廁所內的笑話

廁所內 - 廁格 "爆棚" (全部有人在使用中), 因此我在排隊 (我前面已有一人在排, 和正在使用廁所的人對話)

女生 A (正在使用廁格的人): 你知唔知呀?? 我呀.......真係好有勇氣架!
女生 B (露出抓晒頭, 唔明白的樣子): 哦.......係咩?
女生 A: 係呀.........你睇o下! 我有勇氣去 "沖廁" (和 "衝刺" 為諧音, 其時廁格傳出沖廁的聲音)
女生 B (無奈苦笑): 快 D 啦, 唔好玩呀, 有人在排隊等廁所
女生 A: 我仲有勇氣去 "丘褲" 添, 嘻嘻............

我心諗 "o甘都得"??

龜兔賽跑的人生

自問及自知......根本不是讀書的材料, 雖然每一次考試前也 "扮作認真" 的溫習, 奈何現實的平時卻.......太懶, 疏於溫習自修, 平時甚少主動拿起書本來讀 (應付考試及做功課除外), 基本上o甘的 "懶" 學生, 一考完試, 知識便立即交還比導師啦! 在我心中: "佢" 唔配擁有好成績及專業資格。

最近因為某 d 原因, 我感到事業上可能出現轉捩點, 所以過於安逸的我, 開始 "反思" 自己的前途, 想一想再衝刺的 "踏腳石" 夠嗎? 企圖在工作的專業範疇內取得更進步的資格。

"可能" 揾工在即, 所以特別留意自身擁有的學歷 可被 哪個專業團體承認 (快快去補發資格証明書, 好等候選僱主對我更有信心),假若而家修讀的學位課程畢業後, 可在某國際專業學會取得豁免專業考試 9 張試卷 (共 14 張試卷, 可惜該學會未能在本港執業, 香港另有別的專業學會, 入會門檻難度更高), 而家仲 "心大心細" 考慮緊仲繼唔繼續考專業試, 以取得更好薪酬待遇 及 更高的專業資格?

唉!!! 明明記得當初修讀商科時, 講明了並不打算修讀專業學會資格考試, 因為嫌修讀時間長, 過程辛苦, 學費又昂貴,估唔到而家卻會...........開始考慮了! 也許人生就似 " 龜兔賽跑" 一樣, 別人從開始到現在也是一隻脫兔, 計劃周詳的已經越走越遠了, 而我從開始至今仍是一隻 "超級漏氣的烏龜", 整天對前路迷迷惘惘的, 而家仲在人生路上 (事業上) 爬爬o下呢!

也許有時候, 人不用考慮太多 (計劃太周詳), 適當時機來臨時, 一切都有可能!

嘩.......好大條呀!

前幾日一早飲完茶, 同媽媽及 KK 去左逛街市, 睇o下今晚食 mug 好餸先??

點知路過海鮮檔, 見到它的外殼十分巨型, 而且內裏的 "肉" 還不斷的伸出來, 像在招攬我地 "買" 佢回家一樣, 結果買左 13 隻 "超級巨型的聖子皇", 盛惠 $130 (平均 $10 / 隻), 它的尺碼足足長過我隻手, 你睇幾o甘厲害!!

晚飯時, 我地用豆豉及蒜茸開邊蒸 4 分鐘, 爽口有口感, 而且肉質鮮甜又大隻, 令我口腔內十分 "豐富" (無位容得下別的東西), 一個字............."正"!!! (好好味呀), 我仲加料買左 "半隻正宗的燒鵝" ($100 / 半隻), 同飲靚紅酒 ($80 / 支) 添!

E 一餐係慶功宴來的, 慶祝上次考試 (成績滿意), 而且一家人又齊心事成, 貴少少都抵!

紅豆乳豬, 南瓜雞 同 馬豆雞

朋友的精品甜點店開張, 星期六返學前先到店內參觀, 新店攪得有聲有色, 其中最難忘的就係佢地整左 "紅豆乳豬, 南瓜雞 同 馬豆雞"

即係用 "紅豆糕" 整成 "乳豬的形狀, 以 "南瓜糕" 整成 "黃油雞" 的樣子 (我覺得此款最神似), 再以 "馬豆糕" 整成 "白切雞" 的樣子以慶開業, 外形幾可亂真, 既可愛又有得食!!

不過因為今次 "為意頭" (開業的), 所以只可遠觀, 不設試食, 欲知味道如何, 日後去幫襯一下就可以了!

我係 "柒頭"

星期五傍晚學校網頁放榜啦.......

星期六同學們一返學, 大家碰面時的 "指定動作" 就係 "互相問候", 對話如下:

同學 A: 咦.......你 check 左成績未呀? 考成點呀?
同學 B: check 左啦, 你呢?
同學 A: 我得 6 字頭咋, 你呢?
同學 B: 我都係喎! 你係 "頭", "中" 定係 "尾" 呀?
同學 A: 我係 "中" 囉, 你呢?
同學 B: 我係尾.....
同學 A: 嘩........厲害喎! 高材生呀!

以上的對話都有出現在我身上, 結果..............我被同學尊稱為 "柒頭" (因為我係 73 分, 和上一個學科同分, 全靠 lucky foot 的 KK 同 爸爸的 give me five 咋!! )

** 俗語的 "柒頭" 即係 = 傻仔 的意思!

希望我 E 個 "傻仔" 可以以平均分 70 分以上的成績畢業, o甘樣就可以取得 "第一級" 的榮譽了!

我的靚仔新歡

話說我的手提電話 Nokia 5800 好曳曳、唔聽話, 通電時聽筒時大時細聲, 有時甚至細聲到聽唔比人地講野, 最終我在 7 天內免費更換了一次, 又去 Nokia 維修店整過 3、4 次。

其實按比例它只用了半年左右, 已經o甘多次維修紀錄, 仲要未能根治問題, 於是我把心一橫狠狠的撇下它, 趁它現在的回收價仍然高企, 一於補錢去購買一部 LG 的 KM900 先 (如上圖同型號)。

KM900 出左名酷似潮流手機 iphone (抄足個款), 不過卻係 "廉價版", 外貌簡潔、功能多、而且尚算易用, 而家仍在學習中, 希望快 D 習慣啦!

大家覺得我的新歡靚仔嗎? (希望它有 "本心", 唔好學似 Nokia 5800 o甘曳曳)

放榜日, 大件事

2009 年 7 月 3 日係我的「大日子」, 因為係我上學期考完試 "放榜" 的日子, 前一晚我非常緊張, 仲特意的向家人宣佈：「好緊張啊, 明天係我上學期放榜的大日子呀! 你地會支持我架呵?」

結果........我老爸十分慷慨的借出隻腳：「我同你 give me five 啦, come on.....」

我：「嗄..........」唯有硬住頭皮 (見佢o甘熱心, 唔好意思拒絕佢的 "一番好意") 「你睇o下.....圖中的腳係..............如此可愛的啊! (佈滿腳皮厚繭的)」

為左成功取得高分, 我唯有.........同佢 give me five 啦......之後立即「洗手」!!

好希望可以取得 70 分以上啊! 好緊張呀!!! (已經叫左有 "lucky hand" 之稱的 KK 幫我明天入網頁查成績), 點之佢..........仲毒!!!! 竟然要我 「give me ten, 仲話：講左唔做唔老黎!!」, 唉...........我唯有......."焗住做啦"!!! Oh..my...god!!

我覺得......我好慘啊!!!

** 放榜結果要等待到香港時間下午 5:00 才知 (倫敦時間上午 9:00)

書友仔

每個時代都有一套屬於它的語言 (潮語 - 當時潮流的語言), 而 E 一 D 的語言, 有時好無題 (如: 屈機), 有時卻可以反映該時代的特性。

比如以前的 「囂張」= 我代的 「串 」 至現代的 「串咀」一樣。

我喜歡叫一同學習的人為 「同學仔」, 因為「同學」係屬於我長大的年代的名詞, 加上一個 「仔」字, 感覺 "後生" 一點、"活潑" 一點。

忽然記起我外婆喜歡叫 "同學" 為 "書友", 因為在佢那一代, 讀書非常難得, 有緣一起讀書的人, 關係不只 "一同學習" o甘簡單, 而且仲係 "互相幫忙" 的好朋友, 所以稱為 「書友仔」。

王家沙

早前同 KK 去左九龍塘又一城的 "王家沙" 食晏, 不過礙於身體作病, 所以要食得清淡一點, 唔敢食熱氣辛辣o野!

我地點左:

1) 蘇式肉餡小籠包: 由於等上菜太耐, 超肚餓, 所以頓覺美味

2) 上海菜肉水餃: 味道一般,唔待別!

3) 三鮮炒年糕: 清清地, 材料頗多, 幾好味!

前菜、茶芥連加一大約 $140, 帶住 "滿足" 的心情上學去。

死都唔得安寧

常言道：「人怕出名, 豬怕肥」, 人一出名, 自不然名利雙收, 而失去的卻係私隱同自由, 生活上在公在私也要在鎂光燈下被放大, 自己的一言一行縱使小心處理, 亦難以逃過被 "有心人" 作大被屈的處境。

名人一死, 一切不是灰飛煙滅o甘簡單, 而係被人翻舊賬, 被作故仔誣蔑, 講到尾.......都不過係 "錢作怪"! 如果名人只係有名, 而無身家留低, 還會有o甘多人為佢而 "生安白造" 嗎? 你睇o下身邊的名人死後有什麼下場.......

新馬司曾: 死後家人為爭奪身家, 攪到子女和母親對簿公堂
梅艷芳: 早知道母親 "大花筒", 所以一早成立了基金及遺囑, 可惜有人仍不滿足, 多之入禀法庭要求多一點金錢
龔如心: 死後被訴說 "包情夫", 還被肉緊的作供 "為情" 而玩遊戲 (挖洞)、甚至肯付出一切之金錢作為代價 (饋贈金錢於情郎)
米高積遜: 雖然死因仍然成謎, 但報章的頭條卻說：「米高積遜遺體, 擬塑為展品示眾」 真係人死都不得安寧啊!

人們可能基於 "擁戴" 名人的心態, 才會在佢地死後再作那麼多的事, 但係.......佢地 "在生" 時已經付出夠多、夠累了! 請大家在佢地 "死後" 放過佢地啦!!

石火燒

某天放工約了友人去尖沙咀「石火燒」處晚飯, 那處係專門食日本美食的, 有刺身、串燒、石光燒、飯麵及飲酒等等。

由於我地唔太肚餓, 只旨在食少少野, 傾o下計, 結果點左:

1) 煙肉香蕉 ($18): 那處的特色推介, 美味的煙肉包住又香又軟又熱辣的香蕉, 口感複雜, 好美味啊! 日後自己 BBQ 時都可以試一下啊!
2) 牛脷 (25): 特色推介, 睇落似 "鵝肝", 口感好爽, 超美味!

3) 煙肉廣島蠔卷 ($23): 廣島蠔既細隻又腥, 好失望!

4) 太子貝 ($15): 好似燒帶子o甘, 唔特別!

5) 墨魚 ($15): 味道一般, 唔特別!

6) 秋葵 ($10): 用火燒秋葵, 又幾好味喎!

7) 牡丹蝦刺身 (蝦頭另炸) ($45 + $5): 牡丹蝦刺身肉質好彈牙, 價錢略貴, 炸蝦頭香口美味!

8) 石火燒羊鞍 ($78 / 2件): 肉質幾嫩滑, 肉汁又豐富, 而且醃得羊肉一 D 都唔酥。

9) 枝豆 ($25): 味道一般, 唔特別!

10) 雞軟骨: 味道一般, 唔特別!

11) 煙肉露荀: 味道幾特別, 值得一試!

12) 茄子: 味道一般, 唔特別!

連飲品及加一共 $500 幾蚊。店內油煙頗大, 客人 Order 多時都好澀眼, 而且味精頗多, 食完都幾口渴。

她比煙花寂寞

記得以前睇過一部戲, 還是一本書, 名叫「她比煙花寂寞」, 內容講什麼已經唔記得了, 只記得劇目 / 書目有一點點特別, 帶一點淒怨的感覺。也許自少多愁善感, 所以對它感到額外的親切。

人類是群體的動物, 總需要別人的認同, 才得以群居、交流。當人慢慢長大的時候, 竟發現......."知己" 原來真的難求啊! 因為在體面的包裝之下, 你已經不懂得再分辨人心, 難以像小孩般坦率相處, 開心唔開心全部都寫在面上, 亦唔怕得罪別人 (初生之犢啊)。

久而久之.....自我保護的圍牆築起了, 你在內裏感到安靜自在, 誰知別人總覺得這有點不妥, 究竟該繼續忠於自己的感覺, 還是該順應別人的好心忠告呢?

迷惘、疲累 (尤其是精神上)......不知點算好 ! 其實低調不想講野會等於情緒病麼? 還是患上了什麼 "社交恐懼症", 也許來一個悠長假期, 所有問題便會迎刃而解了。

有時候 "人" 並不是比煙花更寂寞, 而係想遠離塵囂, 放下俗務, 享受一個人獨處的時光, 靜靜的想一想將來, 輕鬆一下吧!

我討厭

我討厭

1) 天氣整日都濕笠笠, 空氣中佈滿沙塵等污染物
2) "有心人" 裝 "無心人", 令人整天活在防備之中, 以防 "被人跣"
3) 人們太過主觀, 動不動就否決別人的觀點, 還用上難聽的說話
4) 世上紛爭太多, 和諧太少
5) 因為要顧及 "大體", 經常要包裝 (屈就) 自己去成全別人
6) 活得不自在, 因為慾望太多, 而行動太少 (懶~~)
7) 無病呻吟, 有病的卻堅忍的強撐著
8) 經常當 "得到" 的為 "老馮", 不懂得珍惜、感恩和知足
9) 為了自己一己的私慾, 而踩別人膊頭上位, 又或者有人為事業而嫌棄家人 "陀手勒腳"
10) 常活在過去, 無力去開展未來

如坐針氈

一生之中, 人們用上了多少時間在 「等待」上面呢? 如: 等 lift、等車、等位食飯、等朋友

在此金融海嘯之下, 還衍生多一樣野, 就係........「等被裁」 多諷刺啊!

有時候, 人們寧可 "事出突然"、速戰速決的, 總好過像有預知般, 只等待 "不明的時間" 來臨, 然後像被判刑一樣被人處置, 那種等待被處置的心情, 就像等別人擺佈自己的生還時限一樣, 尤如坐針氈, 感覺絕不好受。

這些時候, 通常身邊又會出現很多流言 及 小道消息, 訴說著公司的前景、被裁名單 (人們自己的分析) 等等, 令人更加心煩意亂, 有時甚至會煩躁不安。雖然說 "做果行嫌果行", 同一道理, 大部份員工都唔喜歡自己的公司, 只係尤如擁有 "雞肋" 一樣 (食之無味、棄之可惜), 亂世中, 大家都不敢斗膽貿然的離職, 既怕短時間內揾唔到工, 又怕新公司更刻薄, 再怕薪金被壓榨、福利又要重頭計算等....

總之無論結果如果, 被裁的不一定慘 (也許有另一方面的發展), 留下的亦不一定好 (也許做到死, 仲慘過以前)! 聽天由命, 睇上天的安排、自己的造化吧!

印度的 mug 東東?

早前睇文章知道用 Henna 粉 (指甲花粉 - 印度特產) 來染髮 (黑啡色遮蓋白髮), 有效之餘, 又唔傷頭髮, 因為它係純天然草本製的, 於是四圍打探在港邊處有得賣, 以便幫媽媽染髮, 圖中的售 $20 / 200 g(重慶大廈地下的印度雜貨店有售)

用法 (染髮):

http://hk.myblog.yahoo.com/jw!2ZL6DOuBHhYTY6z4PHH.X_Dk/article?mid=247

1) 用濃茶或咖啡將 Henna 粉, 以 1：1 的方式調開至少 3 個鐘 (又或者隔夜, 不要開得太稀爛)
2) 用梳逐少逐少的將顏料漿染上頭髮, 留在頭髮上 2-3 個鐘 (停留時間越耐, 顏色越便深)

3) 以清水及洗頭水洗頭

另外它還有別的用途架, 就係印度傳統的 Henna 紋身 (Mehndi - 曼海蒂), 相傳印度新人結婚前夕, 男女雙方都會在手上作此傳統紋身, 喻意踏入人生的新階段, 顏料越遲甩色, 婚姻就越幸福 (因為唔駛做家務)。坊間都有唔少網站教人作此紋身架! D 圖案真係好傳統好靚啊! 圖中唧筒裝的 Henna 顏料漿 (已混和) 包裝簡單 (無列明容量, 估計大約 30 g) 賣 $14 / 支

用法 (紋身):

1) 用水將 Henna 粉, 以 1：1 的方式調開至少 3-4 個鐘

2) 將顏料漿放在唧形的袋內及扎好袋口 (用時才剪開唧咀位置)

3) 在需要紋身的位置唧上顏料繪畫圖案

坊間相關的網址(紋身):

http://hk.education.nextmedia.com/index.php?fuseaction=Article.ViewSpecialCoverage&articleID=4664895&issueID=20050318

http://www.wretch.cc/blog/candyzoo/18035675

http://hk.myblog.yahoo.com/meilleurami2008@ymail.com/index?l=f&id=4&page=3

我係 「清水美弥子」

朋友介紹了我這一個網址, 輸入你的中文名字, 就可以睇到翻譯出來的日文名 (當然唔係正宗架啦, 玩o下啫.....不要盡信)。

http://rumandmonkey.com/widgets/toys/namegen/969

原來我係 「清水美弥子」

"清水" (clear water) 不用解釋吧, 而 "美弥子" 就係指三月出生的漂亮小孩 (beautiful march child)

日文名: Shimizu Miyako シミズ　ミヤコ

請大家多多指教呢!!!

大眼貓貓結婚去

之前整左一對 Pair Pair 貓, 後來經過 KK 的一番修飾同打扮之後, 佢地化身成為了一對 "大眼的貓貓", 仲一齊結婚去添, 你睇!!!!!!!!!! 好 "卡娃依" (可愛) 呀........ (我鍾意佢對眼夠晒 "精靈")

少女香奈兒

Chanel (香奈兒) 馳名的國際大品牌, 以簡約及優雅的風格而聞名, 原來......品牌創辦人有著不為人知的過去。創辦人乳名為 CoCo, 和姊姊被父親拋棄在孤兒院, 在院其間學懂了裁衣縫紉等技術, 加上天生對時裝的敏銳觸角, 令佢踏上創業之路。

在佢少女的時候, 有兩個影響佢一生的男子：

1) 法國的將領, 天生的二世祖, 有錢卻待 CoCo 為一件玩物, 有時要求佢像日本技藝般服侍自己, 以滿足自己的控制慾, 又會當著眾人面前奚落 CoCo, 不顧佢的面子, 就像只要比得起錢, 就可以隨意的玩弄 CoCo, 亳不用考慮佢的感受, 他和她之間, 仿佛只是賓主之間的交易關係, 一切都係條件、利益掛帥。

2) 英國商人 (1) 的朋友), 因為家族婚姻關係, 使他即使愛上亦不可能和 CoCo 成為一對, CoCo 成了對方的情婦。商人對 CoCo 十分慷慨及照顧, 亦真心的尊重佢感受, 欣賞佢的才華和眼光, 鼓勵佢創業, 甚至資本上支持佢, 最終卻遭逢橫禍離世。

雖然片中講述時裝的章節不多, 在男女關係上著筆多一點, 不過睇完戲卻令人有一點反思：

1) 選擇伴侶, 最重要係懂得尊重你, 而不是只著重你去滿足佢
2) 在愛的大前題下, 包容是很重要的, 佢總會找個角度去欣賞你所作的
3) 雖然有人相愛而不可愛, 但卻令佢地之間的愛情更覺淒美
4) 當你只顧去愛自己所愛, 忠而自己感覺多於世俗的名份 (不介意無名份), ,可惜卻不一定會得到好結果
5) 雖然你的眼光 (審美) 和世俗的人不一樣, 有時原來你的執著堅持, 用心去做, 最後會得到別人的肯定
6) 女人通常在愛情重傷之後, 才會夢醒, 在事業上發奮圖強

劇末時的時裝表演, 一次過展出多套 Chanel 的優雅時裝, 好靚啊!

父親節, 食屎忽.......(seafood)

今年的父親節原定了正日 (我返學走堂) 帶同姪仔及父母去郊遊, 我和 KK 還一早搜集了資料, 只可惜........天公不造美, 碰上了作打風的炎熱悶焗日子, 又怕會有驟雨, 還是選擇室內節目吧!

爸爸臨時臨急的食欲興起, 多得有大哥大嫂的落力安排下, 得以順利完成其心願, 我想幾位父親大人 (爸爸、舅父、哥哥) 也應該高興吧!

我地中午先聚在一起午餐, 餐後去街市搜購海鮮, 然後去大哥家中和姪仔遊玩、瞓晏覺, 晚上入流浮山 (海景酒家) 食海鮮, 盡興而歸。 我地的餐單有：

1) 豆腐鮮魚時菜湯 X 2 窩 (酒家送的) - 幾好味, 其實該送 1 窩, 不過侍應攞多次, 我地又飲多次
2) 清蒸鮑魚 10 隻 - 蒸完出來都好大隻 (無 mug 縮水), 幾鮮味, 如果有陳皮蒸更好!
3) 蒜茸粉絲開邊蒸象拔蚌 10 隻 - 蒜茸粉絲夠惹味, 象拔蚌又夠鮮!
4) 豉油皇蝦碌 1 斤 - 好好味, 肉又夠彈牙, 只係略咸!
5) 豉椒炒花甲 2 斤 - 無 mug 特別, "無沙" 值得一讚!
6) 薑蔥炒膏蟹 (近 2 斤) - 比想像中多膏, 但係略散, 好難夾起食
7) 清蒸老虎斑 (近 1.5 斤) - 既滑又有魚味, 一個字 "正"!!!
8) 雞油灼生菜 - 唔特別, 略細碟 (加餸)
9) 招牌炒飯 - 唔特別, 略細碟 (加餸-幾乎食晒才記起未影相, 哈哈!)

海鮮買料大約 $650, 另外酒家來料加工、加餸 及 酒水共約 $800, 總數都唔駛 $1500, 算係一餐豐富開心的海鮮夜啦!

素食一家

原本打算和友人到太子始創商場內的「大自然素食」晚餐, 只可惜人太多、要等位, 結果我地改去左旺角水務署斜對面的「素食一家」, 打開餐牌睇, 咦..........款款都唔錯, 攪到心大心細添, 結果隨意點了一客二人餐 $98。

二人餐包括:

南瓜海皇翅 (好香南瓜味, 素翅做得幾真, 唔錯)

煙薰鴨胸 (有一陣煙薰午餐肉味, 有咬口)

鮑魚扒時蔬 (素鮑片麻麻地, 生菜 ok, 不過略嫌 "芡汁" 太杰)

菠蘿咕嚕肉 (味道酸甜剛好, 嗅覺上醋味大左少少, 咕嚕肉好咬口)

炒飯 (都幾足料架, 又有生菜絲, 幾飽!!)

最後埋單 $126 (計埋茶芥及加一), 都好好味啊! 睇來我的 "想食牛扒" 的心, 要暫時 hold 住先, 等適當的時機才可實現。