印度生日晚飯

相識多年的朋友 P 相約昨晚為我慶祝生日, 請我食 "印度菜", E 間為於尖東明輝中心的 The New Sangeet 餐廳格調不俗, 8 時後還有 Live Band (現場唱歌) 助興, 氣氛一流, 我地點了一客 2 人晚餐, $310 未計加一, 結果卻食唔晒 (唔係因為唔好食, 而係份量太多)

前菜:
1) 乳酪配唔記得什麼
2) 胡椒餅

主菜:
3) 鐵板羊肉拼牛肉
4) 大蝦
5) 奶油芝士
6) 咖哩雞

飯及麵包:
7) 印度炒飯
8) 洋蔥薄餅 (厚)

餐飲

好豐富呢! (超級滿足) 真的太開心了, 一生人, 好難得遇上相識十幾廿年的知己, 而我相信, 為人相當好的佢, 會係一生的好知己呢! 多謝你

法蘭西生日午餐

今日公司一眾同事為我預祝生日 (因為明日中午公司請食聖誕午餐), 我地去左食法國菜, 仲有房坐添, 場地佈置充滿著聖誕氣氛, 而食物味道都唔錯, 可惜........貴左少少, 每位同事要夾 $96 呀!! 真係多謝晒!

我地點了 (唔記得實在的菜名, 套餐跟 沙律 或 餐湯 及 餐茶):

1) 魚柳

2) 豬柳

3) 鴨脾

今晚又去食大餐了, 好o野!

泰識食

早前和朋友去左深水埗的 "泰潮" 食野, 我地試左該處最出名的 "泰式海南雞飯" 套餐 同埋 "泰式豬脾飯" 套餐

海南雞飯幾嫩滑 而 豬脾飯 (有鹵蛋, 豬脾 同埋 豬腸) 卻油膩了少少, 整體而言都好美味呀! 好彩大家一齊分享啫, 否則............一人食晒都幾 "流" 架!

暖在心的 "滋潤禮物"

今天朋友 Z 送來了一份 暖在心的 "滋潤禮物" 給我, 預祝小妹的生日, 我幾喜歡 E 隻牌子的產品 (Burt's Bees), 因為成份天然又幾好用 (我有一小罌 "神奇紫草膏", 用作: 蚊蟲叮咬,去痘,去印,消腫,舒緩, 我覺得都好好用), 禮物包內有:

1) 潤唇膏 1 枝 (剛好我舊的潤唇膏快將用盡)

2) 滋潤手指的藥膏一小罌 (我的手指都多 "倒刺" 架)

3) 修護手套 1 對 (用作臨瞓前先搽滋潤手指的藥膏, 再戴上手套)

朋友 Z 真係知晒我心意, 送的禮物合晒我用, 真係令我忍唔住 "愛上你" 呀!! 可惜........你已經心有所屬了, 嘻嘻!! 放心啦, 我會好好努力, 然後承你貴言的 (唔好o甘 DRY!!)

我真的 "感動" 了!

王宛之有一首歌叫 "我真的受傷了", 而我就在派對當晚上演了一幕 "我真的感動了"!! 多謝編劇和導演的朋友 E 及 朋友 T, 另外各朋友也落力地配合作演員呢!

話說 BBQ 過後, 大家也三五成群的圍著傾計, 突然間我被召到餐桌, 此時才發現............原來朋友 ET (E 及 T) 為我預備了提早的 "生日蛋糕" (我事前全不知情呢!)

還寫上好有心的語句 (我的生日願望: 衰事惡運斬纜, 好事好運齊來)! 當下我真的真的 "好感動" 呀! 希望願望會成真, 而我亦收到你地對我的心意啦!

派對後, 公事的疲累 又 加上酒精的作用, 朋友 K 竟然熟睡起來, 被我地一班朋友 "偷拍" 成功, YEAH!!!! 好愉快的一晚, 為 2008 年留下一個美好的回憶, 多謝我的 "好朋友們"!! (還有無入鏡的你地呀)

聖誕派對

尋晚一班朋友提早舉行聖誕派對, 地點在西貢的 "匡湖居", 屋主夫婦非常熱情好客, 佢地的家又大, 佈置得又靚又有心思 (好多聖誕裝飾), 室內的裝修概念全部都係屋主自己設計架, 幾靚又實用, 而且.........我仲覺得自己好似 親身去參與電視中 "更上一層樓" 的節目o甘添!

一大班人在 BBQ, 有講有笑的, 又玩左一陣釣魚, 可惜並無魚獲, 時間一轉眼就至深夜了 (無 mug 時間玩其他活動 / 遊戲), 最後我地來一個 "交換禮物" 為派對劃上一個完美的句號! 我就抽到了 "名牌唇彩" 兩支

在此多謝屋主夫婦二人的熱情招待 及 攪手朋友 T 的努力, 才令派對舉辦得 "有聲又有色", thank you!!

3D 的生日禮物

早前朋友 M 同 小肥皇子相約小妹晚飯, 席間還送上了一份 "自家製" 的 3D 生日禮物給我呢! 就係 "粉紅珍珠紫水晶立體手鐲", 好靚呀!

我最愛她那份心意 (又肉赤佢穿珠會引致 "眼累傷神" 啊), 多謝晒! 亦多謝小肥皇子的豐富晚飯

我愛 "小白菜"

今日出席朋友們的 "聖誕派對", 一早明言要每人預備一份大約 $100 的禮物用來交換禮物, 結果我預備了無聊又可愛的................"小白菜", 它其實係一張 "先毯咕距", 但又可 "易容" 成為一份裝飾品, 永遠長青, 好攪笑啊! (它的 "造型" 攞晒分)

我最愛它那句 "keep you fresh everyday" (請你每天保持新鮮)

對的! "人" 該好似小朋友般 "善忘" (尤其是 "忘別人的惡"), 每天保持新鮮的心境去面對 "新挑戰"!! 願大家也可以做得到!

朋友, 生日快樂!

尋日放工 OT 後, 去左沙田搜購 "生日禮物" 同埋出席 "聖誕派對抽獎的禮物", 結果揾到 E 份生日禮物比朋友, 雖然看似無聊, 但係 "物輕情意重", 希望朋友會鍾意啦!

E 一份 "擦鞋仔套裝" 最啱 "金融海嘯" 的時勢, 內有一對鞋形的 "老鼠滑墊", 鞋油的 "便條紙" 同埋 鞋擦的 "清潔顯示螢光幕" 的掃, 還付上一首 "擦鞋歌", 內容係:

向上擦 向下插 升官發達全力擦

辛勤疲勞窮又慘 想掂又嘆應該擦

你又擦 我又擦 風騷快活唔賤格

光明前途唔大貪 想做大帝應該擦

希望朋友 "扶搖直上", 人工花紅都向上, 生日快樂啊!

神秘呢!!

今日放工 OT 左 一陣, 去左沙田的 "City Super" 同埋 "一田百貨" 閒逛, 搜羅 朋友的 "生日禮物" 同埋 週六出席聖誕派對用來 "抽獎的禮物 ", 結果當然如願以償啦!

早知今日會行o甘耐去揾, 就該一早著定一對 "平底鞋" 啦, 雙腳累透了!

禮物是什麼?? 先在此 "賣一個關子" 先, 哈哈!

送自己的聖誕禮物

王菲有首歌叫做 "給自己的情書", 今個聖誕, 我卻送自己一份聖誕禮物, 就係將舊事 "斬纜", 給自己從新開始的機會

從來世事無絕對, 好多事 (尤其是感情事) 第三者無資格去定 "錯對", 我亦唔想理會 "錯或對", 只知道從今以後, 是自己向自己交代 (而唔好傷害大眾) 就 OK 了!

今個聖誕決定送 E 份禮物比自己, 我要盡的 "人事" 已經盡了, 往後的一切就得靠我們自己去走了!

又過關了

去完廸廸尼玩, 一回家就收到 "好消息" 了, 就係...........上個學期在 "浸會大學" 修讀的最後一科派發成績, 結果係.............好o野! 又 "及格" 了。

終於集齊了 6 個印花 (6 科的及格成績), 可以換取綜合証書一張, 真係一份提早送來的 "聖誕禮物" 啊!

向 「廸廸尼」出發 (下)

E 兩日我地在樂園玩得好盡興, 大致的行程如下:

第一日 (12 月 15 日)
下午 4:00 在樂園入場 → 星閃皇家舞會 (街頭 SHOW) → 灰姑娘旋轉木馬 (遊戲) → 米奇幻想曲 (3D 戲劇) → 雪映舞動巡遊 (街頭巡遊) → 香港廸士尼樂園鐵路 (坐鐵路遊樂園觀全貌) → 樂園內美心酒樓晚飯 → 星夢奇緣煙花表演

第二日 (12 月 16 日)
上午 11:00 在樂園入場 → 巴斯光年星際歷險 → 小小世界 → 小熊維尼歷險之旅 → 灰姑娘旋轉木馬 (遊戲) → 米奇金獎音樂劇 → 米奇聖誕屋 (參觀拍照) → 午餐小休 → 森林河流之旅 → 坐木筏參觀泰山樹屋 → 動畫藝術教室 (學識畫 "戴聖誕帽維尼熊" 的側面) → 離開樂園回家

兩日全程都玩得好開心, 仲好累添! 結果在巴士上已經 "呼呼大睡" 了, 要積極準備好, 明天返工再戰 3 天又休息了, 好o野!!

** 今之旅程中亨仔最大收獲係......佢的 Alvin 公仔 (圖中紅圈示, Alvin E 個名係佢自己幫公仔改的, 好攪笑!!), 而父母大人最開心的梗係長時間同亨亨玩, 後生仔女們最開心就係 "三代同堂" 的難忘旅行。

向 「廸廸尼」出發 (上)

終於等到 12 月 15、 16 號啦, 一家人浩浩蕩蕩的 向 「廸廸尼」出發 , YEAH!!!!! 出發前, 先睇一睇我地草擬的行程表先:

第一日 (12 月15 號)
中午東涌東薈城集合 → 飲茶食 lunch → 去超市購物 (買定 d 零食做宵夜先) → 乘車到 "好萊活酒店" 辦理入住手續 及 放下重物 → 去廸士尼樂園遊玩 → 晚飯 及 回酒店休息

第二日 (12 月16 號)
起身後在酒店花園拍照 → 辦理退房手續 及 寄存行李 → 去廸士尼樂園遊玩 → 取回行李 → 各自歸家

原來「廸廸尼」最近做緊 "雪亮聖誕" 活動啊! 入場者每人獲派一副 "立體光影眼鏡", 當你用眼鏡望向燈光的時候, 眼前的燈光會出現 "一個個雪人" 圖案啊, 尤其是睇煙花的時候, 好勁呀! 而且晚上在 "美國小鎮大街" 時, 天空會出現好多 "飄雪" (番梘泡), 好有聖誕氣氛啊!

超好飲 "愛心靚湯"

由細至大我都係一個 "湯怪", 可以飲湯食湯渣就代替正餐, 而且我覺得一煲 "愛心靚湯" 除左好味之外, 還可感受 "煲湯者" 對 "飲用者" 的一番心意 (認真 "暖在心頭") 啊!

媽媽為爸爸和我煲了一味 "愛心靚湯", 用料有: 綠豆, 蓮藕, 馬蹄, 鱆魚 及 陳皮, 真的超級好味呀!! E 餐飯我足足飲左 4 碗湯 同 食左好多湯渣呢! (飯餸都可以慳返了), 在天氣轉涼的日子裏, E 煲靚湯令我 "暖在心" 呢!