女眼中的父母, 是個「萬能超人」同埋一個「識超級多知識的博士」, 很是敬畏。

時至今日父母年紀老邁了, 也享受著退休生活, 而子女卻長大了, 忙著在社會上競爭, 以得到更好的報酬, 回饋父母 (以盡一點心意)。社會轉變得很快, 太多新玩意出現了, 子女想讓父母知道外面的「花花世界」變得如何, 而父母心裏卻有點害怕, 怕自己駕馭不住新玩意, 在子女面前, 盡失父母威嚴。

今天媽媽邁出了佢的一大步, 令我和KK很是安慰, 佢肯跟我地去「卡拉OK」去見識一下, 雖然我地大家的歌聲也是 "半斤八兩", 但令我開心的卻是媽媽肯去 "體驗" 一下 "年青人的玩意" (佢口中認為是的), 也令作為子女的我有機會在媽媽面前 "班門弄斧" (教導媽媽如何揀歌), 令佢覺得 "我都幾叻" 架。

情況尤如當天佢用盡心機的去教我走路、講話等, 希望佢會繼續信任我, 乖乖的聽我的話啦, 成為一個 "摩登媽媽", 等我可以隨時 "帶佢出去威"! 嘻嘻!!

*PS: 當我地從卡拉OK的接待處走去房間的時候, 媽媽最留意的是 "走火通道", 由此可見政府的 "卡拉OK安全" 宣傳短片, 對媽媽真的起到作用呢! 還記得我年少時在尖沙咀寶勒巷發生的 "卡拉OK火災"案, 太多傷者被困而死亡, 當時媽媽下了 "禁令" 禁止我地去卡拉OK的。

安全感

記得小時候的我是早上被別人”湊”的, 媽媽下午接我回家中, 由於我好頑皮, 經常搗蛋引父母注意, 卻傷盡佢地的心, 有時候, 父母會對我講：你太頑皮了, 我地唔要你啦!

果時我係同姐姐一齊睡的, 我地的成長經歷幾乎一樣, 但落在唔同的人 (個體) 身上, 卻得出不同的後果。姐姐比較大方 (善忘, 忘記別人的惡), 我卻小家子 (會牢記別人的惡, 企圖避開, 去保護自己)。還記得晚上睡在床上的時候, 精力旺盛的我百無聊賴, 還未睡得著, 成日胡思亂想的望著快將入睡 / 已將入睡的姐姐。

心裏想著 / 也曾開口問姐姐：如果明天世界上沒有親人 (所有人都死了, 只剩下你和我), 那麼我地點算好? 你會唔會唔理我架? (一邊想著一邊 “飲泣”, 自覺好慘, 感覺被遺棄般)
姐姐 (清醒未睡時) 會答：點解明天親人會死? 唔駛怕, 我地一齊架嘛!
姐姐 (半睡時) 會答：唔………. 好累啊!!!!
我道：那你日後要記住啊! (我地一齊的, 不要拋下我)

由此可見, 我天生是一個悲觀、多愁善感的人, 害怕寂寞, 喜歡熱鬧。也可能是女生天生需要多D 的安全感, 才覺得踏實。你地細個時, 有無諗過同一 (幾幼稚的) 問題呢?

感概

最近的假期, 見到可愛姪子, 真係忍不住 "想搣一下" 佢 "肥美" 的手腳仔, 眼見佢萬千寵愛在一身, 不由得心裏喊一句： 佢真幸福喔！

要知道幸福並不是必然的, 同一時間, 在香港的另一個家庭, 可能正有不幸的事情發生。某日路過地鐵九龍塘站, 看見一個燈箱廣告 "播道兒童之家", 助養一名小孩子, 只需 $250, 心內立即覺得 "我應該要做, 而且我有能力做得到", 詳情請參閱 http://www.ech.org.hk/care.htm

我一直敬佩 "身體力行" 的義工, 雖然我也曾登記成為義工, 奈何至今還未出師 (因為該中心辦的活動少, 在曾經招攬的義工活動中, 我屬於超齡一族), 故此在金錢上付出一點心意, 也可算是行善的一種。

希望大家正讀緊此文的朋友一齊加入, 善有善報! 多謝善長!

怕死

人越大, 越怕死!

仲記得兒時天真的講：我想快d大個女！
那時的我, 不知世界天高地厚, 心內滿是好奇, 好想不斷的尋索新事物, 會為著目標而奮鬥, 為追求更多的東西 (如：慾望、玩具、好成績等等)。

而家卻想講：我寧可做個無憂無慮小女孩, 外來的一切風雨有父母為我擔當。
置業之後, 得到另外一個啟發, 就是一切得來不易 (必須艱辛經營), 要好好珍惜, 有時甚至會 “害怕失去”, 可能因為 “擁有越多, 越怕失去更多”。(怕打回原形, 要從零開始)

究竟是人長大左, 思想成熟左 (不再愛衝愛拼), 抑或是隨住年齡的增長, 條命倍覺矝貴? (開始懂得養生之道, 懂得享受生活)

而家的我正值壯年, 但已經開始害怕人到中年時 (50-60歲) 要面對老去、身體機能退化的時候, 甚至要面對同輩的朋友比自己先離開世界, 不禁覺得黯然。現在唯一能做的是養好身體 (打好根基), 做好儲蓄、保險或投資計劃, 以防他日發病時, 有足夠的保障去接受治療。

我頗貪心, 但求每日過得開開心心, 即使他日要死, 也希望不太辛苦的走, 而且還希望不要在財政上帶給家人太大的壓力便好了。故此, 我要好好珍惜而家的每一分秒, 別讓他日覺得後悔。

點先為之好?

相信出來做事的朋友, 都會有一個o甘的經歷：
週遭的同事
1) 高學歷, 但做起事來 “側側膊”、 “耍太極”, 同其他人的關係 “表面”, 日日 hea o下 hea o下等收工。
2) 學歷唔高, 富經驗, 責任心強, 做事積極, 公司內有知心朋友, 返工時會交足功課。

如果你身為老闆, 你會選擇那一類員工, 我想信大部份的老闆會選擇 2), 因為佢地真的為公司 “賣命”, 不會有能力而不為 (保留), 返到等放工, 日日等運到。 但無可否認, 當你聘請人的時候, 1) 類員工的中籤率往往比較高 (因為証書較多, 會佔優, 至於工作態度和能力, 卻會在受聘後才見真章)。



如果你老公
3) 收入只得二萬元, 扣除比錢佢屋企後 (三千), 還會比八千元當作家用 (供樓、日常使費等等)
4) 收入五萬元以上, 扣除比錢佢屋企後 (三千), 還會比一萬元當作家用 (供樓、日常使費等等)

到底你寄望誰是你的另一半呢? 人工高, 但有錢卻不願與你分享的 (4), 還是收入剛足夠, 卻將大部份 (扣除給父母的, 幾乎一半的比率) 的薪金, 貢獻在你們的家 (3)?

從小, 父母、老師, 甚至書本都不曾教導過我地應該點樣運用薪金才叫 “對”、”合理”, 但點先為之好呢? 我想是 “見仁見智” 吧!

小姪子的第一個兒童節

遲了上來報告小姪子的最新狀況, 佢剪左一個新髮型, 開頭唔習慣, 有少少唔開心, 之後......就變左o甘的樣 lu

Wii 後感

四月五號晚, 一返屋企, 即刻同阿 Be 忍唔住拆我地的 "兒童節及復活節禮物" ── Wii 啦!

我地開始時先做主機設定, eg: set 年月日, set 我地兩個 user 的容貌, 結果幾似我地真人, 阿Be set 出一個 "西起棚牙的招積仔" (即係人人見到都想打佢果款呢!), 而我則是一個大眼妹, 再額外加多一粒墨 (由於只可加一粒墨, 而我真人是有兩粒好明顯的墨在面上), 結果因為墨的關係, 一睇就知係我啦!

好啦.......... 唔講o甘多, 遊戲開始, 我地先玩 Wii Sport, 入面共有5款 sport game, 包括：網球、棒球、高爾夫球、保齡球 及 拳擊。
網球：我成日都對唔準目標, 一係太快, 一係太慢揮拍, 成日 miss 左個波, 又成日打出界
棒球：同以上情形差不多, 但試過"付碌"(好彩) 的全壘打, 畫面會即刻 "放煙花", 好攪笑!
高爾夫球：有高爾夫球的根底的會易玩d、投入d, 但有別於"打真波", 因為 game 內只要力度準便OK (不用自己控制波的角度)
保齡球：幾好玩, 只要力度準便OK (不用自己控制角度)
拳擊：混亂一遍, 因為我 "太肉緊"了, 完全唔理做緊 mug, 一味狂打狂嗌 (真係可以宣洩心中的不滿去減壓), 不過唔夠兩分鐘已經無氣 (因為我投入到又打、又閃避、又跳步、又走, 少d力都唔得)

*PS: 當晚打完Wii Sport後, 第二日的中午, 肌肉立即傳來投訴 (勁酸痛), 証明我平日真係少運動, 整個背部、腰兩側及全條右手 (從膊頭至手腕) 都酸痛萬分, 阿Be笑我太低能、太投入了 (因為佢只係郁一下手腕, 而我就 "懶認真" 的做足姿勢, 用盡全力去打球)。

四月七號中午, 邀請了媽媽、KK及黑俠王子來同我地一齊切磋一返, 媽媽在保齡球中多次全中, KK 打網球好厲害, 黑俠王子打 golf 好o野, 阿 Be今天在拳擊中將我 "技術性擊倒", 一雪前恥, 而我呢........今天肌肉太痛, 不在狀態中, 只有捱打的份。


Cooking Mama 係一隻好多人推薦的 game, D人話好好玩, 即使女仔唔識打機都會覺得好玩架, 所以我即管買來試下。其實 game 是應該幾好玩的, 你無諗過一個簡單的 remote (遙控) 可以做出o甘多唔同的操控動作, 但由於唔識日文的關係, 所以 game 內的 instruction (指示) 我地並唔明, 好多時都係看圖 或者 斷估, 有時估錯左, 做錯 game 所需要的事, 立刻激到Cooking Mama 雙眼噴火o甘嬲, 場面攪笑, 而家還在模索階段中, 但好玩程度被 "唔識日文, 唔明指示" 而扣分, 我諗如果有一個識玩的人 lead (帶領住) 一個新仔玩, 情況會好好多。

私房菜食評

尋晚終於去左有所期待的旺角(魚米之尊)私房菜試下啦, 呢間野, 你話佢串又得, 話佢有風格亦得, 因為私房菜唔係佢本業, 所以一定要訂位先有得食, 佢地的收費係 "按人頭" 計算, 分別有$110, $160, $250三種。(以上價格是以三位起計, 如果少於三人食的話, 價錢會貴d)

佢地收到訂位電話, 就會 "按人頭" 買餸, 保証大家食得飽, 拎得走, 如果要更改人數, 就一定要於當日下午 4:00 前通知, 否則客人都要照比原定人數的價錢, 而且埋單仲一定要比 cash添。

未講食評之前, 先提o下有mug 野食(已經將記得的盡量寫低, 可能有所遺忘), 排名不分先後：

1) 鴨下巴 (用作佐酒不錯, 唯太大"舊", 女士張大口去食時, 有點失儀)
2) 沙薑雞腳 (味道一般, 不特別)
3) 肉鬆豆付皮蛋 (略嫌"散"了一點, 難 "夾"來吃)
4) 爽滑魚皮 (幾爽, 正!!)
5) 椒鹽瀨尿蝦 (瀨尿蝦幾清甜, 大隻d會好d, 同埋椒鹽幾"熱氣")
6) 蘇炸蠔仔 (蠔仔無mug味, 但熱氣)
7) 上湯煮絲瓜 (唯一的一道 "菜", 倍覺美味)
8) 蕃茄魚湯 (幾醒胃, 但有味精)
9) 椒絲蒸魚雲 (勁多椒絲, 又辣又咸, 但魚幾滑)
10) 白灼魷魚 (點日本芥辣及豉油) (襯日式芥辣一齊食, 幾 fresh)
11) 香煎魚餅 (心型的) (味道一般, 不特別)
12) 豆豉釀鯪魚 (啱晒食魚怕吐骨的懶人 ── 我, 不過少少咸及熱氣, 由於炸的關係)
13) 蒜蓉粉絲蒸扇貝 (味道OK, 但扇貝太熟黐晒殼, 食唔到d肉)
14) 喇沙餃子 (與一般餃子味道無異, 但喇沙湯底惹味)
15) 荷葉飯配蒜蓉蝦 (食到E味餸, 飽了一大截, 已吃不下了, 故 "打包" 拎走)
16) 芥辣蝦碌 (煮法特別, 幾好味, 芥辣很香口, 但有些人受不了辣及 "貢" 鼻)
17) 青椒炒墨魚仔 (墨魚仔口感爽, 醬汁惹味)
18) 蟹炒年糕 (醬汁炒年糕做得不錯, 唯蟹 "削" 了少許, 肉不夠肥美)
19) 黑椒洋蔥豬柳 (有人嫌黑椒辣, 味道一般)
20) 薑蔥雞 (雞幾滑)
21) 炸芋頭片 (炸得好乾、好硬, 好難咬)

甜品：桂花紅豆糕 (桂花味清香, 幾討好)
飲品：特色飲品一杯 及 檸茶、檸水、咖啡 & 奶茶任飲
以上種種連加一也是 $110 / 位, 請客來講也算幾抵 (尤其是在旺角區中)

美中不足的是 "坐得不太舒服" (都幾迫), 而且訂位時我說明了：不吃辣、少生冷及煎炸食品, 但觀乎辣及煎炸食品也不少。再者部份親人覺得應多加一點 "菜蔬" (現只得一道是菜), 減少一點 "海鮮", 少些辣及煎炸食品, 那就最完美了。

而佢地覺得似乎餸菜的材料大多屬於 "下價貨色",不過唔駛自己整, 而又有o甘多款式可以食, 都算 "打個和" 啦! 計我話 $110 / 20幾道菜 = $5 / 一道菜, 加多少少錢就有埋甜品、飲品及加一, 都算OK 啦, 街邊 "吉" 串魚蛋, 都唔見左 $5 Lu!

Anyway 希望繼續努力讀書及賺錢, 繼續考取好成績, 再約埋一眾好友 "去發掘新地方覓食", 哈!哈!哈!

學神鴐到, 請讓路!

早前和KK 一齊報名學車, 上星期三剛剛到沙田鴐駛學院上了迎新班及理論一課程, 由於地點 "唔就腳", 我一放工即走, 也要 7:15 才到達, 結果補辦理入學手續後, 遲了少許上堂。

課堂上有笑話一則, 由於課室有 "左、中、右"三大行的坐位 (每行有兩至三個坐位),

阿 SIR 問：「日後你地上課時, 在外睇完編位紙才好入坐, 而左行是不會有人坐的 (不被編位), 你地知道點解嗎?」

學生們沉默思考..........

阿SIR:「有無同學睇過大戲, 睇過就知點解架啦!」

其中一學生：「我知, 比鬼坐的」(一眾已坐在 "左行" 的學生立即 "V嘩鬼叫" 嗌 "啋"......)

一班學生立即大笑:DDDDDDDDD

真正的答案是：該行坐位是留給 "智專學生"坐的, 由於他們比多二千幾蚊學費, 故此上理論課可以 Walk In (不用預約)的。

手顫的興奮

這個假期實在太忙了, 忙了去玩, 所以有好多發生左的事, 都沒有在此記下來, 而家等我 "回帶" 記錄返之前的事先。

星期四 (第一日公眾假期) 晨早同媽咪、KK 去飲茶, 過後歸家, 因為未有 lift 的關係, 我便去了信箱 "裝一裝" (平日多是爹地媽咪收信), 終於由我親手取出 "期待已久" 的 "高級文憑綜合成績單", 還有附函一封, 說會在今年的十月舉行畢業典禮, 到時才頒發証書。

雖然我一早已經知道順利畢業, 但係當我親手拆信的時候, 心情真的真的很喜悅 (感覺到自己內心的起伏, 一時間, 心內湧現出學習時的 "甜酸苦辣"), 不禁回想起三年多歲月裏的努力, 如：有時功課太難, 向Ching Yi 家姐及小肥皇子求教、 生病時向阿Be撤驕說溫習太累、要求KK幫我背書及核對我的背默結果、爹地媽咪要在我大考期間熄電視或將音量收細, 以上種種片段, 一湧而上, 令我禁不住雙手顫抖起來, 咀卻忍不住在笑, 活像一個大傻瓜。

所以此高級文憑的成績其實是歸功每一個幫助過我, 關心過我的人(多謝你地體諒我因為功課忙而沒空赴約), 因此, 今晚一於 "擦餐勁"!! 唔好客氣喔!

*PS: 雖然此文憑並不是一個學位課程, 而且我的成績亦只算是 "中規中矩", 其實沒什麼大不了的 (值得高興的), 難度在於 HKU Space 的課程比較嚴謹, 每科勻有三份功課、一個中期試及一個期末大考, 對於工餘進修的 及 資質有限的 我來說, 一個學期 (每週共三個月) 應付兩個學科, 亦算有點難度。而家, 距離學位課程又近了一步啦! (終生學習, 只要有心, 即使七十歲才達成心願也不遲喔!) 當然我並唔希望要七十歲才能成功。 :P

兒童節及復活節禮物

今年四月的紅假似乎好長, 係因為清明節及復活節一齊放的關係, 小妹並無出埠旅行, 一於留港消費, 振興香港經濟。


今日終於忍唔住手 (失守) 去買一樣期待已久的禮品啦! 就係 Wii 遊戲機啦, 比張相大家一齊分享啦, 有主機、手掣 2 sets (左右掣) 及 2隻 games, 唔講o甘多啦, 玩完先再傾啦, bye! bye!

阿Be 好 man 啊!

尋晚同阿 Be正式上社交舞堂, 阿 sir 同 miss 分別教 Tango (探戈) 的男女舞步, 阿Be是第一次接觸社交舞, 而我則第一次接觸Tango (探戈) 的女步。

教授過後, 我地開始自行練習, 一時間頓覺自己好 lady, 而阿Be亦好努力的記住舞步。開始時, 我地略見生硬, 時間耐了, 則流暢了許多, 連阿sir、同學及我也禁不住要讚阿 Be "好叻仔"、"勁"!!! (在1小時的課堂上, 已經可以初步掌握到 Tango 的3組動作了)

晚飯時我問起阿Be 跳舞難唔難? 佢話一向對"拍子" 唔感敏, 所以覺得有點難。 其實計我話, 聽拍子可以練習, 佢已經做得唔錯了, 而且我一向覺得 Tango 係一隻幾難的舞, 因為節奏時快時慢, 而且動作一唔流暢, 便好似機械人打交o甘, 唔好睇。 我比較喜歡 "華爾滋" (慢三), 動作優美之餘, 音樂旋律亦動聽, 舞步較易掌握。

在此要讚一下 "阿Be, 你好 man 啊!"

*PS: 和阿Be跳舞時, 有時四目交投, 令我回想起我地初相識 "眼神小曖昧" 的時候 (猜不透對方的心, 你追我躲的感覺), 感覺 sweet sweet 呀! 希望籍此増進我地彼此的感情。

愛情新體會

E 幾晚偶然睇到由梁詠琪主持的電視節目, 令我對愛情有左新的體會。

其實婚姻制度、一夫一妻制、子女跟隨父姓、男主外, 女主內的種種傳統思想, 勻不適用於雲南女兒國的摩梭族人。他們是母系社會, 子女會跟隨母姓, 而且永遠隨著母親居住, 在沒有婚姻制度下, 摩梭族人會在適合走婚的年齡 (成年 - 合法做愛的年齡) 在晚上會情人, 而且還可以一世人與無限的異性發展無限的走婚關係。

他們似乎將感情看得很輕, 合則走婚, 不合則分開, 很瀟脫, 真的可以做得到嗎? 跟唔同的異性走婚, 不會有性病嗎? 而且下一代會引致兄妹亂倫嗎? (因為他們也不清楚誰是生父, 媽媽也可能太多情人而忘記了)

雖然現今男女的結婚與離婚比率幾乎相等, 但我寧卻靜待心中的 Mr Right 出現, 也不情願像摩梭族人般的走婚關係, 可能係因為傳統的禮教叫我不能接受, 但心中卻羨慕佢地可以談一世戀愛。如果情人的心態與自己一樣, 努力的去投入維繫彼此關係, 相信也可以談一世戀愛 (跟同一個情人)。
所以有些事, 並不在乎制度如何, 而是雙方的心態如何!

新股熱潮

今日公司好多同事都談論緊一隻新股 "碧桂園", 還說電台話該股的淨資產值超過 "恒基" 添, 真係o甘勁?

我只知道 "恒基"主席李兆基較早前在報紙上說明睇好 E 隻股, 而且仲會大手 "十億" 元入市長達三年 "不可轉讓" 的投資, 可見得佢對該股充滿信心。

我諗一定好多人抽新股, 應該會爭崩頭, 中籤者應該好似中六合彩o甘開心啦!