「火間土」之海景 lunch

將要離職的 "執行董事" (外國人) 今日突然做東, 請我地全公司一齊去尖沙咀北京道一號的 「火間土」午餐, 分兩桌坐, 我地 E D 小角色 (共 8 人) 梗係坐埋一齊, 留返 D 大人物坐另一圍啦。

店舖地點開揚, 我地居高臨下, 美麗的海景盡收眼簾








各人各自點了 "定食", 分別點了:
1) 海膽、帶子、三文魚飯定食 x 4 (上圖左及右)
2) 炸物拼烏冬、壽司定食 x 3 (下圖左)
3) 特上壽司定食 x 1 (下圖右)

唔駛錢, 又可以食好o野, 緊係好啦! 不過同事的離開, 總令我有一點傷感啊!

獨善其身, 談何容易?

上星期工作忙, 碰上身體不適, 什麼都不理, 只埋頭苦幹, 原本以為好地地的........

點知 E 個星期一 "有人" 壞 mood (心情) 到, 又再無理指摘了, 還要 "慌你唔死" 的叫埋上級一齊和你傾。

講真呀......作為上級, 在此金融海嘯的營商環境下, 只想大家乖乖的爭取業績, 其他的事, 無謂煩我啦........(係唔係先), 於是上級講左一大堆 "好宏觀" 的訓話, 意指大家拍硬檔落力改善啦! (好似阿爺勸乖孫o甘), 我當然點頭附和, 唯唯諾諾o甘啦!

誰知 "有人" 咬住唔放, 不斷的 "數" 唔同的故事出來 「指控」我 (但全部只以 "佢自己" 的角度去睇件事), 一切的責任也推在我身上等等。我唯有苦笑的在上級面前回應 (解釋), 信不信由佢啦 (我控制不了)

"那人" 最後還向上級 "建議" 設半年監察期比我, 如我無改善 又或 仍改善得不足的, 將另行處置喎! (講白 d 「想趕我走」), 最終上級無應承 "那人", "那人" 好不滿。

雖然知道自己可能 "命不久己", 不過........「做人...有時有風唔駛駛盡利的」。在o甘的時勢, 無論誰對誰錯, 無左份工, 都不是一件好事。 (即使留低者也分分鐘要做埋走左果個人那份, 因為節省成本唔再請人), 何必呢??

羊的啟示 (哈佛大學的故事)

朋友告訴我一個 “哈佛大學” 的授課故事, 內容如下: (內容涉及三級成份, 但頗有意義, 值得人去反思)

某天一名男子領住 30 頭羊 (預備帶出市集賣的), 天色昏暗, 佢向一間屋子叩門, 道: 「可否借宿一宵?」
一名女子應門:「我是獨居的, 恐怕不方便啊!」
男子說:「給你兩頭羊作報酬, 可以嗎?」
女子:「好的, 進屋來吧!」

女子:「屋內只得一張床, 你只可瞓在地上, 我瞓床的」
男子說:「給你多兩頭羊, 我想瞓床上」
女子:「好的, 讓你瞓床吧!」(結果佢地二人一同瞓在床上)

男子說:「我想瞓在你身上」
女子:「不可以」
男子說:「給你多兩頭羊, 我想瞓在你身上」
女子:「好吧!」

男子說:「我想在你身上 “郁一o下”」
女子:「不可以」
男子說:「給你多兩頭羊, 給我 “郁吧”」
女子:「好吧!」

當男子 “郁動” 八o下之後, 佢突然停下來
女子問:「何解你停下來?」
男子:「夠了」
女子:「再 “郁” 吧! 你多 “郁” 一o下, 我便比兩頭羊你」

翌日, 男子領住 60 頭羊離開。

故事中想講的係 ── 人的消費模式, 先讓消費者習慣使用你的產品, 其時便可反客為主的操控條件 (當然故事中並無提及 “競爭者” 的出現啦, 否則效果會不一樣)

而用在人的情感角度, 假若當初女子 “不貪” (兩頭羊), 決絕的堅拒男子進屋, 那女子便不會損失自己的 30 頭羊麼? 引申而言, 人是否要堅守自己的情感領域, 不讓他人闖入, 以保自己的安全呢?

浪漫的法國聚餐

尋晚一行四人為朋友 I 預祝生日, 我地去左紅磡火車站旁 "國際都會商場"內的 「別緻餐廳 Cafe Le Must」 食法國菜。

店中坐位大概只得 25 個, 因此要預早訂坐啊! 店內燈光及擺設均有情調, 最適合戀人們談心 (我地幾人就嘈左少少, 嘻嘻...), 仲有呀!! E 度上菜比較慢 (休閒 - 慢工出細貨), 故此等食要有耐性, 急不得架! 我地幾乎食左 3個鐘呀!!

















我地點了 4 客 $138 的晚餐, 每個晚餐包括 - 頭盤、湯、主菜、甜品 及 茶。

頭盤:
法國焗田螺: 好食, 最低果層係薯蓉, 倒轉的磨菇, 最上的係螺肉, 好香牛油味
燒秋刀魚: 一般, 唔特別
酥皮青花魚批 (唔記得個名): 喜出望外, 既鬆化又夠熱, 內裏的魚又香又唔腥, 好味
香草汁煎帶子 (另加 $25): 唔特別

















湯:
意大利雜菜牛肉湯 + 蒜蓉包 X 4 (似雜菜湯, 不過無肉味)


主菜:
燒豬手配沙沙汁 X 2 (夠脆好味, 不過食得多會 "漏")
燒鴨胸配紅酒汁 (估唔到都幾好, 鴨胸配黃芥辣好正, 配菜的雜菜亦十分出色, 絕不馬虎)
蟹肉天使麵 (好清, 食得到有蟹肉, 但唔多)

















甜品:
杏仁餅 (杏仁味不足, 太甜, 賣相好靚)

飲品點了熱檸水 及 熱檸茶, 整體而言, 今餐飯算幾滿意啊! 之不過店內的抽風系統一般, 令我雙眼感到 "醃" 之餘, 仲成把頭髮一陣 "油煙味", 有待改善啊!

扮 "客家" 人

早前受到蔡闌美食節目的影響, 常常嚷住要入天水圍天慈村尋訪那 "誘人" 的 "客家美食", 點知....最近終於如願啦!

我在午市進入酒樓, 當時酒樓發現和一般屋村酒樓無異, 就連 "點心" 也幾乎一樣, 只是多了兩, 三款 "客家點心", 如: 茶果, 我地唯有點左一客 "梅菜扣肉飯" (送例湯) $33 去扮客家人啦!

扣肉肥瘦週中, 梅菜香得來亦不太咸, 味道唔錯, 也許蔡闌美食節目中介紹的美食只會出現在晚市!

情緒

「情緒」每個人都有的, 就如人體的 "荷爾蒙" 激素一樣, 人人都有, 分別在於指標的高低, 有些人 "情緒" 經常保持在正常水平, 令人感到佢祥和、容易親近; 有些人的 "情緒" 卻忽起忽落, 像過山車般時刻起伏不定, 令人感到佢發癲, 和佢保持距離。

最近聽過一句說話:「在金融海嘯o甘差的經濟環境中, 人人為了賺錢及糊口已經費盡心思了, 還有空 (資格)) 去兼顧 "開心" 與否嗎?」

現實真的如此悲哀嗎? 想一想又可能有其道理的, 就正如「活在打仗的兵荒馬亂時, 人人為了保住性命而忙著, 還有空去談兒女私情嗎?」

噢!! 原來我地的 "情緒" 也要因應經濟環境及狀況去調節 (包容度), 抑或.......其實不要 "迫得自己太緊", 因為「人人都有得揀 (選擇) 架」, 最多唔食飯, 轉食粥吧!! (如若米太貴)。 總之一句說話：「留得青山在, 那怕無柴燒」? 只要留得住命 及 保持精神健康, 捱過海嘯後, 又一條好漢了。

超感動啊

E 兩日氣管依然痕癢, 今日仲不停狂咳添, 真係咳到肋骨都痛埋!!

可能係我成日咳、太嘈的關係, 結果中午午飯後, 隔離的日本同事忍不住起身轉向我, 向我遞上 "一條錫紙包裝" 的物體 (圖中前方的物體), 還向我說明係喉糖來的, 對喉嚨好好, 食左可能會咳小 d 架!

我接過之後, 心裏翻起一陣暖意, 超感動啊!!! 不過由於我正在服用中藥 (圖中後方的中藥藥粉) 的關係, 所以唔敢亂溝成藥啊, 等我留返下一次 (無食中藥時) 才食啦!

恩怨情仇

最近上流社會中爆發了聞名的 "爭風呷醋" 風波, 事件中商人 "大劉" 的紅顏知己發出聲明, 指 "私人助理甘比" 所出不知是誰經手, 暗示自己 "大婆" 的身份, 弄得 "大劉" 連日被追訪 (一身蟻)

眾所周知 "大劉" 身邊一直不乏紅顏知己, 即使和前妻 "寶小姐" 離異後亦然, 佢地分開之後寶小姐亦曾覓 "第二春" (洪朝豐), 當時二人愛得十分痴纏, 經常在螢幕前情話綿綿晒恩愛, 不知動機是刺激 "大劉", 抑或是真心相愛, 但最後卻弄至反目, 洪更大爆寶小姐的性史, 令人嘩然

事件中看出.....基於傳統觀念, 男人身邊不乏女伴似乎是理所當然的 (無論已婚與否), 相對於女性而言, 效果卻不一樣 (找到一位更好的另一半當然好, 否則只會被人冠上 "不自愛" 的冠冕, 無人可憐), 所以在於情感的角度, 似乎女性的胸襟必要比男性 "廣闊" 一點, 才會讓自己感覺好過

其實不論男或女, 當緣盡的時候, 要學懂放下仇怨, 只能回憶恩情, 那才不枉愛過一場! 不然的只會絆著自己前進, 關係亦只會越弄越糟, 白白的把自己糟蹋了, 不會獲得支持 及 關愛, 何必呢! 那人既己不尊重你的感受, 不愛你了, 你還緊抱那份愛佢的 "執著", 而白白浪費了青春時間, 倒不如省下那份心思 和 那點不甘心, 待自己好一點, 做好自己, 等待上天賜你另一段緣份的來臨吧!

學懂 "欣賞" 、"珍惜" 和 "自在"

最近想得人生哲理多了, 又有閱讀有關的書籍 和 睇相關的舞台劇等等, 發現自己學懂了幾個道理

1) 學懂了欣賞身邊的人和事

尤其是人 ── 以往如果感到別人的舉動不合自己的心意, 心內有會有一點點忟, 埋怨對方做得唔好。 而家學會了先撇開結果, 接受了別人的心意, 欣賞對方所付出的努力, 才再去一齊商討做得更好。

2) 學懂珍惜身邊的人和事

知道別人 "無責任" 一定要待你好, 你要先努力付出, 才有機會獲得回報, 而且朋友之間 "有情深 和 緣淺" 的循環, 每每因時間機遇, 忽然好 friend, 又忽然會感到冷淡, 無必要為此而洩氣, 只需在 "情深的時候" 盡力去做好自己, 再等候冥冥之中的主宰去安排軌道。

舉個例: 你在羨慕別人之時, 知否別人也在羨慕你呢? 正如你見別人一雙一對甜蜜拍拖時, 有時候人家也羨慕你無拘無束, 可以瀟洒的四處遊走, 不用交待。

3) 感到自在

因為以上的心態轉變了, 人的伽鎖亦少了。當你找到適當的位置做踏腳點, 你心中會感到安穩平和, 人也活得自在, 常持平常心, 一切隨遇而安。

但願繼續努力在生活中 「修行」, 獲得更多 "人生大智慧"。

我有「福」了

E 個星期過得好充實, 公事上無 mug 時間停, 而私事上又忙著行山、做功課等等, 結果.......

可能行山當日天氣悶焗, 出完一身汗又被風吹o下, 星期一起身開始喉嚨痛、 然後發冷、流鼻水、星期四仲開始氣管好癢的 "抓抓o下" (不斷咳), 應該係 「氣管敏感」發作了。

今早睇中醫, 醫師診脈後, 主動說要比今日的病假我休息, 因為佢推測我將會發燒喎, 同時間會開始鳴喘 (即係西醫講的 「氣管敏感」 或「哮喘」), 我說不用了, 因為公司多事忙, 而且晚上又要返學。佢吩咐我小心保重, 醫師多好人啊!

原來我患左 「外感溫燥」型的「咳嗽」。小病來臨, 我豈不是又有 "福" 了?

愛自己

自問唔算係 「完美主義者」, 心中可接受事情存在著瘕疵, 但奈何對自己 (自我要求) 卻遠高於對別人, 也許總介意別人點睇自己 (自己在別人心中的形象), 因此總想令自己變得更好、更可愛、更令人易於親近。

早陣子, 有段時間似鑽了牛角尖, 總以為因為自己某些事做得不夠, 又還是做得不好, 才會令人生厭, 所以常常活在 「自我反省」和 「檢討」的圈圈內, 務求揾出原因, 令自己改善得更好, 不要再有下一次出錯的機會。 那段日子過得迷失、唔開心, 有時間甚至在自責添!

而家......想通了, 朋友借我的書確要記一功, 每個人也不過是 "一個人", 不會是 "完人" (完美的人), 我地總有缺陷、錯失的, 我可以接受別人的, 何解卻容不下自己呢?

我不是 "聖人" 和 "鐵人", 也總有犯錯和軟弱的一面, 無需為了 "面子" 而遮掩事實, 何不接受自己, 大方承認, 週遭的人更會給予你幫助, 而且更不會認為你高不可攀呢! 真正愛惜你的親人和朋友, 佢地會接受你的缺陷 和 原諒你犯的過錯, 因此不用太過擔心自己做得不夠 和 不好。(當然你不是 "立心" 去犯錯啦)

我要為自己而活, 而不再是「別人眼中的自己」, 當然別人的意見如果對自己有益的, 可以當作參考, 否則.......當時運高, 聽不見就罷了。要好好學會接受自己, 原諒自己 (放下), 才有空間向前邁進啊! 活o左o甘多年, 而家才來 「愛自己」, 太遲了麼?? 真可笑!!

就像那本書話齋,每天在塵世中過活, 其實也算是一種 "修行", 讓你學習如何待人、待事 和 待自己!

可否了無牽掛

BB 赤裸裸的來世, 帶給世人喜樂, 而佢亦了無牽掛的來臨身上。
老人離世了, 再不是赤條條的仙遊, 而是活在 "衣服珈鎖" 中, 帶給世人悲傷, 留下無限回憶而離去。

每個人的「起點」和「終點」也是一樣 (帶給別人 "喜悅" 和 "傷感"), 而我地活在世上是否可以 「擁有少一點, 牽掛少一點」呢? (越 "擁有" 得多的時候, 你的責任和牽掛會越大, 越想保護它 卻又 越會害怕失去它), 此舉會否有一點 "斬腳趾, 避沙蟲" 呢?

因為沒有恨, 那知愛有幾深? 沒有苦, 那知喜樂有幾多? 人生不就要靠種種感覺的對比去彰顯出當中的 "高低起跌" 和 "色彩" 嗎?

了無牽掛是好難做得到的, 因為我地畢竟是 「凡人」 (有著煩惱的人) 啊!

喉嚨痛

尋日工作超忙, 個人的神經活像 "拉緊了的橡筋" o甘 (有一點神經質啊), 即使放工後也未能完全平復。

晚上開始喉嚨痛, 再加上一點點鼻水在咽喉位置, 弊.........莫非我又病?? 晚上被蚊咬, 餵o左佢地三處呀......好癢呀!! 起身拍蚊時發現自己正在 "發冷", 在無開風扇及冷氣的情況下, 竟然攬住張被在打冷震??

今日喉嚨痛到 "吞口水" 都痛, 勁唔想講o野, 買左喉糖比自己消炎了。睇黎 E 幾日要食清淡 D 同 早 D 瞓, 用抵抗力力抗病菌先得。

智慧豬 玩 智慧珠

朋友 Z 告訴我佢買左一副 "智慧殊遊戲拼盤", 即係之前阿蘇在節目 "蘇 Good" 中推介過的, 朋友 Z 的同事紛紛玩到不亦樂乎, 就連佢老闆也異常投入, 說: 要幫佢聽電話, 但叫佢 "越級挑戰" (向高難度挑戰)

今日朋友 Z 就送了我兩盒 "智慧殊" 遊戲, 一盒將送比 KK 同 黑俠王子, 等佢地的生活添一點情趣, 另一盒就借花敬佛的送比 "老頑童爸爸" (佢今日舊曆正日生日呀, 生日禮物呢)

哈哈...........爸爸好快就破解得到 "初級" (60 條題目, 當然係 "抽樣" 的玩o左 8 條), 而家正向 "中級" 及 "高級" 進發, 加油呀!!

我地 E 班 "有智慧的豬" 一齊來玩 "智慧珠" 呀

行山之旅 ── 西貢海下

今日一早 8:10 就到了鑽石山荷里活廣場食早餐, 等齊人時大概 9:20 啦, 好啦.........我地坐車到西頁黃石碼頭啦! 食早餐期間, 個天落驟雨 (雨勢都幾大架), 我地有一點點擔心, "繼續" 定係 "縮沙" 呢? 但見人人 (行山人士) 都如常出發, 心內又唔抵得喎!

我地從 "西頁黃石碼頭" 作起點, 一路行至 "海下", 從上午 10:45 行至 下午 14:30, 共 3 個幾鐘, 因為我地行 o下又停o下, 停o下又抖o下, 抖o下又影o下相o甘, 哈哈.........(行得耐左少少, 因為大家好耐都無做運動), 好彩個天比面無落雨, 只係天陰陰, 一時有點悶熱, 有時又好好風, 忽然之間又放晴喎!

行至中途, 上上落落的渾身是汗, 連內裏著的也濕透了, 唉.......個頭又好鬼 "馨" 喎, d 血充晒上個頭度。最好笑的係朋友背包內的朱古力 (有外盒及錫紙包裝), 竟被體溫弄至彎曲, 打開朱古力後, 發現 "溶晒", 可想而言, 我地的體溫有幾高, 笑死了!!

行山真的幾好玩 (既做運動, 望見靚景又可減壓), 不過有點點累啦, 想必今晚一定會好好瞓了, 而家的心情也比上週五好啊!

幸福的傻瓜

「傻瓜」一詞是 "褒" 還是 "貶"?

每每一個怪誕行為, 又或者愚蠢字句之後, 就會被人稱作「傻瓜」, 也許別人不忍心直接指責, 怕傷害我的弱小心靈啦! 除左 「傻瓜」之外, 別人還會稱我為 「傻妹」、「傻豬」、「傻蛋」。

其實每次聽到別人o甘的稱呼, 我非旦不會感到 "自己真係傻" (只係小糊塗、有一點傻氣吧), 而且還感到心內好溫暖添! 因為係熟悉的親朋好友才會 "斗膽" 這般稱呼我架咋!

所以話呢........你成為 「傻人」 的機會越多, 就足以証明你身邊眾多親朋好友包圍住你, 寵壞你 E 個幸福的「傻瓜」呀!

秋意滋潤好窩心

尋晚在家中食飯, 食左好多 (量) 餸啊..... (超飽), 媽媽就好含蓄的食少少。

我問佢點解?

佢含羞的答: 夠了........

不一會, 佢問: Big Mac, 一陣飯後食 "蕃薯糖水" 好嗎? 如果好呢........我一陣洗碗後去整

哦.......謎底終於解開了, 原來媽媽 "留肚" 食糖水, 可惜我太飽啦, 只能容得下一小碗咋! 秋意正濃的乾燥天氣, 得此滋潤, 真好!! 多謝媽媽的窩心安排, 下次記得早 d 通知我, 等我唔好食飯丫嘛, 呵呵.......

不合理期望

社會中常出現「不合理期望」, 如:

1) 市民期望特首短期內穩定金融海嘯的動盪
(金融海嘯乃係環球性的影響, 短時間動盪係必然的)

2) 報章說藝人 "拉姑" 揍孫 Lucas 不力, 險釀意外
(即使一介平民, 上左年紀當然無小朋友o甘精力旺盛啦, 睇得到危險, 亦未必有心有力的去即時阻止)

3) 報章上又說藝人 "鄭融" 鬧市中豪邁, 踎街食麵包
(其實人家只不過在中環區, 坐在花槽旁食包, 根本無什麼大不了, 亦不算得豪邁作風, 難道藝人不用食、不用瞓、不用識朋友嗎?)

報章上的報導時時為增加銷量 (讀者) 而 "小題大做", 將 「十分嚴謹的道德尺度」加諸在藝人、議員、甚至公眾人物身上, 而私底下, 又有幾多個 "記者" 能守得住那把道德尺呢?

人們常常待人以嚴, 待己以寬的態度, 係時候要改一改啦! 我地面對住種種 「不合理期望」亦只好持平常心, 聽而不聞, 減少動氣的機會啊!

維他奶

早前和朋友在海傍附近談天, 飲過食過之後 (飲左凍飲), 再加上陣陣的海風吹送, 突然間覺得好凍, 手臂凍到起晒雞皮, 頭又有點痛, 因為真的太大風了。

當時大家不約而同的講:「如果而家有枝 "維他奶" 就好了」大家的思緒一齊回歸到那個遠久的學生年代, 當時的秋冬天的確比而家的凍。

小息時, 同學們最愛三五知己圍起一圈, 每人手持一枝 "熱辣辣" 的維他奶, 它的作用除了是 "飲" 得之外, 還是最原始的 "暖手器", 一啖吞下去之後, 呼出一口氣, 總會見到一口是 "煙" (熱蒸氣), 大家玩得不亦樂乎。

有時候遠處見到一雙一對的同學們, 一支維他奶兩份分 (每人一枝飲管), 多甜蜜呢! 而身邊的朋友最喜歡的是 "以球技去輸賭飲品" (邊個 (隊) 勝一場波就可免費享受負方的飲品), 多刺激呀!!

"維他奶" 帶比我地的集體回憶, 還有當年的 "荳芽夢" 廣告啊!

倦了, 請你睡一睡

回憶巨輪腦內轉 轉呀轉 怎麼仍不厭
時光飛快身邊閃 閃呀閃 瞬間又一年
年年難過年年過 今年裏 你又作何干
喜孜孜的忙忙碌 心裏問 究竟累不累

親朋好友齊相伴 共聚時 心內滿歡喜
一人靜下怕胡想 時間表 忙得快打轉
怎麼情緒忽高低 平常心 不一定纏身
只知眼皮快墜下 快上床 捲被去睡眠

我們的 "後來"

昨晚在食肆內再一次聽到了這首歌, 劉若英的 "後來", 歌曲內旋律動聽, 歌詞有意思, 人們常言道: "經一事, 長一智", 也許是人間之中的大智慧

閉上眼試想想: 如無過往的經歷, 那有今天的自己? 最重要係從錯誤裏學習進步啊! 送比你地以下 E 一首 "後來", 但願大家也從當天的錯失中成長, 珍惜眼前人!

有時候, 真不知 "人世間的 "情" 所謂何物"? 何解它無形亦不是血緣關係, 又會傷人至深, 令人有著切膚之痛, 也許人生是無奈的, 我們今後的 "後來" 就看我們 "今天" 如何成就了, 努力吧!

後來
詞：施人誠 曲：玉城千春　編曲：王繼康　　　

後來　我總算學會了　如何去愛　
可惜你　早已遠去　消失在人海　
後來　終於在眼淚中明白　
有些人　一旦錯過就不再　　

梔子花　白花瓣　落在我藍色百褶裙　
「愛你」　你輕聲說　
我低下頭　聞見一陣芬芳　
那個永恆的夜晚　十七歲仲夏　你吻我的那個夜晚　
讓我往後的時光　每當有感嘆　
總想起　當天的星光　　

那時候的愛情　為什麼就能那樣簡單　
而又是為什麼　人年少時　
一定要讓深愛的受傷　
在這相似的深夜裡　你是否一樣　也在靜靜追懷感傷　
如果當時我們能　不那麼倔強　
現在也　不那麼遺憾　　

你都如何回憶我　帶著笑或是很沉默　
這些年來　有沒有人能讓你不寂寞　　

永遠不會再重來　
有一個男孩　愛著那個女孩

街頭艷遇

昨日放工和朋友去馬會買 "六合彩" (今期頭獎好多錢啊!) 之後走去尖東海傍 "望o下海, 欣賞迷人景色"。

一到埗, 陣陣柔風吹送, 噢..........好舒服呀!! 等我用 "眼" 用 "心" 欣賞一下對岸的繁華美景先, 睇o左一陣, 感覺到一陣 "熾熱" 的目光向我射來, 而且距離還由遠走近添!

一名南亞裔男士走到我身旁, 目光向我身上下游走,

佢開口問: Can you understand English? (你明白英文嗎?)
我: (有點意錯愕 + 震驚, 心想: 我來睇海景咋, 唔係來識男仔喎, 唔好阻住我啦, 又唔敢答佢, 只懂不斷 "大力的擰頭" 示意唔明)
佢: Oh.......
我: (即刻轉身走人)

回想起來, 我真係無響應旅遊業協會的呼籲 ── 「以禮代人」 可能佢只係想問路, 又或者了解一下香港的文化, 而我亦喪失了...........推介香港 及 操練英語會話的機會。 也許我太保守了, 哈哈............

空間

尋日瀏覽別人的網誌, 讀到一段頗有意思的文章:

******************************************************
當有個人愛上你，而你也覺得他不錯。那並不代表你會選擇他。

喝酒的時候，六分醉的微醺感是最舒服的。肌肉可以得到鬆弛，眼中看到的一切都是可愛的，如果你還繼續喝，很可能隔天你會頭疼欲裂，全身不舒服，完全喪失了喝酒的樂趣。

吃飯的時候，七分飽的滿足感是最舒服的。口中還留著食物的香味，再加上飯後甜點、水果，保持身材和身體健康絕對足夠。如果你還繼續吃，很可能會腸胃不適、吃太飽想睡覺，完全喪失了吃飯的樂趣。

當你愛一個人的時候，愛到八分絕對剛剛好。所有的期待和希望都只有七八分；剩下兩三分用來愛自己。如果你還繼續愛得更多，很可能會給對方沉重的壓力，讓彼此喘不過氣來，完全喪失了愛情的樂趣。

所以請記住，喝酒不要超過六分醉，吃飯不要超過七分飽，愛一個人不要超過八分喔。

如果你愛一個人，隨遇而安，讓他/她自由的飛，如果最後他/她還是回到你身邊，那就是命中注定的。

******************************************

以上說的不無道理, 我要好好學習, 尤其是係.........."吃" 不要飽過七分, 待我而言, 真的超難啊!!

"氹"

無論 3 歲定係 80 歲, 不分男女, 人人都喜歡「被氹」的, 「被氹」代表被關愛、被尊重、被注視, 令人感到自己與別不同, 舉足輕重的。

"氹人" 蘊藏著好多技巧, 有著重物質的送禮, 亦有注重思想交流的言語及文字溝通, 甚至籍著書本及照片的分享興趣。用言語及文字氹人, 幾乎不用付出太大的成本, 而獲得不錯的效果, 何樂而不為?

親人、朋友 (無分男女)、戀人、甚至街上偶遇的路人, 都喜歡「被人氹」, 問問自己:「你喜歡被關愛、被眷顧嗎?」 如果 "是" 的話, 就自己先行一步, 主動去 "氹" 週遭的人, 推動關愛行動了。

重情

自問係一個 "重情" 的人, 因此投入得越多, 對別人的期望便越高, 常常因此而失望。要學懂凡事放輕, 尤其對人也不要投入太多感情, 絕不是一件容易的事, 因為 "重情" 乃係天生的, 而抽離卻是強迫性的。

我愛舊衣服、舊歌曲、舊書籍等等, 但凡一切舊事皆愛, 因為當中有著不少的故事, 而且包含了多人的心機去成就出來。

重情的人著重「思想交流、心意溝通」多於 建基於物質上, 有時甚至有點 "唔實際" 添 (如: 在店舖買一件毛衣既平又靚, 總好過買毛冷自己織, 但心意遠勝一切)

歌曲上有話:「情與義, 值千金........」在今時今日 E 個講究名利的社會上, 情義何止值千金, 快將 "絕種" 了!! (也許我也要被列入受保護動物)

閱後的啟發

朋友借我一本由藝人顧紀筠寫的書 (一步一腳印) , 由於佢學佛 而且 又經歷過人生中唔少風浪 (發蹟、生育 及 離婚), 因此佢的寫作言之有物, 將佢的人生閱經引申成教育別人的寫照。

終於讀晒佢的書啦! 感受有一點得著, 雖然我並無宗教信仰, 但心中認同 "佛教" 多一點 (尤其是教人"放開", 因為可以減壓), 最認同書中的幾點:

1) 自覺 "太重情", 因此難以學佛 (無福份), 唯有在滾滾紅塵中繼續 「修行」
2) 無論是親人、夫妻、子女還是朋友, 不要佔有別人全部時間, 也不要侵犯別人的私隱, 保持一點點距離, 才可客氣相處
3) 最大的課題係 "面對自己" (反省), 然後 "放過自己" (原諒)
4) 無人會預知結果會如何, 只要盡左力, 享受過程便好了, 正如我地走路, 雙腳永遠唔會 "黐實" 地面, 總有一隻腳在前探路 (踏出), 才能走得動, 不是原地踏步
5) 只要做好自己的本份, 幸福、愛情、事業一切福份皆會自己找上你, 你不用刻意尋覓。

多謝朋友 T 借我的 E 本書, 獲益良多啊! 目前於我來說正是 「挫折乃係 "修行" 的一種, 只是跨得過, 康莊大道正等著我呢!」

摸蜆之旅

上星期朋友 I 到大埔大尾篤摸蜆, 收獲甚豐富, 引起了我的興趣, 今個星期日, 聯同朋友一齊從大圍踏單車到大埔, 再到大尾篤摸蜆, 盡興而回

踏單車期間, 沿途除了欣賞河景及海景, 還有欣賞花花草草, 有盛開的花兒, 有我的戰車, 有我的同伴, 有替你遮蔭的大樹, 還有........在樹幹上開花的洋紫荊




























中午由於早餐未落格, 我地去左食甜品, 有 "紅豆蘆薈雜果撈 " 同埋 "雲喱嗱雪糕蘆薈撈"







終於到左摸蜆的地方了, 在龍尾村對面, 從小路直入的泥灘, 掘左 "個幾鐘", 只得小量細蜆咋!

























回程時見到一棵 "成身也生滿果的樹" (不知名樹), 之後去飲下午茶, 因為太熱, 點了啤酒下火, 炸薯條同埋魷魚鬚, yummy!! 多愉快的一天啊!