當愛已成習慣

當戀火激烈的燃燒過後, 會否變得暗淡無光?

最近睇過一篇文章係關於影星 "伍詠薇" 和 丈夫的相處之道, 佢話要維持良好的夫妻關係, 關鍵在於 「情趣」, 不時相約對方, 著緊裝扮一下赴會 (就像拍拖時一樣), 這會勾起拍拖時的甜蜜 和 驅走日夕相對沉悶的氣氛。

也許佢的方法是湊效的, 但首要的條件係要你的伴侶與你有一樣的想法, 如果佢係 "當愛已成習慣", 對佢來說：一切在別人眼中 "你的好", 已經係理所當然的事, 佢唔會再欣賞你, 只會告訴你還有什麼地方你做得不好。 這不免令人洩氣。

所以 "當愛已成習慣" 是夫妻相處間的要害, 反之, 要多留意身邊人的優點才對。

原始人

今日中午突然發覺手提電話壞左, 情況如下：

1) 人地打來, 我接聽時, 聽不到任何聲音。
2) 自己打比人, 人地接聽時, 聽不到我的聲音。

十分奇怪, 一於放工去 Nokia check check 先, 希望係 "小意思" 啦!
因為而家資訊先進的時代, 無電話用好唔慣的。 (就好似「原始人」一樣)

愛情 與 婚姻

柏拉圖有一天問老師蘇格拉底甚麼是愛情？

蘇格拉底叫他到麥田走一次，要不回頭地走，在途中要摘一棵最大最好的麥穗，但只可以摘一次。柏拉圖覺得很容易，充滿信心地出去，誰知過了半天他仍沒有回去，最後，他垂頭喪氣出現在老師跟前，訴說空手而回的原因：很難得看見一株看似不錯的，卻不知是不是最好，不得已，因為只可以摘一株，只好放棄，再看看有沒有更好的，到發現已經走到盡頭時，才驚覺手上一棵麥穗也沒有...

這時，蘇格拉底告訴他：那就是愛情！


柏拉圖有一天問又老師蘇格拉底甚麼是婚姻?

蘇格拉底叫他到杉樹林走一次，要不回頭地走。在途中要取一棵最好、最適合用來當聖誕樹用的樹材，但只可以取一次。柏拉圖有了上回的教訓，充滿信心地出去。半天之後，他一身疲憊地拖了一棵看起來直挺、翠綠，卻有點稀疏的杉樹。
蘇格拉底問他：這就是最好的樹材嗎？
柏拉圖回答老師：因為只可以取一棵，好不容易看見一棵看似不錯的，又發現時間、體力已經快不夠用了，也不管是不是最好的，所以就拿回來了......


朋友們, 你對愛情同婚姻的睇法是這樣的嗎?
對我而言: 愛情是激情而短暫的, 當你想繼續享受甜蜜時, 才驚覺情已逝 又或 已轉化成感情。
婚姻是一生一世的承諾, 感情細水長流的, 彼此像忠誠的朋友般守在對方身邊, 不離不棄, 難能可貴, 故此在街上如見到一對 "公公婆婆" 牽住手走, 其實他們很有福氣的。

美食推介

早前同阿 Be 去o左尖沙咀山林道的 "老趙" 食越南 lunch, 味道很不錯喔!

飲品 + 小食 + 主食 = $48 or $58 (免加一, 只限星期一至五午市, 星期六、日及假期收加一)

主力推介: 北越牛肉粉、蕃茄蟹粉湯檬、北越迷你春卷、越式蝦多士

NLP 係 mug 東東??

最近小妹非常之 "八卦", 趁工餘時間跟工聯會學下 mug o野叫做 NLP?

簡單而言, NLP 係 叫 "身體語言程式學", 英文名係 "Neuro-linguistic programming"。

- Neuro 指的是我們神經系統，我們透過五種感官，視覺，聽覺，嗅覺，味覺以及觸覺攝取外界的資訊。這些訊息如何在我們每一個人獨特的神經系統中被處理，是 NLP 研究的中心學問。

- Linguistic指的是我們運用語言與周遭世界溝通(外向) 以及與自己作有效溝通(內向) 的能力。

- Programming是指借用電腦科學術語，指的是我們的思想，感受，行動全都只是習慣性的程式，只要把我們心中的心智軟件 (Mental software) 改寫，這些程式就能夠被改變。當一些沒有效果的行為程式被改寫之後，我們的人生便會立即出現不同的效果。

所以NLP 被喻為廿一世紀人類快速行為轉變 (Accerated Human Behavioural Change) 的先進技術。可以應用於唔同的範疇, 例如：日常生活的待人接物、與子女的成長溝通同埋商業活動等等。

我上的 NLP課堂主要針對於 "子女成長方面" (因為屬入門級同學費較平, 日後用得著的機會亦高), 原以為 NLP 是一項很高深的 "心理學", 會教導D家長點樣管教子女。 但第一堂課後, 反而覺得有所得著, 而它是針對家長的 "情緒管理" 多於 "如何教導子女", 因為這是問題的徵結所在, 如果家長把自己的負面情緒發洩子女身上, 對子女有莫大的負面影響 (如：人際關係障礙、自我形象低落), 子女將會是家長的影子, 所以我建議準家長應該要上些預備課程, 免遺害下一代。

好消息齊分享

在此我要衷心感謝我的 "lucky cat" - KK, 全因為佢有一對 "lucky hand"。 點解???

由於KK 的上班時間係非固定的, 話說在過去考試成績放榜, 我會通知KK代 "密切留意" 信箱 (因為我在辦公室內工作中), 佢收到成績後便會致電通知我, 我地一齊在電話內 "甩" 成績表, 看看該科是否合格。

尋日我終於收到 "最後一科" 的考試成績單啦 (當時我不在家中), 多得佢的 "lucky hand", 我終於將 "好困難" 的 Financial Management 都考合格了 (大家還記得在去年年尾的時候, 我曾經講過阿 sir 話該科好多同學都 repeat 左2-3次, 當時我怕得要死了)

真係要好好請 KK 吃一餐 "超好的" 才行喔!!!!! KK, 我真的愛死你了, 好多謝上天比我遇到你呢, 你真是我的貴人呀, 以後的成績也要留待你來開呢!

仲有勿忘我媽媽的 "關懷考試利是" , 它令我加添強大的信心呢!(也令我想起阿姨在天之靈的保佑, 她生前知道我要考試的時候, 最愛預早封利是給我, 雖然我們並不重視內裏的金額, 只是在乎佢的心意及它的意頭, 令我添D信心而已), 多謝大家支持。

從九龍塘看人生

曾經有朋友話過 "九龍塘" 區可以概括的悟出人的一生, 情況如下：

1) 一對男女從時鐘酒店相聚後步出 (九龍塘頗多時鐘酒店)
2) 幾個月後男女決定結婚了 (九龍塘影結婚相)
3) 十個月後嬰兒在醫院內呱呱落地 (浸會醫院)
4) 小孩長大了, 該區的幼稚園很出名, 有些還設有 "一條龍" 服務 (小中學直升)
5) 終於捱大了孩子, 目睹佢戴 "四方帽" 畢業了 (浸會大學)
6) 年紀大, 身體差了, 需要長期療養, 又不想打擾後生工作, 決定住進老人院 (九龍塘頗多老人院)
7) 終於敵不過歲月催人老, 要到天國去了, 走的時候, 可隨著自己的宗教信仰, 去選擇在教堂還是庵堂內辦送別會

九龍塘真是一個有趣的地區, 好特別!!!

唐唐請食糖

尋日我地的 "財爺" 公佈左佢任內最後一份的財政預算案, 由於有龐大的盈餘, 因此決定 "還富於民", 仲同 "中產階層" "共富貴" 添。

對於薪金微薄的我也有所受惠, 包括免兩季的差餉、提高進修學費免稅額等等,。

至於新生嬰兒該年度可額外獲得五萬元的免稅額, 此舉確實有助提高 "出生率", (因為能夠減輕準父母的財政負擔) 我好開心見到政府終於用行政措施來配合國民的行動, 而不是只用口的呼籲國民生育。(記得較早前曾特首公開呼籲國民 "生三個") 今日他們有改善, 亦是一個好的開始。祝願香港人人 「今年勝舊年, 人人心想事成」

桃花燦爛人人愛

o甘大個女, 今年第一次買桃花插來過新年, 因為朋友剛轉職 (新工種), 需要多 D 的桃花 (人緣), 對事業有幫助, 我又可有時 "黐" 一下 "桃花運"。(上去打個轉)

小時候見到桃花都好開心, 因為其顏色鮮艷, 令人有喜氣洋洋的感覺, 但礙於它的體積太大, 一般小家庭 (客飯廳面積細, 難以容得下), 今年幾經辛苦揾到一棵 "迷你版的桃花", 價錢也不便宜喔! $138 (已講價), 希望今年真係 "順順利利" 啦!

另外, Ching Yi Ma 家中的大桃花, 勁靚呀! 而且仲有好多小花蕾還等著開呢! 明年也要托她幫忙揾一棵靚靚的 "迷你版桃花" 先。

新年美食

每年的新年糕點, 總離不開蘿蔔糕、芋頭糕、年糕、瓜子、開心果等等, 有無一D 新意思呀? 有………… 哩個新年, 無人夠我食得招積, 除左大時大節食好D 的 “鮑蔘翅肚” (我食勻左鮑蔘翅 – 鮑片、海蔘及魚翅)外, 仲有以下的特別美食：

1) 招招積積的消夜, 說說有一晚食完打邊爐 (泡菜鍋底) 後, 晚上的特備消夜是：登…登…登…登…”日本長腳蟹”, 購自吉之島的魚生櫃位 (在日本空運之前已煮熟), 味道鮮美, 價錢尚算合理 ($78/隻), 大時大節用來慶祝也不錯喔!


2) 極之溫暖的愛心晚餐 (下圖左) 及愛心便當 (午餐) (下圖右) , 話說新年前, 朋友買了幾本烹飪書 (有中湯、西湯、意大利粉和海鮮製法的書), 昨日我地一齊去買材料, 炮製左幾款食品：包括有

a) 意式字母(粉)雞湯 (愛心晚餐 及 愛心便當)
b) 白汁煙肉磨菇意大利雲吞配薯蓉 (愛心便當)
c) 雜菜磨菇螺旋粉沙律配意大利沙律汁 (愛心晚餐)

味道梗係.....勁正啦!

忙碌的新年

哩個新年過得好開心, 仲學識左一樣o野, 就係千萬不要祝賀別人「新年快樂 (快落」, 要用「新年進步」來代替。(阿 Be 的同事教的)

今個新年也特別充實, 忙到連用電腦或上網的時間都沒有。我試過兩日走六場的拜年紀錄 (累死了), 但很開心, 可以和好多久不見面的朋友相聚。又有兩日去打哥爾夫球 (每次一小時的練習場)、一日打桌球 和 一日去 Physical 做運動, 以消耗因我放肆狂吃所增的脂肪。

今日是第一個工作天, 已經懶洋洋的我拖著魂不符體的身軀上班去, 心內想著的卻是家中溫暖的睡床。幸好的是, 今天放工後又有兩天假, 哈! 哈! 哈!

年....又過年, 大眾歡樂????

就快過年啦, 唔知大家需唔需要拜年呢? 小妹多年來在初一初二都會外出拜年 "豆" 利是, 今年也絕不例外。

每年一到E個時候, 我最怕幾樣o野:
1) 街上超級多人, 好擠迫, 尤其是公共運輸工具上, 往往出現糾紛。(人多之餘, d賀禮又大件, 人們不守秩序, 互不相讓)
2) 超市內人頭湧湧, 特價貨品被搶購一空 (新年賀禮), 禮物包裝的隊伍, 亦要排到好長, 有排等。
3) 極度無聊的賀年電視節目、 賀年遊戲、賀年歌曲、賀年廣告 (最深刻的係由細陪我成長的"美源髮彩, 恭喜大家發財")
4) 百無聊賴, 因為好多店舖都休息, 要年假過後才啟市 (而家d大型商店仍會照常營業), 想外出逛逛也是徒然。
5) 外出食飯 (即使係茶餐廳), 也要被加二、加三小費 (在年初一至初二), 唉!!! 趁火打劫也。
6) 一到過年時候, 自己該月的財政預算亦要勒緊d, 因為要多比長輩"買o野食", 同埋要買賀禮呢! (好彩的係仲 "豆" 緊利是, 唔係 "派" 咋!!! :P)

你地對過年又有什麼體會呢?

有食神

小妹哩排好有食神, 因為臨近農曆新年, 遇上好多的 Annual Dinner 同埋 “做節” 的飯局呀!

3/2 是嫲嫲家的“做節” 的飯局 (因返學, 錯過左)
7/2 是自己公司的 Annual Dinner
8/2 是客人公司的 Annual Dinner (全公司出席)
11/2 自己家的“做節” 的飯局
13/2 慶祝 “情人節” 的飯局
14/2 同事生日午餐飯局, 生日蛋糕 (下午茶), 晚餐和另一位 “情人” 慶祝 (舅父)
15/2 另一位客人公司的 Annual Dinner (全公司出席)

嘩!! 驟眼睇都知道未過年, 已經會 “肚滿腸肥” 啦, 仲未計算新年的 “糕點” 在內添! 點算?? 唯有做多兩 part 運動, 跳多兩 part 舞, 同埋唔駛飯局時, 食清淡d 啦。

*PS: 我明顯的已感到自己的面頰 “脹卜卜” 了

回憶分享 & 三級謎題

最近聽到了一個久違左的名稱 「CYC」, 全名應是 「Community Youth Club 公益少年團」, 哩個組織係以前讀書時期的獎勵計劃, 目的旨在讓青少年參與一些社區, 又或是義工活動, 用績分去鼓勵同學們去參與活動, 集齊若干績分, 便可以換領唔同的襟章。

仲記得我中三時曾是該組織的文書呢! (因為當時並不太多人識 "倉頡輸入法", 而我趁暑期, 在我爸的鼓勵下, 買書一齊研究、自學), 其實工作很少, 只係間中打活動通告, 張貼在學會的壁佈版上, 同埋要定時參予 "幹事會議", 當時的幹事同學可獲贈 「精美襟章」一個, 以作獎勵, 我都係因此才應承做 "文書" o甘沉悶而沒趣的工作, 頑皮的我連學會的名也改成 「攻擊少年團」呢, 真好笑!


另外, 我想出一個謎題比大家, 不過三級的, 係我見到個答案, 忍唔住想比哩條題目 (因為幾攪笑)
謎面: 男士最怕的 (猜一條路的名, 提示: 名是三個字的, 路在九龍區)
有興趣的就估下啦!

發花癲

自問唔係一個好有情趣的人, 但每逢節日, 均鍾意攪下佈置, 而且得閒就鍾意在室內插d鮮花, 令屋企有d生氣, 人都會舒暢d, 當作係氹o下自己。

上週六, 早左出旺角, 趁未夠鐘返學, 先去花墟逛一圈。

嘩! 臨近新年, 真係「人山人海」呀! 仲要一街都擺滿鮮花, 最多的是水仙、 銀柳、菊花同埋 “五福臨門”。 老實講, 我並唔太欣賞“五福臨門”, 我覺得佢一舊舊的, 好肉酸, 好醜怪!

今次我的收獲係附圖 – 石竹 (KK 最鍾意哩種花), 而我就喜歡插 “小黃菊” (原來又稱富貴菊) 同埋 “香水白百合”。

尋食記

尋晚放工約左 KK 同 老頑童去揾食, 試左一間由 I 同事介紹的 “三小姐海鮮小菜館” (位於大埔市政大樓 2/F 熟食中心)。

我o地三個人 order 左
1) 籠仔糯米蒸羔蟹 (招牌菜之一, 幾有特色, 附圖)
2) 雞油豆苗
3) 京都骨
4) 兩碗白飯
5) 一個外賣盒 (食唔晒, 打包, 唔好o徒)
埋單總共 $151, 算係 OK 啦!

值得一讚的係D 餸 “碟頭” 夠大, 味道也不錯, 略嫌 「京都骨」 D 肉 刃左D, 「籠仔糯米蒸羔蟹」好足料, 有三隻小羔蟹, (此餸幾特別, 外面不常見), 飯內亦有蝦米等其他材料, 略嫌鹽左少少, 相比之下, 「雞油豆苗」最好食, 唔太老。

眼見都幾多人 order 椒鹽鮮魷、海鮮什菜煲、金牌雞等餸, 雖然怕熱氣, 但下次我都會去試下 「椒鹽鮮魷」先。

嗜賭的女人

哩幾日在街上碰見到幾個 "嗜賭的女人" (並沒有 "性別歧視" 成分)

例子一：上週六, 在街上見到 "一家三口" 在回家途中, 媽媽向小學的兒子說：「你要揍夠一索、九索、一萬、九萬......... 才可以食到十三么架, 此乃麻雀中 "至勁"的, 對吧? 爹地」, 男人點頭和議：「係呀! 重要無人可以截到你糊添」。

我心想, 該小朋友只不過是小學生, 教他打麻雀是否過早? 雖然我都認為如果真係要學打麻雀, 由父母教佢比較好, 以免被人呃, 亦可在家訓練佢的 "牌品", 將來出來社會工作, 也許有需要交際應酬, 但不宜作賭博之用。


例子二：今早在尖東火車站, 碰上四名女士一齊坐接駁巴士到中港城, 果幾位女士一上車, 已不斷大聲講o野, 動作亦十分 "丫榨" (一個人坐兩個位), 而且非常性急, 不斷重覆：「o甘耐都未開車架, 早知行過去無o甘嬲............ 唉! o甘塞車, 早知坐地鐵過中環啦!.............我上次坐果隻大船都好正, 又有得食, 又有得瞓, 好過去賭場呀!」, 期間, 一名女士致電佢丈夫：「我今日約左朋友去旺角行街、打牌, 唔知玩到幾多點, 你攪掂阿仔今晚餐飯啦, 我電話無電啦, 唔講 lu。」收綫後, 另一名女人話：「我尋晚一早同就同老公、仔仔講左, 阿媽要去玩天光, 叫佢地食自己」。

其實小賭可以怡情, 但係沉淪的嗜賭, 卻叫人覺得婉惜，因為佢地除左金錢的損失外, 仲有和親人相聚的時間同埋關懷, 甚至迷失本性, 何不用哩 d 時間同金錢去做更有意義的事呢? 早一排電視的 "賭場風雲" 有一句說話好啱 ─ 苗橋偉所講：「女人爛賭的樣, 真係好醜」 (因為無氣質, 面上只有一副貪婪相)

但願各位女性警惕的提醒自己。

新年新景象

剛剛的週末, 完成左一個大 project, 就係 「新年的裝飾佈置」 同埋 「幫魚缸換上新景象」











今年的新年佈置比較簡單同 「清清地」, 價錢只不過是 $9, 好抵, 又可以靚返一頭半個月 lu, 期待新年時, 也買些鮮花作室內裝飾 (不過要先執執屋)。












由於魚缸養 "水草" 的關係, 所以水草泥需要一年更換一次 (全換, 否則不夠養份供應水草生長), 所以我和阿 Be 趁機重新設計魚缸的場景, 他將水草用魚絲 "植" 上去 "石春" 同 "沉木" 上, 我重特登買了紅色的水草賀年呢!

小魚好似幾享受新環境, 不過由於我o地製作需時, 有兩條小魚因為忍受不住o甘長的等候時間, 覺得好悶, o係外面的水盆 "玩笨豬跳", 壯烈犧牲了, 善哉! 善哉! (雖然傷心, 但唯有安慰自己, 舊的不去, 新的不來吧!)

KK 的 "暗語"

尋晚落堂後, 同 KK 行左一陣街、 揾o野食, 再返屋企。 大家都知道 "旺角" 人多車又多, 一條好短的街, 有時都要迫好耐先行完呀! (人多擠迫) 。 哩排天氣寒冷, 街上不時見到有人著住 "臃腫大褸", 活像一個 "米芝蓮" 公仔般。

o係我地閒逛期間, 前面正有兩個"米芝蓮"阻住去路 (還要打橫"霸晒" 成條路慢步呢!)
KK 忍不住嘆了一句：「唉! Snow Man (雪人)」
我回應說：「你想說 Slow Man (慢人) 嗎?」
佢話：「醒喎! 正有此意, 不過廢事講得 "太揚" 被人打呀!」

哈!哈!哈! 我地之間的默契又再昇華啦。

在火車站回家途中, 又碰上了"米芝蓮", 不過哩位人士比之前的兩位行動快左少少, 兼無 "霸晒" 成條路, 唔知可唔可以叫佢做：Snow Ball (雪球) /Slow Ball (慢球) 呢? (因為 "球" 滾得快過 "人")

迷 “宮”

啱啱睇完一套韓國的連續劇 “宮”, 從此不能自拔, 令我愛上左哩套戲內的種種, 首要的當然是戲內的男主角 “信皇子” (韓星 “朱智勛”- 最左邊果位)。


哩套戲的好睇之處係：
1) 製作認真, 遠赴泰國及澳門拍外景
2) 4 位主角均年青貌美, 令人賞心悅目
3) 男女主角每次出場均用左唔同的服裝配搭及不同做型, 尤如睇緊有劇情的時裝 Show。
4) 配樂好正
5) 劇情緊湊, 有張力, 令人好想追看

阿 Be 都同我一齊追劇集, 吸引力可想而知啦! 我會向身邊的朋友推介哩套劇架!