同事出差到英國, 買來了手信
糖果色彩繽紛, 而且好似 "擦膠", 味道卻................好難食!! (藥水味 + 苦味), 同事說佢知道 "難食" 的, 不過買回來比我地見識一下喎! 多謝夾盛惠了
星期一, 10月 06, 2008
龍鬚糖 + Q 版紅豆砵仔糕
尋晚的街頭小食課教授了 龍鬚糖 + Q 版紅豆砵仔糕 (示範)
老師 "三扒兩撥" 的就做好了 Q 版紅豆砵仔糕, 每位同學分配得兩個, 咬口幾好之餘又唔太甜, 我鍾意呀!
另外龍鬚糖就由同學 "一手一腳" 自己整, 原來整 "龍鬚" 都幾吃力架, 因為要將製好 (煮好待涼) 的 "粟米膠" (似一舊圓形的硬膠) 拉成 "幼幼的龍鬚" 真係一 D 都唔容易, 拉完龍鬚之後已經攰到半死了 (可能女生的臂力及手溫唔夠), 而且龍鬚幾快變硬呀, 所以即拉即食就好味, 否則又硬又痴牙!
老師 "三扒兩撥" 的就做好了 Q 版紅豆砵仔糕, 每位同學分配得兩個, 咬口幾好之餘又唔太甜, 我鍾意呀!
另外龍鬚糖就由同學 "一手一腳" 自己整, 原來整 "龍鬚" 都幾吃力架, 因為要將製好 (煮好待涼) 的 "粟米膠" (似一舊圓形的硬膠) 拉成 "幼幼的龍鬚" 真係一 D 都唔容易, 拉完龍鬚之後已經攰到半死了 (可能女生的臂力及手溫唔夠), 而且龍鬚幾快變硬呀, 所以即拉即食就好味, 否則又硬又痴牙!
星期日, 10月 05, 2008
十指緊扣
"十指緊扣" 令你想起了什麼?
大部份人總會想起 "男女拖手"的, 而我就例外了
女生們 (好姊妹) 逛街時總愛 "撓手", 關係尤好的 (如親戚: 親姊妹, 母女) 更會拖手添, 不過一般人拖手時, 總係 "橫向式手掌貼手掌" 的拖, 好少會 "十指緊扣" 式的拖手架!
媽媽和我卻總會不期然的 "十指緊扣" (尤其橫過馬路時), 彼此也甚有默契的, 佢交出手掌而我接上
同佢 "十指緊扣" 時總感受得到溫馨和使命感 (要保護佢), 還有內裏似有一種 "難以言喻" 的交流, 像知道對方的思想般的感覺 (感到佢的支持), 捨不得 "甩開" 佢的手, 心內又回想起小時候我舉高手, 而佢微彎著身體去拖住我, 照顧我的片段, 因此今天有幸佢仍健康的陪我 "十指緊扣" 地走, 真幸福!!
以下係一節歌詞描寫 "十指緊扣" 的, 希望和媽媽可以 "十指緊扣" 直到氣力不夠, 彼此才願意放手
誰都知雙手可緊扣
不依不捨的背後
這個信念有多溫柔
從害怕會被擁有
直到氣力不夠
十隻手指終於找得到對手
能開不開心都緊扣
辛不辛苦都接受
是一個成就
可惜我只想與一個人尾指一勾
也沒有
大部份人總會想起 "男女拖手"的, 而我就例外了女生們 (好姊妹) 逛街時總愛 "撓手", 關係尤好的 (如親戚: 親姊妹, 母女) 更會拖手添, 不過一般人拖手時, 總係 "橫向式手掌貼手掌" 的拖, 好少會 "十指緊扣" 式的拖手架!
媽媽和我卻總會不期然的 "十指緊扣" (尤其橫過馬路時), 彼此也甚有默契的, 佢交出手掌而我接上
同佢 "十指緊扣" 時總感受得到溫馨和使命感 (要保護佢), 還有內裏似有一種 "難以言喻" 的交流, 像知道對方的思想般的感覺 (感到佢的支持), 捨不得 "甩開" 佢的手, 心內又回想起小時候我舉高手, 而佢微彎著身體去拖住我, 照顧我的片段, 因此今天有幸佢仍健康的陪我 "十指緊扣" 地走, 真幸福!!
以下係一節歌詞描寫 "十指緊扣" 的, 希望和媽媽可以 "十指緊扣" 直到氣力不夠, 彼此才願意放手
誰都知雙手可緊扣
不依不捨的背後
這個信念有多溫柔
從害怕會被擁有
直到氣力不夠
十隻手指終於找得到對手
能開不開心都緊扣
辛不辛苦都接受
是一個成就
可惜我只想與一個人尾指一勾
也沒有
星期六, 10月 04, 2008
勞損了
上週工作較繁忙, 經常用電腦至眼累, 頸緊兼膊痛, 好唔容易才 "頂" 到星期五 (好彩多了國慶假期咋, 當日在家也是對著電腦, 不停的做功課)
週五放工後趕返學, 嘩..............頸緊得 "越來越痛", 好似個頭快將 "甩" 出來o甘, 好辛苦啊! (也許係 "拉傷" 了頸膊肌肉, 又或係工作時用電腦的姿勢不正確, 太勞累所致)
今早我是一隻 "死豬" (無陪媽媽飲茶), 中午外出食飯及閒逛, 回家時原定做功課, 惜肩膊真係痛得不想舉起手去打鍵盤, 唯不停的睡, 直至晚飯才起身
而家想在網上為功課搜集資料, 但膊頭依然好痛, 睇o下頂得幾耐啦! (已經熱切期待下週二的假期了)
週五放工後趕返學, 嘩..............頸緊得 "越來越痛", 好似個頭快將 "甩" 出來o甘, 好辛苦啊! (也許係 "拉傷" 了頸膊肌肉, 又或係工作時用電腦的姿勢不正確, 太勞累所致)
今早我是一隻 "死豬" (無陪媽媽飲茶), 中午外出食飯及閒逛, 回家時原定做功課, 惜肩膊真係痛得不想舉起手去打鍵盤, 唯不停的睡, 直至晚飯才起身
而家想在網上為功課搜集資料, 但膊頭依然好痛, 睇o下頂得幾耐啦! (已經熱切期待下週二的假期了)
星期五, 10月 03, 2008
King King 生日快樂
今日係我大佬 King King 的生日, 在此祝係你 兒子孝順健康, 夫妻和睦順意, 財源水漲船高!!
o黎緊 18/10 才和你補祝生日晚飯 (今年仲要係 "三代同堂" 一齊攪添, 認真高興)
o黎緊 18/10 才和你補祝生日晚飯 (今年仲要係 "三代同堂" 一齊攪添, 認真高興)
星期四, 10月 02, 2008
星期三, 10月 01, 2008
跑步悟人生
剛跑完步回來寫 blog, 今日和媽媽一齊跑上次的 "小山坡", 上斜的時候依然感到吃力, 要多練習才得了
頭先跑步的時候, 我悟出了一個道理, 每次當我跑 "上斜" 時, 總覺得力不從心 (未鍛鍊足夠體能), 但又唔想因此而放棄, 於是我想辦法去鼓勵自己 (鞭策自己) 完成使命, 結果...........
我同自己講: 不要回頭望, 只管堅定的望住前方, 心想 "放低過去, 做好現在, 展望未來, 前路正等著我呢!" (我的人生不可以只 "原地踏步" 啊)
結果當我一步一步向前邁進時, 剛才的步伐已經離我絕塵而去了, 所以只要你意志堅定, 肯去嘗試去做, 無話做唔到的, 只係需時幾耐啫! (尤其是需要儲幾耐的勇氣去開始嘗試), 引申至人生中, 活到老, 學到老, 有心肯學就一定得, 最多用多 d 時間完成啫, 係唔係??
頭先跑步的時候, 我悟出了一個道理, 每次當我跑 "上斜" 時, 總覺得力不從心 (未鍛鍊足夠體能), 但又唔想因此而放棄, 於是我想辦法去鼓勵自己 (鞭策自己) 完成使命, 結果...........
我同自己講: 不要回頭望, 只管堅定的望住前方, 心想 "放低過去, 做好現在, 展望未來, 前路正等著我呢!" (我的人生不可以只 "原地踏步" 啊)
結果當我一步一步向前邁進時, 剛才的步伐已經離我絕塵而去了, 所以只要你意志堅定, 肯去嘗試去做, 無話做唔到的, 只係需時幾耐啫! (尤其是需要儲幾耐的勇氣去開始嘗試), 引申至人生中, 活到老, 學到老, 有心肯學就一定得, 最多用多 d 時間完成啫, 係唔係??
今日的 target (目標)
今日係國慶日, 因此獲得額外一天的假期, 好開心喔!
早上 8:00 幾起身同媽媽及 KK 飲茶, 然後購物回家, 之後就為自己訂立了今日的時間表
飲茶 → 回家 → 做功課 → 跑步 → 晚飯 → 休息
哈哈...........大約下午 1:00 就已經做起了一份草稿 (下星期五交的小組討論 - 自己負責的部份), 之後小休一陣 (食少少野), 又再開工, 希望做得起 (半份初稿) 1000 字論文的功課啦! o甘就有多 d 時候作出修改, 可以在 10 月 25 日 deadline (死線) 之前交功課了
為著黃昏去跑步感到興奮, 要努力爭取健康的體魄, 不可因壓力而倒下 (病倒) 喔!
我要努力向上, Big Mac 要加油啊!
早上 8:00 幾起身同媽媽及 KK 飲茶, 然後購物回家, 之後就為自己訂立了今日的時間表
飲茶 → 回家 → 做功課 → 跑步 → 晚飯 → 休息
哈哈...........大約下午 1:00 就已經做起了一份草稿 (下星期五交的小組討論 - 自己負責的部份), 之後小休一陣 (食少少野), 又再開工, 希望做得起 (半份初稿) 1000 字論文的功課啦! o甘就有多 d 時候作出修改, 可以在 10 月 25 日 deadline (死線) 之前交功課了
為著黃昏去跑步感到興奮, 要努力爭取健康的體魄, 不可因壓力而倒下 (病倒) 喔!
我要努力向上, Big Mac 要加油啊!
星期二, 9月 30, 2008
燦爛的煙花
聽日就係國慶日啦, 真好! 又多一日假期。 晚上還會有煙花大匯演啊, 聞說今次的煙花設計有大突破, 既有 "大腳板" 圖案, 仲有好多新款式添, 歷時大概 23 分鐘。
預計我該會躲避的, 因為今年唔想睇煙花啊 (總會想起往事), 也許早一點入睡 又或者 外出逛一逛啦!
有時候我覺得 「人際關係」 (人與人之間的相處) 要有熱情和誠意, 又尤如踢足球一樣, 要攻守兼備 (一時採取主動關懷對方, 一時享受被照顧)。
如果熱情過多, 性格過於急進, 好容易似 "煙花" 一樣, 短時間內很燦爛, 卻好快消失得無形無縱。(因為熱情燃燒盡了) 反而大家比多一點耐性 (空間), 一齊互相攻守, 慢慢的去彼此了解 (就如足球場上的 "猜波"), 才能促成有默契而良好的人際關係, 彼此變成 "真心朋友"。
你愛熱情澎湃的花火 抑或 恆久恬靜的細水長流?
預計我該會躲避的, 因為今年唔想睇煙花啊 (總會想起往事), 也許早一點入睡 又或者 外出逛一逛啦!
有時候我覺得 「人際關係」 (人與人之間的相處) 要有熱情和誠意, 又尤如踢足球一樣, 要攻守兼備 (一時採取主動關懷對方, 一時享受被照顧)。
如果熱情過多, 性格過於急進, 好容易似 "煙花" 一樣, 短時間內很燦爛, 卻好快消失得無形無縱。(因為熱情燃燒盡了) 反而大家比多一點耐性 (空間), 一齊互相攻守, 慢慢的去彼此了解 (就如足球場上的 "猜波"), 才能促成有默契而良好的人際關係, 彼此變成 "真心朋友"。
你愛熱情澎湃的花火 抑或 恆久恬靜的細水長流?
星期一, 9月 29, 2008
星期日, 9月 28, 2008
我的 "烏 Where" 論
男仔頭的我有時候也羨慕別的女生愛打扮, 愛化妝的, 因為佢地的落力, 令整個社會的市容也好看一點, 至於我呢............
天生皮膚質地麻麻, 如果皮膚長期被化妝品覆蓋著, 膚質豈不是會更差? (毛孔易被阻塞), 另外守財奴的我寧可把金錢投資在食野, 學習, 投資 及 旅行 身上, 也不捨得花費在華衣美服處啊!
平日返工的衣著總係平平無奇, 只求整潔, 不太著重款式多變, 衣櫃內 "最老" 的一件衫該有陪足我 5 年或以上了 (足證我的身形 10 年如 1 日, 幾 fit!!), 因為它唔太殘 (唔係時時著), 而又幾耐看及穿得舒服, 唔捨得棄掉啊!
週末總喜愛著得有 o甘隨便得 o甘隨便, T shirt + 牛仔褲 + 波鞋幾乎係我的 "必然選擇" (因為好少機會 "配襯出錯", 又唔駛用腦去諗), 所以週末我就會變身成為一個 "未瞓醒的屋村師奶仔" 了 (有時刻意唔 gel 頭 (鬈髮), 比機會頭髮抖一抖, 怕甩得多頭髮啊!)
大家週末見到我時, 會唔會唔認得我, 以為我係 "外傭" 呢? 哈哈..........
講明係週末, 梗係處於輕鬆的狀態, 打扮應該隨心隨意無壓力, 否則全身又要 "整裝待發", 壓力可大啊! (加上男仔頭的我會 "周身唔自在" 呢!)
天生皮膚質地麻麻, 如果皮膚長期被化妝品覆蓋著, 膚質豈不是會更差? (毛孔易被阻塞), 另外守財奴的我寧可把金錢投資在食野, 學習, 投資 及 旅行 身上, 也不捨得花費在華衣美服處啊!
平日返工的衣著總係平平無奇, 只求整潔, 不太著重款式多變, 衣櫃內 "最老" 的一件衫該有陪足我 5 年或以上了 (足證我的身形 10 年如 1 日, 幾 fit!!), 因為它唔太殘 (唔係時時著), 而又幾耐看及穿得舒服, 唔捨得棄掉啊!
週末總喜愛著得有 o甘隨便得 o甘隨便, T shirt + 牛仔褲 + 波鞋幾乎係我的 "必然選擇" (因為好少機會 "配襯出錯", 又唔駛用腦去諗), 所以週末我就會變身成為一個 "未瞓醒的屋村師奶仔" 了 (有時刻意唔 gel 頭 (鬈髮), 比機會頭髮抖一抖, 怕甩得多頭髮啊!)
大家週末見到我時, 會唔會唔認得我, 以為我係 "外傭" 呢? 哈哈..........
講明係週末, 梗係處於輕鬆的狀態, 打扮應該隨心隨意無壓力, 否則全身又要 "整裝待發", 壓力可大啊! (加上男仔頭的我會 "周身唔自在" 呢!)
海鮮之夜, Yeah!!!
一行 13 人做什麼好?
唔駛問, 一家又係飲飲食食啦! 尋晚我地去左屯門三聖村食海鮮
首先我地去左青山灣海鮮街某店鋪買海鮮, 總共買左 8 款海鮮, 包括: 魚, 蝦, 蟹, 花甲, 扇貝, 瀨尿蝦 (我的至愛), 聖子, 龍蝦仔 (另送我地石頭魚煲湯), 共 $1,630
之後我地去左附近的大排檔將食材加工, 仲加多三個餸, 變成:
1) 白灼生蝦 (新鮮好味)
2) 清蒸魚 (我唔知什麼魚)
3) 薑蔥炒蟹 (薑蔥調味好)
4) 上湯花甲 (唔特別, 花甲肉甩晒出來)
5) 蒜茸粉絲蒸扇貝 (只得 8 隻, 我無食到)
6) 椒鹽瀨尿蝦 (我的至愛, 好食得來 "油" 左少少)
7) 豉椒炒聖子 (有咬口, 不過略嫌有沙)
8) 芝士焗開邊龍蝦仔 (買左 4 隻, 即使開邊有 8 件, 部份人也要 share 1 件, 試得唔清楚味道)
9) 咕嚕肉 (一般, 唔特別)
10) 椒絲炒唐生菜
11) 豆豉鯪魚油蜜菜
12) 石頭魚海鮮湯 (海鮮店送的, 好香胡椒味)
12 個餸包埋酒水 及 白飯, 總共 $1,130, 連埋食材費用, 每人都係攤分 $212 就可以試食o甘多款海鮮, 唔錯啊! 飯後仲去左深井食甜品添, 超滿足的一天
食物上桌的時候, 人人已經 "食指大動", 我也忘了影相, 到了尾聲時才拍下幾張照片, 唔好見笑啊! 相信秋冬天去食會好一些, 因為夏天在大排檔實在太熱了!
唔駛問, 一家又係飲飲食食啦! 尋晚我地去左屯門三聖村食海鮮
首先我地去左青山灣海鮮街某店鋪買海鮮, 總共買左 8 款海鮮, 包括: 魚, 蝦, 蟹, 花甲, 扇貝, 瀨尿蝦 (我的至愛), 聖子, 龍蝦仔 (另送我地石頭魚煲湯), 共 $1,630
之後我地去左附近的大排檔將食材加工, 仲加多三個餸, 變成:
1) 白灼生蝦 (新鮮好味)
2) 清蒸魚 (我唔知什麼魚)
3) 薑蔥炒蟹 (薑蔥調味好)
4) 上湯花甲 (唔特別, 花甲肉甩晒出來)
5) 蒜茸粉絲蒸扇貝 (只得 8 隻, 我無食到)
6) 椒鹽瀨尿蝦 (我的至愛, 好食得來 "油" 左少少)
7) 豉椒炒聖子 (有咬口, 不過略嫌有沙)
8) 芝士焗開邊龍蝦仔 (買左 4 隻, 即使開邊有 8 件, 部份人也要 share 1 件, 試得唔清楚味道)
9) 咕嚕肉 (一般, 唔特別)
10) 椒絲炒唐生菜
11) 豆豉鯪魚油蜜菜
12) 石頭魚海鮮湯 (海鮮店送的, 好香胡椒味)
12 個餸包埋酒水 及 白飯, 總共 $1,130, 連埋食材費用, 每人都係攤分 $212 就可以試食o甘多款海鮮, 唔錯啊! 飯後仲去左深井食甜品添, 超滿足的一天
食物上桌的時候, 人人已經 "食指大動", 我也忘了影相, 到了尾聲時才拍下幾張照片, 唔好見笑啊! 相信秋冬天去食會好一些, 因為夏天在大排檔實在太熱了!
星期六, 9月 27, 2008
星期五, 9月 26, 2008
不要虛度光陰
有無試過想去睇一套戲, 聽一個演唱會, 出一身汗做運動, 又或者想逛街, 但卻因為一個人太悶, 感覺無意思, 因而打消了念頭, 最後不了了之 (無去了)
究竟當中我地錯過了幾多精彩的情景?
雖然人類係群體動物, 但唔係時時刻刻o甘容易和朋友相約架 (人人也有自己的事做, 返學的返學, 有約會的又唔得閒)
何不嘗試學習 "享受獨處" 呢?
獨處的時候, 可以坦白面對自己感受 (不用顧累別人), 可以隨心所欲, 不要因為那一刻的 "無人陪" 便錯過了那套戲, 那個演唱會, 那個運動 及 逛街機會啊! 因為事後再去做的時候, 時間又或者情懷已經不再了, 豈不是在白白浪費光陰嗎?
究竟當中我地錯過了幾多精彩的情景?
雖然人類係群體動物, 但唔係時時刻刻o甘容易和朋友相約架 (人人也有自己的事做, 返學的返學, 有約會的又唔得閒)
何不嘗試學習 "享受獨處" 呢?
獨處的時候, 可以坦白面對自己感受 (不用顧累別人), 可以隨心所欲, 不要因為那一刻的 "無人陪" 便錯過了那套戲, 那個演唱會, 那個運動 及 逛街機會啊! 因為事後再去做的時候, 時間又或者情懷已經不再了, 豈不是在白白浪費光陰嗎?
純真的友誼
世上有純真的友誼麼?
無論男男, 女女, 男女也有可能發展友誼
有人話男人之間的友誼重義氣, 係一生一世的好兄弟, 女仔圈中永遠 "是非" 較多, 容易因一些小問題而令友情告吹, 彼此反目, o甘男女之間呢? 有純真的友誼麼?
其實我相信只要兩人也清楚彼此的位置, 互相沒有其他雜念, 純真的友誼係可以存在的, 而且仲可以互相交心, 知道異性的想法添! (彌補自己的思想不足)
只不過在過去大部份的男性朋友總不能發展出純純的友誼, 要不會發展出戀情, 要不就表白不成, 做回朋友已經尷尷尬尬的, 再難交心了, 多可惜!
如果係孩童o甘幾好呢! 佢地只顧吃, 喝, 玩, 樂, 交朋友無國界, 年齡及性別之分, 哪多好啊!
無論男男, 女女, 男女也有可能發展友誼
有人話男人之間的友誼重義氣, 係一生一世的好兄弟, 女仔圈中永遠 "是非" 較多, 容易因一些小問題而令友情告吹, 彼此反目, o甘男女之間呢? 有純真的友誼麼?
其實我相信只要兩人也清楚彼此的位置, 互相沒有其他雜念, 純真的友誼係可以存在的, 而且仲可以互相交心, 知道異性的想法添! (彌補自己的思想不足)
只不過在過去大部份的男性朋友總不能發展出純純的友誼, 要不會發展出戀情, 要不就表白不成, 做回朋友已經尷尷尬尬的, 再難交心了, 多可惜!
如果係孩童o甘幾好呢! 佢地只顧吃, 喝, 玩, 樂, 交朋友無國界, 年齡及性別之分, 哪多好啊!
星期四, 9月 25, 2008
星期三, 9月 24, 2008
星期二, 9月 23, 2008
毒奶
毒奶事件越鬧越大, 令人 "聞中國製的奶類產品" 而恐懼, 今晚晚飯時, 電視又播映緊毒奶事件, 令我想起了從前聽過的一個故事, 內容係o甘的:
一對豬夫婦, 公豬十分愛母豬, 並承諾過會樣樣事情遷就她, 一生照顧她
他會事事以她為先, 所有好的食物全留給她, 母豬自然心廣體胖, 覺得自己無嫁錯郎
一天當公豬聽到一個消息之後, 他改變了相處模式
每天餵飼的時候, 公豬總推開母豬, 自己不斷的食, 直到吃光了所有食物
母豬傷心透了, 她以為公豬唔再愛自己, 黯然之餘, 還纖瘦了不少
原來.............
農場的主人見公豬養得胖胖的, 是時候攞去劏了, 連忙將他帶走
公豬臨走時向母豬說: 我兌現了照顧你一生的承諾了, 你要好好照顧自己, 不要吃得太好, 否則也好快會被劏了
毒奶如果不被發現的話, 將會一直潛伏在人體內, 終會令人生病, 目前我地仲唔知道究竟還有幾多食物有害呢! 怪不得時下的人經常會患上癌病啦!
一對豬夫婦, 公豬十分愛母豬, 並承諾過會樣樣事情遷就她, 一生照顧她
他會事事以她為先, 所有好的食物全留給她, 母豬自然心廣體胖, 覺得自己無嫁錯郎
一天當公豬聽到一個消息之後, 他改變了相處模式
每天餵飼的時候, 公豬總推開母豬, 自己不斷的食, 直到吃光了所有食物
母豬傷心透了, 她以為公豬唔再愛自己, 黯然之餘, 還纖瘦了不少
原來.............
農場的主人見公豬養得胖胖的, 是時候攞去劏了, 連忙將他帶走
公豬臨走時向母豬說: 我兌現了照顧你一生的承諾了, 你要好好照顧自己, 不要吃得太好, 否則也好快會被劏了
毒奶如果不被發現的話, 將會一直潛伏在人體內, 終會令人生病, 目前我地仲唔知道究竟還有幾多食物有害呢! 怪不得時下的人經常會患上癌病啦!
星期一, 9月 22, 2008
星期六, 9月 20, 2008
食飽就瞓, 瞓飽再食
飲過早茶後, 去左美容院扮靚靚 (仲瞓到一隻死豬o甘) , 然後梗係去醫個 "五臟廟" 啦!
去左大埔墟街市 2/F 熟食中心的 CFS12 舖 的 "平記麵家", 它上過好多飲食專訪, 蔡瀾亦有推介過
今日點了馳名的 "蝦子雲吞撈麵" (有少許豬油) $28+ "罐裝忌廉" $5, 蝦子夠咸香, 竹昇麵無梘水味, 雲吞唔係大大隻的鮮蝦雲吞, 而係廣東雲吞, 適量的豬油可以潤澤竹昇麵, 令它更滑更香
偶然食一下 "平記", 令人好滿足同開心呀! (據聞以前平記在舊式無冷氣的街市營業時, 周星馳星爺也要排上個零鐘頭隊去食架!)
去左大埔墟街市 2/F 熟食中心的 CFS12 舖 的 "平記麵家", 它上過好多飲食專訪, 蔡瀾亦有推介過
今日點了馳名的 "蝦子雲吞撈麵" (有少許豬油) $28+ "罐裝忌廉" $5, 蝦子夠咸香, 竹昇麵無梘水味, 雲吞唔係大大隻的鮮蝦雲吞, 而係廣東雲吞, 適量的豬油可以潤澤竹昇麵, 令它更滑更香
偶然食一下 "平記", 令人好滿足同開心呀! (據聞以前平記在舊式無冷氣的街市營業時, 周星馳星爺也要排上個零鐘頭隊去食架!)
29 + 1 又如何
尋晚睇完了 29+1 (第五次重演), 劇味濃, 演技細膩, 能夠引起觀眾共鳴之餘, 爆笑位亦充足, 令我和 KK 及 兩個朋友仔渡過了好愉快的幾小時呢! (兩個幾鐘內, 我又喊又笑, 好減壓啊!)
深刻的共鳴有:
1) 唔知從幾時開始, 出入冷氣地方, 總有絲巾或冷衫跟身, 究竟係自己體弱了? 開始著重自己的健康? 抑或青春少艾不再呢? (點解青春少艾好似對冷氣有免疫力o甘)
2) 唔知從幾時開始, 無論買主糧抑或零食, 首要的係選擇款式口味, 再睇睇成份 (高纖低脂高鈣的最好), 才比較價錢 (原來健康才無價, 貴一點又何妨)
3) 人大了, 記性亦差, 好多時太忙太迷茫, 會完全唔記得 "上一分鐘" 自己想說什麼? 又還者 "遺漏" 了什麼?
令我流淚的位置:
1) 女主角在醫院床邊和爸爸傾計 (當時脈搏機在背後 Bi...Bi....響), 細訴往事, 勾起了我兒時回憶 (如: 彭福公園), 不禁想起唔知從幾時開始, 再無同爸爸o甘 friend 了, 唔可以 "攬頭攬頸" 之餘, 甚至連傾心事也困難起來, 可能.....我總以為爸爸不會了解 "女生的感受" 吧! 好懷念兒時的幸福, 總好似離我太遠啊!
2) 之後女主角叫爸爸快 d 好返, 因為仲要帶佢去xx 飲茶, 去 xx 行街等等......默然.........脈搏機 Bi.......一聲長響, 一切也完結了! 當時我想起了阿姨臨去世前的時候, 心酸的感覺一湧而上, 淚亦滾下來
3) 女主角患了末期乳癌, 想趁手術前叫自己一名男性好友 (不是男朋友) 摸一下自己的乳房, 雖然唐突好笑, 但背後卻帶著一點點悲涼, 日後割掉了乳房, 可能感到自己有缺陷, 想還自己近男色的一個心願吧! (女角有一點任性), 我卻是笑到標眼水
E 套劇比到我好多好多反思的機會, 想左好多野! 然後.......突然覺得 "點解會為那 29+1 而感到驚恐傍惶? 只要你把自己的歲數 "拆開", 如: 18 歲 = 17+1, o甘管它的什麼年紀, 也不會再有個框框困住自己, 只要活得開心, 盡量忠於自己感受, 把握快樂的事, 那才不枉過!"
深刻的共鳴有:
1) 唔知從幾時開始, 出入冷氣地方, 總有絲巾或冷衫跟身, 究竟係自己體弱了? 開始著重自己的健康? 抑或青春少艾不再呢? (點解青春少艾好似對冷氣有免疫力o甘)
2) 唔知從幾時開始, 無論買主糧抑或零食, 首要的係選擇款式口味, 再睇睇成份 (高纖低脂高鈣的最好), 才比較價錢 (原來健康才無價, 貴一點又何妨)
3) 人大了, 記性亦差, 好多時太忙太迷茫, 會完全唔記得 "上一分鐘" 自己想說什麼? 又還者 "遺漏" 了什麼?
令我流淚的位置:
1) 女主角在醫院床邊和爸爸傾計 (當時脈搏機在背後 Bi...Bi....響), 細訴往事, 勾起了我兒時回憶 (如: 彭福公園), 不禁想起唔知從幾時開始, 再無同爸爸o甘 friend 了, 唔可以 "攬頭攬頸" 之餘, 甚至連傾心事也困難起來, 可能.....我總以為爸爸不會了解 "女生的感受" 吧! 好懷念兒時的幸福, 總好似離我太遠啊!
2) 之後女主角叫爸爸快 d 好返, 因為仲要帶佢去xx 飲茶, 去 xx 行街等等......默然.........脈搏機 Bi.......一聲長響, 一切也完結了! 當時我想起了阿姨臨去世前的時候, 心酸的感覺一湧而上, 淚亦滾下來
3) 女主角患了末期乳癌, 想趁手術前叫自己一名男性好友 (不是男朋友) 摸一下自己的乳房, 雖然唐突好笑, 但背後卻帶著一點點悲涼, 日後割掉了乳房, 可能感到自己有缺陷, 想還自己近男色的一個心願吧! (女角有一點任性), 我卻是笑到標眼水
E 套劇比到我好多好多反思的機會, 想左好多野! 然後.......突然覺得 "點解會為那 29+1 而感到驚恐傍惶? 只要你把自己的歲數 "拆開", 如: 18 歲 = 17+1, o甘管它的什麼年紀, 也不會再有個框框困住自己, 只要活得開心, 盡量忠於自己感受, 把握快樂的事, 那才不枉過!"
星期五, 9月 19, 2008
人生關口
「人生」應該分成幾多個關口呢? 計我話大致都該分開以下幾個:
1) 嬰孩期: 0-5 歲, 吃喝玩樂 + 學習 + 百般被寵的日子
2) 孩童期: 6-1X歲, 返學讀書, 無憂無慮的歲月
3) 青年期: 1X-2X 歲 不知天高地厚, 工餘時只顧玩樂、扮靚
4) 成熟期: 3X-4X 歲, 成家、置業、投資、生育下一代的時候
5) 夕陽期: 5X-6X 歲, 如有幸的已退休, 否則每天擔心年紀大被取締工作崗位
6) 黃昏期: 7X 歲或以上, 也該算是收成期, 回顧一生奔波, 最後得到了什麼?
常言道: 人生該 30 而立, 要開始清醒了, 不要再渾渾噩噩的過日子, 燃燒青春過後, 究竟你得到了什麼?
相對女性來講, 也許由 "青年期" 踏入 "成熟期" 的心理關口係最難過的, 從年少無知、只顧扮靚拍拖的花花世界, 再過渡冗悶的成人世界, 要積極的為自己未來打算, 到底別人的想法又會和我一樣的麼?
今晚將會欣賞舞台劇 29 + 1, 內容就係講述兩位女生如何用不同的態度去面對 30 歲, 唔知睇完之後又會有什麼啟發呢? 好期待啊!
1) 嬰孩期: 0-5 歲, 吃喝玩樂 + 學習 + 百般被寵的日子
2) 孩童期: 6-1X歲, 返學讀書, 無憂無慮的歲月
3) 青年期: 1X-2X 歲 不知天高地厚, 工餘時只顧玩樂、扮靚
4) 成熟期: 3X-4X 歲, 成家、置業、投資、生育下一代的時候
5) 夕陽期: 5X-6X 歲, 如有幸的已退休, 否則每天擔心年紀大被取締工作崗位
6) 黃昏期: 7X 歲或以上, 也該算是收成期, 回顧一生奔波, 最後得到了什麼?
常言道: 人生該 30 而立, 要開始清醒了, 不要再渾渾噩噩的過日子, 燃燒青春過後, 究竟你得到了什麼?
相對女性來講, 也許由 "青年期" 踏入 "成熟期" 的心理關口係最難過的, 從年少無知、只顧扮靚拍拖的花花世界, 再過渡冗悶的成人世界, 要積極的為自己未來打算, 到底別人的想法又會和我一樣的麼?
今晚將會欣賞舞台劇 29 + 1, 內容就係講述兩位女生如何用不同的態度去面對 30 歲, 唔知睇完之後又會有什麼啟發呢? 好期待啊!
第一次見識 CEO
尋晚係我o甘大個女第一次去 CEO 唱 K 咋! (當 "見識" 一下)
所謂的 CEO 即係較一般 卡拉 OK 大型的場地, 每個房間有自獨立的洗手間 (較乾淨之餘又唔怕迷路)
尋晚我地仲幫襯埋 + $28 食 K Buffet (自助餐) 添! 食物尚算 OK 啦, 花款多樣化之外, 質素亦唔差, 相比起之前去過其他店的 K Buffet 好得多。(以下附上兩張相片比大家睇o下, 當然我並唔係食左o甘少野啦), 是次每人消費 $195 (包人頭費, 花生費, 自助餐費 及 服務費 和 兩杯無酒精飲品)
哈.....哈.....都總算見識過了 (還一個心願呢! 不要太 out (過時), 怕亨仔大個仔時唔 "侵" 我玩)
星期四, 9月 18, 2008
星期三, 9月 17, 2008
幸福玻璃球
每個孩子的小時候, 或多或少總 聽過 又或者 睇過 「童話故事」
童話故事中大多數講述 "公主" 與 "王子", 然後中途發生了一些小考驗, 如: 白雪公主食下毒蘋果睡著了, 灰姑娘忙著趕回家掉下了玻璃鞋, 最後都係 "大團圓" 結局的。 讓單純的孩子覺得世上雖有 "好人" 和 "奸人" 之分, 但世界乃是美好的 (因為好人有好報, 大團圓結局)。
現實世界真的如此嗎?
報章說一位內地媽媽, 自小在農村長大, 過著重男輕女, 經常被體罰的童年 (成長過程似灰姑娘嗎?) 然而她長大後嫁到香港, 誕下了一對龍鳳胎, 就因她的重男輕女思想, 經常體罰女童, 最終女童因腦被硬物所傷而導致吞食時哽死。 (點解現實中的灰姑娘自小被欺凌, 長大後卻得不到王子的垂青的庇護, 還要牽連下一代無辜的犧牲?)
「童話故事」只是成年人保護兒童的純真所製作的 "幸福玻璃球", 虛幻而唔真實的, 它可以用作粉飾 (沉悶的生活), 現實中卻無法實現!!
靠人不如靠自己, 不要再被小時候的「童話故事」影響了, 摔破那個 "童話玻璃球", 找尋自己的出路, 努力的製作一個屬於自己的 "幸福小天地" 吧! (幸福小天地是實在而可以掌握 (實現) 的)
童話故事中大多數講述 "公主" 與 "王子", 然後中途發生了一些小考驗, 如: 白雪公主食下毒蘋果睡著了, 灰姑娘忙著趕回家掉下了玻璃鞋, 最後都係 "大團圓" 結局的。 讓單純的孩子覺得世上雖有 "好人" 和 "奸人" 之分, 但世界乃是美好的 (因為好人有好報, 大團圓結局)。
現實世界真的如此嗎?
報章說一位內地媽媽, 自小在農村長大, 過著重男輕女, 經常被體罰的童年 (成長過程似灰姑娘嗎?) 然而她長大後嫁到香港, 誕下了一對龍鳳胎, 就因她的重男輕女思想, 經常體罰女童, 最終女童因腦被硬物所傷而導致吞食時哽死。 (點解現實中的灰姑娘自小被欺凌, 長大後卻得不到王子的垂青的庇護, 還要牽連下一代無辜的犧牲?)
「童話故事」只是成年人保護兒童的純真所製作的 "幸福玻璃球", 虛幻而唔真實的, 它可以用作粉飾 (沉悶的生活), 現實中卻無法實現!!
靠人不如靠自己, 不要再被小時候的「童話故事」影響了, 摔破那個 "童話玻璃球", 找尋自己的出路, 努力的製作一個屬於自己的 "幸福小天地" 吧! (幸福小天地是實在而可以掌握 (實現) 的)
星期二, 9月 16, 2008
路一直都在 視乎我們怎麼走
我知道我們繼續下去 還是老樣子
我繼續包容你的任性
你繼續行使你的特權
究竟是我愛你太多 抑或你愛我太少
還是此乃我們既定的相處模式
日子久了 我們一直相伴地走
只是有的時候
你忘了我也是一個人 我也有感受
單程路的日子並不好受 零分享零交流
責任傷感使我倍感孤單 但路還是繼續在走
而你的心也似在飛走
飛去為你認為值得的事而忙著
繼續走下去 是我還愛著你
抑或放下你 令我感覺殘忍
又還是彼此已經習慣了這麼久
也許一人哀愁 總好過二人難受
因為我早已遺忘了自己的感受
理智到要放手 殘忍的還得接受
傷口終有一天會埋口
捱下去 也只會是一對怨偶
關係一直潰爛 最終變得無可挽救
路一直都在 我們只是分開走
偶有傷痛 加點勇氣 我們挺起身軀走到人生白頭
路一直都在 視乎我們怎麼走
我繼續包容你的任性
你繼續行使你的特權
究竟是我愛你太多 抑或你愛我太少
還是此乃我們既定的相處模式
日子久了 我們一直相伴地走
只是有的時候
你忘了我也是一個人 我也有感受
單程路的日子並不好受 零分享零交流
責任傷感使我倍感孤單 但路還是繼續在走
而你的心也似在飛走
飛去為你認為值得的事而忙著
繼續走下去 是我還愛著你
抑或放下你 令我感覺殘忍
又還是彼此已經習慣了這麼久
也許一人哀愁 總好過二人難受
因為我早已遺忘了自己的感受
理智到要放手 殘忍的還得接受
傷口終有一天會埋口
捱下去 也只會是一對怨偶
關係一直潰爛 最終變得無可挽救
路一直都在 我們只是分開走
偶有傷痛 加點勇氣 我們挺起身軀走到人生白頭
路一直都在 視乎我們怎麼走
星期一, 9月 15, 2008
壓力瘡
唔好以為我打錯字, 我講的唔係用作訓練用途的 "壓力倉", 而係因為 "壓力" 而導致的 "暗瘡" 呀!
最近 "浸大課程" (將完結) 及 "港大課程" (剛開課) 交接, 時候上有一點緊迫, 而且浸大的課程考試燃眉在睫 (就在本週三), 所以溫習的時間也有限呢! (因為星期五, 六, 日要出席 "港大課程")
雖然我日日 "撻上床" 就已經瞓得 "死豬" 一樣, 唯經常發夢 (唔記得夢境), 仲幾乎流口水添! 但係 "壓力" 及 "唔夠瞓" 已經不知不覺得轉變成 "暗瘡" 顯示在面上了! 長了三, 四粒明顯的大瘡, 雙耳內還長了瘡瘡添!
希望快 d 回復正常便好了! 雖然 "瘡瘡" 影響外觀之餘, 還 "谷得皮膚好痛", 不過我會同自己講: o薯..........E 一 D 係 "青春的秘密" 嚟o架! 唔好話比人知呀! (費事人地妒忌我啦!)
最近 "浸大課程" (將完結) 及 "港大課程" (剛開課) 交接, 時候上有一點緊迫, 而且浸大的課程考試燃眉在睫 (就在本週三), 所以溫習的時間也有限呢! (因為星期五, 六, 日要出席 "港大課程")
雖然我日日 "撻上床" 就已經瞓得 "死豬" 一樣, 唯經常發夢 (唔記得夢境), 仲幾乎流口水添! 但係 "壓力" 及 "唔夠瞓" 已經不知不覺得轉變成 "暗瘡" 顯示在面上了! 長了三, 四粒明顯的大瘡, 雙耳內還長了瘡瘡添!
希望快 d 回復正常便好了! 雖然 "瘡瘡" 影響外觀之餘, 還 "谷得皮膚好痛", 不過我會同自己講: o薯..........E 一 D 係 "青春的秘密" 嚟o架! 唔好話比人知呀! (費事人地妒忌我啦!)
1..2..3... 笑!!
今日係我家庭的中秋晚飯日, 我地提早送贈生日禮物比亨亨, 當佢收到數碼相機之時, 好有心機的跟 KK 姑姐學習攝影
然後.........已經要自已話事啦 (影什麼), 唔好以為 "人仔細細"的佢什麼都唔識, 原來佢都學得有板有眼架! (睇o下下面的圖片啦)
而且佢仲為數碼相機加添左一項 "新功能", 就係 "連環快拍" o勒! 佢唔理 "三七廿一" 不論相機 ready (預備好) 未, 一味 "狂按" 拍攝鍵, 超攪笑!
亨亨說: KK 姑姐, 擺甫士, 笑............ (設計對白) 結果真係 "影左" 姑姐架, 仲影得唔錯添, 果然有攝影天份啊!
然後.........已經要自已話事啦 (影什麼), 唔好以為 "人仔細細"的佢什麼都唔識, 原來佢都學得有板有眼架! (睇o下下面的圖片啦)
而且佢仲為數碼相機加添左一項 "新功能", 就係 "連環快拍" o勒! 佢唔理 "三七廿一" 不論相機 ready (預備好) 未, 一味 "狂按" 拍攝鍵, 超攪笑!
亨亨說: KK 姑姐, 擺甫士, 笑............ (設計對白) 結果真係 "影左" 姑姐架, 仲影得唔錯添, 果然有攝影天份啊!
星期日, 9月 14, 2008
中秋節禮物
今日原要返 8.5 個鐘的課, 由早上 10:00 至 晚上 8:30, 嗄.....中秋節喎!! 有無攪錯?
無攪錯, 因為 "鬼佬" 係無中秋節架! 因此我地只可 "屈服" 囉! 幸好學校的職員一早同教授講過: 今天係中國人的大節日 -- 中秋節, 如果可以提早教畢課程, 安排學生早一點放學吧!
結果同學們好齊心的放棄多段小休時間 及 晚餐時間, 一口氣的從下午 2:00 上到晚上 7:00, 終於教得晒 d 筆記啦! 但係同學們 "收得到" 幾多卻另議
收到 e 一份 "喜出望外" 的禮物, 大家都好開心, 約朋友去玩的去玩, 約家人晚飯的晚飯, 而我.......就選擇盡早歸家 "攪網上學習系統" 的註冊 (之前太忙還未整), 然後盡早休息, 想必 e 個係我懂事以來, 最收會周公的中秋節啊!
多謝 "鬼音教授" 及 各同學的合作!!
無攪錯, 因為 "鬼佬" 係無中秋節架! 因此我地只可 "屈服" 囉! 幸好學校的職員一早同教授講過: 今天係中國人的大節日 -- 中秋節, 如果可以提早教畢課程, 安排學生早一點放學吧!
結果同學們好齊心的放棄多段小休時間 及 晚餐時間, 一口氣的從下午 2:00 上到晚上 7:00, 終於教得晒 d 筆記啦! 但係同學們 "收得到" 幾多卻另議
收到 e 一份 "喜出望外" 的禮物, 大家都好開心, 約朋友去玩的去玩, 約家人晚飯的晚飯, 而我.......就選擇盡早歸家 "攪網上學習系統" 的註冊 (之前太忙還未整), 然後盡早休息, 想必 e 個係我懂事以來, 最收會周公的中秋節啊!
多謝 "鬼音教授" 及 各同學的合作!!
星期六, 9月 13, 2008
想死 <*_*>
尋日返工雙手無時停, 為的係 "趕住" 超準時收工, 因為要在 6:30 pm 趕赴九龍灣返學, 要知道放工的繁忙時間, 得 30 分鐘要從尖沙咀去九龍灣, 談何容易呢? 最後只能在 7:00 pm 抵達, 好彩有新相識 (開學日識) 的同學仔幫我揾位咋!
教授從英國空運抵港, 一口外國口音的英語, 實在令英語 "半斤八兩" 兼 "土生土長" 的我聽唔慣, 而且佢的說話速度超快, 尤如睇緊 "明珠台的新聞報導", E 3.5 鐘確實唔易過, 我用十成功力 (超級留心) 的開動腦內翻譯軟件, 也只聽懂 7-8 成, 有時候佢說話急起來, 就只剩下 5-6 成了, 好辛苦啊!
今日...........又要返 2:30 pm - 6:30 pm, 然後 7:30 pm - 9:30 pm
第一節課因為精神狀態好一點, 容易留心聽課, 而且教授說話也比昨晚慢了一點點, 晚飯後, 飯氣攻心, 噢................睡魔積極引誘我, 我顧得和它抗衡, 卻顧不得集中精神上課啊!
演講廳 (課室) 的椅子活像小學生的音樂椅 (連手柄及桌那款, 俗稱 BB 櫈) 前後兩行坐位相距 "好窄" (雙腳只得屈住), 坐在椅上唔敢亂郁, 怕騷擾附近同學 (一整行椅相連的, 一人郁動, 相連幾個位也感受得到)
昨晚走的時候, 企起身才發現雙腳 "硬了" (血液唔流通所致), 頸梗膊又痛 (因為大家成年人, 身高也差不多, 上身 及 條頸 免得成日郁, 怕阻擋後面同學視線), 加上演講廳的溫度 "時冷時熱 (焗)", 令人的體溫無所適從
今日除左 "腳梗", "頸梗膊又痛", 還加上眼累 及 精神疲憊添! 唔敢想像明日的 8.5 鐘點過呀! (又怕教唔晒筆記, 因為我地已經 "大墮後" 了), 真的有點 "想死" 的感覺啊! (累到想死, 最好揾人 "揼死 (骨) " 我啦!)
教授從英國空運抵港, 一口外國口音的英語, 實在令英語 "半斤八兩" 兼 "土生土長" 的我聽唔慣, 而且佢的說話速度超快, 尤如睇緊 "明珠台的新聞報導", E 3.5 鐘確實唔易過, 我用十成功力 (超級留心) 的開動腦內翻譯軟件, 也只聽懂 7-8 成, 有時候佢說話急起來, 就只剩下 5-6 成了, 好辛苦啊!
今日...........又要返 2:30 pm - 6:30 pm, 然後 7:30 pm - 9:30 pm
第一節課因為精神狀態好一點, 容易留心聽課, 而且教授說話也比昨晚慢了一點點, 晚飯後, 飯氣攻心, 噢................睡魔積極引誘我, 我顧得和它抗衡, 卻顧不得集中精神上課啊!
演講廳 (課室) 的椅子活像小學生的音樂椅 (連手柄及桌那款, 俗稱 BB 櫈) 前後兩行坐位相距 "好窄" (雙腳只得屈住), 坐在椅上唔敢亂郁, 怕騷擾附近同學 (一整行椅相連的, 一人郁動, 相連幾個位也感受得到)
昨晚走的時候, 企起身才發現雙腳 "硬了" (血液唔流通所致), 頸梗膊又痛 (因為大家成年人, 身高也差不多, 上身 及 條頸 免得成日郁, 怕阻擋後面同學視線), 加上演講廳的溫度 "時冷時熱 (焗)", 令人的體溫無所適從
今日除左 "腳梗", "頸梗膊又痛", 還加上眼累 及 精神疲憊添! 唔敢想像明日的 8.5 鐘點過呀! (又怕教唔晒筆記, 因為我地已經 "大墮後" 了), 真的有點 "想死" 的感覺啊! (累到想死, 最好揾人 "揼死 (骨) " 我啦!)
星期五, 9月 12, 2008
出事了........兒童數碼相機
尋晚一食飽飯便 "忙........忙........忙........." 忙什麼????
忙著幫姪仔的數碼相機入電芯, 由於它的 "入電位" 在機底, 而且還要用上超小型的螺絲批 (類似修理眼鏡果 D) 去開關 "入電位" 的蓋, 故此對於 "揸螺絲批" 唔叻的女子 (如我) 有一定難度, 原意係怕哥哥家中無超小型的螺絲批, 又怕爸爸唔夠眼力去做, 才自告奮勇啫!
哎呀!!! 終於入好電, 關好蓋, 快 D 試機先!
咦..........點解螢幕內的左下角不停有一個 "電芯" 標誌在閃動的? 是唔夠電嗎? (我的電芯剛剛新買的啊!) 反覆試過幾次 (換過不同的電芯), 結果也一樣, 而且.......還有一點 "捉蟲" 的感覺, 因為螢幕的顏色好似黑白o甘 (係唔夠電所致嗎? 還是螢幕壞了呢?)
拍攝左一, 兩張相片, 似乎質素麻麻地, 也許接駁至電腦才會好一點 (不過我又懶得在家中電腦安裝軟件), 朋友 J 來電了.... 申訴她的相機 "螺絲滑牙", 關不上蓋, 更遑論試機影相呀!!
E 部機攪到我地 "忟忟地" 呀!!! 難道我真的食飽飯無XX??? (攞苦來辛麼?) 明天要和朋友 J 一齊整盒取回店內查詢及更換先 (又要渡過一個 "超趕" 的午餐啊!)
忙著幫姪仔的數碼相機入電芯, 由於它的 "入電位" 在機底, 而且還要用上超小型的螺絲批 (類似修理眼鏡果 D) 去開關 "入電位" 的蓋, 故此對於 "揸螺絲批" 唔叻的女子 (如我) 有一定難度, 原意係怕哥哥家中無超小型的螺絲批, 又怕爸爸唔夠眼力去做, 才自告奮勇啫!
哎呀!!! 終於入好電, 關好蓋, 快 D 試機先!
咦..........點解螢幕內的左下角不停有一個 "電芯" 標誌在閃動的? 是唔夠電嗎? (我的電芯剛剛新買的啊!) 反覆試過幾次 (換過不同的電芯), 結果也一樣, 而且.......還有一點 "捉蟲" 的感覺, 因為螢幕的顏色好似黑白o甘 (係唔夠電所致嗎? 還是螢幕壞了呢?)
拍攝左一, 兩張相片, 似乎質素麻麻地, 也許接駁至電腦才會好一點 (不過我又懶得在家中電腦安裝軟件), 朋友 J 來電了.... 申訴她的相機 "螺絲滑牙", 關不上蓋, 更遑論試機影相呀!!
E 部機攪到我地 "忟忟地" 呀!!! 難道我真的食飽飯無XX??? (攞苦來辛麼?) 明天要和朋友 J 一齊整盒取回店內查詢及更換先 (又要渡過一個 "超趕" 的午餐啊!)
木糠布甸
朋友 T 於日前送來了 "木糠布甸", 可惜我 E 幾晚也有約會及返學, 未能抽空試食, 尋晚終於有時間試食了
一開蓋, 嘩.........."瑪莉餅" 超級香噴噴呀!! 令人回想起小時候的餅乾美食, 試一啖先....咦!!! 唔知係唔係我雪左幾晚, "畢" 落去唔似我想像中的 "軟滑" 喎 (有少少硬), 至於味道呢................唔太甜, 不過又好似 "淡左" 少少o甘 (我好似好難服侍啊)
其實今次係我 "第一次" 食木糠布甸, 因此無得比較, 但係呢..........我懷念上次的楊枝甘露多一點! 多謝晒!! (要開始 "禁制" 自己食甜品, 否則.......我快要變肥婆了)
一開蓋, 嘩.........."瑪莉餅" 超級香噴噴呀!! 令人回想起小時候的餅乾美食, 試一啖先....咦!!! 唔知係唔係我雪左幾晚, "畢" 落去唔似我想像中的 "軟滑" 喎 (有少少硬), 至於味道呢................唔太甜, 不過又好似 "淡左" 少少o甘 (我好似好難服侍啊)
其實今次係我 "第一次" 食木糠布甸, 因此無得比較, 但係呢..........我懷念上次的楊枝甘露多一點! 多謝晒!! (要開始 "禁制" 自己食甜品, 否則.......我快要變肥婆了)
星期四, 9月 11, 2008
「及格」的姑姐
今日 lunch 開行 turbo (超高速) o甘食, 為的就係和朋友 J 一同趕赴 「玩具反斗城」購物。(由街頭行去街尾)
她的姪女今日舊曆生日, 而我的小亨亨也快將生日了 (細過佢姪女半個月), 我地各自買左一部 "兒童專用的數碼相機", 原價 $659.9 (會員特價 $529.9), 盒內還包括了:
1) 兒童專用的數碼相機 1 部 (要用 3 粒 3A 電芯, 不包括) 內置閃光燈 及 內置記憶卡可存放 93 張相片, 可接駁至電腦, 有 LCD 螢幕即時睇相, 解像度為 640 x 480
2) 接駁至電腦的線
3) 數碼相機保護套 1 個
4) 相片編輯軟件 CD 1 隻
5) 彩色繪筆 3 枝
6) 較剪
7) 圖案貼紙
8) 繪畫簿
9) 顏色紙
10) 膠水
11) 1 年保用
由於手持 「玩具反斗城」的會員卡可享優惠價 (而且免入會費), 朋友和我立即申請 "入會", 申請表格內除了填寫個人資料 (我地), 有一欄可以填上 "兒童" 的資料, 以便享有 「小朋友生日驚喜」優惠, 我當然填寫 "亨亨" 的資料啦!
弊.............亨亨的中文名我就知啫!! 英文名唔知會唔會 "串錯字" 添? (拼音上有幾個可能的, 而我又未正式見過佢的英文名, 點算好呢??) 朋友 J 也面對同一個問題!!!!
最後我憑住 "大無畏" 的精神, 填上佢的個人資料 (靜靜話你知啦........我只記得佢在 10 月 19 日出世, 但係唔記得邊一年呀! 好彩用歲數推算, 才得知結果)
排隊等候比錢期間, 再致電比 King King 確認一下先, 好彩........我總算係一名 「及格」的姑姐!! 亨亨的另一名「及格」姑姐就係 KK 啦, 因為 KK 知道亨亨有影相 (揸機) 的興趣, 因此貴貴都夾份買一部相機比佢, 話從小培養佢喎!
好期待睇o下 「由亨亨出發」 的眼中會看到什麼?
她的姪女今日舊曆生日, 而我的小亨亨也快將生日了 (細過佢姪女半個月), 我地各自買左一部 "兒童專用的數碼相機", 原價 $659.9 (會員特價 $529.9), 盒內還包括了:
1) 兒童專用的數碼相機 1 部 (要用 3 粒 3A 電芯, 不包括) 內置閃光燈 及 內置記憶卡可存放 93 張相片, 可接駁至電腦, 有 LCD 螢幕即時睇相, 解像度為 640 x 480
2) 接駁至電腦的線
3) 數碼相機保護套 1 個
4) 相片編輯軟件 CD 1 隻
5) 彩色繪筆 3 枝
6) 較剪
7) 圖案貼紙
8) 繪畫簿
9) 顏色紙
10) 膠水
11) 1 年保用
由於手持 「玩具反斗城」的會員卡可享優惠價 (而且免入會費), 朋友和我立即申請 "入會", 申請表格內除了填寫個人資料 (我地), 有一欄可以填上 "兒童" 的資料, 以便享有 「小朋友生日驚喜」優惠, 我當然填寫 "亨亨" 的資料啦!
弊.............亨亨的中文名我就知啫!! 英文名唔知會唔會 "串錯字" 添? (拼音上有幾個可能的, 而我又未正式見過佢的英文名, 點算好呢??) 朋友 J 也面對同一個問題!!!!
最後我憑住 "大無畏" 的精神, 填上佢的個人資料 (靜靜話你知啦........我只記得佢在 10 月 19 日出世, 但係唔記得邊一年呀! 好彩用歲數推算, 才得知結果)
排隊等候比錢期間, 再致電比 King King 確認一下先, 好彩........我總算係一名 「及格」的姑姐!! 亨亨的另一名「及格」姑姐就係 KK 啦, 因為 KK 知道亨亨有影相 (揸機) 的興趣, 因此貴貴都夾份買一部相機比佢, 話從小培養佢喎!
好期待睇o下 「由亨亨出發」 的眼中會看到什麼?
自療良方
心情低落之時, 想起了借 e 首歌來宣洩鬱悶。
當中提及的舊記憶, 不只一個他, 還有好多包含其他人的故事 (如: 親人的離世, 舊同事的離職, 朋友的改變, 自己思想的改變, 同學在學習上的唔合作, 面對 "麻煩人" 的衝擊等等)
假使有日能忘記
曲:黃尚偉 詞:梁芷珊
*為什麼不可以 忘掉記憶中許多
埋藏內心中傷感事宜
為什麼不可以 重新將心清洗一次
如從頭活過一切再開始
永遠心中背負著往時
何以我說易行難太不智*
#舊記憶 講不出有多痛
時刻隱隱作痛 常無意中觸碰
舊記憶 全沒法解釋心裡
假使有日為了妳
假使有日能忘記 因妳#
Repeat * #
抱歉心中所載已很多
放不低的真太多
抱歉未知妳路過
假使真有日能忘記 從前的
Repeat #
當中提及的舊記憶, 不只一個他, 還有好多包含其他人的故事 (如: 親人的離世, 舊同事的離職, 朋友的改變, 自己思想的改變, 同學在學習上的唔合作, 面對 "麻煩人" 的衝擊等等)
假使有日能忘記
曲:黃尚偉 詞:梁芷珊
*為什麼不可以 忘掉記憶中許多
埋藏內心中傷感事宜
為什麼不可以 重新將心清洗一次
如從頭活過一切再開始
永遠心中背負著往時
何以我說易行難太不智*
#舊記憶 講不出有多痛
時刻隱隱作痛 常無意中觸碰
舊記憶 全沒法解釋心裡
假使有日為了妳
假使有日能忘記 因妳#
Repeat * #
抱歉心中所載已很多
放不低的真太多
抱歉未知妳路過
假使真有日能忘記 從前的
Repeat #
星期三, 9月 10, 2008
no pain, no gain
英文當中有一句說話: no pain, no gain (不痛, 不賺)
其實同中國人的: 「失敗乃成功之母」 同出一轍, 小朋友學行, 未跌過又點會學得識呀?
最近成日聽人講:「跌唔緊要, 最重要係記住在邊度跌低, 日後就在邊度企返起身」句子意思幾o甘勵志呀, 但做得出的又有幾多個人呀?
如果你曾經跌過 "一鑊好金" 的, 恭喜晒你!!
唔係講笑, 因為你人生中的 "傷心配額" 又少了一席位, 意味住 "開心的事" 發生在你身上的頻率多一點, 不是麼? 好奇怪的道理啊!
最近到過某一處, 也許觸動了一些神經, 發現舊日的傷口又痛了, 才忽發奇想吧! 我多無聊呢。
其實同中國人的: 「失敗乃成功之母」 同出一轍, 小朋友學行, 未跌過又點會學得識呀?
最近成日聽人講:「跌唔緊要, 最重要係記住在邊度跌低, 日後就在邊度企返起身」句子意思幾o甘勵志呀, 但做得出的又有幾多個人呀?
如果你曾經跌過 "一鑊好金" 的, 恭喜晒你!!
唔係講笑, 因為你人生中的 "傷心配額" 又少了一席位, 意味住 "開心的事" 發生在你身上的頻率多一點, 不是麼? 好奇怪的道理啊!
最近到過某一處, 也許觸動了一些神經, 發現舊日的傷口又痛了, 才忽發奇想吧! 我多無聊呢。
星期二, 9月 09, 2008
我的 「新花名」
最近電視劇 「溏沁風暴 之 家好月圓」 heat 爆 (熱爆) 全城。
KK 每日追看之餘, 週末還替我上一課 "重點好笑" 推介添!! (因為我無每晚收睇, 只係間唔中睇o下, 碰啱尋晚有睇, 覺得 "嘉美" 真係超奸啊! 好似 d 奸妃o甘)
今日朋友 J 說某人似 "嘉美" o甘, 做錯唔會認, 而且仲會 "使計" 令旁人覺得佢被屈 (欲蓋彌彰) 添!
所以佢話我這個人 (角色) 就似足 "阿月" 了 (得個 "做" 字, 有 "福" 輪不到你享, 仲要被人誣蔑你針對 "嘉美", 更被別人 "口口聲聲" 說 "攞女", 不被尊重之餘, 感覺仲好委屈添!)
估唔到我成為"阿慶" (啞子吃黃蓮, 有苦說不出) 之後, 又演變成 "阿月" 了。大家臨近中秋, 人人也 「中晒電視劇毒」呀!!
KK 每日追看之餘, 週末還替我上一課 "重點好笑" 推介添!! (因為我無每晚收睇, 只係間唔中睇o下, 碰啱尋晚有睇, 覺得 "嘉美" 真係超奸啊! 好似 d 奸妃o甘)
今日朋友 J 說某人似 "嘉美" o甘, 做錯唔會認, 而且仲會 "使計" 令旁人覺得佢被屈 (欲蓋彌彰) 添!
所以佢話我這個人 (角色) 就似足 "阿月" 了 (得個 "做" 字, 有 "福" 輪不到你享, 仲要被人誣蔑你針對 "嘉美", 更被別人 "口口聲聲" 說 "攞女", 不被尊重之餘, 感覺仲好委屈添!)
估唔到我成為"阿慶" (啞子吃黃蓮, 有苦說不出) 之後, 又演變成 "阿月" 了。大家臨近中秋, 人人也 「中晒電視劇毒」呀!!
送給「大王」的見面禮
今日係我地一班靚女的大日子, 因為朋友 N 終於可以 "出山" 和我地見面啦!
之前佢懷孕的時候, 好多時出席不了我地的約會, 因為胃口及健康問題, 今日我地相約左放工後, 到佢家中和佢的 「大王」面聖。
朋友 I 預備左一架 "毛絨質地的粉籃色車車" 公仔, 再加上佢和朋友 J 的祝福小利是 (車頂上), 用彩帶包裝好, 你地睇..........幾靚。 淨係心思都值 100 分啦!
祝「大王」健康愉快的成長, 孝順父母!
之前佢懷孕的時候, 好多時出席不了我地的約會, 因為胃口及健康問題, 今日我地相約左放工後, 到佢家中和佢的 「大王」面聖。
朋友 I 預備左一架 "毛絨質地的粉籃色車車" 公仔, 再加上佢和朋友 J 的祝福小利是 (車頂上), 用彩帶包裝好, 你地睇..........幾靚。 淨係心思都值 100 分啦!
祝「大王」健康愉快的成長, 孝順父母!
嘩....跳芭蕾舞的娃娃
朋友 J 的姪女將於本週四舊曆生日 (意味住亨亨半個月之後便舊曆生日了), 朋友 I 送上了一盒 「跳芭蕾舞的娃娃」玩具, 好靚架!
如果我細個的時候, 有 D o甘靚的玩具玩就好了, 記得我第一個, 亦係唯一一個的 "芭比公仔", 好似係小學 5、6 年班時擁有的, 總之 "有" 總好過 "無" 呀 (即使遲一點), 係唔係?
訂閱：
文章 (Atom)
