海南島 之 良辰美景

講o下 E 幾日的行程啦..................

10/4 (第一天): 香港 → 深圳 → 廣州 → 海南島 (由於飛機延誤, 到達酒店稍作休息, 閒逛一陣便食中式晚飯)

11/4 (第二天): 跑步 → 早餐 → 沙灘 (曬太陽, 游水, 影相) → 酒店梳洗休息 → 春園海鮮晚飯 (類似海鮮市集 + 大牌檔)

12/4 (第三天): 跑步 → 早餐 → 酒店泳池 及 沙灘 (曬太陽, 游水, 影相) → 酒店梳洗休息 → 芭堤雅泰式晚飯 → 按摩

13/4 (第四天) 早餐 → 酒店泳池 (曬太陽, 游水, 影相) → 酒店梳洗休息 → 廣州 (飛機因天氣延誤) → 深圳 → 香港

唔講o甘多, 睇相先...............

海南島 "跳躍" 之旅

海南島一向令人想起 "陽光與海灘", 今個渡假之旅, 玩得好開心! 我地去左海南島的 "大東海", 全程 "hea 住" 慢慢玩, 你知啦..........當地的渡假設施唔太多, 我地無去過參觀景點, 亦無玩過 "出海" 的水上活動, o甘有 mug 野玩??????

咪就係最原始的 "曬太陽 兼 游水", 可惜沙灘超級大浪, 游不到兩步, 又被浪捲回岸上, 只得 "費力" 二字, 齋曬太陽好悶喎!!! 揾 D 野玩先, 就玩唔駛用 "道具" 都可以影到有趣靚相的 "跳躍" 玩意啦!

你地睇.....o甘我地幾個 "大細路" o甘又玩一餐飽, 仲玩足兩日添, 傻o既!!! 不過睇返 D 相, 就真係好開心, 因為大家 D 表情動作都好好玩, 而且最最最重要的係.................我地出盡力去享受 E 一個玩意同假期丫嘛!!

o係香港好耐都無試過 "跳" o甘多次, 加埋 跑步 同 游水, 攪到雙腿好累啊!!

「東方夏威夷」我來也..........

有「東方夏威夷」之稱的 海南島, 水清沙幼 及 陽光與海灘, 係渡假勝地, E 個復活節, 我就會在當地渡過了

各位, 今日係我出發的大日子, 想必大家也替我高興, 網誌暫時休息, 返來再同大家分享點滴! 唷呵....... 「東方夏威夷」我來啦!!!

"靚靚" 宵夜 慶功宴

終於完成學期尾的大考啦!! 好彩考完試才放 "復活節" 大假, o甘樣玩都玩得開心 D, 好o野!!

之前的溫習進度唔理想 (溫極都唔入腦), 好彩請左兩日大假好好備課, o甘樣才可渡過難關咋! 考試題目比我想像之中 "識答" 得多, 我諗應該 "及格" 呱!

可能因為考試前太緊張, 考完試之後見 "胃痛", 快 D 搵o野食先, 一直以來我都對 尖東的 "靚靚車仔麵" 慕名已久, 因為知道好多藝人幫襯 (牆上佈滿藝員照片), 不過亦知道在此店食碗麵都唔平, 今晚一於食好 D 當作 "慶功" 啦!

叫左:

1) 油麵 $10 (唔特別, 唔知點解o甘貴???)

2) 鮑汁鮑魚菇 $7 (鮑汁唔夠濃, 唔值 $7)

3) 油炆荀 $7 (唔夠熱, 味道麻麻地)

4) 麻辣豬肚 $6 (幾好味, 好香濃的花椒八角味)

5) 蘿蔔 $5 (味道 OK)

6) 可樂一罐 $7

整體來講, 配料款式多, 花多眼亂唔知點揀好, 麵食及配料都唔夠熱, 所以呢..........靚靚車仔麵 "名過其實" 也!! 不過未試過的就一試無妨囉!

年輕的歲月最動人

由於兒童節關係, 令我想起兒時的點滴, 記得細個的時候, 父母親無論幾忙幾累, 週日總和我地幾兄妹一起過, 而且還花盡心思, 帶我地去飲茶同埋出外郊遊添! 兒時的我十分期待週日, 這是我心底中的一個秘密, 從無向兄姊父母表達過

有時候靜下來想一想, 假如今天有幸成為 "別人" 的母親, 我可以做到年輕時媽媽的模樣嗎? 我想不能...........因為我太依賴了, 有些事情不是不懂, 而是太懶, 太依賴父母兄姊代為辦妥, 我自理能力中的底線, 遠比佢地的標準為 "低" (不及格啊!) 常常要佢地擔心啊! 不過..........我知道無論我長得幾大, 在佢地眼中, 依舊係 "長大不" 的 任性小公主, 那倒不如在佢地面前 "安然" 的享有這個特權吧!

"年輕" 往往令人回味, 因為少年不知 "愁" 滋味, 佢地的世界依然純真及 "目光有限", 唔似得社會之中的爾虞我詐, 要處處提防, 有時候, 令人感到 "壓力大" 和 "累" 就正因為我地要處處防人, 要經常戴上虛假的面具, 將 "本來的我" 不斷壓抑, 甚至不敢表達情感, 慢慢的連自己也騙了! (我地係無感覺的冷漠動物嗎?) 可悲也!

少年總帶著一點狂妄, 任性和勇敢, 有勇氣去面對挑戰, 即使失敗了, 那便從頭來過, 從錯誤中學習, 沒什麼大不了啊! 這便是 "年少" 的特權, 因此不要太快被 "歲月磨平" 鬥志啊!

試想想..........若干年後的某日你回想起今日, 其實你而家也是 "好年輕" 呢! 所以好好做好現在的每一天, 別讓將來後悔啊!

現代「宦官」

「宦官」一詞係中學時候從中史科學到的, 通常「宦官」都係一 D 喜歡弄權 而 無實力的人, 又或者係 "歷史中常出現的公公" (太監)

因 mug 解究有人o甘喜歡弄權呢? 分析過後, 發現佢地有以下的共通點:

1) 唯恐天下不亂
- 有人喜歡平淡, 但宦官卻嫌平淡生活太沉悶, 總愛惹事生非, 令佢地的生活添上姿彩

2) 無事忙卻諸多控訴
- 因為 "無實力" 做某些工作, 又或是 "懶" 唔想做正統的工作, 將所有的心神專注去 "挑剔" 別人, 以彰顯自己的 "觀察力" 同埋 "做緊野"

3) 自卑卻又渴望得到注視
- 因為自己 "做正經事的能力有限", 所以感到自卑, 同時又怕 (渴望) 得到別人的注視和尊重)

4) 個性獨家村, 想埋堆卻又唔肯改變
- 因為經常 "攪事", 人人也怕左佢, 佢想埋別人的堆, 卻擺出高高在上的姿態, 要別人採取主動, 稍不合佢意, 便用強權威迫別人屈服

5) 搬弄事非當人情, 講過又唔認
- 「見人講人話, 見鬼講鬼話」係無可厚非的, 只可惜佢地經常加插自己的見解, 隱瞞部份 及 扭曲事實, 再口沒遮攔的將別人私隱當人情 "四圍唱"

6) 有佢講, 無人講
- 民主社會中, 人人有權表達意見, 但對於宦官來講, 佢講的就係 "道理" (命令), 容不下別人的意見, 即使佢地誤會了某些事情, 你也不用解釋, 否則你即係 "駁咀", 總之 "由得佢" 啦!

7) 將自我無限放大, 再將別人的功德縮小
- 一有機會就向旁人大肆宣傳自己做左 "幾多幾多" 野, d 野有幾難做等等, 以顯得自己好勁! 再輕視別人所作的事, 只輕描淡寫的說: "小事一樁", 背後卻 "抄別人的資料" 來用。

8) 從不會錯, 即使係錯, 都係人地錯
- 在宦官的字典當中, 係無 「錯」字的, 即使有問題, 一定係別人的問題, 例如: 佢撞到你, 唔係佢的錯, 係你唔應該出現在佢面前 (被佢撞), 總之講 mug 都好, 一定係你錯!!

9) 情緒易爆煲, 佢一發火你變戰靶
- 你同佢講道理 = 對牛彈琴, 因此在佢氣憤難平之時, 如: 佢工作或私人生活上有什麼不快, 只要不斷的聽佢 "粗聲粗聲的呻" (近乎責罵你), 再對佢的無理要求 以 "哦" 一聲回應, 縱使佢再有不滿, 亦奈你唔何, 只要魂遊太空, 留下你的驅殼做戰靶, 給佢狠狠的炮轟便成了。

10) 公器私用, 專享特權
- 專門取別人著數, 如: 將公家的利益用於自己個人的私務上。 公家訂下的規矩只要你地去遵守, 而自己卻往往像享有特權般豁免, 經常挑戰規矩, 以顯得自己額外高人一等。

望o下你的四周, 睇o下有幾多人擁有 6 個或以上的 「宦官共通點」? 現代宦官 = 小人是也!!

"火間土" 靚 view 伴美食

尖沙咀出名遊客區, 租金貴連帶消費都貴, 要享用一頓 "無敵海景晚餐", 談何容易?? 不過辛苦工作, 偶爾也要 "獎勵" 自己, 今晚一行三人去左北京道一號八樓的 "火間土" 尋美味日本美食, 仲加送 "無敵海景" 同埋 "幻彩詠香江" 添!

我地點左:

1) 自選五款刺身 $168 (三文魚, 吞拿魚, 鱆紅魚, 赤貝 同埋 帶子, 味道鮮甜, 連配菜蘿蔔絲都好新鮮)

2) 海膽一板 $90 (雖然細板, 但 "異常鮮味", 海水的腥甜湧入嗅覺同味覺, 爽...........呀!!)

3) 咖哩炸牛蒡 $29 (牛蒡纖維高, 屬於健康食品, 配以咖哩香炸, 惹味唔油膩)

4) 燒明太子 $49 (明太子即係 "魚春", 用燒烤形式輕烘, 香味濃郁, 咸左少少, 送酒一流)

5) 雜錦串燒 $59 (雞翼, 蝦, 多春魚, 牛舌, 豚肉, 味道一般唔特別)

6) 芝士焗蟹肉飯 $68 (芝士味 "勁香", 引起食慾, 蟹肉好少, 不過好好味, 令人一試難忘)

7) 和風豚肉薄餅 $68 (味道唔錯, 唔會 "漏", 芝士香草惹味無窮)

8) 雪糕 及 雪巴 - 各 $20 (造型特別為美麗的 "玫瑰花", 令人不忍吞下!! 綠茶雪糕唔特別, 紅莓雪巴太濃味, 唔好味! 柚子雪巴一流, 無得頂!)

加埋無敵靚景, 坐得舒服 同埋 殷勤服務, 由於信用卡優惠免加一, 共 $591, 每人唔駛 $200, 都算好合理啊!

生果滋味

哈哈........父母在兒童節當日出發去 10 日旅行, 本來係我 "作反" 的好機會 (自己一個人在家鍾意點都得), 又可以整一 d 佢地平時唔食的野, 可惜..........星期六一早起床唔見佢地 (出門了), 心內竟有莫名的失落寂寞感覺, 而且星期四係 "大考" 的日子, 不得不好好溫習 (唔敢放肆去玩)

溫左一陣書, 入左去 KK 家中, 一邊溫習, 一邊相聚食飯 (有人煮比我食, 好野!!), 同埋想利用 KK 去監督我溫習 (在別人家 不得胡作非為 -- 想瞓就瞓) 我地仲買左 D 新奇的生果試食添! 分別有 "袋裝黃李 " (產自南非 $10.9) 同埋 "迷你奇異果" (產自紐西蘭 $10.9)

"迷你奇異果" 外型得意討好, 味道香甜, "袋裝黃李 "貌似布冧, 香甜不足而酸有餘, 總算試過新品種的生果之味啊!

劃時空的兒童節

4 月 4 日係小朋友的大日子, 因為 "兒童節" 是也

生於 7、80 年代的我, 小時侯社會樸素, 物質無而家o甘豐裕, 加上父母個性慳儉, 我地三兄妹一箱玩具 "玩足好幾年"

仲記得有一年兒童節當日晚飯之後, 父母帶我地三兄妹去屈臣氏, 限每人選購一份玩具 (當然有金錢限制啦, 唔記得幾多錢了), 然後要 "乖乖的" 早些睡, 明早才可拆玩具玩, 那時候已經足夠我樂幾天了

今時今日小姪子出生的世代, 由於社會上奉行 "一個起, 兩個止" 的生育模式, 當一有 BB 出生, 人人也爭著愛錫, 每人都不時送上零食及玩具, 成人要在"兒童節" 要送上禮物, 真的 "諗爆頭" 唔知送 mug 好? 我想而家的小朋友, 大多數希望收到的禮物係 1) 電玩、2) 食大餐 (buffet)、 3) 希望父母多 d 時間陪自己一齊玩 等等

某一晚上, 當我行超市的時候, 我發現了...................嘩!!! 好得意呀, 超級無敵的棒棒糖 (大枝糖), 足足有一個嬰兒的頭o甘大的糖呀 (膠殼內有好多細糖), 禁不住攞來影o下相先 (售$39.9), 不得不嘆一句: 而家 d 商人真有想頭, 而小朋友亦好幸福啊!

忘了快樂 因為忘了感恩

有研究指出一個人唔快樂, 健康亦容易出問題, 所以健康的泉源係來自 "快樂的心態"。

有時候, 活在繁忙的都市步伐、枯燥的工作、和扭曲的人性之下, 久而久之你漸漸發現 "不知開心為何物", 每天只在行屍走肉的做做做, 人人也築起冷漠的城牆去保護自己, 無人會關心你的感受, 總之.......開心與不開心, 你也只得一人去承受, 旁人即使知道你的狀況, 也愛莫能助。

人生真係o甘灰嗎? 何解感受不到一點色彩?

因為你被繁忙的步伐、扭曲的理論所蒙蔽, 活在那種環境裏, 少說話 (甚至不說話) 多做事係 "最佳的演繹"。

靜下來想一想, 你奮鬥工作、學習是為了什麼?

除了名、利 和 滿足感之外, 還有的是 "快樂"! 無錯............就係 "快樂", 即使你說為了 "家人", 但歸根究底 "家人" 只是你的推動力, 推動你奮鬥獲得更高回報, 然後共享天倫, 享受你所追求的 "快樂" (心中的富足), 不是麼?

其實人人都有屬於自己的快樂, 只係有時候 "我地忘記了, 因為我地以為一切理所當然 (老馮), 忘記了它的珍貴, 忘記了去珍惜", 就正如當你生病時才會發現健康的可貴, 你健康的時候以為這樣是很普通的, 無需要慶幸, 對嗎?

重拾你的感恩之心, 尋找屬於你的笑容, 快樂是你的, 無人可以取走屬於你的快樂。

觀點與角度

好多事情都只在於 "觀點與角度" 。 講者無心, 不過有時候聽者有意, 就好似最近熱烘烘的 "議員講粗口", 又或者 "才子陶傑侮辱菲國" 一事。

圍繞我身邊的, 還有 "某人" 聽見別人說 "有無攪錯" 及 "黐線" 等字眼 (不點名說的), 自己對號入座, 事後無理取鬧之餘, 還惡人先告狀的投訴別人, 弄至兩敗俱傷, 損人而不利己的事, 點解要做呢?

某天廚房內傳來 "叮飯" 的香氣, 入內斟水的我看見了 A、B 二人, 對話如下:

我: 嘩....好香臘腸味呀, 邊個食臘腸啊?
A 指著 B 說: 佢 (B) 呀, 佢係臘腸
B (半開玩笑) 說: 啊......你 (A) 做 mug 話我臘腸啊? o甘你係 mug 野? 潤腸嗎?
我 (搭訕): 係 粉腸 啊!

然後三人哈哈大笑............還笑說剛才的 "臘腸、潤腸、粉腸" 理論, 感到人身受攻擊, 令我地的情緒好唔開心, 要向別人投訴才可添!

「人」果然係 "活學活用", 學衰o野學得零舍快, 哈哈.............. 所以好多事, 只在於 "觀點與角度", 如果你沒有做錯, 為何o甘 "著緊" 人地的評價? (難道身有 "屎" 嗎?)

烏龍 vs 執二攤

早前收到老闆電郵, 說有台灣代理來公司開會, 及邀請大家一同食午飯, 於是我十分醒目的叫媽媽不用為我預備午餐飯盒, 點知..........

原來此封電郵唔係 "人人有" 架 (我當初以為人人有, 原來只得部份同事有的), 而老闆又 "擺烏龍" 地傳錯了比我 (其實想傳比另一位同事), 結果.............

那位同事當然要出席飯局啦, 而我呢.........就有幸 "執二攤" (食佢的飯盒), 不用為午餐而煩惱, 多好! 原來佢奶奶的 "手勢" 好好架, 好味道!

多謝同事的割愛, 亦感激老闆的 "烏龍", 我才有幸可試新食物 (我家好少煮麵架)。

莫非老闆趁 "愚人節" 想整蠱我???

請賜我力量

記得小時候最愛睇卡通片 (如: 藍精靈、叮噹、忍者小靈精、神奇小子等), 其中一套名叫 "Heman" 的卡通片, 唔知大家仲記唔記得?

Heman 係一個大隻男, 專門警惡懲奸、維護正義的。故事之中, 還有佢的妹妹 Shela, 也是滿腔熱誠的幹同一件事, 每次佢地懲奸之前, 總會講一句說話的, 就係: 「請 "骷髏頭堡" 賜我力量.......」 , 講完之後就會變得力大無窮, 好勁的打敗壞人。

最近經常精神唔集中, 做起事上來 "事倍功半", 唉........... 期考將至, 不得不恐懼啊! 可惜又碰上 "月結" 、 "年結" 等 "大日子", 只得乾著急, 精神壓力頗大呢!

希望今晚開始 「請 "幸運的考試神仙" 賜我力量, 令我溫習時 "事半功倍", 大大步檻過 E 一關啦!」

禮儀師 の 奏鳴曲

最近有幾套電影都好想睇 (如: 一百萬零一夜、舞吧! 昴、禮儀師の奏鳴曲、讀愛、短暫的生命 等) , 奈何最近的星期六、日都有事忙, 所以得個 "恨" 字..........

終於尋晚抽空睇左 禮儀師の奏鳴曲, 故事寫實而感人, 尤其是描寫 "兩性" 在面對逆境時的心態 (如: 男的會選擇沉默、隱瞞和逃避, 女的會選擇尋根、攤牌和離家等解決手法), 男主角的內心戲拿揑得很準, 不溫不火的演繹得很好。

而我最愛戲中 "小石春" 的點子, 能夠用好 "內斂" 的手法去表達父子之間的關愛, 卻又不宣之於口, 只利用小道具 " 小石春" 去表達。片中描述的那些 "有人情味" 的鄰里關係, 教人十分響往呢! 而家的社會只見到 "冷漠的圍牆"。

另外 禮儀師 在日本的傳統中被視為低賤的行業, 甚至有人認為因為做錯了事 "要贖罪", 才會成為 禮儀師。其實任何一個工種皆有其需求, 你只要用心做好自己的工作, 別管人家的 "狗口" (惡意批評), 你那一份 "專業", 最終都會令旁人感動的。

禮儀師の奏鳴曲 值得推介!!

春意綿綿的 "士多啤梨"

在此經濟低迷的氣氛之下, 同事 P 發現有喜, 名正言順攞正 "免炒金牌" 之餘, 亦為公司下沉的工作氣氛添上一線生機

終於我又突如其來的 "手癢" 起來了, 某天放工去買 BB 冷, 由於未知道 BB 性別, 於是選了中性的顏色 ─── 蘋果綠, 配上扭繩花紋 同埋 搶眼的 "士多啤梨" 衫扭, 花左一個幾星期時間, 完成了! (應該合 2 歲以下小童尺碼)

可愛的春日 "士多啤梨", 好得意啊!

爹爹 Pooh

早前想將兄嫂在日本空運比我的 "阿 Pooh" (圖左) 轉送給姪仔, 可惜每個週末都太忙碌, 所以昨日才成事

到左佢家中, 取出大隻 Pooh, 佢立即說: 嘩........... Pooh Pooh 呀! 然後卻一支箭的走開, 去取佢自家的 Pooh Pooh (圖右) 過來, 惹我一齊玩

玩左一陣,

佢竟說: (指住自己舊有的細隻 Pooh) E 隻係 BB Pooh, 係亨仔呀.......

我問: (指住大隻的日本 Pooh) o甘 E 隻又係 mug 野 Pooh 呀?

佢想左一陣答: 係爹爹 Pooh (意指爹爹 = 大個)

哈哈...............真鬼馬啊!

過山車的心情

上次講到由於攜程網出錯, 我地的復活節海南島之旅 "泡湯" 了, 幾個朋友都感到失落, 有的盡力去揾 "其他旅遊套票" (代替品 - 同樣目的地 又或者 別的地方), 有的卻在計劃如要 "被迫留港" 的復活節節目。

結果.............皇天不負有心人, 最終朋友又託了國內朋友代買套票, 目的地依然係海南島, 價錢比起舊旅程貴 RMB100 幾左右 (攜程網的旅費賠償, 剛好用得著), 機場由 "深圳" 變成 "廣州", 航班由 "早機去晚機返" 變成了 "中午去中午返", 而酒店也由 "五星級" 變成了 "四星級"。

再次起行在望, 不禁令大家的心情又高漲起來, 但係我始終 "唔敢太開心" 呀, 因為怕............好似上次o甘會失望

這次復活節旅行的安排, 令我心情尤如乘坐 "過山車" 一樣啊! 就好似剛發生了一件事, 還未及反應之時, 立即又發生另一件事了, 思緒同情緒都好混亂呀!

這消息太壞了

早前和朋友相約在復活節去海南島玩 4 日, 全程陽光與海灘, 輕輕鬆鬆的 hea o下 享受 o下, 在 "搭上搭" 的情況下, 揾左大陸朋友幫我地在網上 (攜程網) 預訂自由行套票, 最終連確認書都出埋!

期待左一個月的時間, 出發的日期差不多快到了, 好興奮呀! 而且最近神經崩緊...... 真的好需要去 "鬆一鬆", 舒緩一下

怎知道昨晚收到朋友的來電, 說 攜程網 來電致歉, 因內部攪錯左, 遺漏左我地的預訂, 而家已經無位啦 (補救不了), 唯有退款比我地, 再額外作出 10% 的旅費賠償

噢.............好唔開心呀, 這消息實在太壞了!

成功在望

有些事情, 你曾經設法唔去諗, 想盡快忘記它。

它曾經帶給你歡樂, 也令你憂傷, 回想起來, 現不是正在享受著 "解脫" 麼?

假想如有一天會碰面, 該會怎去面對?

雖然不是面對主角, 我卻比自己想像中做得大體 (至少我認為), 就像滿有風度的碰上故友一樣, 一起談天說地。

"可敬的" 係感到自己長大了 (處事手法成熟了), "可愛的" 係彼此釋懷了 (不再擔心對方), "可笑的" 是 "關愛" 從來存在於彼此的心間, 那一刻.....滿足了!

假如故事不就此發展, 也許關係無而家o甘好, 那更值得好好珍惜 「這份緣」! 相信好快便會 "成功在望", 加油啊!

沉默是金

今日起將會儲好多好多錢, 因為............沉默是金

為免產生不必要的誤會 及 惹起麻煩, 說話還是少講為妙。

仲要係緞練到「打不還手, 罵不還口」, 不斷的將自己的魂魄 "抽離" 身體, 雲遊太空去旅行, 最後發現.......做事竟會慢半拍, 而且記憶力又退步 (因為精神唔集中), 不過為免受傷害, 唯有出此下策吧!

以上的情況讓我想起了周星馳電影《破壞之王》的其中一幕, 劇情係講：何金銀是名很特別的年輕人，體質孱弱、懦弱怕事，集百般短處於一身，無上進心，一心以送外賣為終身職業。銀經常送外賣到環球精英體育中心而遭該處學員戲弄，但銀不以為忤反習以為常。銀在中心邂逅美女阿麗，並硬著頭皮約她，麗竟一口答應，銀在約會中將短處百般暴露於阿麗之前，麗卻表示最討厭 "懦夫", 銀傷心欲絕, 只懂得長期張開口呆著。(尤如無靈魂一樣)

我會努力的 「儲錢、儲錢、再儲錢」(唔講o野、唔講o野 同 唔講o野)

一啖 "砂糖" 一啖.....

昨日講的不快事, 今天仍然拉据, 最終答案係:「評分已經作實, 無修改餘地」

雖然對於 "結果" 係既知, 不過若不為自己 "爭取過" 便放棄權益, 又無法向自己交代, 算啦...........總算 "了左" 件心事, 也讚自己夠勇敢。

幸好.........今年的花紅比我預期之中多 (因為經濟前景唔好, 我一早打定輸數), 而且還喜出望外有人工加 (即使少少都好)

不過最後.........又收到了警告信, 唉..................... (真無辜)

是我不安份麼?

一向少在網誌提及工作的, 今日不得不講少少了

在此公司工作幾年了, 一直以來表現都屬於中上水平的, 每年的 apprisal (表現評估) 也不過不失, 有時甚至會有小驚喜添 (被讚賞)!

今年由新上司作的 apprisal (表現評估) 卻是多年以來最差的, 而且還被告知是 "全公司最差" 的一份, 唉................................

有時會問自己, 但求人工、花紅 OK, 在此亂世有工做, 已經算是唔錯了, 還要求評分高嗎? 是否太過執著 及 不安份呢?

講到尾, 可能又係 「唔甘心」作祟, 因為自覺一年來受盡甘苦去工作, 即使無理的作出氣袋, 亦只有吞聲忍氣無反抗, 不是因為我 "好蝦", 只係既然想安定工作, 就別耍太多麻煩事, 免令老闆難做!

君 甜蜜蜜新生咖啡店

一伙人食完 7 E 咖哩王意猶未盡, 一於轉轉場地去食甜品吹o下水先, 同事又介紹了位於尖東火車站附近的 《君 甜蜜蜜新生咖啡店》, 原來此店係紀念 "鄧麗君" 而開的, 內裏有不少紀念品供客人購買, 而且係 "自助" 形式, 令人坐得舒服, 傾計傾得開心, 一D 都唔焗促呀!

結果我地無食甜品, 只係飲左熱花茶 (包括: 洋甘菊、香茅、洛神花、薰衣草), 都只係 $20 一壺 就可以安坐的吹水, 確係唔錯喎, 店員態度又十分親切殷勤!

重慶大廈尋秘記

6 點幾放工約左同事一齊去尖沙咀 "看似" 龍蛇混雜 的 重慶大廈 「探秘」(尋美食), 去左同事常幫襯的 《7E 咖哩王》(Khyber-Pass Mess Club), 聽講電視台 "阿蘇" 都來採訪過架, 來頭果然不少, 等我去見証一下先。

我地到達大廈前的彌敦道, 已經有 4-5 個南亞裔人士 "搶住" 向我地派傳單及招攬我地去幫襯, 熱情得嚇人, 然後我地緊緊跟住帶路的同事直闖入大廈探秘, 一路上只見佢默不作聲, 亦步亦趨的跟住某一名印巴籍人士前行 (後來才知這名印巴人士乃係 該餐廳的派傳單員, 作風相比起外邊的 "低調" 好多)

好啦..........講o下美食先, 有好多我都唔記得個名, 唯有寫 "大概"的菜名啦！

1) 印度香料雞 (鐵板上) - 雞醃得幾好味喎, 好似 "石崗咖哩屋" 的感覺

2) 咖哩腰果羊 (唔覺有腰果, 不過咖哩汁好香好味, 羊都唔覺酥, 又夠林)

3) 咖哩免治牛肉卷 (其實個咖哩汁好好味, 不過我唔肯定係唔係牛肉卷, 因為個汁蓋過左肉味)

4) 芝士薄餅 (芝士味唔阿濃, 不過好香呀)

5) 蒜茸薄餅 (蒜茸配合埋香蔥, 熱辣辣時食, 真一流)

6) 胡椒脆餅 x 2 (好香胡椒味, 夠晒惹味, 不過食得多, 喉嚨都覺得辣架)

7) 傳統薄餅 (三角形一大塊的) (鬆軟厚厚又有口感的薄餅, 送咖哩汁一流, 忘了影相添!)

8) 咖哩角 (外形飽滿好 "靚仔", 食落都唔差)

好滿足呀........樣樣食物都新鮮熱辣, 夠晒好味! 不過建議大家分 2-3 轉落 order, 免得食物上檯太耐, 會攤凍左, 影響味道啊!

晚餐免加一之餘, 還享有 9折 (同事有 VIP 卡, 食完之後, 我都攞左一張呀) 共 $226, 算係幾實位, 每人幾十蚊試o甘多款菜式。 走的時候, 見到隔離單位開左門, 佈達一排排的櫈仔, 看似係一班人在 "上堂聽書", 原來佢地係等位食野架!

《你咪理, 我愛你, 死未》 好精彩啊!!

尋晚睇左 《你咪理, 我愛你, 死未》第四度公演 (喪愛甜心版), 這是一個笑中有淚、觸動心靈、以鋼琴小提琴現場伴奏的百老匯歌舞劇！內容抵食啜核, 令人感同身受。

歌舞劇以很多個 "小故事" 組合而成, 當中的點滴, 發生在不同都市的男女身上, 就如:

1) 都市男女 "忙、忙、忙", 拍拖約會也像 "趕快車" 般 "跳站" (省卻部份過程), 究竟當中的是什麼愛?

2) 夫婦二人忙家頭細務至很勞累, 晚上偶爾想 "二人世界", 可惜..........子女卻一而再, 再而三的破壞機會, 令人哭笑不得。

3) 自卑男女各以為自己唔夠好, 不是別人 "心中果杯茶", 卻原來.......雖然外貌不十分完美, 彼此各有內在美, 一樣可以修成正果

4) 某天, 花甲老翁在家中突發寄想, 老伴既不吸引, 何解不去結織新歡? 原來心中的責任感、內疚感一湧而上, 老伴最美好的年華也奉獻了佢、照顧了頭家

5) 兩名喪偶的白髮公公婆婆偶遇, 心中泛起了漣漪, 正猶豫 "愛" 還是 "不愛", 既怕身體機能退化, 又恐子女唔接受, 最重要的係.........彼此也有 "過去" (逝世的配偶長駐心中), 如果彼此都接受對方的過去, 有這一份胸襟, 便無阻發展 "黃昏戀"

以上只係其中的某 d 小章節, 還有很多未能盡錄。總之.....今次睇 e 個劇真的睇得好開心, 我笑到 "卡....卡....." 聲啊! 雖然 d 飛有點貴, 不過演員唱得 "真好聽" (尤其係女演員), 配襯起鋼琴 + 小提琴伴奏, 真的一流。

同場加映: 見到薛凱琪來睇 show。

人性的暴露

記得孔子曰：「人之初, 性本善」意指人人一出世, 本性都係善良的, 即使有人的個性係 "邪惡", 亦係 "後天" 的培養出了問題。

最近在金融海嘯、經濟衰退的環境之下, 失業率屢創新高。正所謂有工做又係「在做豬頭骨工作」, 無工做 「天天生活得個桔 (無收入)」 , 弄得人心惶惶。

在此等的工作氣氛之下, 有時候, 某些人並不是 "團結一致" 的共道時艱, 佢地反而會踩多別人的膊頭幾腳, 以突顯自己的存在價值, 期望以此等方法去自保職位, 淘汰別人 (利用別人當自己的替死鬼), 實在可恨。

而更可恨的是...........管理層即使知道問題所在, 亦明白道理何在, 卻不會「企出來主持大局」, 而係「由得你地自己 "鬼打鬼", 唔好煩佢」, 總之邊個走、邊個留唔關佢事, 最重要 D o野有人做就得了, 反正又唔使佢自己做。

無錯.........事不關己, 己不勞心係人之常情的 "人性", 不過只可應用在普通員工身上, 而非管理層啊! 閣下若不聞不問, 恐怕只會被 "宦官奸臣" 蠶食公司的士氣 和 製造更多的 "假聖旨" 及 "是非", 對業務不旦無助長, 還會弄得一塌糊塗!!

在最艱難的日子裏, 最容易睇得真「人性」的善惡! (就如四川地震時各災民的行為)

酒心朱古力

小時候逢糖果都愛, 朱古力都唔例外, 某次食左一粒 "酒心朱古力", 一咬下去, 內裏的酒不斷湧出, 直入口腔喉嚨, 嘩...........味道好 "搶" 呀!!! 定下神時, 才發現味道在口中回甘, 酒香味久久不散, 從此奠定了我對 "酒心朱古力" 的不解緣。

對於朱古力, 我除了喜歡 "酒心", 還喜歡 "有果仁" 的。我知道兩款朱古力的價值比一般的朱古力貴, 但是因為 "愛食", 也沒法子吧! 昨天午飯後去逛街, 買了一款日本製的 「薩摩芋燒酎」酒心朱古力, 外盒包裝非常美觀, $78 / 10粒, 都覺少少貴啦, 不過偶然氹o下自己, 請o下老友記食 就無 mug 所謂啦!

整體上, E 隻朱古力味道 "甜" o左 DD, 而酒味亦唔夠 "濃"!

我想最近在經濟差的工作氣氛之下, 得閒食返粒 「至愛的酒心朱古力」去輕鬆一下, 錫o下自己, 為自己打打氣才再做, 真係會好得多, 只可惜................我又怕肥呢!!!

廉價關係

現今的社會相比起過去 70、80 年代, 少了一份 「人情味」, 多了一份 「勢利」, 有時候 "人" 不是想 "利字行頭", 只可惜 "怕被騙", 自我保護意識極高, 令人與人之間的關係好疏離。

今日睇見一遍文章:

這個世代，再沒有情信，只有情訊。

相比寫信或電郵，用手機發短訊實在太方便。所有難以啟齒，甚至肉麻骨痺的情話都可以短訊來轉達。結果是，這種方便，也增加了各種曖昧關係發生的可能性。人和人之間的相互挑逗，不在眼神不在體態，而在彈指之間，用手指來發個或浪漫或情慾的SMS。情感的萌芽紮根於這種電訊關係，愛情的確認不再只是定情信物，而是定情訊息，愛情的記憶也紀錄於兩人間的短訊往來。

Michael總愛在無聊時寫一個溫馨浪漫短訊，如：「親愛的，你今天有想我嗎？」然後搜尋四五個電話簿內的女生名字，一次過「廣發」出去，這就像黃河流域的分支，從一個源頭分別展開不同的曖昧對話。我曾經問他，有否擔心過混淆了對話內容，變得牛頭不搭馬嘴？他回答說，所以他更要堅持，因為這也是一個訓練頭腦清醒的活動。

永遠不要查看你愛人手機內的訊息收件匣。那裏可能有大量你不想知道的真相。情訊太容易，甚至太隨便，選擇相信，至少相信短訊都是不需要負責任的行為吧。

Lilian在男友生日的晚上「無意中」看到了男友電話內當天的短訊，竟發現他和前女友藕斷絲連，這樣，同一個晚上，她斬釘截鐵的和這個拍拖兩年，一直相安無事的男友分開了。

當然SMS還可以是你的生活傳記。

Katrina閒來沒有事做，乘車時如廁時食飯時，最愛不停重溫手機內那九百多個短訊。甚麼時候和誰人談情說愛，甚麼時候得到誰人窩心慰問，根本就是一個私密日記，記載了三十多個男人的關心……當然這也是她多年來一直不肯轉換電話款式的原因。直到一次，她遺失了手提包，銀包手機統統丟失，沒有了那部6500的心情竟比沒有了Gucci銀包來得沈重。

有時候發現人的關係真的 "隨便得可以", 就如肚餓時煮一碗公仔麵o甘容易, 世上仲有幾多人會 "認真" 對待和別人的關係? 就如照料花卉般, 每天細心灌溉, 還得抽時間給它晒太陽, 一點一點的投入心血, 令彼此關係更鞏固, 情誼永長存。

「關係」漸趨廉價, 甚至有人待它如遊戲, 認為不必認真對待。頑固如我卻仍期待 "書信溝通", 如陳年舊酒般香醇的關係, 遠多於喜歡 "即食麵" 啊!

「港女」、「港男」

上週日和昨晚睇左星期日檔案, 內容係圍繞住時下名詞「港女」、「港男」, 好多時在網上見到網友為此標題發表意見, 甚至互相攻擊, 所以一直以來, 我比較少寫這個敏感話題。

「港女」、「港男」在普遍人心中帶著一點點貶義, 而且佢地各有特別, 例如：

「港女」：拜金、注重物質、粗魯 (唔溫柔)、自視過高、主觀性強 (有主見但經常要別人遷就)、輸打贏要、學識水平 及 賺錢能力一般較男士較高

「港男」：不善交際、不善理財、沉迷上網電玩 及 玩具、斤斤計較、無風度、無擔戴 (承擔)、短視、大男人主義 (卻又指望女友、太太會管束自己, 令自己改過)

綜合以上的特徵, 人人也有權選擇 "成為" 又或者 "拒絕成為" 「港女」、「港男」, 大家都可以定時檢討自己的缺點, 以作改進。有時候, 人明明就知道自己的問題所在, 卻不願意去面對承擔, 選擇逃避, 令自己最終也成為失敗者。

舉個例: 昨晚電視上那位 24 歲, 月入 $8,500 的電腦維修員, 因為被女性 "拒愛" (也許被傷害了自尊心), 便覺得天下間的女性都係 「港女」 高不可攀。 憤而花費大量金錢在上網、睇漫畫、消費在 "女僕餐廳" 此等 「虛擬世界」。 若干時間之後, 曾傷害佢的女性可能已釣到金龜、也許仍在尋覓中, 但這一名男生呢? 卻散盡腰間錢但得不到任何的回報 (只有短暫的歡樂), 亦不見得在財力及事業上有進步, 日後可能依然遭別人嫌棄。

如果......當日佢受拒絕後懂得痛定思痛, 花心機去進修, 以求事業上有發展, 賺到更多錢, 那麼佢在情場當中的 "選擇權" 會更大。 無論男或女, 不要事事只怨社會現象, 問o下自己又有無反省過自己, 令自己進步, 才再要求別人吧!

再見不再見

最近睇左舞台劇「再見不再見」的介紹, 當中有一句是這樣的：

唯有忘掉自己 才 能 記 不 起 你

你只係一個 "個體", 而際遇經歷發生在你身上, 成為了你的歷史, 人往往從錯誤之中學習, 從歷史之中吸取教訓。 如無當天的你 和 那些經歷, 會成長和進化至今天的你嗎?

所以 "忘掉昨天的自己", 才會 "記不起發生在自已身上的種種際遇, 包括某些你不想記起的人和事"

每一個再見 就是故事的開始

常言道, 凡事 "有始有終", 當你和舊記憶說再見時, 你就有如重生般開始另一個故事, 所以.........當你要告別舊記憶, 不妨向它說聲再見, 再踏上人生的征途

「再見不再見」 我買左飛遲 D 睇呀, 哈哈................